Lygalaupur

er Obama.

Að lesa yfirlýsingarnar og bera saman við staðreyndirnar sýna að maðurinn er veruleikafirrtur. Það var happ fyrir mannkynið að Hillary Clinton sem ætlaði að halda lyginni og stríðsæsingunum áfram var ekki kosin.

Nú tekur Trump við sem ætlar að endurreisa Bandaríkin.Það verður tilbreyting frá lygalaupnum Obama.

Meinvættir

virðast ráða för í þróunarmálum Reykjavíkur. Það er sama hvar niður er borið um það sem til framfara og úrlausna brýnna verkefna heyrir, allstaðar rekast menn á einhverja meinbugi sem borgaryfirvöld láta hindra för. Það virðast allstaðar vera einhverjir meinvættir á ferð sem gera allt ómögulegt nema að gera ekki neitt.

Frá því er skýrt í Morgunblaðinu að Flugfélag Íslands hafi árið 2013 sótt um að fá að gera endurbætur á gömlu bröggunum sem eru notaðir til að afgreiða nærri 2000 manns á dag á Reykjavíkurflugvelli. Félagið hefur boðist til að hafa byggingarnar úr niðurtakanlegum einingum eða á hvern þann hátt sem gæti verið þóknanlegt yfirvöldum. Til þessa dags hafa þeir aðeins verið hunsaðir og ekki einu sinni hvorki fengið hvorki neitanir né vífillengjur, bara þögnina eina.

Hjálmar Sveinsson og Dagur Bergþóruson eru þeir sem með öll reiðhjólavöld í Reykjavík fara. Þetta háttalag er þeim auðvitað líkt. Dagur gefur hinsvegar reglulega yfirlýsingar um að nú ætli hann að láta byggja svo og svo margar félagslegar leiguíbúðir. Nú síðast lét hann dekka fyrir sig borð úti á víðavangi þar sem hann tilkynnti um næstu tugi slíkra bygginga til viðbótar við þær þúsundir sem hann hefur áður lofað. Og þetta var auðvitað myndað í bak og fyrir að hætti Dags. Sumir segjast enn vera að  leita að þessum byggingum öllum en finna víst lítið. Enda víst næsta fátt verið byggt af þessum sífelldu Pótemkíntjöldum Dags Bergþórusonar.

Hinsvegar gengur honum alveg prýðilega að hindra allt sem til framþróunar horfir. Sleppa helst viðhaldi gatna en þrengja aðrar þess meira og standa í vegi fyrir nýjum akreinum fyrir bíla. Sem myndu bara fyllast hvort sem er af fleiri bílum að sögn Hjálmars Sveinssonar reiðhjólasérfræðings í skipulagsmálum Reykjavíkurborgar. Því er betra að gera bara ekki neitt.

En meirihlutinn er víst að bíða eftir nýrri borgarlínu í samstarfi við nýja ríkisstjórn þar sem fyrrum félagi þeirra situr.  Stefnan er því bara að bíða og tala, ekkert byggja né bæta. Það er eiginlega stjórnmálasaga Dags Bergþórusonar í hnotskurn.Honum tókst meira að segja að tala hið mætasta fólk inná að byggja tugmilljarða flugvöll í stað Reykjavíkurflugvallar beint ofan á einu virkasta eldfjalli landsins í Hvassahrauni. Og ekki heyrðist að hann hafi ætlað að borga mannvirkið af lóðapeningnum sínum úr Vatnsmýri heldur væri það þjóðarinnar.

Auðvitað vill þjóðin að Reykjavíkurflugvöllur sé efldur bættur og byggður upp til frambúðar. það eru blindir menn sem sjá ekki hvílík gullnáma og lífsgæði völlurinn gæti orðið þjóðinni ef honum væri sómi sýndur. Nýr ráðherra Jón Gunnarsson virðist gera sér glögga grein fyrir nauðsyn þessa. En hann á þvílíkum forynjum að mæta hjá Reykjavíkurborg sem bara vilja tala og tala um einhver samkomulög sem eiga það sameiginlegt að verða aldrei gerð né til nokkurs leiða vegna þess neikvæða hugarfars sem að baki býr. 

Allt er þetta hörmungarástand hinsvegar á ábyrgð Halldórs Auðars Pírata Svanssonar sem færði Reykvíkingum þessa kumpána, Hjálmar og Dag, aftur á valdastóla eftir að kjósendur höfðu kosið þá frá. Og endurgjaldið er svo lítið að menn undrar stórlega lítilþægni þessa borgarfulltrúa sem í raun hefur öll þeirra ráð í hendi sér.Hans gerð er ekki meiri en þetta.

Halldór Auðar Svansson er því vafalaust dýrasti borgarfulltrúi sem Reykvíkingar hafa nokkru sinni fengið í töpuðum tækifærum mælt. Heil glötuð fjögur ár í framþróun og lífi Reykjavíkurborgar eru ekki neitt smáræði. Hann heldur þeim meinvættum við völd í Reykjavík í trássi við vilja þjóðarinnar og Borgarbúa flestra sem flesta framþróun hindra.

Er Islam löglegt á Íslandi?

Mér barst eftirfarandi hugleiðing um lögmæti Islams á Íslandi sem athugasemd við bloggfærslu mína frá Halldóri Guðmundssyni:

Halldór segir:

"Þetta eru tveir gjörólíkir menningarheimar, sem eiga enga samleið, hafa aldrei gert, og munu aldrei gera.                Langbest væri að kristnir séu sem mest heima hjá sér, og sömuleiðis að múslímar séu sömuleiðis sem mest heima hjá sér.  Ef múslimum tekst ekki að byggja upp siðuð samfélög sem þeir treysta sér til að búa í, geta kristnir lítið að því gert.     Spurt er þurfum við Stjórnlagadómstól svo farið sé eftir Stjórnarskránni?

 Stjórnarskráin 65.gr. "konur og karlar skulu njóta jafns réttar í hvívetna"                                          

Óumdeilt að í Islam njóta konur ekki jafns réttar á við karla.

Þannig að Stjórnarskráin leyfir ekki Islamstrú á Íslandi."

Hvort er þá rétthærra það ákvæði í Stjórnarskránni okkar sem kveður á um trúfrelsi eða ákvæði 65.gr. sem bannar mismunun kynjanna?

Sharíalög mismuna kynjunum. Getur Islam þá verið löglegt á Íslandi?

Af hverju veljum við ekki kristna?

frekar en aðra flóttamenn?

Leiðari Morgunblaðsins fjallar um ofsóknir sem kristið fólk sætir af hálfu fólks af öðrum trúarhópum í mörgum löndum. Þar á meðal löndum þaðan sem við flytjum inn flóttamenn frá.

Þar segir m.a.:

"Trúfrelsi er grundvallaratriði í opnu samfélagi, réttur hvers og eins til að iðka sín trúarbrögð óáreittur og án þess að þurfa að óttast ofsóknir og ofbeldi. Samtökin Open Doors USA birtu í vikunni lista yfir þau lönd þar sem kristnir menn sæta mestum ofsóknum. Á listanum eru 50 lönd og er niðurstaða hreyfingarinnar að þar sæti 215 milljónir kristinna »miklum, mjög miklum eða skefjalausum ofsóknum«, eins og fram kom í frétt í Morgunblaðinu í gær, og fara ofsóknirnar vaxandi.

 

Norður-Kórea er í efsta sæti listans fimmtánda árið í röð. Sómalía er í öðru sæti listans, Afganistan því þriðja og Pakistan í fjórða sæti.

 

Írak og Sýrland hafa færst neðar á listanum, en það kemur ekki til af góðu. Ástæðan er einfaldlega sú að fjöldi kristinna manna hefur lagt á flótta undan ofsóknum hryðjuverkasamtakanna Ríkis íslams. Til marks um það er að fyrir borgarastyrjöldina í Sýrlandi voru kristnir íbúar Aleppo 400 þúsund. Nú eru þeir færri en 60 þúsund að mati Open Doors.

 

Það færist í vöxt að öfgamenn stundi hreinsanir og reyni einfaldlega að flæma kristna menn brott frá ákveðnum svæðum með spellvirkjum á heimilum, kirkjum og heilu þorpunum. Finna megi þessu stað í Nígeríu, Sýrlandi og Írak þar sem farið hafi verið ránshendi um heimili, kirkjur eyðilagðar og vatnsból eitruð til að koma í veg fyrir að íbúarnir sneru aftur.

 

Indland er í fimmtánda sæti listans og hefur aldrei verið jafn ofarlega. Þjóðernissinnar úr röðum hindúa hafa þar verið í fararbroddi og ekki þurft að óttast refsingar. Eftir því sem samtökin komust næst var kveikt í kirkju eða ráðist á prest að meðaltali tíu sinnum í viku á Indlandi frá 31. október 2015 til 31. október 2016. Kristnir menn eru 2% íbúa Indlands, en hindúar 80%. Bresk-indverski listamaðurinn Anish Kapoor segir að undir forustu Narendra Modi hafi verið tekið upp stjórnarfar talibana í hindúaútfærslu. Ofsóknirnar bitna ekki aðeins á kristnum mönnum, heldur einnig múslimum og öllum öðrum sem voga sér að hreyfa mótmælum.

 

Hrikalegt er að lesa lýsingar samtakanna á örlögum ofsóttra kristinna manna. Verst er ástandið í Mið-Austurlöndum. Greint er frá því hvernig kristnir menn flýja heimili sín þótt þeir viti að þeirra kunni að bíða að lenda í höndunum á smyglurum og glæpamönnum. Oft er þeim ekki vært í flóttamannabúðum vegna hópa íslamskra öfgamanna, sem þar hafa hreiðrað um sig.

 

Skelfilegt hefur verið að fylgjast með örlögum þeirra sem hafa flosnað upp vegna átaka í Austurlöndum. Ofsóknir á hendur minnihlutahópum eru óþolandi. Sú herferð á hendur kristnum mönnum, sem lýst er hér að ofan, er ein birtingarmynd slíkra ofsókna þótt ekki hafi hún fengið jafn mikla athygli og ýmis önnur óhæfuverk. Mikið hefur verið gert til þess að vinna að sátt og samráði milli trúarbragða. Það þarf að spyrna við gegn þeim öfgamönnum sem ala á sundrungu og ýta undir ofsóknir á borð við þær sem lýst er hér að ofan."

Íslendingar eru kristin þjóð samkvæmt stjórnarskrá landsins. Hér starfa öfgafélög svo sem Siðmennt og Vantrú og Múslímafélög sem með öskrum og óhljóðum krefjast þess að hér sé bannað að viðurkenna þetta atriði.

Þessi félög og góða fólkið svonefnda gera það að verkum að þegar valdir eru flóttamenn til að flytja til Íslands þá eru fyrst og fremst valdir ekki kristnir og og þá af meiri líkum ómenntað fólk af öðrum trúarbrögðum, fólk sem hefur meiri líkur að falla ekki inn í íslenskt samfélag en kristið menntað fólk.

Við viðurkennum ekki þá staðreynd að Islam eru ekki síður stjórnmálasamtök en trúfélög sem hefur aftur bein áhrif á líkindi fólks úr þessum kerfum til að geta samlagast okkar þjóð. Við tölum hátíðlega um þetta fólk sem fjölmenningarfólk sem við viljum með öllu móti fá sem mest af.

Við setjum lög til að banna að efast um aldur eða uppruna hælisleitenda. Nú eru helstu höfundar dellunnar jafnvel leiddir til æðstu metorða í stjórnkerfinu. Við getum líklega ekki tekið upp 48 tíma reglu Norðmanna gagnvart hælisleitendum vegna eðlis-og einstrengingsgerðar þessa fólks.

Af hverju getum við ekki viðurkennt vanda kristins fólks sem sætir þessum ofsóknum í löndum sem leiðarinn greinir frá? Af hverju getum við ekki vandað val okkar á innflytjendum af einhverri skynsemi og valið fremur kristið fólk en múslíma?

 

 

 

Orð í tíma töluð

hjá Friðriki Pálssyni í Morgunblaðinu hinn 10.janúar s.l.

Friðrik segir:

"Óþægilegt var að sjá það í fjölmiðlum síðustu daga, að einn af dómurum Hæstaréttar, þótt hann hafi ekki dæmt í viðkomandi máli borgarinnar gegn ríkinu, sé hluthafi í Valsmönnum hf. og stjórnarmaður í Hlíðarenda ses. Síðarnefnda félagið fer með hlutafjáreign knattspyrnufélagsins Vals í Valsmönnum hf., samkvæmt upplýsingum frá Brynjari Harðarsyni, framkvæmastjóra Valsmanna hf., í Morgunblaðinu 6. mars 2014.

 

Í dómsmálinu fyrir Hæstarétti var tekist á um það, hvort neyðarbraut Reykjavíkurflugvallar skyldi lokað, en borgarstjóri krafðist þess enda þótt hann væri vel meðvitaður um hversu alvarlegar afleiðingar það myndi hafa fyrir flugöryggi og sérstaklega fyrir sjúkraflug.

 

Forsenda þess að Valsmenn hf, og Hlíðarendi ses, gætu hafið byggingarframkvæmdir eða selt lóðir sínar á Hlíðarendasvæðinu var að neyðarbrautinni yrði lokað. Þessi Hæstaréttardómur skipti því gríðarlegu máli fyrir Valsmenn hf., sem hafa á undanförnum árum þverneitað að gera neinar þær breytingar á byggingaráformum sínum að neyðarbrautin gæti áfram nýst fyrir sjúka og slasaða þegar mikið liggur við. Peningahagsmunir félaganna ganga fyrir.

 

Í Bylgjunni 5. þ.m. lýsir svo Dagur B. Eggertsson því yfir, að »það hefði verið óverjandi að taka á borgina milljarða eða tugmilljarða skaðabætur vegna þess að brautin væri ennþá opin«.

 

Á að skilja orð borgarstjóra þannig að Reykjavíkurborg hafi verið hótað jafnvel tugmilljarða skaðabótakröfu ef brautinni yrði ekki lokað og að borgarstjórinn hafi talið það svo líklegt að þannig skaðabótakrafa yrði samþykkt að hann teldi það óverjandi að taka þá áhættu að leyfa brautinni að standa þar til aðrar lausnir væru fundnar?

 

En er ekki óverjandi að borgarstjóri láti hræða sig með bulli um tugmilljarða skaðabótakröfur sem í þessu samhengi er vitanlega langt utan þess sem gæti nokkurn tímann orðið að veruleika? Óbilgjörn framganga meirihluta borgarstjórnar Reykjavíkur gagnvart notendum flugvallarins í þessari baráttu fyrir lokun neyðarbrautarinnar sýnir að Alþingi verður þegar í stað að bregðast við og tryggja að borginni takist ekki að loka flugvellinum fyrir fullt og allt innan fárra ára, eins og hún hefur ákveðið.

 

Ný ríkisstjórn verður jafnframt að taka málefni Reykjavíkurflugvallar og þá sérstaklega sjúkraflugsins föstum tökum. Ekki er boðlegt að sitja og bíða eftir dauðsföllum vegna rangra ákvarðana, sem lítill vandi er að vinda ofan af. Sjálfsagt er að verða við kröfu sveitarfélaga á landsbyggðinni um tafarlausa opnun neyðarbrautarinnar."

Hér er talað tæpitungulaust um stöðuna eins og hún er. Greinin birtist sama dag og Dagur Bergþóruson Borgarstjóri allra Reykvíkinga í höfuðborg allra landsmanna eyðileggur hófsama tillögu um að gera ráðstafanir til að grípa megi til þessarar brautar þegar aðstæður krefjast.

Er það vansalaust fyrir Alþingi og ríkisstjórn að sitja hjá þegar verndun mannslífa er sett skör neðar en pólitískt bitbein í Borgarstjórn Reykjavíkur á flugvelli allra landsmanna?

Samviskulaus

virðist meirihluti Borgarstjórnar Reykjavíkur vera þegar þeir fella tillögu Framsóknar og Flugvallarvina um að leyfa notkun á neyðarbrautinni á Reykjavíkurflugvelli.

Dagur Bergþóruson kemur með breytingartillögu um að ríkið láti opna neyðarbraut í Keflavík í stað brautarinnar á Reykjavíkurflugvelli. Þessi braut í Reykjavík  er fyllilega nothæf og þær aðstæður eru nýskeðar að opnun hennar gæti bjargað sjúklingum í lífshættu. 

Eigum við að trúa því að ástæður fyrir þvergirðingshætti Dags og meirihluta Borgarstjórnar séu meðfram vegna hagsmuna verktakafyrirtækis?

Skipulagslega er enn hægt að halda byggingunum þessa verktaka með hugsanlega einhverjum breytingum og hafa þessa neyðarbraut tiltæka eftir sem áður. Það er stundum sagt að vilji sé allt sem þarf. En því miður stundum það eina sem algerlega skortir.

Er það samt ekki samviskuleysi að setja björgun  meðborgara sinna úr lífshættu ekki ofar peningalegum eða pólitískum hagsmunum? 

Af hverju eru hér 700 hælisleitendur?

þegar tafarlaus endursending flestra þeirra er heimil samkvæmt Dyflinarreglugerð?

Hversvegna fást engin svör hjá yfirvöldum við spurningum um vaxandi fjölda þessa fólks?

Rjúkandi rústir

eru það sem eftir situr af Vinstri Grænum sem stjórnmálaflokki.

Gersamlegt getuleysi formannsins við að hafa stjórn á flokknum er yfirþyrmandi. Líklega er Katrín Jakobsdóttir einhver ofmetnasti einstaklingur í íslenskum stjórnmálum um þessar mundir. Hún hefur brosað blítt í allar áttir en ekki getað tekið afgerandi afstöðu í neinum málum. Hún hefur látið frekjudalla eins og Svandísi Svavarsdóttur og óstýrilátt unglingagengi hindra stjórn sína á flokknum og rústað möguleikanum á að koma flokknum til áhrifa, líklega um langan aldur. Framtíð VG sem stjórnmálaflokks er vægast sagt mjög í vafa og árangur flokksins í næstu kosningum verður ólíklega mikill.

Formannsskipti hljóta að vera yfirvofandi hjá þessum flokki sem vissulega líkist æ meira sértrúarsöfnuði fremur en hefðbundnum stjórnmálaflokki.

 

Það leggur einnig svartan reyk upp úr rústum Framsóknarflokksins sem hlýtur að kalla á stjórnarbyltingu með afgerandi hætti eigi sá flokkur að eiga sér pólitíska framtíð á næstu misserum. En ellefuhundruð ára saga flokksins í þjóðarsálinni er þó stöðugra veganesti heldur en alræði öreiganna sem VG byggir á.

Það er varla heldur heiður himinn yfir Sjálfstæðisflokknum sem vel getur verið búinn að innsigla lengri tíma  klofning sinn með samstarfinu við Viðreisn, sem getur hryggilega alveg eins lifað næstu kosningar af.

Píratar og Samfylking eru líklega orðnir að þátíð í íslenskum stjórnmálum  og Björt Framtíð mun varla hljóta stór verðlaun kjósenda eftir undangengna hækjutilveru sína.

Það rýkur upp úr rústum flokkakraðaksins íslenska.

Djöflast nú á Bjarna Ben.

allir kommatittir landsins á fésbókinni og víðar.Bara fyrir það eitt að hann er að reyna að búa til starfhæfa stjórn sem Forsetinn hefur falið honum að gera.

Það linnir ekki svívirðingunum og ásökunum um lygar.Allt er tortryggilegt sem maðurinn gerir eða segir.

Benedikt frændi  sleppur að mestu með sína viðskiptasögu.Sem er þó talsvert fjölskrúðuguri en sagan hans Bjarna.

Það er eins og að menn vilji ekki gefa Bjarna sjéns . Það á að murka hann niður fyrirfram.

Er ekki rétt, hvaða skoðun sem sérvitringar eins og ég til dæmis, hafa nú á þessu stjórnarsamstarfi og flokknum Viðreisn, að gefa þessum mmönnunum tækifæri til að segja hvað þeir vilji gera? Þeir eru fjandinn hafi  það að þessu til að reyna að vinna fyrir okkur öll en ekki að gera eitthvað fyrir sjálfa sig eingöngu. 

Hættum að djöflast svona á þessu fólki, látum á það reyna hvað það ætlar að gera í sjómannaverkfallinu og kjarabrotsjóunum framundan. Þetta útlit er alveg nógu skuggalegt án þess að við gerum það verra.

 

Hófsamur múslími?

finnst mér að Salman Tamini hafi verið yfirleitt að kynna sig í umræðum hérlendis.

Skýtur það ekki skökku við þegar maður les þetta:

"

„Farið til helvítis, ef guð lofar. Vinir ykkar munu fylgja ykkur þangað. Frjáls Palestína. Megi Hamas og Jihad Islami sigra.“ Þessi ummæli lét Salmann Tamimi falla í athugasemdakerfi vefsíðu Jerusalem Post, við frétt um útför ísraelskra hermanna. Hermennirnir létust í átökum á Gaza-svæðinu.

Í samtali við Vísi segist Salmann standa við þessi ummæli sín. „Já, menn eru að kalla hermennina hetjur. Þetta eru ekki hetjur. Þetta eru morðingjar sem eru að drepa börnin okkar. Ég sagði þeim bara að fara til helvítis.“

 

Hér má sjá skjáskot af ummælunum.VÍSIR/SKJÁSKOT

Salmann óskar þess að Hamas-samtökin og Jihad Islami vinni sigur í átökunum. „Já, ég óska þess. Þeir eru fulltrúar Palestínu. Ég vona að þeir sigri, burtséð frá minni afstöðu til Hamas. Ísraelsku hermennirnir eru ekkert að drepa Hamas-liða, þeir eru að drepa saklausa borgara. Ég hef áður tjáð mig um þessi mál í athugasemdakerfi erlendra fréttamiðla. Ég hef bent á að Ísrael sé ekki að hlýða ályktunum Sameinuðu þjóðanna. Ef þeir myndu gera það væri Hamas jafnvel ekki til.“

Salmann segist enn og aftur standa við ummæli sín: „Ég vorkenni ekki glæpamönnum sem drepa saklausa borgara.“

Hann vildi líka handhöggva þjófa minnir mig.

Er þetta hið sanna andlit Islam á Íslandi?