Sannleikurinn um Reykjavík:

Holóttar götur, illa hirt rusl, skortur á gæði matar í leikskólum og hækkandi álögur íbúa Reykjavíkurborgar voru umfjöllunarefni Bjarna Benediktssonar forsætisráðherra þegar hann ávarpaði Reykjavíkurþing Sjálfstæðisflokksins sem sett var í Valhöll í gær. Á þriðja hundrað manns sækja þingið samkvæmt upplýsingum frá Sjálfstæðisflokknum, en þingstörfum verður haldið áfram í dag.

 

Reykjavík að missa af því að vera leiðandi

„Reykjavík er borg sem hefur upp á ótalmargt að bjóða. En við finnum fyrir því að borgin hefur ekki verið að sýna sínar bestu hliðar,“ sagði Bjarni en bætti við að vissulega hefði borgin notið góðs af uppgangi í efnahagslífinu almennt á Íslandi og gaman væri að vera í miðborginni þar sem ný veitingahús og nýjar verslanir spryttu upp og allt iðaði af mannlífi. Nefndi hann í því sambandi að ríkisstjórnin hefði greitt skuldir ríkissjóðs hratt niður á undanförnum árum, sem væri ekki aðeins hagkvæmara fyrir ríkissjóð og skattgreiðendur þar með, heldur styrkti það efnahags- og atvinnulíf landsins og kæmi þar öllum landsmönnum til góða.

Í ræðu sinni tók Bjarni sem dæmi að jákvæð afleiðing fjölgunar ferðamanna til höfuðborgarinnar væri að aukið líf hefði færst út í hverfi borgarinnar og að miklu máli skipti að huga að nánasta umhverfi borgarbúa. „Það skiptir máli að færa gæðin líka til úthverfanna. Að Reykvíkingar allir fái að njóta þess sem borgin ætti svo auðveldlega að geta veitt,“ sagði hann í ræðunni.

 

Að sögn Bjarna skiptir höfuðborg miklu fyrir ásýnd hvers lands og þjóðar. „Reykjavíkurborg er að missa af því að vera leiðandi. Hér þarf að úthluta fleiri lóðum, og gera það sem hægt er til að halda jafnvægi milli framboðs og eftirspurnar. Fjölgun íbúa í Reykjavík er engin, samanborið við sveitarfélögin í kring. Þarna er mikið sóknarfæri,“ sagði hann. „Reykjavík á að bjóða fólk velkomið og gera sitt til að halda í þá íbúa sem þegar búa þar.“

Það er nokkuð greinilegur tónninn um það að Bjarni Benediktsson deilir ekki draumsýnum með Degi B. Eggertssyni varðandi núverandi stöðu hennar eftir vistina hjá vinstri mönnum. Ástanið í Reykjavík er bara martröð sem setfnir hraðbyri í að bara versna sem Dagur er lengur við völd.

Sannleikurinn um Reykjavík og framtíðina er allur annar en Dagur heldur.

Alger firring

finnst mér fabúleringar Dags B.Eggertssonar sem Morgunblaðið segir frá á forsíðu í dag.

"Dagur B. Eggertsson, borgarstjóri Reykjavíkur, segir borgarlínuna munu geta tengt Vatnsmýrina við nýjan flugvöll, til dæmis í Hvassahrauni, þegar Reykjavíkurflugvöllur hafi vikið fyrir nýrri byggð.

Borgarlínan er áformað kerfi almenningssamgangna á höfuðborgarsvæðinu og er áætlað að 1. áfangi kosti 30-40 milljarða 2019-2022. Dagur segir borgarlínuna munu skapa tækifæri til að þétta byggð í Reykjavík enn frekar en nú sé áformað. Fyrirhugað íbúðarhverfi í Keldnaholti verði ekki byggt nema með tengingu við borgarlínuna. Þar geti búið fimm þúsund manns.

 

» Ólöf Kristjánsdóttir, verkfræðingur hjá Mannviti og ráð- gjafi vegna borgarlínunnar, ræddi umferðarmál á ráð- stefnu í Ráðhúsinu í gær. » Hún sagði gert ráð fyrir að umferð myndi aukast með tilkomu sjálfkeyrandi bíla. Hins vegar kynni bílunum að fækka ""

Dagur segir þungann í uppbyggingu Reykjavíkur á næsta áratug verða meðfram borgarlínu. Samkvæmt upplýsingum frá borgarstjóra gætu 10-20 þúsund manns bú- ið í Keldnaholti, Höfðahverfi, Skeifunni og á fleiri borgarlínureitum. Lagt verður innviðagjald á þessar íbúðir sem gæti numið milljónum.

Dagur segir tíma mislægra gatnamóta liðinn í Reykjavík. Greining borgarinnar sýni að borgarlínan sé „besti og ódýrasti fjárfestingarkosturinn“. Spurður hvort verkefnið muni kosta 50-150 milljarða segir Dagur 1. áfanga verða mun ódýrari.

Hann segir borgarlínuna verða tengda við fyrirhugaða fluglest frá Keflavíkurflugvelli að BSÍ. Tugprósenta vöxtur í ferðaþjónustu á ári kalli á nýja innviði. Til dæmis sé því spáð að hótelherbergjum í borginni fjölgi úr 5.200 í ár í 7.400 árið 2020."

Ekki stendur á því að leigja verkfræðinga til að taka undir bullið.Sú stétt virðist ekki vera í vandræðum með að mæla það sem aðrir vilja heyra.

Þetta er þveröfugt við á þróun nútíma þjóðfélaga sem maður hefur fyrir augunum hér í Orlando. Þar byggist allt á samgöngum í einkabílum, mislægum gatnamótum á mörgum hæðum, fragtlestum sem ganga með varning langa vegu, strætóum fyrir þá fátækustu. Skólabílar aka börnunum, hverfin eru lágreist og falleg þar sem 3  einkabílar standa gjarnan í innkeyrslunni. Götur eru hreinar og breiðar og skógi vaxnar.

Ég hugga mig við það að eftir ár muni enginn muna eftir Degi B. Eggertssyni né þeim tillögum hans að byggja flugvöll fyrir 150 milljarða ofan á virku eldfjalli rétt við akbrautir annars fullkomins flugvallar. Mér finnst eiginlega afrek að geta látið svona vanhugsun frá sér fara.

Hvergi í heiminum er að finna þróun borga sem líkjast draumsýnum vinstri manna í Borgarstjórn Reykjavíkur.  Þessi maður Dagur B. Eggertsson er haldinn algerri firringu á öllu sem nútíma samfélag framækinnar þjóðar byggir á. 

 

 

Háð og spott

fannst mér vera okkur sýnt þegar svo uppnefndur "Ólafur Ólavíus" kom á fund Rannsóknarnefndar Alþingis.

Mér fannst hann gera svoleiðis grín að nefndarfólkinu og okkur öllum hinum og teygja uppblásna nefndarmennina á eyrunum út í hverja ófæruna af annarri meðan hann var bara að nota þá til að auglýsa sjálfan sig um heimsbyggðina.Til dæmis þykir lítið fínt hér í USA að vera Ex-con. betra að vera greinilega hafður fyrir ósanngjarnri sök þar sem málið er rekið fyrir Alþingi.

En við eigum ekki að vera svoleiðis heldur bara að gleyma ogog let bygones vera bygones.

Minnisleysi var eitt af því sem hann notaði til að grínast með á viðburðinum og allir skildu það á sinn hátt. He he!

Og enginn er nokkru nær um það hvert aurarnir mörgu fóru né hvar þeir eru núna annarsstaðar en í vösum Ólavíusar. Er þetta ekki annars megasjó?

Mér fannst hann ekki mættur í þeim tilgangi að rökræða eitt eða neitt eða útskýra, hann var bara að skemmta sér að sprella með þetta fólk. Hann hefði þessvegna getað komið með vin sinn Elton John með sér svo að viðstaddir hefðu haft einhverja skemmtun út úr þessu líka eins og hann.

Mér fannst hann vera bara að auglýsa sjálfan sig og snilld sína og nota nytsama sakleysingja eins og þessa nefndarmenn og fréttamenn til þess að búa til umgjörðina. Því maðurinn er óneitanlega snjall og hugmyndaríkur.

Ég þekki hann ekki neitt sat með honum í Verslunarráðinu þar sem hann var góður og prúður félagi en ekki margmáll. Síðar eignaðist ég lítið hlutabréf í Olíufélaginu og sata þar flotta fundi. Skyndilega var mér tilkynnt að Ólavius væri búinn að taka löglega af mér bréfið og síðan ekki söguna meir. Ég er fúll síðan því það var gaman að vera hluthafi þar og sitja með SÍS furstunum.

Þessi maður hefur bæði kjark, þor og snilld til að bera að fara þessa leið. Hvort hann hefði lagt í þetta í Bandaríkjunum að fara fyrir þingnefnd er hinsvegar önnur saga.

Það var sögð sú gamansaga að þegar þessi maður  þurfti að fara suður fra´Kvíabryggju til að gera bísnessa þá tilkynnti hann að hann væri að fara í fjallgöngu. Svo kom þyrlan hans bak við næsta hól og flutti hann fram og til baka. Þetta hlýtur nú samt að vera bara vera lygasaga er það ekki?.

Menn hafa ekki áttað sig á hvað þessi maður sem koma á fund nefnarinnar þar sem sitja aðallega "icelandic countrymen" og tæplega það, er sniðugur og og hefur gaman að því að gera grín að öllu prumpinu em hæst fer á leiksviði hins opinbera málflutnings á Íslandi  þar sem allt er í raun í gríni og háð pólitík.

Hann heldur öllu sem hann hefur náð til sín allt frá því að vaxtasnillingurinn Sverrir Hermannsson rétti honum Samskip upp í hendurnar og Ólavius margfaldaði með snilld sinni.

Þessi maður hefur algera yfirburði yfir þetta aumingjans fólk í okkar opinberu stjórnsýslu og gerir að mér fannst stólpagrín af þeim og okkur öllum hinum vitleysingunum. 

Hann gerir það sem honum sýnist og hefur gaman af að láta okkur halda að við séum einhver númer.Ekki dettur honum í hug að sitja við sama borð og Íslendingar hvað varða rekstur á flutningabílum Samskipa til dæmis. Hverjir okkar borga gjöld  ef þeir ekki þurfa þess?

Afburða maður sem hefur okkur að háði og spotti eins og Ugluspegill gerði í den.

Kunst kommt nicht vom wollen sondern können sagði Dr. Göbbels við Söru Leander á sinni tíð.Ólavíus kann.

Maðurinn er hinsvegar búinn að afplána sinn dóm. Eigum við ekki að hætta að ofsækja hann fyrir og taka hann í sátt. Hann er snjall og er búinn að gera marga góða hluti líka fyrir samfélagið. Gleyma þessu öllu og horfa bara jákvætt fram á veginn. Ég ætla að reyna að gera það.

Háð og spott er alltaf skemmtilegt, sérstaklega þegar  þegar þeir sem fyrir því verða skilja það ekki.  

Hversvegna er ekki farið að lögum?

og hælisleitendum frá öruggum löndum vísað samstundis brott með næstu ferð? Af hverju er íslenskir embættislýður með heimildarlausar sértúlkanir á alþjóðalögum?

Af hverju gefur Sigríður Andersen ekki út fyrirmæli?

Björn Bjarnason skrifar um málið í dag m.a. svo:

"....Stefna stjórnvalda Sé ekki gripið til aðgerða sem duga eykst vandinn innan lands. Fólki fjölgar sem bíður hér eftir brottflutningi til heimalands síns, oft við erfiðar aðstæður. Allt leggst þetta einnig með miklum þunga á íslenska skattgreiðendur.

„Hvert mál er þó skoðað sérstaklega á eigin forsendum með tilliti til viðeigandi upplýsinga á hverjum tíma og það eitt að hælisleitandi sé frá ríki á listanum getur aldrei leitt til þess að Útlendingastofnun taki mál hans ekki til skoðunar eða synji umsókn hans án undangenginnar rannsóknar“

segir á vefsíðu Útlendingastofnunar um umsóknir fólks frá öruggum ríkjum. ..."

Hvaða bull er þetta sem kostar okkur skattgreiðendur milljarða? 

Burt með þetta lið umsvifalaust og förum að alþjóðalögum.

Ég kýs ekki

stjórnmálaflokka sem styðja þetta Borgarlínumál og aukna skattheimtu né einstaka pólitíkusa í prófkjörum.

"Sveitarfélögin á höfuðborgarsvæðinu horfa til skattheimtu sem fjármögnunarleiðar fyrir borgarlínuna.

Þorsteinn R. Hermannsson, samgöngustjóri Reykjavíkur, kynnti í vikunni undirbúningsvinnu sveitarfélaganna vegna þessa verkefnis. Þar ræddi hann meðal annars um hækkun eldsneytisskatta, vegtolla og gjaldtöku af bílastæðum sem leiðir til að fjármagna verkefnið. Þá nefndi hann sértæka skatta á uppbyggingu fasteigna nærri nýjum samgöngukerfum. Sú leið tengist svonefndum innviðagjöldum.

Benedikt Jóhannesson fjármálaráðherra sat kynningu Þorsteins. Benedikt segir málið verða skoðað af alvöru. Þá minnir hann á að getið sé um samstarf ríkis við sveitarfélög um borgarlínuna. Rætt sé um að verkefnið kosti 50-150 milljarða. Fram kom í umræddri kynningu Þorsteins að skipulagsyfirvöld í Reykjavík hefðu gert drög að blandaðri byggð á svæði Reykjavíkurflugvallar. Þá byggð á að tengja borgarlínu. Samkvæmt kynningu Þorsteins skýrast næstu skref í uppbyggingu borgarlínu í sumar. »

Megi þeir Borgarlínumenn aldrei þrífast og ég kýs þá ekki.

 

Einbeittur brotavilji

Borgarstjórnar Reykjavíkur birtist í nýrri tillögu að breytingum á Aðalskipulagi.

Sem sjá má er reitur 19 kominn yfir Reykjavíkurflugvöll og búið að kála Fluggörðum inn í Háskólann.

Þar hyggst meirihlutinn rífa eignir fólks bótalaust og auðvitað gefa skít í vilja 70 % þjóðarinnar um að viðhalda flugvellinum. Eina huggunin er sú að það styttist í kosningar og þessu liði Hjálmari og Degi verður þá væntanlega komið frá og Halldór Pírata ekki hvað síst em hefur neytt þá ofan í kjósendur þó að þeir hafi tapað síðustu kosningum.

Aðalskipulagið segir að það vanti að fjölga íbúðum um 30 % til 2030 sem er handan við hornið. Það verður fróðlegt að sjá hvernig þeir kumpánar gera það eftir að hafa byggt næstum ekki neitt alla sína amtstíð, samtímis að leggja Borgarlínu fyrir hundrað milljarða og álagningu innviðagjalds.

Ég velti enn fyrir mér af hvaða öld þessir menn Dagur og Hjálmar ersvo maður tali ekki um Píratann  þegar maður horfir á lífið hér í Orlando þar sem þoturnar streyma niður allan daginn og bílaumferðin rennur eftir átta akreinum á helstu götum og brýr liggja á þremur hæðum á hnútapunktum. Ég er sannfærður um að svona fólk væri talið geðveikt hérna ef það kæmi með samsvarandi tillögur og er að finna í þessu nýja plaggi kumpánanna.

Jú, það er Borgarlína hérna í Orlando í formi strætóa með ógagnsæjar rúður svo að eymdin sé ekki sýnileg. En farþegarnir eru fátæklingarnir sér maður á stoppistöðunum.Allir sem vettlingi geta valdið eyra á bílum auðvitað, því Bandaríkin eru víðlend og strjálbýl og vonlaust að ferðast um öðruvísi en á bíl. Hvernig ætti fólk að geta farið út í búð til að kaupa mat öðruvísi?

 

Það sama gildir auðvitað um höfuðborgarsvæðið og allt Ísland. Það stappar nærri sturlun að hugsa sér lífið án einkabíla, akreina og flugs. Hvernig í veröldinni dettur Sjálfstæðismönnum í sveitarstjórnum umhverfis Reykjavík að taka þátt í þessu Borgarlínubulli Dags og Hjálmars? Eru þeir yfirleittt viðræðuhæfir um nútímaviðfangsefni?

Ég skora á fólk að kynna sér þetta skipulagsplagg sem er uppfullt af þvílíku kratakjaftæði að það hálfa væri nóg. Það er ekki seinna vænna að Sjálfstæðismenn hefji kosningabaráttuna strax til að koma þessu endemisliði frá völdum. Það mun taka mörg ár að vinda ofan af þeirri vitleysu sem þessir kumpánar eru búnir að framkvæma.

Það er verk að vinna framundan að lagfæra skaðann sem þeir eru búnir að valda í skipulagsmálum  með einbeittum brotavilja sínum.

Jón Ólafsson ritstjóri

alþingismaður, skáld,rithöfundur, bókavörður, kennari, var langafi minn og dó 1916, aðeins 66 ára að aldri.

Kristín Guðmundsdóttir Hólakots lék sér sem stelpa við Garðshorn þar sem Jón Ólafsson bjó síðast og hýsti þar Pál skáld sem hann kallaði ávallt albróður sinn þó hálfbræður væru.´Hún sagði við mig, "það var voðalegt skap í honum Jóni". Líklega verið skömmóttur við krakkana.

Jón var stór maður og þéttholda. Hákon dóttursonur hans sá hann stíga á vigt úti í Viðey og minnti að hann hefði verið eitt skippund. 

Jón var heilsuhraustur lengst af.1916 var hann eitthvað lasinn en gekk niður á pósthús að sækja korrespondensinn eins og það hét. Þar hitti hann kunningja sinn sem spurði hvernig honum liði.Jón svaraði:

Höndin skelfur,heyrnin þverr

helst þó sálar kraftur,

sjónin nokkuð ágæt er

og aldrei bilar kjaftur.

 

Daginn eftir var hann dauður úr slagi.

 

Hann hafði áður ort svo um sjálfan sig:

 

Hálfan fór ég hnöttinn kring

hingað kom þá aftur

og átti bara eitt þarflegt þing

og það var góður kjaftur.

 

Kjaftinn notaði hann meðal annars til að koma sér í kunningsskap við Grant Bandaríkjaforseta og fóru þeir á blindafyllerí saman en Grant var forkunnargóður drykkjumaður. Þeir drukku Hvítahúsið þurrt og fóru þá á búllugang. Þeir slöngruðu síðan að Hvítahúsinu aftur en þá vildi Grant ekki hætta en Jón var orðinn ófær. Grant var hinsvegar blankur en Jón átti silfurdollar í vasanaum sem hann lánaði Grant. Hann mun vera ógreiddur ennþá.

En Grant gerði Jón að lieutenant í US Navy og lánaði honum herskip til að sigla á til Alaska og kanna þar aðstæður til að flytja þangað alla Íslendinga sem þá losnuðu við helvítis Baunana sem Jón hataði á þessum tíma. Jón skrifaði svo merka skýrslu á ensku um förina sem varðveitt er í Library of Congress. Ekki varð af landnámi Íslendinga þar en Jón var lengi kallaður Alaska-Jón eftir þetta.

Jón var glæsimenni og átti börn með fleiri konum en eiginkonunni, stakk af frá henni Helgu fögru frá Karlsskála sem hann var kvæntur  með ástmey sinni til Ameríku og átti þar tvo syni sem nefndu sig Austmann, börðust báðir í fyrri heimstyrjöldinni og varð annar þeirra Kristján frægur augnlæknir sem var á heimsþingi þeirra í London 1936.Annar sonur Guðjón varð bóndi í Flóanum. Amma mín Sigríður var ekkert fyrir að tala um þessi systkini sín og ekkert samband held ég að hún hafi haft við Austmanns fólkið þó hún hafi þekkt líklega Guðjónsfólkið og.

Helga fagra frá Karlsskála var ekki á því að láta Jón sleppa svona. Hún var efnuð af pabba sínum honum Eiríki frá Karlsskála sem var stórríkur útgerðarbóndi. Hún fór með börn þeirra Jóns á eftir honum en þá bjó Jón í basli með hjákonunni og hafði nær ekki fé.Hún tók hann til sín en sendi hjákonunni peninga því ekki ætlaði hún að láta "börnin hans Jóns míns svelta".

Þau Jón bjuggu svo saman í Ameríku þar sem amma mín Sigríður ólst upp til 17 ára aldurs í Chicago og fóru þá til Íslands.Hún sagði að þá hefðu göturnar í Chicago verið drullusvað af mold og hestaskít en gangstéttir úr tré. Amma kvaðst aldrei hafa séð eins ömurlega sjón eins og að sigla inn til dimmunnar í Reykjavíku frá ljósunum í Chicago sem þó var nú ekki glæsileg allstaðar.En hún ílentist hér og kenndi ensku í Verslunarskólanum lengi og var uppnefnd "Sigga seina" þar sem hún var ekkert að flýta sér yfirleitt.En hún var gríðarlega öflugur karakter og bar langa vanheilsu elliáranna af mikilli reisn.

Ólafur elsti bróðir hennar varð eftir og lærði tannlækningar og sonur hans á eftir honum. Það er samband við það fólk héðan og koma afkomendur Ólafs m.a. hingað nú í júni í áttræðisafmæli Steinunnar konu minnar. 

Steinunn er fósturdóttir Jóns Pálssonar "Dýra" sem var á Selfossi. Hann var aðdáandi Jóns Ólafssonar og þegar bók Gilsar kom út voru þau að ræða bókina. Steinunn skammaðist út í þennan Jón sem sem hinn versta flagara og sagðist ekkert gefa fyrir svoddan karaktéra. En Steinunn mín sagði þá Dýri, þú verður að athuga það að þessar konur vildu eiga þessi börn með honum Jóni"

Þetta með skapið er líklega rétt hjá Kristínu. Alþingi vildi gera vel við Jón á efri árum hans, þó hann segði þrisvar sinnum af sér þingmennsku og í eitt sinn vegna þess að hann sagðist ekki geta verið undir sama þaki og þeir helvítis hálfvitar sem þar inni sætu. Þeir útveguðu honum því konungskjör sem þingmanni  sem tryggði honum sæmileg eftirlaun og lífeyri.

En Jón hafði verið bókavörður í Chicago í 8 ár og taldi sig vita talsvert um bókasöfn. Hann varð svo vondur þegar landlæknir var skipaður í bygginganefnd Landsbókasafnsins að hann sagði af sér konungskjörinu og þar með eftirlaununum og lifði heldur bláfátækur eftir það.

Jón varð víst ritstjóri fleiri blaða en nokkur annar Íslendingur, nema ef Geir Guðsteins fari að sigla upp áð honum. Hann samdi stafrófskver í 16000 eintaka upplagi í byrjun síðustu aldar sem allir Íslendingar lærðu á.Samdi kennslubók í þjóðhagfræði sem hann kenndi í Verslunarskólanum og Ársæll Valfells hefur endurútgefið.

Jón var skáld gott og samdi til dæmis Máninn hátt á himni skín, hrímfölur og grár.. og vissi því á undan Neil Armstrong hvernig umhorfs var á mánanum. Hann var orðhagur nýyrðasmiður, bjó til dæmis til orðið lindarpenni um Parker penna sem hann seldi þá.Orti auglýsingar í blaðið Reykjavík sem hann gaf út en Ámi umboðsmann eða Björn Jón gefa víst út núna.Maður athugaði ekki að taka nafnið fyrir sig.

Jón var illskeyttur í pólitískum deilum og eignaðist óvini. Sjálfur taldi hann að sér hefði oftar en einu sinni verið sýnt banatilræði útaf skrifum sínum.En hann var allra manna kurteisastur í framgöngu og dagfari en í "pennann má hann aldrei ná það heljarskinn" sagði einn frammámaður um hann.

En það sem var kveikjan að þessu er það að ég fór að hugsa um hvernig sumir menn komast áfram af því að hafa góðan kjaft.

Björgólfur Thor hlýtur að vera slíkur afburðakjaftur. Það hlýtur að þurfa talsvert til að geta nærri því sett Deutsche Bank á hausinn eins og fram kemur í bók Thors "From billions to bust-and back" það gerir líklega enginn venjulegur auli frekar en að kjafta út herskip hjá Bandaríkjaforseta.

Gils Guðmundsson samdi afburða góða ævisögu Jóns sem hann kallaði "Ævintýramaður" en þannig lýsti Jón Sjálfum sér og sínu lífi. Björgólfur Thor er einnig ævintýramaður sem menn hafa gott af að lesa um í áminnstri bók.

Auðvitað ætti ég sjálfsagt að vera megafúll út í þennan Björgólf Thor sem ég er víst í hópmálssókn gegn fyrir þátt hans í að setja Landsbankann á hausinn þar sem ég tapaði ellilífeyrinum rösklega á. En eftir að hafa lesið bókina þá get ég ekki verið vondur lengur Strákurinn er þvílíkur ævintýramaður að ég get ekki annað en dáðst að honum þó ég hafi aldrei hitt hann né séð.

Hinsvegar er íslenska ríkið líklega meiri þjófur en Björgólfarnir samanlagt þar sem þeir svikust um að fara að lögum og láta Landsbankann fara í gjaldþrotameðferð að lögum  og núna þegar hann borgar mestan hluta af kröfunum utan þær sem afglaparnir í slitastjórninni gáfu frá sér, þá fáum við eigendurnir ekki neitt af restverðmætinu. Sem er bara þjófnaður í mínum augum  og Chavez eða Maduro í Venezuela hefðu ekki gert betur að mínu áliti.En skítt með það og það verður að hafa það héðan af nema Bjarni Ben gefi manni einseyring með öllum öðrum landsmönnum sem áttu aldrei neina krónu í bankanum og við tapararnir fáum ekkert umfram að hafa lagt þennan banka fram með málverkunum og öllu.

Nú ætlar þessi Landsbanki sem ég og Björgólfarnir áttum saman  að fara að byggja monthús við Hörpu og á að verða "Samfélagsbanki" sem auðvitað endar lóðbeint á hausnum aftur einsog kratísk skilgreiningin gefur til kynna eftir að einhverjir ævintýramenn framtíðarinnar verða búnir að hreinsa hann út. 

   

 

.  

Malbik er ónýtt efni

til vegagerðar er löngu vituð staðreynd. Alveg sama þótt flutt sé inn rándýrt útlenskt grjót.

Í Sámi fóstra er grein um hvernig íslensk steypa úr gamla Esjubergsefninu endist. Ingólfur Jónsson ráðherra tók þá ákvörðun eftir að við Guðmundur Einarsson vorum í viðtali hjá honum að VV2 yrði steyptur 22 cm þykkur í stað 10 cm malbiks.Hann tók upp síman og hringdi í Sigurð Jóhannsson vegamálastjóra og sagði: Vegurinn verður steyptur. Ekkert fleira.

Kostnaðaraukningin varð 8 % við þessi skipti.

Í greininni í Sámi fóstra er mynd af yfirborði vegarins í Kollafirði sem er orðið nær hálfrar aldar gamalt. Grjótið stendur uppúr og umferðin hamast á því nætur og daga með nöglum og ekki. Það gefur sig ekki. 

Það er líklega annað en harkan í innflutta grjótinu sem gefur sig í malbikinu. Tjaran nær ekki að halda því og það losnar upp og það koma holur og vatnið og frostið sér um afganginn.

Smásteinatrúin breiddist svo út í vegasteypuna svo menn voru farnir að steypa á úr perlumöl ca 20 mm í stað 38 mm sem notuð var í Kollafirði.Steypan heldur Esjuberggrjótinu föstu sem þolir álagið þó það sé ekkert spes-hart. Það er munurinn.

Steypan í Vesturlandsveginum hefur enst núna líklega fimm sinnum lengur en ef malbikað hefði verið, þökk sé Ingólfi Jónssyni frá Hellu.

Svo segir í Mogga í dag:

[e-mail] Meginhluti þess steinefnis sem notað er í malbik hér á landi er fluttur inn frá Noregi. Það gera malbikunarstöðvarnar til að fullnægja kröfum Vegagerðarinnar, bæjarfélaga og annarra verkkaupa um styrkleika malbiksins. „Þótt við búum á klettaeyju úr grjóti er basaltið ekki nógu gamalt. Það er ekki nógu slitsterkt til að ráða við nagladekkin. Norska granítið er nokkurra milljóna ára gamalt og mun endingarbetra,“ segir Sigþór Sigurðsson, framkvæmdastjóri malbikunarstöðvarinnar HlaðbærColas. Kröfur um styrk aukast Hans fyrirtæki flytur inn frá Noregi í ár meira en hundrað þúsund tonn af steinefni. Það er notað í malbik á vegi, götur og flugbrautir. Malbik með steinefnum úr íslenskum námum er aðallega notað þegar verið er að malbika bílastæði og göngustíga og í undirlag malbiks. Notað er meira en tvöfalt meira af innfluttum steinefnum en innlendum hjá Hlaðbæ-Colas. Fyrirtækið hefur flutt inn steinefni í áratugi. Sigþór segir að kröfur verkkaupa til gæða malbiks hafi verið að aukast og því hafi innflutningur aukist heldur á síðustu árum. Naglar á flutningabílana Innflutt ljós og slitsterk steinefni eru almennt notuð þegar vegir um jarðgöng eru malbikaðir. Það var gert þegar Hvalfjarðargöng voru tekin í notkun árið 1998. Þá var áætlað að malbikið myndi endast í 5-7 ár en það dugði í 16-17 ár því ekki var malbikað aftur fyrr en á árunum 2014 og 2015. Aftur var malbikað með norsku efni. Sigþór Sigurðsson segir að sérstaklega sterk blanda hafi verið notuð í malbikun Hvalfjarðarganga 2014-2015 og segist hann hafa spáð því að malbikið myndi endast í 25 ár fyrst eldra malbikið entist í 17 ár. Það virðist ekki ætla að ganga eftir því nú þegar sér á slitlaginu. Gylfi Þórðarson, framkvæmdastjóri Spalar, telur að nýja malbikið endist ekki jafn lengi og það eldra. Umferðin sé orðin miklu meiri en var í upphafi og nú hafi það bæst við að flutningabílar landsbyggðarinnar séu komnir á nagladekk. Þeir séu fljótir að rífa upp malbikið. Reiknar hann ekki með að malbikið endist lengur en í 7-8 ár, eða helmingi skemur en það gamla. Líkur eru á að malbik endist lengur í jarðgöngum en á vegum úti. Jafn hiti er í göngunum og lítil bleyta og ekki þarf að salta. Ekki fannst nógu gott efni Sigþór Sigurðsson segir að miklar kröfur séu gerðar í nýju göngunum um styrkleika steinefna. Segir hann að Húsavíkurgöng séu gott dæmi um það. Þar séu sérstaklega þungir vagnar keyrðir fram og til baka. Heimamenn hafi verið fengnir til að leita að námum á svæðinu en engar hafi fundist nógu góðar. Því hafi efnið verið flutt frá Noregi og sérstaklega sterkt efni í efra lagið. Sama eigi við um Norðfjarðargöng sem nú er verið að malbika. Fundist hafi náma í Jökuldal sem hægt hafi verið að nota að hluta en síðan flutt inn efni í efra malbikslagið, slitlagið. Sigþór segir að ef náma sé nálægt framkvæmdastað sé ódýrara að nota efni þaðan en ef aka þurfi langar leiðir sé ódýrara að flytja efnið inn frá Noregi. Annað efni á flugbrautir Notuð hafa verið norsk steinefni í flestar flugbrautir sem HlaðbærColas hefur malbikað á undanförnum árum. Þó var íslenskt efni notað á Egilsstöðum. Aðrar kröfur eru gerðar til malbiks á flugbrautum en vegum. Sigþór segir að í verkefni sem fyrirtækið er núna að vinna að á Keflavíkurflugvelli sé sóst eftir þoli gegn slípun sem verði þegar vélarnar lenda. Þetta sé önnur áraun en á vegunum þar sem nagladekkin myndi hjólför. Keypt var sérstakt efni frá Noregi" 

Í landinu er til Gomaco-vél uppi í Borgarnesi, eða var til síðast þegar ég vissi, sem er getur steypt fulla vegbreidd af svona steypu með hraða sem gæti verið 1-2 km á dag ef hægt er að skaffa svo mikla steypu svo hratt, líklega þarf 2-3 steypustöðvar til þess.

Stjórnmálamenn nútímans eru hinsvegar þannig að þeir geta ekki hugsað lengra en til einsárs fjárhagsáætlunar í einu. Sá síðasti sem gerði það ekki var Gunnar Birgisson þegar hann steypti götur í Kópavogi með þessari vél, sumar þriðjungi og sumar helmingi þynnri heldur en var í Kollafirði. Þær eru margar heilar eftir nær 20 ár.

Afreinin niður á Hafnarfjarðarveg var til dæmis einungis 5-7 cm og steypt ofan á gamalt malbiksundirlag og stendur sig fínt eftir allan þennan tíma.

Hæðarnákvæmni vélarinnar var með eindæmum góð og vegurinn rennisléttur  en gallarnir voru þegar handlagt var út til hliðar fleygar og litlar breikkanir sem urðu hólóttar. Einnig kom í ljós að bögglaberg  dugði ekki sem undirlag undir steypu, það fjaðrar og þá brotnar steypan. Ca.30 cm Granular base eins og við notuðum í gamla daga þarf til ef steypa á ofan á. 

Nú stendur þessi Gomaco vél ónotuð ef þá ekki er búið að fleygja henni.Íslenskur ráðamaður getur ekki tekið ákvörðun um að kaupa helmingi dýrari hlut sem endist sex sinnum lengur en sá sem endist ekki nema eitt ár. Það gerir fjárhagsáætlunin sem blaðamennirnir skrifa um sem pólitískan árangur stjórnandans.

Hér í Florida eru þessir gömlu kunningjamaskínur mínar úti um allt að steypa vegi. En Kaninn er víst bara asni að áliti íslenskra ráðamanna sem flestir eru kratískir unglingar eða Píratar nú til dags. Sjáið bara hvernig þeir DayBee, Hjalli á hjólinu gefast í Reykjavík eða Bigga á þinginu?

Malbik er og verður ónýtt efni miðað við steinsteypuna.

Gleðitíðindi!

Birgitta Jónsdóttir er búin að fá nóg! 

Ég skil það svo að hún sé búin að fá nóg að stjórnmálum og ætli að hætta. Það eru sannarlega gleðitíðindi því þessi samsetningur sem hún fór með á Alþingi er gersamleg rökleysa þar sem hún getur ekki útskýrt í hverju hið nýja Ísland sem hún saknar á í að felast

 

"Ég þrái þetta nýja Ísland sem við vor­um byrjuð að byggja sam­an, þar sem mátti sjá fyrstu sprota framtíðar og sam­fé­lags sem var ekki atað slori, græðgi og sér­hlífni, þar sem al­menn­ing­ur arkaði niður á Aust­ur­völl og gaf sig ekki fyrr en rétt­læt­inu var náð,“ sagði Birgitta Jóns­dótt­ir, þingmaður Pírata, á Alþingi í dag í umræðum um störf þings­ins.

Þetta fólk var ekki að bíða eft­ir leiðtog­um til að toga sig á staðinn. Þetta fólk var rétt eins og ég búið að fá nóg og hafði engu að tapa. Það vildi spillta ráðamenn burt. Það var reitt og sárt. Marg­ir vildu nýj­an jarðveg því að það er ekki hægt að upp­ræta spill­ing­ar­rót­ina með því að klippa arf­ann burt. Þessi rót er nefni­lega snar­rót sem ekki er hægt að ná í burt nema með nýj­um jarðvegi,“ sagði hún enn­frem­ur og bætti við:

„Við feng­um aldrei þenn­an nýja jarðveg þrátt fyr­ir að hafa komið með hann að dyr­um Alþing­is full­an af fyr­ir­heit­um um Nýja-Ísland. Nei, meiri­hluti Alþing­is stöðvaði Nýja-Ísland við dyra­gætt­ina og sáði glópagulls­fræj­um og orm­um van­trausts í hann. Nýja-Ísland er ei meir,“ sag­pi Birgitta áfram. Jarðveg­ur­inn væri rot­inn og vannærður. Framtíðin sem hefði verið ofin væri heill­um horf­in.

„Þessi mold sem ég stend á í innviðum valds­ins er eins og laug­in full af djúp­stæðum flækj­um sem vefjast um fæt­ur unga þings­ins og þeir falla all­ir sem einn með and­litið í súr­efn­is­lausa mold­ina og kafna í eig­in of­læti. Ég er búin að fá nóg. Og hvað á ég að gera? spyr ég mig. Orð eru sverð. Þau eru mátt­ugri en sverð, segja marg­ir. Ég hnoða því orð í dag og vona að þau geti opnað á þetta fá­læti. Hætt­um að bregðast við og för­um að búa til Nýja-Ísland.“

Það er ekki furða að enginn geti treyst sér að byggja upp með henni Birgittu þetta nýja Ísland þar sem hún getur ekki útskýrt í hverju það felst.

Það eru því gleðitíðindi að hún skuli ætla að láta það afskiptalaust hér eftir.

 

 

Orð af viti frá afturhaldinu

„Fá­tækt er blett­ur á ríku sam­fé­lagi eins og Íslandi,“ sagði Katrín Jak­obs­dótt­ir, formaður VG, í umræðum um fá­tækt á Alþingi í dag. Hún skoraði á Þor­stein Víg­lunds­son, fé­lags- og jafn­rétt­is­málaráðherra, að leggja fram sína sýn á þessi mál.

„Það skipt­ir máli í sam­fé­lagi þar sem við eig­um all­an þenn­an auð að við sem hér störf­um tryggj­um að all­ir búi við jöfn tæki­færi. Ég hlýt að draga þá álykt­un að kerfið ýti und­ir mis­skipt­ingu. Skatt­kerfið hef­ur létt á þeim rík­ustu en þyngt á þeim fá­tæk­ari,“ sagði Katrín.

Hún benti á að 9,1% barna á land­inu líði skort. Stór hluti býr við óör­uggt hús­næði, get­ur ekki stundað tóm­stund­ir eða haldið upp á af­mæli. „Fá­tækt stel­ur draum­um barna.“ 

Þetta er fallega sagt af Katrínu hvað börnin varðar. Mörg b0rn eiga ekki kost á að taka þátt í félags-og íþróttastarfi skólanna sem íþróttafulltrúar sveitarfélaganna og íþróttafélögin eru að byggja upp með dýrum keppnisferðum út á land með hótelgistingum foreldra.

Það er ótækt að tíunda hvert barn sé útilokað frá þátttöku á þennan hátt. Sveitarfélögin eiga að skammast sín fyrir að láta þetta viðgangast.