Of lítið of seint

Vega­gerðin hef­ur ákveðið að lækka há­marks­hraða í 50 km/​klst. við all­ar ein­breiðar brýr á þjóðveg­um þar sem um­ferð er meiri en 300 bíl­ar á dag að jafnaði alla daga árs­ins (ÁDU).

Um er að ræða um 75 ein­breiðar brýr, um helm­ing­ur á Hring­vegi.

Þá verður viðvör­un­ar­skilt­um breytt og einnig bætt við und­ir­merki á ensku  á viðvör­un­ar­skilt­um. Kostnaður við merk­ing­ar er áætlaður um 70-80 millj­ón­ir króna. 

Þetta kem­ur fram í til­kynn­ingu frá Vega­gerðinni.

Ný­verið var bana­slys við ein­breiða brú sem ligg­ur yfir Núpsvötn á Suðaust­ur­landi."

Það á að lækka í 25 og setja umferðaljós á þær. Þá verða engin slys.

Þetta er of lítið of seint hálfkák.

Hversvegna vegginn?

á landamærum Mexico og Bandaríkjanna?

Staðreyndir í málflutningi Trump:

"At our Southern Border, in 2018:

1.7 MILLION pounds of narcotics were seized

17,000 criminals were arrested

6,000 gang members—including violent MS-13 Animals—were apprehended

Protect America - BUILD THE WALL"

Þess vegna þarf vegginn segir Trump

Þessu trúum við

en Trump og fleiri ekki:

Við verðum að eyða milljörðum af skattfé fátæka fólksins til að hindra það að heimurinn hlýni um 0.5 gráðu á þessari öld.

Pr+ofessor Robert Lintzen hefur farið í gegn um þetta mál í stórkeostlegum fyrirlestri „Global Warming for the Two Cultures“ sem er á YouTube.

Meðal annars er þetta þar að finna:

Hann fjallar meðal annars um það að loftslagskerfin samanstanda af ólgukenndu (turbulent) hafinu sem er í snertingu við ólgukenndan lofthjúpinn. Þessi kerfi eru á reikistjörnu sem snýst í sífellu og er böðuð í sólarljósi sem skín ójafnt á yfirborð jarðar, mest nærri miðbaug en minnst næri pólunum. Sífelldur flutningur á varma og raka á sér stað milli þessara síkviku kerfa.

Í hafinu eru straumar og sveiflur sem ná yfir tímabil sem mælast frá árum til árþúsunda. Hafið hefur áhrif á lofthjúpinn og öfugt. Yfirborð jarðar er mjög óreglulegt og mótar það vindakerfin.  Rakinn í lofthjúpnum hefur gríðarlega mikil áhrif og er aðal áhrifavaldurinn sé litið til hlýnunar af völdum svokallaðra gróðurhúsaáhrifa. Jafnvel inngeislun sólar er sveiflukennd.

 Hann fjallar um þá staðreynd að hækkun lofthita frá Litlu Ísöldinni svokölluðu nemur ekki meira en 1°C.  Hann minnist á að þessi hækkun hitastigs sem mælst hefur, og menn séu nokkuð sammála um, sé minni en tölvulíkön IPCC hafa spáð. Hvers vegna er haldið á lofti svo miklum hræðsluáróðri sem raun ber vitni? Hvað var annars svona jákvætt við loftslagið meðan á Litlu Ísöldinni stóð og lofthjúpurinn var um 1° kaldari að meðaltali? Hafís, hungur, uppskerubrestir, fátækt, farsóttir …? Hafa menn gleymt sögunni?

„Jæja, þarna hafið þið það. Óviðeigandi ágiskanir grundaðar á  fölskum sönnunargögnum og endurteknar í sífellu hafa orðið pólitískt rétt þekking og er notað til að stuðla að viðsnúningi iðnaðar-menningar okkar. Það sem við munum skila til barnabarna okkar er ekki jörð  skemmd af framvindu iðnaðar, heldur listi yfir óbætanlegan kjánaskap sem og landslag sem er niðurbrotið með ryðguðum vindmyllum og hrörnandi sólarselllum. Falskar fullyrðingar um 97% samdóma álit munu ekki frelsa okkur, en vilji vísindamanna að til að þegja er líklegur til að draga úr trausti og stuðningi við vísindin. Kannski mun þetta ekki vera svo slæmt eftir allt – vissulega hvað varðar hin „opinberu“ vísindi.

Það er að minnsta kosti einn jákvæður þáttur við núverandi aðstæður. Ekkert af fyrirhugaðri stefnu mun hafa mikil áhrif á gróðurhúsalofttegundir. Þannig munum við halda áfram að njóta góðs af því eina sem greinilega má rekja til hækkunar koltvísýrings; nefnilega virku hlutverki hans sem áburður fyrir gróður, og hans áhrif á gróður til að þola betur þurrka. Á meðan er IPCC að halda því fram að við þurfum að koma í veg fyrir viðbótar 0,5â—¦C hlýnun, þótt 1â—¦C hlýnun sem hefur átt sér stað hingað til hefur verið samfara mestu aukningu í velferð manna í sögunni“.

Ríkisstjórn Katrínar Jakobsdóttur veit betur en þessi maður hvað er að gerast. Hún trúir AlGore betur og hækkar skatta á Íslendingum vegna þessarar CO2 fóbíu sem hann hefur þénað milljónir dollara á að æsa upp í heiminum og fjárfest gróðanum í olíuiðnaðinum fyrst og fremst.

Miklir menn erum vér Hrólfur minn, 350 þúsund hræður gegn öllum heiminum sem spýr út CO2.

Þessu trúum við.

 

Byrjar klukkuhringlið aftur!

Hefur ekki núverandi fyrirkomulag gefist vel í áratugi?

Hvað segja þeir sem vitið hafa mest á þessu?

Þetta kemur af vefsíðu Ágústar frænda míns H.Bjarnason rafmagnsverkfræðings:

"Myrkurstundum á vökutíma fjölgar um 131 til 190 klukkustundir eða 5 til 8 sólarhringa ef klukkunni verður flýtt"...

 

"

 

Dr. Þorsteinn Sæmundsson stjörnufræðingur hefur séð um útgáfu Almanaks Háskólans í áratugi og reiknað út hinar margbreytilegu töflur sem þar eru, en það er mikil nákvæmnisvinna. Hann er því manna fróðastur um tímatal og klukkuna. Þorsteinn var um áratugaskeið deildarstjóri Háloftadeildar Raunvísindastofnunar Háskóla Íslands.

Þorsteinn hefur oft fjallað um klukkuna, seinkun hennar, sumartíma, vetrartíma, o.fl. Mig langar til að vísa á nýlegan pistil hans á vef Almanaksins: „Um seinkun klukkunnar“    http://www.almanak.hi.is/seinkun2.html

Það vill svo til að sá sem þessar línur ritar starfaði á Háloftadeild Raunvísindastofnunar, þar sem Þorsteinn réði ríkjum, sem sumarmaður árin 1968 og 1969. Þá var einmitt ákveðið að  hafa sumartíma allt árið á Íslandi og urðu margir fegnir þegar hringlinu með klukkuna var hætt.

 

Þorsteinn sagði í viðtali við Morgunblaðið 1. desember:

 

Still­ing klukk­unn­ar alltaf mála­miðlun

Ingi­leif Friðriks­dótt­ir
[e-mail]

Dr. Þor­steinn Sæ­munds­son, stjörnu­fræðing­ur hjá
Raun­vís­inda­stofn­un Há­skóla Íslands. mbl.is/​Golli

 

„Ég hef mikl­ar efa­semd­ir um nei­kvæð heilsu­fars­leg áhrif af fljótri klukku. Í því sam­bandi er at­hygl­is­vert að svefn­höfgi ung­linga virðist engu minna vanda­mál í þeim lönd­um þar sem klukk­unni er seinkað að vetri til,“ seg­ir Þor­steinn Sæ­munds­son, stjörnu­fræðing­ur.

Hann seg­ir það klukk­una frem­ur en dags­birt­una sem ræður því hvenær ung­ling­ar fara að sofa á kvöld­in. Sums staðar er­lend­is hafi það gef­ist vel að hefja skóla­hald seinna að morgni, og slíkt hafi t.a.m. tíðkast í Eg­ilsstaðaskóla síðustu ár.

Mbl.is fjallaði í síðustu viku um fyr­ir­lest­ur Bjarg­ar Þor­leifs­dótt­ur, lektors við Lækna­deild Há­skóla Íslands, um klukkuþreytu á meðal Íslend­inga. Þar sagði hún það mjög brýnt lýðheilsu­mál að seinka klukk­unni um eina klukku­stund. Íslend­ing­ar væru að skapa sér vanda með nú­ver­andi fyr­ir­komu­lagi sem hef­ur meðal ann­ars slæm­ar af­leiðin­f­ar fyr­ir heilsu fólks.

„Ég hef litla trú á því að þetta sé heilsu­fræðilegt heimsvanda­mál,“ seg­ir Þor­steinn í sam­tali við mbl.is. Hann seg­ist jafn­framt hafa þá at­huga­semd að Björg, ásamt mörg­um öðrum, ein­blíni á eina af­leiðingu þess að seinka klukk­unni í stað þess að skoða málið frá öll­um hliðum. 

Hverri til­hög­un fylgja kost­ir og ókost­ir

„Still­ing klukk­unn­ar verður alltaf mála­miðlun því að sér­hverri til­hög­un fylgja bæði kost­ir og ókost­ir,“ seg­ir Þor­steinn, en bend­ir á að þegar nú­gild­andi lög um tíma­reikn­ing voru sett árið 1968 hafi megin­á­stæðan verið óánægja fólks með það sem kallað var hringlið með klukk­una.

Í pistli sín­um um seink­un klukk­unn­ar seg­ir hann mark­miðið með laga­setn­ing­unni það ár hafa fyrst og fremst verið það að koma á föst­um tíma allt árið. „Skoðana­könn­un leiddi í ljós að mun fleiri vildu hafa flýtta klukku („sum­ar­tíma“) en óbreytta („vetr­ar­tíma“). Varð því niðurstaðan sú að klukk­ur skyldu stillt­ar eft­ir miðtíma Greenwich.“

Radd­ir komið fram síðustu ár sem kalla á breyt­ingu

Eft­ir breyt­ing­una má segja að friður hafi ríkt um tíma­reikn­ing­inn í ald­ar­fjórðung. Það er ekki fyrr en á síðustu árum að komið hafa fram radd­ir sem kalla á breyt­ingu á ný. Má þar nefna þings­álykt­un­ar­til­lögu árið 1994, frum­varp árið 1995 (end­ur­flutt 1998 og 2000), og þings­álykt­un­ar­til­lög­ur árin 2006, 2010, 2013 og nú síðast árið 2014.

„Spyrja má hvers vegna breyt­inga sé óskað eft­ir svo langa sátt um nú­gild­andi fyr­ir­komu­lag. Þar kem­ur tvennt til greina. Í fyrsta lagi er vax­in upp ný kyn­slóð sem man ekki það fyr­ir­komu­lag sem áður gilti og þekk­ir ekki af eig­in raun kosti þess eða ókosti. Í öðru lagi hafa skap­ast ný viðhorf vegna breyttra aðstæðna í þjóðfé­lag­inu, nýrr­ar tækni og nýrra sjón­ar­miða. Hvort tveggja þarf að hafa í huga áður en ákvörðun er tek­in um laga­setn­ingu sem óhjá­kvæmi­lega snert­ir hvern ein­asta Íslend­ing að meira eða minna leyti.“

Bjart­ari morgn­ar dýr­keypt­ir

Þá bend­ir hann á að seink­un klukk­unn­ar hefði þau áhrif að bjart­ara yrði á morgn­anna og það sé tví­mæla­laust sterk­asta rök­semd þeirra sem vilja fara þessa leið. 

„Á hinn bóg­inn eru bjart­ari morgn­ar keypt­ir því verði að fyrr dimm­ir síðdeg­is þegar um­ferð er meiri og börn á leið úr skóla. Menn get­ur greint á um það hvort þeir kjósi frem­ur bjart­ari morgna eða bjart­ara síðdegi. En um­ferðarþung­inn bend­ir til þess að menn nýti al­mennt síðdegið frem­ur en morgn­ana til að sinna er­ind­um sín­um. Það virðist gilda að sumri ekki síður en vetri og stjórn­ast því ekki af birt­unni einni sam­an. Óum­deilt er, að flest­ir kjósa flýtta klukku á sumr­in, því að lengri tími gefst þá til úti­vist­ar.“

Fals­von­ir um batn­andi líðan við að seinka klukk­unni

Þor­steinn bend­ir jafn­framt á að í þings­álykt­un­ar­til­lög­unni sé horft fram­hjá þeirri staðreynd að raf­lýs­ing hef­ur áhrif á lík­ams­klukk­una ekki síður en sól­ar­ljósið og rask­ar því hinni nátt­úru­legu sveiflu. „Í þjóðfé­lagi nú­tím­ans ræður sól­ar­ljósið ekki still­ingu lík­ams­klukk­unn­ar nema að tak­mörkuðu leyti. Því ætti ekki að vekja mönn­um fals­von­ir um að líðan þeirra muni batna til muna við það að seinka klukk­unni.“

Þá seg­ist hann hrædd­ur um að mörg­um myndi bregða í brún þegar þeir yrðu var­ir við það að myrkrið skylli á klukku­stund fyrr síðdeg­is, eins og myndi ger­ast ef klukk­unni væri seinkað. „Dótt­ir mín bjó í Lundi í Svíþjóð í haust þegar klukk­unni var breytt þar frá sum­ar­tíma yfir á vetr­ar­tíma. Hún orðaði það svo að breyt­ing­in síðdeg­is hefði verið afar óþægi­leg. Ég hef heyrt svipaða sögu frá fleir­um, bæði aust­an­hafs og vest­an­hafs,“ seg­ir Þor­steinn.

Loks seg­ir hann rétt að vekja at­hygli á því að mik­ill fjöldi fólks í heim­in­um býr við fljóta klukku allt árið. Þetta sjá­ist vel ef tíma­kort Almanaks Há­skól­ans er skoðað.

 

--- --- ---

 

Dr. Gunnlaugur Björnsson stjarneðlisfræðingur, núverandi deildarstjóri Háloftadeildar Raunvísindastofnunar Háskóla Íslands, skrifaði 1. desember á visir.is:

Myrkur í heygarðshorninu

SKOÐUN

09:18 01. DESEMBER 2014

 

 

Gunnlaugur Björnsson stjarneðlisfræðingur

GUNNLAUGUR BJÖRNSSON SKRIFAR:

Enn er komin fram á Alþingi þingsályktunartillaga um „seinkun klukkunnar og bjartari morgna“. Réttilega er bent á í tillögunni að klukkan á Íslandi er ekki í samræmi við gang sólar. Það er enda svo að tíminn er ákveðinn hinn sami á öllu landinu þó að með réttu lagi ætti klukkan á Austurlandi að vera um hálftíma á undan klukkunni á Vesturlandi.

Þegar tíminn er festur eins og gert er á Íslandi og raunar í öllum löndum, er reynt að koma því þannig fyrir að gangur klukkunnar sé sem flestum að skapi. Það er ekki alltaf auðvelt, og í sumum ríkjum er það reyndar alls ekki gert. Þegar ákveðið var árið 1968 að sumartími skyldi gilda á Íslandi árið um kring var það að sjálfsögðu að vel athuguðu máli og hefur ekki þótt ástæða til að hreyfa við því síðan.

Á liðnum áratug eða tveimur, hafa öðru hvoru komið fram á Alþingi tillögur um að hverfa frá þessu fyrirkomulagi. Fyrst vildu menn auka enn við misræmið og færa hádegið lengra fram á eftirmiðdaginn. Gæfust þannig lengri og bjartari kvöld til útiveru, grillunar eða annarrar iðju. Það varð ekki. Nú vilja sumir þingmenn taka skrefið í hina áttina og hverfa frá föstum sumartíma. Meginástæða þessara hugmynda að breyttri klukku sýnist vera sú að með því móti fáist bjartari morgnar, sem vissulega er rétt. Það virðist þó skína í gegn í tillögunni að þetta gefi fleiri birtustundir í sólarhringnum en núverandi fyrirkomulag og bæti þar með geð guma. Það er auðvitað alrangt. Lega landsins og gangur jarðar um sól „úthluta“ okkur ákveðnum fjölda birtustunda yfir daginn, við getum einungis ákveðið með lögum hvernig klukkan skuli stillt. Það fjölgar ekki birtustundum.

Líklega skiptir það þorra manna mestu máli að birtustundir á vökutíma séu sem flestar. Það er einfalt að reikna það út að ef klukkunni yrði seinkað um eina klukkustund eins og þingsályktunartillagan leggur til, myndi myrkurstundum á vökutíma fjölga um 131 til 190 klukkustundir eftir því hvort vökutími teldist frá 7-23 eða 8-24.

Þetta samsvarar fimm til átta heilum sólarhringum í auknu myrkri á vökutíma! Ég myndi ekki vilja skipta fyrir nokkurn mun. Ekki verður séð að hugmynd flutningsmanna sé líkleg til að draga úr skammdegisþunglyndi eða öðrum sálarkvillum sem hugsanlega orsakast af langri dvöl á norðurhjara.

 

--- --- ---

 

Þetta er skoðun þeirra tveggja manna sem best þekkja útreikning tímatals og klukkunnar á Íslandi. 

Á mínum vinnustað mætir starfsfólkið til vinnu á tímabilinu 7 til 9. Þeir árrisulu mæta snemma og geta því einnig farið snemma heim í lok vinnudags. Flestir mæta um klukkan átta, en allnokkrir ekki fyrr en um níuleytið.  Allir eru ánægðir og klukkan ekkert vandamál.

Svo má auðvitað minnast á að í þéttbýli utanhúss er tæplega hægt að tala um skammdegismyrkur, lýsing er það góð. Myrkrið er aftur á móti í dreifbýlinu. Þar er það oft kolsvart.  Innanhúss er auðvitað vel bjart hjá okkur öllum, þökk sé góðri raflýsingu. 

Ráðið við morgunsyfju er einfalt: Fara fyrr að sofa og gæta þess að ná 7 - 8 tíma svefni. Vakna síðan eldhress ."

Af hverju að laga það sem ekki er bilað gegn ráðleggingum Murphys?

Íslandsverðlagið

er á grafi frá 2017 frá G.Tómasi Gunnarssyni.

Ég vona að hægt sé að lesa á þetta graf frá Eurostat sem sýnir að verðlag á Íslandi á vörum öðrum en áfengi er hæst á Íslandi. Ef maður smellir á myndina stækkast hún í læsilega stærð.

Verði kjarasamningar á þeim nótum að gengi hækki myndi þá verðlag breytast niður á við? Eða hækka?2017 var dalurinn á 116 en er nú 117 til samanburðar. En kaup hefur hækkað verulega . Evran var þá 122 en er nú 137. Hvaða áhrif hefur þetta? 

Takið eftir því hvílík Paradís Pólland er fyrir Íslendinga að ferðast til. Verðlagið þar er meira en helmingi lægra en hér. Og verðið á áfengi þar er okkar verð deilt með PÍ! Og tannlæknaþjónusta og rakaraþjónusta líka!

Við eru í EES sem ráðamenn margir lofa. Sem á að þýða að aðgengi að mörkuðum í Evrópu á að vera alveg sérstakt. Samt er þetta nú svona.

Hversvegna er Íslandsverðlagið svona sérstakt?

Trumpofobian

ríður húsum meðal góða fólksins á Íslandi með dyggum stuðningi RÚV.

Trump Bandaríkjaforseti fær lítinn frið eða rými á Íslandi fyrir sínar skoðanir eða aðferðir. Gunnar Rögnvaldsson rifjar upp nokkrar staðreyndir sem orðið hafa í hans forsetatíð á síðasta ár. aðeins:

"

Að gera Bandaríkin stór tókst vel á síðasta ári. Fleiri svona ár gera þau sannarlega mikilfenglegri

Á árinu 2018 urðu Bandaríkin stærsti olíuframleiðandi veraldar með því að framleiða 11,6 milljón tunnur af hráolíu á dag. Í fyrsta sinn síðan árið 1973, eru þau stærsti olíuframleiðandi heims. Frá því að Trump tók völdin jókst framleiðslan um 3 milljón tunnur á dag. Hann minnkaði flækjustig í reglugerðafrumskóginum og lét meira af landi ríkisins liggja lausara til notkunar

Á árinu 2018 urðu Bandaríkin stærsti jarðgasframleiðandi heimsins og næst stærsti kolaframleiðandinn

Á árinu 2018 urðu Bandaríkin sjálfum sér næg með orku og útflutningur olíu hefur farið úr 700 þúsund tunnum á dag upp í 2,3 milljón tunnur á dag í stjórnartíð Trumps

Á árinu 2018 stækkaði hagkerfi Bandaríkjanna um 1,7 billjón dali og varð þar með næstum tvöfalt stærra en það Kínverska. Það stækkaði um 3,4 plús 4,2 prósentur á tveimur síðustu fjórðungum ársins. Nú þarf þrjá Kínverja til að framleiða rúmlega helming þess sem einn Bandaríkjamaður framleiðir

Á árinu 2018 fór atvinnuleysi í Bandaríkjunum niður í 3,7 prósent og slíkt hefur ekki gerst allar götur frá 1969. Atvinnurekendur eru í fyrsta skiptið í manns minnum byrjaðir að leita eftir fólki, en ekki öfugt, og þrjár milljónir Bandaríkjamanna þurftu ekki lengur á matarmiðum frá ríkinu að halda. Átta milljónir manna misstu stöðu sína sem verandi fátækir miðað við stöðuna fyrir átta árum síðan. Þetta er hræðilegt áfall fyrir vinstrimenn, en hvað gera Demókratar í því? Jú þeir stunduðu eyðileggingar, hvern einasta dag ársins 2018

Á árinu 2018 sögðu Bandaríkin sig frá Parísasamkomulagi um fúpp og fídus, og gerðu betur í þeim efnum en flestir þeir sem þar sitja og fróa sér efnahags- og málefnalega á kostnað skattgreiðenda

Á árinu 2018 varð ekki stríð á milli Bandaríkjanna og Norður-Kóreu. Kjarnorkuvopnaprófanir hættu og engum eldflaugum var skotið á loft né yfir nágrannalönd þess

Á árinu 2018 hrundi NAFTA ekki eins og fjölmiðlar og vinstrimenn messuðu. Samið var um viðskipti á milli þriggja landa Norður-Ameríku á ný

Á árinu 2018 hrundi NATO-ekki. Evrópuríkin "segjast" ætla að taka meiri þátt í að verja sig og börn sín. Þetta er síðasti sénsinn sem Bandaríkin geta gefið NATO-löndum Evrópu, því að Bandarískur almenningur, sem nýtur ekki veisluhalda NATO-elíta Evrópu, er orðinn næstum því 100 prósent viss um að NATO sé gildra sem Evrópa er að reyna að læsa Bandaríkin föst í. Flækjustigið í NATO er slíkt að varla er lengur víst að Bandaríkin fái að flytja hermenn og hergögn frá Normandí um Þýskaland og til austur-vígstöðvanna. Það eina sem eftir er af gamla NATO eru Bandaríkin, Pólland og Rúmenía. Það er að segja Bandaríkin í Póllandi og Rúmeníu, tvíhliða

Á árinu 2018 var í fyrsta sinn ráðist í það þarfa verk að byrja að meðhöndla Kína sem terrorríki í viðskiptum, alþjóðlegri sambúð og pólitískum tilvistarmálum heimsins

Á árinu 2018 var með morði á Jamal Khashoggi reynt að brjóta í spað hið óformlega anti-Íran bandalag Bandaríkjanna, Saudi Arabíu, Ísrael og Sameinuðu furstadæma Arabíu og annarra. En það tókst ekki

Á árinu 2018 var Donald J. Trump með miklu meira flygi og vinsældir meðal kjósenda en Angela Merkel, Theresa May og Emmanuel Macron höfðu í sínum löndum

Á árinu 2018 héldu vestrænir fjölmiðlar áfram miðilsfundum í sjálfsmorðsherbergjum sínum

Á árinu 2018 voru grunngildi Bandaríkjanna endurreist meira á einu ári en ef til vill nokkru sinni áður: Ríkið og hið opinbera, fékk mun meira og fastara þá stöðu grunaðs aðila og sakbornings sem stofnun Bandaríkjanna snérist um að yrði ávallt staða þess í þjóðfélagi Bandaríkjamanna. Að ríkisstjórnin hafi ávallt þá stöðu og virki það illa að hún láti borgarana í friði. Alveg þveröfugt við Evrópuaðalinn, sem býr svo vel að stór hluti almennings skríður enn um á jörðinni kyssandi dugleysi hins opinbera og ömurleika þess - og sé eins og dópistinn, öskrandi á enn meiri dugleysis-pyntingar hins opinbera. Ýmislegt fleira má nefna árinu 2018 tekna, fyrir Bandaríkin

Er ekki kominn tími á að Íslendingar ræði Bandaríkjamálin af fullu viti á ný?"

Trump forseti er í einelti hjá góða fólkinu á Íslandi sem er haldið Trumpofóbíu á háu stigi án rökrýni.

Ögurstund?

Sjálfstæðisflokksins er greinilega uppi í höfði Óla Björns í Morgunblaðinu í dag. 

Hann dvelur mikið í glæstri fortíð fortíð flokksins og fornri vígfimi forystumanna okkar. Hann veltir fyrir sér hvort  Sjálfstæðisflokkurinn sé virkilega búinn að missa tengslin við fólkið í landinu?

Hann horfir með greinilegum kvíða til 90 ára afmælis flokksins í Maí næstkomandi sem stund til þess að horfast í augu við slíkar hugsanir? Hvort forystusveit flokksins hafi mistekist að koma árangri sinna starfa fyrir þjóðina til skila hjá kjósendum?

Beri menn þetta saman við árangur Dags B. Eggertssonar í bardaga hans við að fegra sinn hlut?  Hann kemst upp með að segja svart hvítt og spila á tilfinningar fólks með því að nýta sér veikleika til styrkleika. 

Hann segir óhikað að aldrei hafi verið betri fjármálastjórn í Borginni en hjá sér. Og megi setja út á einstök atriði þá séu þau í mikilli endur-og yfirbót í nýjum rýnihópum og ráðum.

Kemst hann ekki auðveldlega upp með að sópa einum  Milljarði  í skuldaaukningu Reykjavíkurborgar í samfellt 40 mánuði undir teppið eins og ekkert sé?  Kemst hann ekki upp með að setjast i dómarasæti yfir sjálfum sér í Braggamálinu og ókláruðu Kamarsmálinu og sýkna sig þannig í augum kjósenda?   Þvælist Þreföld framúrkeyrsla í viðgerðum í Verkó fyrir honum? Eða Gröndals-hús? Ónýtt Orkuveituhús? Sýnir hann  þá ekki bara hvað hann er búinn að gera úr ónýtri Perlunni sem hann erfði frá Davíð? Kann hann ekki vörnina kominn í kaðlana eins og Múhameð Ali?

Hann er líka með bardagasveit grimmra rakka í kring um sig sem verja hann í líf og blóð.Ver einhver Bjarna Benediktsson og Sjálfstæðisflokkinn?

Getur Sjálfstæðisflokkurinn gert eitthvað svona? Nei, hann myndi aldrei reyna  þessar aðferðir því hann segir ávallt satt. Hann hefur aldrei logið aldrei frekar en Mogginn.

Er ekki Sjálfstæðisflokkurinn alger aumingi í að koma verkum sínum á framfæri? Er hann ekki alltof latur við að boða fagnaðarerindið? Gerir Óli Björn sér þetta ljóst og er nokkrum harmi sleginn?  Og skyldi hann satt að segja vera einn um það? 

Hafa menn þess vegna verið að tala um "forystu án flokks"?
Skilur Óli Björn þetta þegar hann dvelur svona í fortíðinni og gömlum baráttubrögum okkar fornu kappa? Hugsar hann þess vegna með nokkrum hrolli til á 90 ára afmælis flokksins í Maí?

Skynjar maður ekki bara áhyggjurnar og óánægjuna með árangurinn meðal Sjálfstæðismanna sem maður hittir?. Er maður ekki bara sjálfur með blæðandi hjarta vegna þessarar stöðu en getur ekkert gert?

Gerir Forystusveitin eitthvað til að útbreiða hugsjónir flokksins? Hefur henni tekist að fá okkur flokksmenn til að trúa því að þeir séu alveg heilir í trúnni á grunnhugsjónir flokksins frá 1929? 

Eða grunar fólk þá b ara um græsku? Vænir þá um skort á trúfesti? Er ekki aðsóknin líka hrikaleg alls staðar á öllum miðlum? Þó engin frýi þeim vits eða verka?

Þýðir það í pólitík að framkvæma bara og segja ekki frá því? Verða menn ekki að berjast og elska bardagann vegna bardagans sjálfs eins og Alexander mikli og fleiri fornkóngar sem aldrei þáðu frið ef kostur var á ófriði? Grét ekki Alexander þegar hann var neyddur til að snúa heim úr herförinni á Indlandi við  frá Hindu Kush? 

Hver man eftir því hvað afnám vörugjaldanna og tollalækkanirnar gerðu ef maður er ekki minntur reglulega á það? Einn vinur minn er hættur að tala um þetta sem hann gerði svikalaust þegar Bjarni Benediktsson okkar formaður gerði þetta og kaus þá flokkinn aftur eftir langt hlé.Flokkurinn vex af verkum sínum en lætur hann ekki of oft stela þeim frá sér?

Ég hef stungið upp á því að gefa út flokksblað, skrifað af Sjálfstæðismönnum eingöngu  í 118.000 eintökum og senda á hvert heimili í landinu með hæfilegu útgáfumillibili. Ekki til að keppa við núverandi auglýsingamiðla heldur að koma boðskapnum hreinum og tærum  á framfæri. 

Ég hef boðist til að hjálpa til við þetta og ég held jafnvel að ég kunni eitthvað í að safna nægu liði.  Ég er ég sannfærður um að svona 100 síðna blað sem fer á hvert heimili í landinu er aðeins á færi Sjálfstæðisflokksins að gera.  Og það myndi hafa áhrif það ég held? Enginn af litlu flokkunum getur þetta og heldur ekki aðrir úr fjórflokknum þrátt fyrir ríkisstyrkina. Þeir búa ekki nefnilega yfir neinum hugsjónum, aðeins hentistefnum.

Þeir eru eins og Evrópusambandið sem getur aldrei orðið stórveldi eins og Bandaríkin af því að það er ekki þjóð með einn fána og föðurlandsást. Hana eiga Sjálfstæðismenn hinsvegar eftir þegar úrtölumenn eru komnir í aðra flokka. Er ekki Sjálfstæðisstefnan ennþá á sínum stað og hefur ekki verið seld frekar en bankagullkýrnar?

En ég er á níræðisaldri og auðvitað hlustar enginn sem máli skiptir á elliæran mann sem er eldri en Ellert og auðvitað mun minni kappi en hann var og er. Samt erum við Ellert yngri en margir sem gerðu ýmislegt þegar þeir létu ekki tala sig niður samanber Reykjavíkurbréf Davíðs hið síðasta.Fengu sér viskí og vindla án þess að vera skíthræddir við læknana og almenningsálitið? Man einhver hvernig Davíð slökkti á Bermúdaskálinni? Ættu Klaustursrónarnir ekki að hafa meiri kjark?

Og af hverju má ekki kalla á Davíð gamla  aftur okkur til hjálpar? Fá hann til að gefa ráð en hætta að sniðganga hann?  Hann er rétt sjötugur, heldur á einum skarpasta penna landsins og býr yfir meira viti og reynslu en nokkur Pírati gæti öðlast þó að hann aflaði sér starfsreynslu í 100 ár? Miðopna frá honum yrði meira lesin en Pírataskrif góða fólksins.

Og Davíð er Sjálfstæðismaður í gegn þó enginn engill sé. Hann þarf hinsvegar ekkert á okkur að halda hafandi Moggann og allt það frelsi sem hann vill. Það eru bara við sem þurfum kannski á honum að halda?

Er bara ekki komin ögurstund fyrir Sjálfstæðisflokkinn?

Er Landsbankinn arðbær?

þegar allt er reiknað, bankaskatturinn og hagnaðurinn? Er ekki Íslandsbanki líka að gefa tekjur?

Fyrir mig sem þjónustukaupandi aðeins hefur Íslandsbanki aldrei verið þægilegri en nú í samskiptum. Hvað er að þegar allt er í lagi? Ræður Murphy ekki mönnum frá því að gera við það sem ekki er bilað? 

 

Af hverju liggur svo á að einkavæða bankana sem ríkið á?  Hver er þessi kona sem öllu stjórnar núna í Landsbankanum og gefur yfirlýsingar um söluna? Hver kaus hana? Sýnist einhverjum að Hvítabirna sé að ekki að stýra Íslandsbanka svo skammlaust sé? Hvað þarf að gera við á þeim bænum þeim?

Vantar ekki alltaf árlegt fé í heilbrigðiskerfið? Af hverju að taka einskiptis fjármagn og eyða því þegar eignatekjurnar tryggja stöðuga kostun?

Er ekki  Björgólfur Thor einn af þeim sem geta keypt bankann? Eða á að útiloka hann fyrirfram? 

Eru bankarnir ekki bara arðbærir þegar allt er skoðað?

Aukning ríkisútgjalda

á vegum ríkisstjórnarinnar sem komið er:

"„ Frítekjumark ellilífeyrisþega vegna atvinnutekna hækkað úr 25.000 krónum í 100.000. Eitt fyrsta verk stjórnarinnar.

„ Hámarksgreiðslur í fæðingarorlofi hækkaðar úr 520.000 í 600.000 þann 1. janúar sl.

„ Engin komugjöld verða innheimt af öryrkjum og öldruðum í heilsugæslu og hjá heimilislæknum frá 1. janúar 2019. Gjaldtöku fyrir vitjanir lækna til aldraðra og öryrkja hætt.

„ Stofnstyrkir til byggingar félagslegs leiguhúsnæðis hækka um 800 milljónir á þessu ári og eftir það er gert ráð fyrir stofnstyrkjum til bygginga allt að 300 félagslegra leiguíbúða árlega.

„ Aukin fjárframlög til umhverfismála um 35% frá því að ríkisstjórnin tók við í fjárlögum 2018 og fjármálaáætlun 2019-2023.

„ Verulega aukin fjárframlög til reksturs og fjárfestinga í heilbrigðismálum, eða um 11% milli fjárlaga 2017 og 2018 og um önnur 19% á tímabili fjármálaáætlunar.

„ Uppbygging innviða á ferðamannastöðum með áherslu á friðlýst svæði. Í heildina verður 2,1 milljarði varið í hana á næstu þremur árum.

„ Hækkað kolefnisgjald um 50% og boðuð frekari hækkun um 20% á næstu árum.

„ Atvinnuleysisbætur hafa hækkað í 90% af dagvinnutryggingu, úr 227.417 kr. í 270.000 kr. á mánuði.

„ Fjármagnstekjuskattur hækkaður úr 20 í 22%. Stefnt að frekari hækkun.

„ Breyttar úthlutunarreglur LÍN. Flóttafólk hefur nú aðgang að framfærslulánum í fyrsta sinn.

„ Verulega aukið fjármagn til samgöngumála, bæði í fjárlögum yfirstandandi árs og í fjármálaáætlun. Fjárfest verður í uppbyggingu samgönguinnviða fyrir 124 milljarða á tímabili áætlunarinnar.

„ Stórátak boðað í uppbyggingu hjúkrunarrýma. Rýmum verður fjölgað um 550 á næstu árum og aðbúnað

"Hækkun á bensíngjaldi.

"Veruleg aukning ríkisútgjalda munu verða með stórauknu aðstreymi flóttamanna og hælisleitenda eftir aðildina að Marrakesh samningi S.Þ.

"Persónuvernd Ríkisins mun fá verulega aukið fjármagn tl starfsemi sinnar.

"Stórhækkun mun verða á launum opinberra starfsmanna vegna kjarasamninga.

Hér er myndarlega að verki staðið og skattheimta bæði aukin og boðuð.

Sem kunnugt er þá á Sjálfstæðisflokkurinn aðild að þessari ríkisstjórn sem hefur gert þetta myndarlega átak í ríkisútgjöldum.

Hin dýrðlega hlýnun

Íslands blasti við í gríðarlega góðri mynd í sjónvarpinu um jöklana. 

Þar mátti sjá hvernig gróður tekur við af eyðimörkinni sem kemur undan jöklunum þegar þeir hopa 150 metra á ári. Jörðin verður græn og skógar hylja sanda. Allt gerir þetta Ísland betra.

Skýtur ekki skökku við þegar stjórnvöld skattleggja landslýð til að moka fé í sjóði AlGore og hans nóta sem halda fram fullyrðingum um að útblástur manna af CO2, sem hefur ekki verið lægra í andrúmsloftinu í 600 milljón ár, geri jörðina verri með hlýnun um 2 gráður? Skauta alveg fram hjá þætti sólar í hitanum á jörðinni sem geymir þó sögu um sveiflur án mannlegra áhrifa?

Ísland verður betra og jörðin verðu grænni með hverri gráðu hlýnunar.Græn jörð er það sem er undirstaða mannlífsins.Það eru áhrif hinnar dýrðlegu hlýnunar.