Meiri ríkisvæðing

í fer fram í boði Sjálfstæðisflokksins.

Gunnar Bragi Sveinsson skrifar svo:

"....Alþingi ræddi fjár­lög í gær þar sem stjórn­ar­andstaðan flutti fjöl­marg­ar breyt­inga­til­lög­ur sem all­ar voru felld­ar af stjórn­ar­flokk­un­um.

Miðflokk­ur­inn lagði m.a fram til­lögu um að hætt yrði við að rík­i­s­væða fjöl­miðla á einka­markaði en stjórn­ar­flokk­arn­ir leggja til að 400 millj­ón­ir króna renni til miðla á einka­markaði. Gal­in hug­mynd þegar ríkið er nú þegar að setja 5 þúsund millj­ón­ir króna í rík­is­rek­inn fjöl­miðil. Það að reyna að koma öll­um fjöl­miðlum á rík­is­spen­ann minn­ir óþægi­lega á sam­fé­lög þar sem stjórn­völd reyna að stýra öll­um fjöl­miðlum.

Fjöl­miðlar verða að geta starfað án rík­is­styrkja. Miðflokk­ur­inn mun á næst­unni kynna hug­mynd að því hvernig efla megi einka­rekna fjöl­miðla án þess að binda þá á rík­is­jöt­una. gunn­ar­bragi@alt­hingi.is"

Hvert fer trúverðugleiki Útvarps Sögu  til dæmis ef fyrirtækið fer að þiggja ríkisfé úr lófa valdamanna Framsóknarflokksins? Maður skilur auðvitað fjárhungur gjaldþrota kommatittanna á Stundinni og Kjarnanum sem auðvitað finna ekki aðra styrktaraðila en ríkisframfæri.

Meiri ríkisvæðing er í boði Sjálfstæðisflokksins í formi Liljískra fjölmiðlastyrkja og sykurskatts að Steingrímskum hætti.

 

Hvað kenndum við Namibíumönnum?

fleira en fiskveiðar og stjórnun þeirra? Kenndum við þeim Guðsótta og góða siði?

Erum við kannski ábyrgir fyrir því að einstakir valdamenn þeirra sáu sér leik á borði að selja velvilja sinn í sambandi við kvótakerfið?

Var starfsemi Íslendinga við Namibíu hagræn undir stjórn Jóhannesar, sem er núna svona miklu skýrari en aðrir samherjar? 

Var betra það betra fyrir Íslendinga  að Samherji veiddi fiskinn heldur en að aðrar þjóðir hefðu gert það?  Halda menn að hann hefði verið óveiddur ef Samherji hefði ekki náð kvótanum?

Átti Samherji ekki að keppa um namibíska kvótann við aðrar þjóðir? Verður maður ekki að gera eins og Rómverjar ef maður er staddur í Róm?

Eru velvildargreiðslur í Namibíu ekki aðskilin mál frá skattatilfærslum Samherja?

 

Var það ekki hið hneykslaða Alþingi sem hóf afskipti af Namibíu? Er Helga Vala núna andvíg allri þróunaraðstoð og að íslensk fyrirtæki miðli jarðhitaþekkingu til vanþróaðra ríkja eins og Kína?

Nema ekki börn það sem á bæjum er títt? 

Höfðum við hinir dyggðugu Íslendingar eitthvað óhollt fyrir þeim Namibíumönnum varðandi kvótakerfið?

Tvísköttun-Tvírefsing?

Djúpríkið hampar mjög tvísköttunarsamningum sem það hefur gert við önnur lönd að því að það segir til að koma í veg fyrir tvísköttun á sömu tekjum. Allt af tómri umhyggju fyrir borgurunum segir það. Og fólkið lætur það komast upp með þær lygar sem allir sjá eru auðvitað bara til þess að hanka borgarana.

Djúpríkið hefur líka komið ákvæðum inn í lagasetninguna hvað varðar mútur að þær séu refsiverðar á Íslandi þótt framdar séu erlendis. Sem sagt refsað skal fyrir mútuglæpi í Namibíu á Íslandi auk þess sem viðkomandi séu væntanlega líka saknæmir í Namibíu náist í þá af þarlendum yfirvöldum.

Glæpur framinn á vegum erlendrar útgerðar í  innlendri höfn er ekki aðeins refsanlegur í því landi heldur líka eftir lögum í þjóðríki gerandans? Ein afplánun tekur við þegar annarri sleppir?

Sem sagt, hinn göfugi tilgangur tvísköttunarsamninga Íslands við önnur lönd er allt annars eðlis en núverandi tvírefsirammi djúpríkisins?

Útsala!

á sveitum landsins? 

Guðni Ágústsson endar grein sína í Morgunblaðinu í dag svofellt:

"„Enginn má undan líta.“

Kannski verða örlögin þau að þegar við vöknum upp af þessum vonda draumi er aðeins eitt ráð; að segja EES-samningnum upp og taka allt land í eigu þessara auðmanna eignarnámi. Eða þá hitt að við töpum landinu og þar með dýrmætum auðlindum og frelsi þjóðarinnar.

„Enginn má undan líta,“

landið er að tapast og Kveikur RÚV sýndi okkur það, en kannski var það bara ísjakinn sem sást. Hvað vill þjóðin gera? Hvað vill Alþingi gera? Hér þarf snör handtök. Málið er dauðans alvara.

Enginn þarf að ímynda sér að Íslendingar hafi sérstakan áhuga á því að enda sem landlaus þjóð í eigin landi. Engum þarf að detta í hug þegar næsta kynslóð horfir yfir farinn veg eftir fimmtíu ár að hún dáist að virðingarleysi okkar og skammsýni; Snorrabúð stekkur og auðvald heimsins með eignarhald á jörðum forfeðranna. Þyrlur og einkaþotur verði farartæki þeirra og gullkeðjur í hliðunum við bændabýlin smáu. Og þar standi á rauðu skilti:

„No trespassing.“

Kjörnum fulltrúum þjóðarinnar leyfist ekki að líta undan og framhjá því sem nú er að gerast í sveitum þessa lands: Bújarðir og þar með auðlindir veiðiánna, vatnsins og orkunnar auk víðernanna – allt komið á alþjóðlega útsölu."

Merkilegt að maður hefur lítt orðið var við að þingmenn Sjálfstæðisflokksins hafi rætt þessi landakaupamál.

En í alvöru, þá er útsala á íslenskum bújörðum áhyggjuefni og hrollvekjusýn Guðna um "No Trespassing" skiltin ekki beint hugguleg.

Hvað er Helga Vala að leggja til?

"Í mínum huga kemur ekkert annað til greina en að eignir Samherja verði frystar núna strax á meðan á rannsókn stendur. Um er að ræða rannsókn á mögulegu mútubroti, peningaþvætti og skattalagabrotum. Hér er ekki um einhverja sjoppu að ræða heldur milljarðafyrirtæki með umtalsverð umsvif í fjölda ríkja og skattaskjólssvæðum.  Minni á að eignir dægurlagahljómsveitarinnar Sigurrósar voru frystar vegna rannsóknar á meintum skattalagabrotum hljómsveitarmeðlima sem varðaði nokkra tugi/hundruð milljóna.
Þá tel ég heldur ekkert annað koma til greina en að sjávarútvegsráðherra og fyrrverandi stjórnarformaður Samherja stígi til hliðar á meðan á rannsókn héraðssaksóknara stendur enda málið algjörlega fordæmalaust."

Er þessi heilaga kona að leggja til að allir starfsmenn Samherja missi vinnuna?  Fjöldi þeirra skiptir hugsanlega þúsundum beint eða óbeint. Fyrirtækinu sé lokað alþjóðlega? Vill hún ekki líka loka Icelandair sem verða að fljúga einni vél fyrir óframtalin fríðindi starfsmanna? Ríkisstofnunum eins og Alþingi og fleirum sem niðurgreiða mat starfsmanna án framtals? Skólamáltíðir barna án skattgreiðslu foreldra?

Er umhyggja Samfylkingarinnar fyrir lífsafkomu fólks þegar til stykkisins kemur á þennan veg sem birtist í tillögu þessarar Helgu Völu? 

Eru pólitískar keilur og þjónkun við erlent vald yfir auðlindum Íslendinga slíkt hagsmunamál þessa stjórnmálaflokks að atvinna þúsunda skiptir engu í því sambandi? 

Um hvað snýst þetta mál? 

Hér krefst Samfylkingin hækkaðs auðlindagjalds á íslensk útgerðarfyrirtæki. Um slíkt er tekist á í lýðræðisríkinu Íslandi og sitt sýnist hverjum.

Í Afríku vita allir að ríkir annað stjórnkerfi og aðrar lýðræðishefðir en hér ríkja.Þar er auðlindagjald greinilega einkavætt í þágu  stjórnmálamanna. Þeirra stjórnmálamenn virðast líta á valdastöður sínar sem tækifæri til að auðgast sjálfir.

Þetta er hreint ekki óþekkt afstaða í vanþróuðum ríkjum víðar en í Afríku. En þetta er engu að síður staðreynd. Í höfnum Bandaríkjanna fengu íslensk fyrirtæki ekki starfsfrið nema að greiða gjöld fyrir vernd.Þetta vissu allir en þetta voru staðreyndir lífsins þar í landi.Verkalýðsforinginn Jimmy Hoffa hafði mikil lönd. Þeir sem við tóku eru þarna ennþá.

 

Eina leiðin til að reka viðskipti í Afríku er áreiðanlega að spila eftir þeim reglum sem innlend stjórnvöld þar setja.

Fyrirtæki eins og Samherji lendir í þeirri stöðu að greiða  gjald fyrir velvild embættismanna eða fá annars engin viðskipti. Hvort á fyrirtækið að velja? 

Hverjar eru höfuðskyldur fyrirtækja? Að halda uppi atvinnu og starfsemi? Eða gala á torgum? 

Þurfti ekki að gera eins fyrir skreiðarviðskipti við Afríku hér um árið? 

Eru slíkar velvildargreiðslur til embættismanna og stjórnmálamanna óþekktar hér á Vesturlöndum?  Hér á Íslandi líka? Maður hefur nú heyrt og séð ýmislegt á langri ævi sem hægt væri að rifja upp.

Sagði ekki Kristur að sá yðar sem syndlaus er kasti fyrsta steininum? Félögum í Faríseafylkingunni þótti enda lítt til hans koma og voru ekki fyrirgefandi í sínu daglega fari eins og tollheimtumaðurinn sem bað Drottinn líknsemdar.

Auðvitað er þetta vandræðamál eins og öll svona leyndarmál sem upp komast.  Að Kristján Júlíusson sé óalandi og óferjandi fyrir það að hafa einhvern tímann starfað með Samherja er auðvitað álíka fáránlegt og margar aðrar pólitískar keilur Samfylkingarinnar.

En að leggja til að rústa einu stærsta fyrirtæki landsmanna, Samherja,  eins og Helga Vala gerir er svo furðuleg tillaga að maður er eiginlega orðlaus.

   

 

Ræfladýrkun

hverskyns ríður húsum hvar sem kommatittir koma að sveitarstjórnum. Þeir geta ekkert lagt til nema að láta undan ræfildómum hvar sem þeir eru í boði. Síðast dettur þeim í hug að troða eiturlyfjapakki niður innan um venjulega borgara í stað þess að girða slíka bústaði hreinlega af á aðgangsstýrðum lokuðum svæðum.

Björn Bjarnason tekur þetta fyrir í pistli sínum og er þar að finna lýsingu á ástandi sem Baldur Borgþórsson Borgarfulltrúi Miðflokksins var búinn að lýsa eftirminnilega og óhugnanlega á Útvarpi Sögu nýlega. Þá trúði maður varla sínum eigin eyrum hvernig slík ræfladýrkun getur viðgengist á vegum opinberra aðila.

Björn segir í dag:

"

Á fundi skipulags- og samgönguráðs Reykjavíkur miðvikudaginn 6. nóvember voru tillögur umhverfis- og skipulagssviðs lagðar fram um afmörkun nýrra lóða fyrir smáhýsi í Skógarhlíð og á Veðurstofuhæð, segir í frétt Morgunblaðsins í dag (12. nóvember). Ekki er nánar lýst hvaða lóðir þetta eru.

Í frétt blaðsins er sagt frá bréfi sem verktakafyrirtækið Þingvangur sendi borgaryfirvöldum. Starfsmenn fyrirtækisins unnu að framkvæmdum fyrir Reykjavíkurborg á Fiskislóð þar sem komið hefur verið fyrir smáhýsum fyrir skjólstæðinga velferðarsviðs. Í bréfi Þingvangs er þessa lýsingu að finna á ástandinu í smáhýsabyggð velferðarsviðs borgarinnar:

„Mikil eiturlyfjaneysla, eiturlyfjasala, ofbeldi, þjófnaður, sóðaskapur s.s. sprautunálar og annar búnaður til fíkniefnaneyslu svo ekki sé minnst á gríðarlega ruslasöfnun, líflátshótanir, ógnandi tilburðir með hnífum, vopnaburður, skemmdarverk á eigum starfsmanna og fyrirtækis s.s. grýtt í bíla og starfsmenn, ítrekaðar aðgerðir lögreglu og sérsveitar með tilheyrandi lokunum á götum og röskunum fyrir aðra á svæðinu.“

Þá þurfti fyrirtækið að halda úti sérstakri öryggisgæslu á vinnusvæðinu til að gæta öryggis starfsmanna og vernda eigur þeirra.

Í nágrenni Skógarhlíðar er íþróttasvæði Vals sem mikill fjöldi ungmenna sækir. Skammt frá Veðurstofuhæðinni eru tveir fjölmennir skólar, Hlíðaskóli fyrir grunnskólanemendur og Menntaskólinn við Hamrahlíð.

Myndin er úr Morgunblaðinu og sýnir velferðar-smáhýsi Reykjavíkurborgar úti á Granda. Hugmynd er um að dreifa slíkum smáhýsum um alla borga, meðal annars við Skógarhlíð og Veðurstofuhæð.

Það ber ekki vott um mikla þekkingu á þessum hluta Hlíðanna eða ferðum ungmenna um hann ef velferðarsvið borgarinnar vill í raun skapa þar ástand eins og lýst er í bréfi Þingvangs.

Mikil umferðaræð til og frá miðborginni er við Skógarhlíð og Veðurstofuhæð. Vilji borgaryfirvöld taka á móti þeim sem þar fara með hverfi velferðar-smáhýsa gefur það sérstæða mynd af borgarlífinu. Ferðamannastraumur í Perluna hefur stóraukist með endurgerð hennar sem sýningarrýmis fyrir náttúru Íslands. Velferðar-smáhýsi á gönguleið að Perlunni er nýstárleg hugmynd um landkynningu.

Í Morgunblaðinu segir Heiða Björg Hilmisdóttir, formaður velferðarráðs og varaformaður Samfylkingarinnar, smáhýsi henta sumum einstaklingum betur en að búa í fjölbýlishúsi. Leitað sé að „svæðum um alla borg undir þessi hús“. Ekki sé vilji til að „hafa of mörg á sama stað“. Leitað sé að 20 lóðum en um 70 einstaklingar bíða húsnæðis.

Spurð hvort fylgst sé sérstaklega með íbúum smáhýsa kveður hún nei við. „Það er ekki beint eftirlit með íbúum í Reykjavík, þetta eru jú íbúar sveitarfélagsins og fólkið leigir þessi hús. Þau fá stuðning og hjálp frá sérstöku vettvangs- og ráðgjafateymi sem sinnir sínu starfi mjög vel.“

Hér skal ekki dregið í efa að þeir sem eru í vettvangs- og ráðgjafateyminu sem sinnir íbúum velferðar-smáhýsanna vinna starf sitt af kostgæfni. Að íþyngja þeim með því að velja smáhýsunum stað í nágrenni íþróttamannvirkja, skóla og ferðamannaleiða ber vott um algjört úrræða- og stjórnleysi borgaryfirvalda undir forystu Samfylkingarinnar."

Stundum finnst manni að málefni lítilla minnihlutahópa fái mun meiri athygli en málefni venjulegs fólks sem oft fær enga áheyrn í kerfinu þrátt fyrir aðkallandi vandamál.

Heldur virkilega einhver að fársjúkt  eiturlyfjadót geti búið innan um annað fólk í fjölbýlum? Innan um börn?

Þetta dettur áreiðanlega engum í hug nema núverandi Borgarstjórnarmeirihluta í Reykjavík sem er samtaka í hverskyns ræfladýrkun og undanlátssemi.

Kaldastríðstónn

finnst mér að kveði við hjá Styrmi Gunnarssyni í dag.

Hann segir:

"Það blasir raunar við, sem Stuart Peach formaður hermálanefndar Atlantshafsbandalagsins, sagði á fundi Varðbergs í gær, að meiri óvissa er í öryggismálum á Norðurslóðum en verið hefur frá lokum kalda stríðsins.

Því valda fyrst og fremst aukin hernaðarleg umsvif Rússa en líka sá vaxandi þrýstingur um áhrif á þessu svæði, sem finna má frá Kína.

Að halda öðru fram er barnaskapur.

Friður verður ekki til bara með því að tala um frið.

Vandinn, sem við sem búum á þessu svæði stöndum frammi fyrir nú er hins vegar sú óvissa, sem skapast hefur vestan hafs vegna núverandi íbúa Hvíta Hússins.

Macron, forseti Frakklands hefur vakið athygli á þessu og ástæða til. Ummæli Peach um að 80% af hernaðargetu NATÓ verði utan ESB eftir útgöngu Breta, breyta engu um þennan veruleika, af þeirri ástæðu, að enginn getur gengið út frá því sem vísu hvernig Trump bregst við, ef...

Þetta er ný tegund af óvissu, sem við höfum ekki áður staðið frammi fyrir frá lýðveldisstofnun."

Ég myndi fremur vera á varðbergi gagnvart Kínverjum en Rússum.Kínverjar eiga ekkert erindi hér á Norðurslóðum nema sem liður í heimsvaldastefnu einræðisstjórnarinnar.Þeir eru aðskotadýr sem við eigum ekki að púkka undir með einhverjum belti og brautar hugleiðingum í Finnafirði. Hjá þeim er Rathcliff bara hátíð.

Að Styrmir skuli rakka Trump svona niður líkar mér miður og miklu síður að að vera að spá í  hvað þessi Macron er að segja. Ég held að Íslendingum sé meira traust af Trump en honum eða þessu aulabandalagi í Evrópu sem enga hernaðarákvörðun getur nokkurn tímann tekið vegna innbyggðs kerfisstirðleika.Sást best í Bosníustríðinu í bakgarði ESB að Bandaríkin voru þau einu sem gátu tekið á málinu.

Mér finnst nokkur kaldastríðstónn í skrifum Styrmis í dag.

 

Stjórnarskrárruglið

gengur ljósum logum meðal kommatittanna í þjóðfélaginu.Það er eins og þeir séu andsetnir af því að bankahrunið hafi orðið vegna skorts á einhverri "Þorvaldarspeki"?

Leiðari Morgunblaðsins tekur vel á þessu máli og skringileikinn í aðferðafræði tittanna:

"Í gær voru sagðar fréttir af því að stjórnarskrárruglið gengi nú aftur. Og allur var aðdragandinn jafn vitlaus og síðast og jafnvel voru fulltrúar ólögmæta „stjórnlagaráðsins“ hafðir í áhrifastöðum á nýju upphafsfundunum, dreifandi gömlu gögnunum sem gengu aldrei upp og hleypandi upp fundinum, sem er varla gagnrýnisvert.

Það stórundarlega er að þegar þessi skrípaleikur, taka tvö, er settur í gang á ný er hann með samþykki og velvilja Sjálfstæðisflokksins! Hvernig gat það gerst?

Jóhönnu-/Steingrímsstjórnin taldi fall íslensku bankanna ákjósanlegt tækifæri fyrir sig til að hleypa öllu í bál og brand á þeirri stundu þegar þjóðin þurfti mest á samheldni að halda.

 

Aldrei var það rökstutt hvað stjórnarskrá landsins hefði haft með fall bankanna að gera. Bankaáfallið var alþjóðlegt þótt það hefði verið tilfinnanlegra um margt hér en annars staðar. Hvergi annars staðar kom upp sú hugmynd að vegna áfallsins þar þyrfti að breyta stjórnarskrá viðkomandi lands.

Byrjað var á stórskrípaleik í Laugardagshöll þar sem fundarmenn sátu við 100 hringborð með „leiðbeinanda“ við hvert og hugsuðu upp stikkorð um breytingar á stjórnarskrá.

Og kraftaverkið gerðist því af öllum borðum í þessu risastóra andaglasi bárust svipuð stikkorð og spekingar létu eins og tilviljanakennd tombóla af þessu tagi væri frábært upphaf á breyttri stjórnarskrá. Og nú er vitleysan farin af stað aftur.

Og þar fara fyrir flokkar sem hafa sýnt að þeir telja vilja stjórnarskrárinnar ekki skipta neinu máli, frekar en að ákvarðanir æðstu funda þeirra sjálfra séu marktækar."

Þorsteinn Siglaugsson ritar eftirfarandi skýringar :

"Það voru 36% eða 37% kjósenda sem vildu leggja þessar tillögur til grundvallar, ekki 67%. Stór hluti kjósenda sat nefnilega heima. Og hvers vegna var það?

Það var vegna þess að það lá alveg ljóst fyrir að stjórnlagaráðið hafði ekkert umboð til eins eða neins og kosningin var ekki bindandi kosning heldur fremur skoðanakönnun.

Upphaflega átti að setja á stjórnlagaþing og Alþingi hafði samþykkt valdheimildir til þess. En kosningin fór í handaskolum. Í kjölfarið var skipuð nefnd. En nefndin hafði engar valdheimildir.

Þetta er nú sannleikur málsins."

Samt halda Þorvaldur Gylfason og hans nótar áfram að halda því fram að 67 % þjóðarinnar hafi heimtað nýja stjórnarskrá.

Þannig heldur Stjórnarskrárruglið áfram og áfram.

Pax Putinum?

"November 11, 2019

Kyiv and Russia-backed separatists say they have completed a pullback of troops and weapons from a frontline area in eastern Ukraine.

The move is one of a series of confidence-building measures that could pave the way for a four-way summit aimed at ending the conflict in the Luhansk and Donetsk regions that has killed more than 13,000 people since April 2014.

Ukraine's military said Ukrainian forces completed the withdrawal from the Petrivske area in the Donetsk region at noon on November 11.

It said mine clearance in the area is set to begin on November 12, after monitors from the Organization for Security and Cooperation in Europe have confirmed the pullback of forces.

A representative of the separatists in the Luhansk region previously said they had fully withdrawn from the area.

The disengagement began on November 9 following a similar withdrawal in a section of the front line in neighboring Luhansk region."

Ég hef lengi haft það álit á Putin að hann sé friðarins maður þó að Björn Bjarnason haldi því framað  hann hafi lagt undir sig Krímskaga með hervaldi sem ég tel ekki vera svo. Íbúarnir hafa alltaf verið Rússar og samþykktu að sameinast Rússlandi í þjóðaratkvæðagreiðslu sem er allt annar hlutur.

Nú sýnir hann friðarvilja í verki.

Pax Putinum er hugsanlega að renna upp í Úkraínu.

 

Vonandi skemmti fólkið sér

á stjórnarskrárfundinum um helgina.

Þorvaldarhirðin dreifði sinni útgáfu af nýrri stjórnarskrá á fundinum í óleyfi og óþökk fundarboðenda en komst upp með það.Ennfremur að hleypa upp fundinum með bægslagangi og frammítökum við litla hrifningu fundarmanna.

Allt þetta sýnir lýðræðisástina sem er þessu stjórnlagaráðsfólki í blóð borið og gefur fyrirheit um hvernig stjórnarskrá það vill setja öðru fólki. En manni sýnist að þessi helgarsamkunda hafi ekki verið allskostar dús við aðgerðir hirðarinnar gömlu. 

Svo líklega hefur ný stjórnarskrá heldur fjarlægst heldur en hitt. Sem betur fer líklega  þar sem 1944 útgáfan hefur alveg dugað til þessa eins og sannaðist best í Icesave dellunni sem stjórnmálamennirnir ætluðu að neyða ofan í þjóðina. Enda sýnir sagan að þeir gefa lítið fyrir einhverja stjórnarskrá ef þeim svo sýnist og telja sér henta.

Bjarni Benediktsson  vill því fara hægt í stjórnarskrárbreytingar og manni virðist ekki illa tekið í það þó að Þorvaldur Gylfason eigi eftir að hafa um það einhvern langhund að líkindum.

En vonandi skemmti fólkið sér og fékk góðan viðurgjörning hjá Kötu allsherjar.