Styrmir segir enn:

"Á menningarnótt í Reykjavík í gær var fólk á vegum Orkunnar okkar á ferð í miðbænum að tala við þá, sem áhuga höfðu á um orkupakkann. Tvennt vakti athygli:

Í fyrsta lagi að langflestir þeirra, sem við var talað höfðu gert upp hug sinn og voru andvígir samþykkt hans.

Í öðru lagi hvað fólk var vel að sér, hafði greinilega fylgzt með umræðum og sett sig inn í málið.

Þetta er vísbending um að andstæðingar orkupakkans hafi náð til fólks með málflutningi sínum eins og reyndar mikil aðsókn að fundum Miðflokksins í Suðurkjördæmi um málið hafi líka sýnt fyrr í vikunni.

Margir veltu líka fyrir sér hvað mundi gerast ef þingmenn hefðu andstöðuna að engu og samþykktu pakkann.

Pólitíkin er að breytast. Vægi flokkanna er að minnka en áhrif þverpólitískra samtaka um einstök málefni að aukast."

Sé vægi flokkanna að minnka sé þá ekki bara í lagi að hunza vilja flokksmanna, þeir hafi hvort sem er æ minna um málin að segja?  Það er bara núið og stundarupphafningin sem sem gildi?

Den tid- den sorg með kosningar?

Eða  má svo túlka orð Styrmis?

 

Rússagasið

er greinilega ávanabindandi fyrir Þjóðverja.

Vindmyllubyggingar eru hættar að aukast þar í landi, aðeins 287 MW bættust við á fyrsta helmingi ársins 2019.

Hvað þýðir þetta fyrir hamfarahlýnunina hjá henni  Merkel Þýzkalandskeisara og aukins CO2 útblásturs í Þýzkalandi?

Hverju lofaði hún henni Katrínu og hvað þýddi allt þetta  ballyhó sem nýlokið er hér í Viðey og á Þingvöllum?  

Hvernig rímar þessi aukni útblástur Þýzkalands við lokun kjarnorkuveranna 2022 eins og Merkel lofaði? Hugsanlega verða Frakkar búnir að byggja næg kjarnorkuver við landamærin til að ekki verði straumlaust í Ruhr?

2022 verður Merkel farin frá og ekki munu allir sakna hennar fyrir þær ráðstafanir í innflytjendamálum sem eftir hana liggja. En við Íslendingarnir sitjum uppi með grænu kolefnisskattana hennar Katrínar Jakobs eftir sem áður. 

 

En okkar nauðsynlega útblástursaukning er tryggð með auknu flugi bæði okkar og hersins sem og sífellt fleiri ráðstefnum sem embættismenn okkar þurfa að sækja erlendis vegna skorts á einangrunarhyggju.

Þó að við höfum  ekkert Rússagas þá höfum við næga olíu og bensín L.s G..  Og þar sem svo lítið af vatnsvirkjunum er í nýtingarflokki og engar vindmyllur byggjum við af því að henni Lovísu í sumarbústaðnum finnst þær svo ljótar og hávaðasamar á kyrrum kvöldum, þá brennum við bara meira af jarðefnaeldsneyti en nokkru sinni fyrr. Og 60.000 tonna kolainnflutningur Steingríms Jóhanns fyrir norðan er í góðum gír og getur bara aukist.

Skyldi jarðefnaeldsneytið, Rússagasið, flugið og einkabíllinn ekki ekki vera meira ávanabindandi en margir vinstrimenn og  umhverfissinnar halda?  

  

Vond tíðindi af Trump og Pútín

Rússar hafa klagað í Öryggisráðið tilraun Bandaríkjanna með millivegalengdarflaug sem fer í bága við gamla samninginn þeirra Reagan og Gorbasjefs.

Lavrov er vonsvikinn yfir þessu sem hann segir að boði ekkert gott. Trump segir að samningurinn sé úreltur þar sem nýjustu vopn Rússa falli ekki undir hann en virki eins og þau gömlu bönnuðu.

Vonandi ná þeir Trump og Pútín að semja upp á nýtt áður en nýtt brjálæðiskapphlaup hefst.Nógir eru líklega hvatamennirnir báðum megin línunnar eins og brjálaði generállinn í myndinni dr. Strangelove sem óskaði þess að Kanar ættu líka heimsendaspremgju eins og Rússarnir voru búnir að finna upp.

Heimsbyggðin á mikið undir þessu tveimur mönnum. Sem betur fer er sá sem við þekkjum sem Trump  skynsamur kaupmaður og algjör andstæða við hatursintelligensíu prófessors doktors Þorvaldar Gylfasonar sem gengur fram af flestum þegar hann og Fréttablaðið fá ritflog um gáfnafar og eiginleika Trumps. 

Brjálaður Bauni

skrifar skít um Trump:

"Det kunne ikke være mere forkert – og måned efter måned er vi blevet bekræftet i, at Trump ikke bare mener, hvad han siger, nej, han er edderbankemig også villig til at kæmpe for sagen med alle tænkelige og utænkelige metoder, og intet slag er for lavt i hans kamp.

Da Trump i sin tiltrædelsestale sagde, at fra nu af er det altid og uden undtagelse ’America First! America First! America First!’, ja, der mente han det – og det har Vesten mærket lige siden. Præsidentens foragt for Europas (gamle) demokratier er åbenlys:

Nato er spild af penge. EU er en taberorganisation. Tyskland er nogle snyltere. Den slags.

I denne uge er det så Danmarks tur til at få en overhaling – og den måtte selvfølgelig komme:

Trumps bizarre forslag om at ville købe Grønland ville, dengang verden var normal, være blevet fejet af banen som, ja, absurd, men i dag er det en del af den globale uorden fra ham, vi kalder lederen af den frie verden. Der er kun en god ting ved præsidentens idioti i denne uge:

Endelig forstår hele Danmark, at Trump er crazy.

Det var på tide.

-----------------

David Trads (1967) er journalist, skribent og debattør og tidligere folketingskandidat for Socialdemokratiet, forhenværende udviklingsdirektør, Metro International. Indlægget er alene udtryk for skribentens egne holdninger."

 

Þessi karl er danskur krati af algengustu og ekki skárstu sort og skrifar á Altinget.

Seldu ekki Baunir Jómfrúareyjar á 19.öld? Alræmdir nýlendukúgarar og þrælasalar.  Þeim ferst Baununum.

Ég vildi sjá Trump gera Grænlendingum tilboð um að verða Fylki í Bandaríkjunum. Baunir hefðu þá ekkert með málið að gera.

 

Vinstri hræsni

birtist virkilega tært í grein frænda míns Guðmundar Andra Thorssonar í Fréttablaðinu í dag:

"Mike Pence er öfgamaður sem kennir sig við kristna trú en boðar fábreytni, umburðarleysi, bókstafstrú og óttastjórnun. Í orðum sínum og verkum hefur hann beitt sér gegn réttindum kvenna og hinsegin fólks.

Þó að auðvitað þurfi að sýna embætti varaforseta Bandaríkjanna kurteisi hljóta gestgjafar Mike Pence að taka á móti honum beinir í baki.

Þess er vonandi að vænta að íslenskir ráðamenn minni Pence á það verðmætamat á manneskjum sem samfélag okkar grundvallast á: virðingu og umburðarlyndi, frelsi einstaklingsins og sjálfsákvörðunarrétt fólks yfir eigin líkama og lífi.

Vonandi munu íslensk stjórnvöld líka færa í tal við hann þá mannvonsku sem lýsir sér í að skilja börn frá fjölskyldum sínum, og geyma við óboðlegar aðstæður. Og loks hljótum við að vænta þess að útskýrt verði fyrir honum hvernig hamfarahlýnun ógnar lífi á Jörðinni.

Nú er árið 2019. Hafi Bandaríkjamenn einhvern tímann verið útvörður lýðræðis og mannréttinda í heiminum, sem svo sannarlega er umdeilanlegt, þá er það að minnsta kosti liðin tíð. Herlið hér á landi með Donald Trump sem æðsta yfirmann er ekki til þess fallið að vekja öryggiskennd.

Þarf aðild okkar að Nató og þátttaka okkar í alþjóðlegu samstarfi um varnir sjálf krafa að tákna hernaðarlega viðveru Bandaríkjamanna hér? Varnarsamningurinn frá 1951 kann að vera formlega enn í gildi en Bandaríkjamenn hættu einhliða að uppfylla hann árið 2006. Þeir fóru. Viljum við þá aftur?

Þó að Íslendingar eigi aðild að Nató – og við séum mörg sem teljum að þjóðin eigi að taka þátt í alþjóðlegu samstarfi og gangast undir skuldbindingar sem því fylgja – þá er ekki þar með sagt að Bandaríkjamenn eigi að standa hér fyrir hernaðaruppbyggingu, til að styrkja stöðu sína í kapphlaupi við að græða sem mest á hamfarahlýnun Jarðar."

Hann sleppir því nefnilega alveg að Merkel Þýzkalandskeisari var algjör bandamaður Pence og Jóns Vals í fóstureyðingamálum.Hún er formaður í Kristilegum flokki.  Síðasta setningin er svo augljóslega staðlausir stafir að ég nenni ekki að ræða hana. Og sama gildir um innganginn sem fjallar um skepnuskap Pence.

Vinstri menn eins og Guðmundur frændi geta aldrei fjallað nem um þá hlið mála sem þeim hentar sjálfum.

Þannig birtist mönnum vinstri hræsnin daglega.

Skynsemi

er að finna í grein prófessors dr. Björns Rúnars Lúðvíkssonar í Morgunblaðinu í dag. Hann er að ræða fjárhagsvandræði Landspítalans.

Ég lagðist á gjörgæslu á Florida Hospital í 5 daga. Þjónustan var óaðfinnanleg og allt í toppi. Reikningurinn var 3 milljónir dagurinn.

Ég lagðist svo á gjörgæsluna á Landspítalanum í nær 3 vikur og lífi mínu var bjargað þar eins og í Florida. Reikningarnir eru bara smávegis.Þjónustan og tæknin var ekki síðri og áreiðanlega er kostnaðurinn ekki minni en í Florida.

Hveernig getur það verið að einhverjir embættismenn í ráðuneytunum viti það fyrirfram hvað kostar að reka Landspítalann á næsta ári? Hvað koma margir útlendingar til landsins sem lenda þar inni? Hvað vita þeir um það hvenær ég veikist?

Eina sem pólitíkusarnir gera er að þeir láta þessa embættismenn siga sér til að skamma þá sem eru að framkvæma þjónustuna frá degi til dags.Þessir aðilar hafa ekki hundsvit á neinu sem fram fer á spítalanum.

Ég er ekki á móti því að reynt sé að hagræða. En að þessir aðilar skuli krefjast þess að forstjórinn skuli eiga að knékrjúpa fyrir þessu liði og játa það á sig grátandi og niðurlægður að allt sem hann gerði síðustu ár í skipulagningu sé bull og vitleysa og hann skuli nú hætta því bruðli sem því fylgdi að hafa yfirlækna og svo framvegis og þá verði allt í keyinu? B.S.

Ef að kostnaðurinn á Florida sem er látinn standa undir sér(þeir byrjuðu ekki að tala við mig fyrr en þeir voru búnir að strauja kortið mitt um milljón eða svo)þá ætti að vera auðvelt að margfalda sjúkrahúsdagana á landspítala með 3 milljónum og vita hvað kemur út.

Dr. Björn Rúnar og aðrir sérfræðingar geta væntanlega gert það fyrir okkur. Síðan má spyrja hina útvöldu embættismenn í ráðuneytunum hver sé ástæðan fyrir mismuninum ef einhver verður? Hvaðan komi þeim öll þeirra vizka?

En dr.Björn Rúnar setur fram margt forvitnilegt fram í grein sinni.

Ég get til  dæmis haldið því fram með reikniformúlum Björns að ég sé orðinn mörg hundruð þúsunda dollar virði eftir að það er búið  að framlengja mitt auma líf um mörg ár. En enginn veit betur en ég að útkoman yrði stórkostlegt ofmat þar sem ég er ekki að skila þjóðfélaginu neinu sem nemur og væri því trúlega betur dauður hvað þess hagsmuni varðar.

En ég er enn hér aðeins vegna Landspítalans og læknanna þar.Ég gæti aldrei greitt þann reikning ef hann væri á Florid-skala.

 

Dr.Björn Rúnar skrifar:

"Þorsteinn Víglundsson fer mikinn í nýlegri grein til Fréttablaðsins. Þar heldur hann því fram að framlegð heilbrigðiskerfisins og sérstaklega Landspítalans hafi dregist stórlega saman á undanförnum árum.

Þar sem þingmaðurinn virðist ekki vera nægilega vel upplýstur um hlutverk og stöðu þjóðarsjúkrahússins þá tel ég mikilvægt að benda á nokkrar mikilvægar staðreyndir í ljósi villandi staðhæfinga hans.

Á því tímabili, sem þingmaðurinn tiltekur, hafa gengið í gildi kjarabætur og launaleiðréttingar sem forstöðumönnum heilbrigðisstofnanna hefur gengið erfiðlega að standa undir þar sem óhjákvæmilega auknum útgjöldum vegna þessara samninga hefur ekki verið mætt með sambærilegu fjármagni til reksturs viðkomandi stofnana.

Einnig verður að minna þingmanninn á að tækjakostur þessara stofnanna var fyrir löngu orðinn úreltur, auk þess sem húseignir þessara stofnana voru annaðhvort ónýtar eða stórskemmdar vegna langtíma skorts á fjármagni til eðlilegs viðhalds og rekstrar lífsnauðsynlegs tækjabúnaðar.

Af þessu leiddi að stór hluti þess fjármagns sem þingmaðurinn tiltekur hefur farið í löngu tímabærar viðgerðir og endurnýjun tækjabúnaðar þessara stofnana og sérstaklega Landspítalann, þar sem þeim fasa er hvergi nærri lokið.

Því miður hafa langflestir Íslendingar þurft á þjónustu heilbrigðiskerfisins að halda. Þeim er því flestum vel kunnugt um mikilvægi þess, auk þeirrar framlegðar sem það veitir bæði með beinum og óbeinum hætti inn í íslenskt hagkerfi á hverjum tíma.

Það er gömul mýta að heilbrigðiskerfið sé rekið með halla, staðreyndin er sú að á hverju ári er hægt að reikna út þann gríðarlega arð sem þessi hornsteinn velmegunar og farsældar þjóðarinnar veitir beint inn í hagkerfið. Langflest verk, þ.m.t. viðtalsmeðferðir, lyfjameðferðir, skurðaðgerðir og almennar lýðheilsubætandi aðgerðir, hafa verið ítarlega kostnaðargreind og nær undantekningalaust eru þau rekin með verulegum fjárhagslegum ábata bæði fyrir þann einstakling sem þjónustuna fær og hagkerfið í heild sinni.

Þar er þá undanskilinn hinn félagslegi og samfélagslegi ábati sem bætt heilsa og heilbrigði þjóðar veitir hverju sinni.

Einn af þeim almennu mælikvörðum sem flest alþjóðleg viðmið notast við er s.k. QALY. Þar er gengið út frá að hvert eitt ár sem einstaklingur lifir við eðlilega heilsu án nokkurra inngripa sé 1,0 QALY. Útreikningur á kostnaði hvers árs sem einstaklingurinn nær að lifa þar sem bæði er tekið til lífsgæða og lífslengdar hefur síðan áhrif á útreiknaða útkomu hvers læknisfræðilegs inngrips (þ.e. kostnaður hvers árs).

Þannig hafa orðið til heilsuhagfræðileg viðmið þar sem gengið er út frá því að öll QALY innan þeirra viðmiða skili samfélaginu verulegum fjárhagslegum og félagslegum ábata.

Almennt er gengið út frá því í Bandaríkjunum að meðferðir með kostnaðarhagkvæmni (costeffectiveness) innan USD 50- 100.000 fyrir hvert áunnið QALY skili slíkum markmiðum.

WHO hefur sambærileg skilmerki en þar er miðað við verga landsframleiðslu (GDP) þar sem inngrip sem kosta minna en 3xGDP af höfðatölu séu arðsöm og þau sem séu minna an GDP m.v. höfðatölu verulega arðsöm.

Fjölmargar úttektir hafa verið gerðar á gæðum og afköstum íslensks heilbrigðiskerfis sem undantekningalaust hafa sýnt að þrátt fyrir að heildarframlög til málaflokksins séu eitt það lægsta hlutfall af vergri landsframleiðslu á alþjóðlegum vettvangi sem þekkist þá eru gæði og afköst með því besta sem til þekkist.

Það kom ótvírætt fram í skýrslu McKinsey 2016, sem einnig kom fram í ítarlegri rannsókn um sama mál sem birt var í hinu virta læknatímariti The Lancet 2018. Þar var heilbrigðisvísitala (HAQ index) 195 landa reiknuð út frá gæðum og aðgengi m.t.t. ótímabærra dauðsfalla þeirra sem eru 75 ára og yngri. Þar skipaði Ísland sér í efsta sæti, meðan lönd eins og Danmörk (17. sæti) og Bandaríkin (29. sæti) voru töluvert neðar á listanum.

Það er enn mikið verk að vinna til að bæta enn frekar aðgengi og gæði þeirrar þjónustu sem Landspítalanum er ætlað að sinna. Þar má örugglega gera betur á ýmsum sviðum, sérstaklega er varðar stjórnskipulag og rekstrarfyrirkomulag Landspítalans. Um það eigum við að sameinast, en ekki stunda niðurrifsstarfsemi um það sem vel er unnið þrátt fyrir kröpp kjör.

Þannig hefur undirritaður ítrekað bent á bága stöðu vísinda og kennslu innan þjóðarsjúkrahússins, en þrátt fyrir nokkur jákvæð teikn á lofti er þar enn töluvert verk að vinna eins og áður hefur verið bent á.

Prófessoraráð Landspítalans hefur áður lýst yfir vilja sínum og áhuga á því að aðstoða við áframhaldandi uppbyggingu íslensks heilbrigðiskerfis, almenningi til heilla. Það boð á einnig við alla þingmenn, sem og Þorstein Víglundsson, þó að ekki væri til annars en til aðstoðar við nauðsynlega upplýsingaöflun í þeirra mikilvæga starfi. "

Það togast á pólitísk markmið sem fram koma í einni af fremur fátíðum skynsamlegum greinum sem ég hef séð eftir helgu Völu Helgadóttur í sama blaðinu.

"Ég á mér draum um samfélag þar sem þau sterku styðja þau veikari. Þar sem við stöndum saman undir grunnþjónustu þannig að þau efnameiri borgi fleiri krónur í samfélagssjóðinn. Þar sem sjúklingar þurfa ekki að greiða fyrir þjónustu sína umfram það sem þau greiða með sköttum sínum.

Draum um að sjúklingar þurfi ekki á neinum tímapunkti að hugsa sem svo að þau hafi ekki efni á því að leita lækninga vegna kostnaðarþátttöku. Einhverjir kunna nú að segja að þetta séu engar fjárhæðir, hámarksgreiðsla fyrir læknisþjónustu er rúmlega 26 þúsund krónur á mánuði en verður þó aldrei hærri en tæpar 74 þúsund krónur á tólf mánaða tímabili.

En sá sem enga innkomu hefur vegna veikinda sinna, sá sem veikist skyndilega og þarf áfram að standa skil á öllum sínum reikningum heima fyrir, láglaunafólk sem um hver mánaðamót velur hvaða reikning á að greiða svo börnin verði ekki vannærð um miðjan mánuðinn sem og námsmenn eiga ekki þessa fjármuni. Munum að þetta er fyrir utan það sem þarf að greiða vegna lyfjanotkunar.

Hámarksgreiðsla einstaklings vegna nauðsynlegra lyfja er 62 þúsund krónur á 12 mánaða tímabili. Lífeyrishafar fá einhvern afslátt en munum það að fyrir þann sem ekkert hefur á milli handanna er þetta heilmikill peningur og algjörlega óboðlegt að þurfa að hafa stórkostlegar fjárhagsáhyggjur ofan á alvarleg veikindi. Tökum raunveruleg dæmi:

Ung kona greindist á dögunum öðru sinni með alvarlegt krabbamein. Fjölskyldan inniber fjölda barna sem þarf að sjá fyrir frá degi til dags. Hin unga kona, sem nú hefur lokið töku alls veikindaréttar, hefur frá því í byrjun júlí þurft að greiða á annað hundrað þúsund krónur í heilbrigðisþjónustu og lyf. Á annað hundrað þúsund á tæplega tveimur mánuðum!

Hún þarf því að biðla til vina og kunningja um fjárhagsstuðning, svo henni sé þetta gerlegt. Önnur ung kona, námsmaður í framhaldsskóla, greindist með langvinnan sjúkdóm í byrjun árs. Frá þeim tíma hefur hún greitt rúmar 100 þúsund krónur í lyf, greiningar og vottorð.

Þessir fjármunir koma ekki úr digrum sjóðum hennar né á hún nokkurn kost á aukavinnu eða námslánum. Fjölskyldan þarf nú að finna út úr því hvar draga skal saman seglin til að hafa efni á að fá réttar greiningar og lækningar.

Mér finnst gott að greiða til samneyslunnar svo þeir sem á þurfa að halda séu ekki settir í þau spor að hafa stórkostlegar fjárhagsáhyggjur ofan á alvarleg veikindi.

Ég á mér þann draum að einn dag komi til valda flokkar sem byggjast á jöfnuði og velferð, sem hugsa um það að deila gæðum og létta byrðum af þeim sem eiga erfiðara um vik. Við eigum að sjá sóma okkar í því að koma á gjaldfrjálsri heilbrigðisþjónustu svo við getum raunverulega staðið undir nafni sem norrænt velferðarríki."

Ég persónulega á mér ekki þann draum að flokkur hennar Helgu Völu komist til valda á Íslandi miðað við reynsluna á efndum draumanna í síðustu samstjórn þess flokks með kommunm. En flokkur hennar er samt að verða stærsti flokkur þjóðarinnar eftir að minn gamli flokkur virðist ákveða að gefa eftir sæti sitt á íslenskum stjórnmálakvarða.

En ég held að það sé jákvætt að reyna að ræða fyrirkomulag og kostnað heilbrigðismála af skynsemi og þeim pólitísku markmiðum sem samkomulag allra flokka virðist vera um.

Danir trompast út í Trump

sem gerði þó ekki annað en að endurtaka kauptilboð Harry Truman frá 1946 til Dana í Grænland með hurðum og gluggum.Og annar forseti þar áður?

Forsætis-Blástakkur frá Grænlandi sem var að heimsækja okkur sagðist þó vilja tala við Trump hvað svo sem hún Metta segði.

Það var hann Trump sem spaugaði með að hann lofaði að byggja ekki Trmup-turn á Grænlandsjökli sem gerði Dani vitlausa. Þeir höfðu ekki húmor fyrir því og því hættir Trump við að heimsækja hana Mettu.

Hvað skyldi hinsvegar gerast ef Trump byði Grænlendingum segjum hundraðþúsund dollara hverjum ef þeir samþykktu í þjóðaratkvæði að Grænland yrði fylki í Bandaríkjunum og svo og svo mikið fé rynni auk þess til Grænlands sem nýs fylkis. Hefði Metta eitthvað með það að gera?  Svona Pútínskt Krímtrikk? Eru menn vissir um hvernig svoleiðis tilboð myndi enda?

Hversu vænt þykir Grænlendingum um Dani? Svona eins og Íslendingum þótti vænt um Dani hér áður fyrr þegar hér skorti margt?

Var einhver ástæða fyrir Dani að trompast út í Trump?

 

Sólsveifla 25

er að hefjast. Ef hún líkist nr.14 þá er ekki að vita nema að kólni verulega á næsta áratug. Ég vona sannarlega ekki þó gaman sé að segja:I told you so.

En að segja að CO2 í andrúmslofti sem hefur aðeins aukist um örsmæðarbrot, er nún 401 hluti af milljón í andrúmsloftinu, ráði hlýnun eru ekki trúverðug vísindi. Vita menn ekkert um mátt sólarinnar og hegðun hennar?

Tíminn leiðir þetta í ljós því að Kínverjar blása út CO2 sem aldrei fyrr og munu auka útblásturinn til 2030 segja þeir. Eftir það skuli þeir skoða málið. En þeir byggja eitt kolakynt raforkuver í mánuði sem hvert eitt mengar meira en Ísland. 

Íslendingar framleiða 0.04 % af rafmagni heimsins, einhver 2.8 Gw af 7,000 slíkum. Mest af því er framleitt með kolum sem breytast talsvert í CO2 við bruna.

Íslensk fífl halda að þeir ráði eitthvað við hlýnun andrúmsloftsins með því að skattleggja okkar fátæka fólk og pumpa CO2 úr hellisheiðarvirkjun niður í jörðina fyrir 3.500 kr/tonnið meðan virkjunin blæs svo miklu af brennisteinssýru út í loftið að hún er búin að eyðileggja öll háspennumöstur til Hveragerðis og Guð einn veit hvernig lungun í Hvergerðingum líta út núna og hvort þeir fái engar afleiðingar af þessum umhverfissóðaskap Dags B. Eggertssonar og hans kommasafni í Borgarstjórn Reykjavíkur. Auk þess bila raftæki mun  meira í Grafarvogi en í Vesturbæ. 

Sólsveifla 25 er að hefjast og nær hámarki um miðjan næsta áratug þannig að einhver gæti talið skynsamlegt að bíða ögn með fjárútlát vegna hlýnunar af mannavöldum.

Er rafmagn vara?

Ef svo er, eru þá ekki fallvötn Íslands vara. Þar með landið sem þau renna um? 

Öggi skrifar svo í Mogga:

"...Með löggjöf frá því undir aldarlok var hert á lagaákvæðum þess efnis að eignarhald á landi færðu landeigendum yfirráð yfir öllu því sem væri að finna í landareign þeirra, jafnt orku sem vatni.

Að vísu eru skorður reistar um nýtinguna en sáralitlar þó þegar haft er í huga hvað í húfi er.

Við verðum nú vitni að því hér á landi að ásókn eykst í land þar sem slík gæði er að hafa og að jafnt og þétt færist eignarhaldið út úr landinu.

Allt þetta skýrir án efa að margir sem alla jafna eru markaðsþenkjandi finnst ástæða til að endurskoða afstöðu sína hvað raforku og vatn áhrærir og þá máta hvort hún er enn í samræmi við upphaflega hugsun þeirra um að tryggja sem best hag neytenda, náttúru og samfélags.

Þegar ESB nú sektar ríki fyrir að beygja sig ekki tilhlýðilega undir vönd markaðshyggjunnar tek ég ofan fyrir þeim sem búa yfir því sjálfstæði hugans að geta skipt um skoðun.

Svo er náttúrlega hitt til í dæminu, að fólk skipti um skoðun í hina áttina, til að vingast við vöndinn. En ekki er það til að taka ofan fyrir. "

Hvað fær Maggi langi borgað fyrir kílóvattið úr Brúarvirkjun? Á hann einn aflið í Tungufljóti á virkjunarstað? 

Eigum  við Heiði og Bergstaðir saman  allt aflið í fossinum Faxa? Megum við ekki virkja hann án afskipta annarra? Erum við þá skyldugir að selja orkuna hæstbjóðanda þó að við vildum nota hana sjálfir til heimabrúks?

Eiga þeir sem afréttarlönd eiga á vatnasvæði Tungufljóts kröfu á að fá borgað úr Brúárvirkjun og Faxavirkjun?

Er rafmagn vara en jarðir og afréttir sem eiga vatnsréttindi takmörkunum háðar?

Trump og Grænland

er skemmtileg uppákoma í fréttum. Karlinn vill kaupa Grænland í heilu lagi. Þessu er slegið upp í réttpressunni sem enn ein sönnun fyriryfirburða heimsku Forsetans.Hann sé ekki nærri eins gáfaður og vinstri menn eru almennt á Norðurlöndum.

Samt er þetta ekki vitlausara en svo að það hefur fleiri forsetum Bandaríkjanna dottið þetta í hug. Þannig bauð Harry Trum­an, þáver­andi Banda­ríkja­for­seti, Dön­um eitt hundrað millj­ón­ir Banda­ríkja­dala fyr­ir Græn­land árið 1946 en Dan­ir neituðu að selja. Var það önn­ur til­raun Banda­ríkj­anna til þess að eign­ast landið, en árið 1867 hafði ut­an­rík­is­ráðuneytið banda­ríska einnig sent fyr­ir­spurn til Dan­merk­ur um kaup á Græn­landi. Þá átti Ísland raun­ar að fylgja með í kaup­un­um líka, en ekk­ert varð af því.

Einhvern tímann heyrði ég að Íslandi hefði staðið til boða að verða fylki í Bandaríkjunum án þess að ég viti nánar um það.Bandaríkin keyptu Alaska af Rússum á sínum tíma  sem sáu sitt óvænna að selja landið til að forða styrjöld. Nú býst enginn við að Trump taki Grænland með hervaldi eins og hefði líklega orðið með Alaska ef Rússar hefðu ekki selt.

Pútín fór létt með að ná Krím til sín með lýðræðislegri kosningu. Ef Trump byði Grænlendingum að verða fylki í Bandaríkjunum þá er ekki að vita hversu vænt Grænlendingum þykir um Dani. Ætla má að Grænlendingar sjálfir myndu yfirvega kosti og lesti á því tilboði.

Hafa Danir nokkur yfirleitt nokkur ráð á því að eiga Grænland fyrir einhverja milljarða sem þeir eyða þar á ári?. Trump hefur miklu meira fé en Danir sem Grænlendingar myndu þurfa að meta út frá sínum hagsmunum. En Trump er fulltrúi "the  Ugly American" sem margir hata meira en djöfulinn sjálfan.

Svo er líklega einnig um gömlu kommana eins og Kötu Jakobs sem kemur sér hjá því að hitta Pence en faðmar Merkel og orkupakkann en ræðir helst ekki varnarframkvæmdir Kana á Íslandi. 

Varla er vafi á því að það yrði viðskiptalega arðsamt fyrir Íslendinga eins og Grænlendinga að Trump kæmi í stað Dana á Grænlandi.