Skipulögð herferð VG

er í gangi gegn Haraldi Johannessen  ríkislögreglustjóra.

Haraldur hefur gegnt embættinu í 22 ár án mikilla vandkvæða. Mun meiri upphlaup hafa orðið í kring um lögreglustjórann í Reykjavík þar sem ítrekað hafa horfið munir úr vörslu embættisins og sífelldar deilur innan  liðsins hafa átt sér stað. Hversvegna gýs þetta allt saman  upp núna í kring  um Harald?

Arnþrúður Karlsdóttir á Útvarpi Sögu er gamall lögreglumaður.

Hún flutti sannlega eldmessu um málefni lögreglunnar á stöðinni sem fróðlegt var að hlýða á. Það er eins og djúpríkið og vissar stjórnmálahreyfingar standi saman fyrir tangarsóknum á hendur vissum aðilum í þjóðfélaginu og beiti stofnunum ríkisins fyrir sig eftir hentugleikum. Ef þetta er ekki spilling þá veit ég ekki hvað það er.

Það er óskandi að nýr dómsmálaráðherra láti ekki véla sig til að hjálpa myrkraröflum við slíkra ofsóknir gegn einstökum mönnum og fyrirtækjum.

Fundur með Bjarna Benediktssyni

var með gömlum Sjöllum í Valhöll í hádeginu. Þetta er auðvitað tryggast liðið sem ekki sveiflast mikið í skoðanakönnunum. Það lætur sig ekki vanta þegar  Bjarni er í boði og var líka húsfyllir.

Bjarni fór yfir málin á sinn greinargóða hátt. þannig að allir máttu skilja. Margt kom fram um fjárlög ríkisins og skattalækkanir á lágtekjuhópana með tilkomu 3. skattþrepsins. Bjarni talaði auðvitað blaðalaust en studdist við glærur sem sýndu tölfræðilegan árangur ríkissjórna hans síðustu ár.

Atvinnurekendur hefðu komið til Bjarna og kvartað yfir  slælegri lækkun tryggingagjaldsins sem er ætlaði til að standa undir atvinnuleysisbótum. Bjarni sagðist hafa spurt þá hversvegna þeir væru nú að kvarta yfir einu prósenti þegar þeir hefðu skrifað undir 7 prósenta kauphækkun árið áður? Góð spurning sem menn ættu að taka eftir þegar lækkun tryggingagjalds ber á góma.

Bjarni sagðist ekki ósammála því að taka upp veggjöld í öll jarðgöng á Íslandi til að fjármagna ný göng. Sem og veggjöld til að flýta framkvæmdum. Í gangi væru orkuskipti og rafbílar væru fluttir til landsins vörugjaldalaust og greiddu svo ekkert til umferðarinnar með eldsneytissköttum eins og aðrir bílar. Þetta væri mismunun sem ekki gæti gengið.

Bjarni sagði svo sögu af því þegar hann var ungur lögfræðingur í vinnu í Keflavík og hafði þann starfa að færa veðskjöl í þinglýsingarbækur með penna. Nú væri öll stjórnsýsla mun skilvirkari með rafrænum hætti.Freistandi hefði verið samt að spyrja að því hversvegna skjalafgreiðsla í þinglesningum hefði þá aðeins tekið fáa daga meðan núna væri þriggja vikna bið eftir afgreiðslu úr þinglesningu hjá sýslanum í Kópavogi? Framfarirnar liggja ekki alltaf í augum uppi.

Bjarni hefur mikla hæfileika að ná til fólks með skýringar. Hann gæti náð árangri í að stórauka fylgi flokksins með því að verja meiru af tíma sínum til að tala við fólkið á beinan hátt. Hann gæti áreiðanlega fyllt Háskólabíó eða Laugardalshöll  með svona fyrirlestri og svarað spurningum almennings. 1-2000 manna skipulagður fundur myndi hafa áhrif til að útbreiða flokkinn fyrir kosningar. Aðrir flokkar gætu engan veginn ekki leikið það eftir nema í miklu minna húsi.

En þetta var góður fundur með Bjarna Benediktssyn formanni Sjálfstæðisflokksins, það fara fáir í fötin hans hvað framkomu og innihald varðar um þessar mundir.

 

Árásaráhrifin

urðu minni en menn ætluðu. Hráolíuverðið wti  tók einhvern 10 % kipp frá því fyrir helgi. OPEC var raunar búið að segjast ætla að draga úr framleiðslunni til að reyna að knýja fram verðhækkanir.En þeir eru ekki eins máttugir og forðum vegna vaxandi veldis Bandaríkjamanna í olíunni.                                                                                      

Ef ekki gerist eitthvað annað og meira þá er þetta að mestu gengið yfir.

Menn undrast hversu lítt tíst hefur í Trump. Hann er nú ekki vanur að láta á sér standa. Hvað skyldi vera að gerast á bakvið tjöldin?

Hversu berskjaldaður er olíuiðnaðurinn í Saudi? Herða þeir Saudar sóknina á Yemen? Það stríð er hættulegur stríðsneisti sem getur haft ófyrirséðar afleiðingar. Hvað eru Rússar að gera núna í þessum málum? Standa þeir með Íran? 

Árásaráhrifin eru ekki öll komin fram.

Raunveruleg stríðshætta

er skollin á með árás Houti-skæruliðanna í Yemen  á Aramco í Saudi Arabíu í gær.Helmingur af olíuframleiðslu ríkisins er líklega þegar lamaður. Eru stríðsvindar, Winds of War, virkilega að byrja að blása?

Önnur árás getur dunið yfir hvenær sem er. 

Iran er líklega á bak við þetta.

Spurningin er hvað Israel gerir núna? Eða Trump og Boris Johnson?

Hvað skeður næst?

Olíuverðið mun hugsanlega hækka. Risabirgðir Bandaríkjanna virka þar á móti. En nú eru áhugaverðir tímar að renna upp hvað sem verður.

Það er ekki friðvænlegt í heiminum núna og stríðshætta hefur aukist. 

Jón Gunnarsson

var í þætti hjá Pétri Gunnlaugssyni á Sögu.

Jón snéri fyrirspurnarfrekju Péturs niður á nefinu þegar hann heimtaðu svör hjá Jóni um það að ef Landsvirkjun yrði seld þá yrði að bjóða þeim í Evrópu að kaupa. Jón sagðist ekki nenna að eyða tíma sínum í ef-spurningar þar sem það kæmi ekki til greina í hans flokki að selja Landsvirkjun.

Málflutningur Jóns var hinsvegar svo afburða skýr um allt annað sem hann ræddi í orku-og samgöngumálum að unun var að hlusta á. Jón hefur alla burði til að vera leiðtogi og mun meiri en margir aðrir sem þykjast vera til kallaðir. Kjör hans til ritara Sjálfstæðisflokksins er vonandi til marks um vaxandi skilning flokksmanna á kostum Jóns til fylgisaukningar meira en nýstelpunum hefur tekist til þessa.

Jóni hefur tekist að afla skilnings í öðrum flokkum fyrir kosti þess að flýta framkvæmdum í samgöngumálum með innheimt veggjalda.Vonandi tekst ekki afturhaldsöflunum niður við Austurvöll að eyðileggja þetta baráttumál Jóns. En þar lýsir verkleysið sér meðal annars í því að innheimta ekki veggjöld í Hvalfjarðargöngum. Né heldur að selja inn á ríkiseignina Geysi meðan allt er fullt dag hvern í Kerinu.

Hverjum skyldi Sigurður Ingi halda að hann sé að strjúka með þessu framferði í Hvalfjarðargöngum?  Ekki virðist það skila sér í fylgisaukningu við 6.2% Framsóknarflokkinn þó að hann hafi sett kollega sinn yfir Vegagerðina.

Jón Gunnarsson er maður sem fólkið hlustar á þegar hann talar og vonandi munu fyrrverandi Sjálfstæðismenn heyra það sem hann segir við þá sem nýr ritari flokksins.

 

Tónninn

í almennum flokksmönnum er hugsanlega nokkuð frábrugðin tóninum í innblásnum ræðum forystufólksins á Formanna-og Flokksráðsfundinum í gær.

Styrmir Gunnarsson skrifar svo:

"Ein fyrstu ummæli Jóns Gunnarssonar, alþingismanns og fyrrum ráðherra, eftir að hann var kjörinn ritari Sjálfstæðisflokksins, í samtali við mbl.is, netútgáfu Morgunblaðsins, í gær, vekja sérstaka athygli. 

Hann sagði að fylgi flokksins meðal kjósenda væri "óásættanlegt".

Þetta hefur auðvitað verið ljóst lengi, en það er nýtt að maður í forystusveit Sjálfstæðisflokksins hafi orð á þessum veruleika, sem blasir við öllum. Raunar má segja að þeir, sem hafa haft orð á stöðu flokksins í könnunum hafi verið atyrtir.

Framan af virtist fylgistap flokksins verið um þriðjungur af algengu fylgi hans í kosningum fyrr á tíð. Nú orðið er það farið að nálgast helming af fylgi fyrri ára.

Það lofar góðu, að fylgistapið er ekki lengur "tabú" og ætla verður í framhaldi af ummælum nýs ritara, að fleira fylgi á eftir."

Gunnar Borgfirðingur skrifar svo:

"Segir fylgi Sjálfstæðisflokksins óásættanlegt [u]

Það eruð þið þingmenn flokksins sem eruð búnir að gera Sjálfstæðisflokkinn að óásættanlegum stjórnmálaflokki. Það er það eina sem er óásættanlegt. Þið þurfið öll, nema eitt, að fara frá ef flokkurinn á ekki að liðast í sundur undan ykkur

Þetta er hins vegar mjög svo ásættanlegt fyrir pólitíska andstæðinga flokksins. Enda var það sannarlega ætlun ykkar, að hafa okkur kjósendur flokksins að fíflum

Ef að ástandið eins og það er í þeim hópi stuðningsmanna flokksins sem ég þekki er svipað um allt land, þá hafið þið sannarlega uppskorið eins og þið hafið sáð. Þið sáðuð eitri. Eitur og fyrirlitningu munið þið því uppskera

Nú þegar þagnarbindindi ykkar er rofið eftir samsæri ykkar gegn okkur kjósendum flokksins, það eina sem virðist sameina krafta ykkar, þá eru þessi ummæli um ástand flokksins meðal kjósenda, eins og að hlusta á fullorðið fólk sem gengið er í andlegan barndóm. Þess utan er 180-gráðu-firrtur ættarformaðurinn nýbúinn að segja að fylgi flokksins skipti hann ekki máli. Hér má hlusta á 180-gráðu ræðu hans á Alþingi fyrir stuttu (sjúkt)

Uppfært kl. 12

Nú bíða flokksmenn og íslenska þjóðin spennt eftir því að þingmenn Sjálfstæðisflokksins og þar með svo kölluð "forysta flokksins" --takið eftir að hér geri ég ráð fyrir að hún sé enn sem komið er þjóðkjörin-- birti og sýni þjóðinni loksins EES-hræðslugrýlukertin sem ollu því að fullveldi Íslands í raforkumálum var varpað fyrir róða og hent sem innágreiðslum inn í skápana í Brussel

Við bíðum öll spennt eftir þessum sönnunargögnum. Það ætti að vera lítið mál fyrir "forystuna" að reiða þau opinberlega fram, þannig að þjóðin sjái við hvaða ofurefli "forysta" Sjálfstæðisflokksins svokallaða var að glíma. Nema að þau bráðni vegna eðlislægs óþols þeirra gagnvart dagsljósi

Við bíðum spennt.."

Er búið að skipta Sjálfstæðisflokknum upp í Við og Þið?

Er það Tónninn?

 

 

Stjórnmálaályktun

Flokksráðs Sjálfstæðisflokksins er heillangt plagg sem ég böðlaðist í gegn um nývaknaður í morgun auk þess sem hlustaði á ræður foringjanna.

Margt er þetta kliðmjúkt og áferðarfallegt og sjálfsagt eru þeir til sem trúa á að þetta sé einhvers virði.

Það sem vakti athygli mína er það sem ekki stendur þarna. Ég fann ekki að minnst væri á loftslagsvána. Katrín Jakobs, V. G. og umhverfisráðherrann sem enginn kaus hafa þá hugsanlega fengið þessum málaflokk úthlutað fyrir sig.

Hugsanlega hefur Sjálfstæðisflokkurinn fengið vind af því að til séu efasemdarmenn um vizku Grétu Thunberg, AlGore og þeirra nóta. Kannski er þetta bara tillitsemi gagnvart V.G., hvað veit ég.

Ég hef ekki fengið spurnir af Sjallaballinu þar sem maður hefði nú einhvern tímann ekki látið sig vanta á. Væntanlega hefur það verið með besta móti.

En Stjórnmálaályktunin og ræður forystumannanna  eru á XD.is ef einhver nennir að lesa og hlusta.

Tvíhjól eða fjórhjól?

eru tíðræddir valkostir Ómars Þ. Ragnarssonar til að komast hraðar yfir landið.

Allur hraði er hættulegur. Ef maður fer hratt þá er hætta af skyndilegri hraðabreytingu.Skrokkurinn á manni þolir ekki mikla skyndilega breytingu á hreyfiástandi, Hann er fljótandi  að miklu leyti og því verður að vernda hann fyrir höggum með öllum ráðum. Alveg eins og plastpoka fullum af vatni.

Ómar Þ.Ragnarsson er þjóðareign. Hann er búinn að skemmta okkur þvílíkt í mannsaldur að hann er hluti af tilverunni. Hann er hinsvegar mikill ærslabelgur og glanni fram úr hófi. Einhverjum gæti dottið í hug að hann væri ofvirkur, Frjósemi andans er þvílík og líkamlegir og andlegir hæfileikar eftir því.

Það fer þess vegna í taugarnar á mér að hann skuli fara svo ógætilega í umferðinni sem raun er vitni. Það er eins og hann sækist eftir hættum. Sem Vice-Bloggkóngur á mbl.is skrifar hann langhunda um tvíhjól af öllum gerðum.Heldur þeim að trúgjörnum með útmálun kosta þeirra þó að hann viðurkenni þær kárínur sem hann og fleiri hafa orðið fyrir af slíkri notkun.

Hér koma glefsur úr skrifum Ómars:

"Sigurjón M. Egilsson slasaðist illa   á vélhjóli á torginu þegar hann féll á gölluðu og flughálu slitlagi fyrir fimm árum, missti vinnuna og er 75 prósent öryrki síðan. ...

Og það mun vera slatti af fólki, sem hefur slasast þarna vegna þessara óafsakanlegu aðstæðna. ...

 

...En það er engin leið að sjá það fyrir hver meiðslin verða nákvæmlega, því að menn geta lemstrast og brotnað hvar sem er á líkamanum í vélhjólaslysum. ....

...Í tilfelli Sigurjóns voru það hvorki ökklar né höfuð, sem sködduðust, heldur rif og öxl.... 

... Síðuhafa er kunnugt um dæmi þess að vélhjólamaður, sem kom óviðbúinn inn á slíkt slitlag, lenti í svo alvarlegu slysi, að hann glímdi við afleiðingarnar í áratug.... 

Annar ökklinn brotnaði svo gersamlega í mél, að það þurfti margar og ítrekaðar aðgerðir til að koma honum í svipað horf. 

 

Litlu munaði í því tilfelli, og um vélhjól gildir einfaldlega annað en bíl; það er bannað að detta. Punktur. 

Síðan má bæta því við að síðuhafi axlarbrotnaði í upphafi árs vegna þess að annar maður á rafreiðhjóli hjólaði skyndilega í veg fyrir hann á hjólastíg, var aðalástæðan að vísu sú að maðurinn var upptekinn við að horfa beint niður fyrir sig til að lesa af mæli (!) og sá mig því ekki koma á móti sér,  en útmáðar merkingar á miðlínu vegna viðhaldsleysis, sem voru horfnar þar sem við mættust,  voru meðvirkandi orsök. "

Ótal sögur kann Ómar Þorfinnur af vélhjólaslysum og örkumlum bæði sjálfs sín og annarra. Samt heldur hann áfram að skrifa um vélhjól og reiðhjól og uppákomu þeirra vegna. Aðallega vegna þess að það er hægt að fara kílómetra eitthvað ódýrara heldur en á bíl.

Ég er gamall mótorhjólamaður úr Þýskalandi æsku minnar. Ég man vel hversu dásamlegt það var að þeysa um skógana í sumarhitunum hjálmlaus og á skyrtunni. Algert frelsi og maður var sælli en oftar síðar á ævinni. 

En ég veit það líka eftir þennan tíma að það er ekki spurning um hvort, heldur bara hvenær.

Ég geng í hringi enn þann dag í dag  i kring um falleg hjól sem ég sé á götunni í þögulli tilbeiðslu. Svo segi ég við sjálfan mig:

Því miður minn kæri,  þú hefur ekki þroska til að fá þér svona grip. Þú vilt lifa helst í einu stykki meðan þú getur og minnist síðustu klessunnar minnar þar sem ég lá í götunni í Stuttgart og hélt að svo væri ekki lengur. Þá komst ég samt óbrotinn á  lappirnar eftir að vegfarendur drösluðu mér upp.

Það er ekki spurning um hvort  heldur bara hvenær.

Ég þekki marga mótorhjólakappa sem eru maskaðir frá toppi til táar. Sumir eru löngu dauðir. 

Öll tvíhjól eru lífshættuleg og hver sem getur á að vera minnst á fjórum hjólum til að vernda sitt eigið líf eftir föngum.

Ég skil þig ekki Ómar minn af hverju þú heldur ekki þig við eitthvað sem hefur reynst þér hættuminna en ólukki hjólin. Flugvélarnar, rallbílarnir fjallaklifur, ferðalög. Og alltaf ófullur!

Þú ert okkur öllum dýrmætur vegna þess hvernig þú ert og hefur verið.  Ekki gera þér leik að því að svipta okkur hin öllu þessu á andskotans fíflaríi á tvíhjólum þegar þú getur vel verið á fjórhjólum  eða flugvél.

Plastmengun

er orðin að meiriháttar áhyggjuefni margra. Hún er raunveruleg ógn við allt lífríki og skelfilegt vandamál sem maðurinn hefur skapað með ábyrgðarlausri umgengni við þetta manngerða snilldarefni.

En er einhver leið að fást við vandamálið önnur en að farga því í sorpbrennslustöðum? Breyta því aftur í orku? Svo mikið er víst að við breytum því ekki í moltu.

Af hverju ræðum við ekki meira í alvöru um að ráðast í að leysa sorpvandmál Íslands með alvöru sorpbrennslustöð sem breytir plastmengunarvandamálinu og öðru sorpi í nýtanlega orku?

 

Hátækni í vindorku

má sjá á 

https://www.youtube.com/watch?v=Oyli9AIkjnA

 

Á bak við beislun vindorkunnar er þvílík tækni að maður stendur agndofa.

Við Íslendingar höfum verið að fitla við smærri vindmyllur með ágætum árangri. En það er nokkuð ljóst af þessu myndbandi frá Siemens að vindmyllur eru núna orðnar að hátækniiðnaði sem taka verður alvarlega.

Spurning er hvort Íslendingar hafi einhverja yfirburði yfir önnur lönd þegar kemur að knýja vindmyllur og selja frá þeim orkuna?

Getur vindorkan keppt við nýtízku kjarnorkuver í framleiðslukostnaði? Raunverulega á hagkvæmnigrunni án tilfinningasemi um að kjarnorka sé bara fíbjakk sem við viljum ekki nálægt okkur fyrir nokkurn mun?

Víst er að vindmyllur eru svo truflandi að fáir vilja þurfa að hafa þær fyrir augunum.

Kjarnorkuver eru hinsvegar minna sláandi í útliti og trufla síður augun en auðvitað heldur frekar tilfinningar.Öryggi þeirra þarf þó ekki að vera útilokandi frá því að ræða þau sem raunverulega valkosti.

En hátæknivindmyllur eru orðnar staðreynd sem ekki verður framhjá litið ef menn sætta sig við að horfa á þær.