Hefur CO2 áhrif til hlýnunar?

Kollega Friðrik Hansen veltir áhrifum CO2 til hlýnunar andrúmsloftsins fyrir sér með mæligögnum frá okkur sjálfum:

"En hefur magn CO2 í andrúmslofti einhver áhrif á hitastig jarðar?

Samkvæmt hitastigsmælingum frá Stykkishólmi sem ná aftur til 1798 þá er lítil sem engin fylgni með auknum útblæstri CO2 af mannavöldum og þeim hitastigsbreytingum sem hafa orðið í Stykkishólmi síðustu 221 ár.  

Vissulega hefur hlýnað frá lokum Litlu ísaldarinnar. Þessi hlýnun hófst hér á landi um 1850 skv. hitamælingum frá Stykkishólmi, sjá myndina hér við hliðina. Sömu breytingar á hitastig á tuttugustu öldinni er að finna í mæligögnum um allan heim.  Það hlýnaði fram til 1940. Á þessum árum frá 1850 til 1940 var brennsla jarðefnaeldsneytis lítil sem engin. Í fyrri heimstyrjöldinni, 1914 - 1918, þá voru í notkun örfá tæki sem brenndu olíu. Hermenn fóru sinna ferða gangandi eða á hestbaki. Einstaka lestir og skip knúin gufuvélum voru í notkun. Það stenst því enga skoðun að halda því fram að útblástur CO2 af mannavöldum hafi valdið því að það hlýnaði á þessum árunum. Það var ekki útblástur á CO2 af mannavöldum sem varð þess valdandi að Litlu ísöldinni lauk um 1850 og það byrjaði að hlýna.

 

 

Í upphafi Seinni heimstyrjaldarinnar þegar notkun á jarðefnaeldsneyti fer fyrir alvöru að aukast þá byrjar að kólna. Á árunum 1940-1980 kólnar samfellt og það þrátt fyrir gríðarlega aukningu í útblæstri CO2 á þessu fjörutíu ára tímabili. Á þessum árum má segja að Vesturlönd hafi iðnvæðst með brennslu jarðefnaeldsneytis. Samt kólnaði á þessum árum. Þessi kólnun í þessi 40 ár átti sér stað um allan heim. Hitastigsmælingar í Reykjavík eru í fullu samræmi við mælingarnar í Stykkishólmi. Sjá mynd hér við hliðina. Í Reykjavík þá sést vel hvernig hitnar fram undir 1940 en síðan tekur að kólna og það kólnar fram til 1980. Ef aukinn útblástur CO2 af mannavöldum er að valda hlýnun jarðar af hverju þá þessi kólnun á þessum 40 árum þrátt fyrir þennan mikla aukna útblástur á sama tíma?  

Á árunum 1980 til aldamóta, á þessum 20 árum, þá hlýnar samhliða auknum útblæstri CO2. Á þessum árum gengur tilgátan um hlýnun jarðar vegna útblásturs CO2 af mannavöldum upp. Hlýnunin sem varð frá 1980 til 2000 er svipuð og hún var á árunum fyrir stríð. Nú er álíka hlýtt í Reykjavík og á árunum 1930-1940. Frá aldamótum hefur hins vegar ekkert hlýnað skv. hitamælingum veðurtungla Veðurstofu BNA. Hitastig hefur verið nokkuð stöðugt síðast liðin 20 ár og það þrátt fyrir að aldrei hafi verið dælt jafn miklu af CO2 út í andrúmsloftið og á þessum árum. Á einu tuttugu ára tímabili frá lokum Litlu ísaldarinnar, þ.e. í 20 ár af 169 árum má finna tímabil þar sem tilgátan um  hlýnun jarðar af mannavöldum stenst skoðun. Hitamælingar hin 149 árin benda hins vegar til þess gagnstæða.  

Horfandi á þessar hitamælingar frá Stykkishólmi og Reykjavík þá er það mér mjög erfitt að að trúa því að aukið magn CO2 í andrúmslofti sé að hafa áhrif á hitastig jarðar. Okkar eigin mæligögn segja okkur aðra sögu. CO2 er ekki að hafa nein áhrif. Ef það er farið í þá vegferð að breyta og falsa þessi mæligögn þá má að sjálfsögðu sýna fram á hvað sem er. Allt bendir til þess að Loftlagsráð SÞ, IPCC, notist við breytt mæligögn frá veðurstöðvum um allan heim til að sanna tilgátuna um hlýnun jarðar af mannavöldum. Sjá meðfylgjandi mynd og sjá þennan tengil hér. Óbreyttar mælingar frá Reykjavík eru merktar GISS 2012 á þessari mynd. Mælingar merktar GISS 2013 hefur verið breytt verulega. Hlýnunin milli 1930-1940 er horfin og kólnunin kringum 1980 hefur verið minnkuð. Allt bendir því miður til þess að spálíkön Loftlagsráðs SÞ, IPCC, notist við breyttar hitamælingar og eru að spá "hamfarahlýnun" á komandi árum á grunni þessara breyttu gagna.  

Það er kannski ekki að undra að mesta tækniþjóð okkar tíma og ein sú best menntaða, sú Bandaríska, að þar hafa stjórnvöld og mikill meiri hluti vísindasamfélagsins sem láta sig þessi mál varða (sjá hér 31.487 trúa ekki á tilgátuna og hér 800 trúa á tilgátuna) hafnað tilgátunni um hlýnun jarðar af mannavöldum og þjóðin sagt sig frá Parísarsamkomulaginu og öllu samstarfi við Loftlagsráð SÞ, IPCC. Brasilía, Indónesía og Ástralía íhuga að gera það sama. Erindreka IPCC sem hingað koma með heimsendaspár byggðar á fölsuðum mæligögnum frá Íslandi eigum við að senda til síns heima. Við eigum að horfa á staðreyndir og okkar eigin ófölsuð hitamælingar sem sýna og sanna að breytingar á hitastigi hér á landi eru óháðar magni CO2 í andrúmslofti. Á grunni þessara gagna eigum við að spyrja okkur hvort við eigum að fylgja fordæmi BNA og segja okkur frá Parísarsamkomulaginu. "

Er ekki  ástæða til að láta af samhljóma jarmi um það að niðurstaða um hnattræna hlýnun vegna útblásturs gróðurhúsalogtegunda sé þegar fengin?

Hversvegna var Vatnajökull í tvennu lagi um landnám og nefndist Klofajökull? Hvað olli Rómverska hlýskeiðinu? Eða hvað olli kuldaskeiðinu Maumnder Minimum á miðöldum til Vesturfara Íslendinga þegar hungusneyð varð vegna kulda?

Er sólin hlutlaus í veðurfari jarðar?

Ég trúi Kollega Friðrik Hansen betur en Grétu Thurman og einhverju Austurvallakrökkum um áhrif CO2 á andrúmsloftið.

Konungsgarður þröngur útgöngu?

er Pétur á Sögu að velta fyrir sér og vill yfirfæra það á það að Sjálfstæðisflokkurinn haldi alltaf sínu í skoðanakönnunum. Hann spurði hvort það væri svona erfitt að ganga úr flokknum?

Það er ekki svo Pétur góður.

Bjarni Ben sagði við okkur i Sjálfstæðishúsinu í gamla daga með Jóhann Hafstein sér við hlið: " Munið þið  piltar að þó við séum vondir þá eru  aðrir verri."

Halda menn virkilega  að nokkur sjálfstæðismaður sem í þeim flokki hefur starfað af hugsjónum sínum að fyrirbrigði eins og þeir Píratar,  Þórhildur Sunna, Björn Leví, Helgi Hrafn, Halldóra Mogensen eða Smári McCarthy geti komið til greina sem valkostur við það að kjósa Sjálfstæðisflokkinn  hvaða frambjóðandi svo  sem í boði væri og hversu slakur? Eða að kjósa Helgu Völu eða Loga Má, Ingu Sæland osfrv.? NEVER!

Sá maður myndi aldrei fara svo á kjörstað að hann tæki upp vopn gegn sínum gamla flokki. Þetta kjarnafylgi fer aldrei frá flokknum sínum, svo gersamlega eru menn handgengnir sjálfstæðisstefnunni sinni.

Lausafylgi flokksins sveiflast til og frá. Það veltur mikið á forystumönnunum hvort þeir sækja inn á þessi svið. Hundleiðinlegt fólk og húmorlaust aflar ekki atkvæða því það hefur ekki kjörþokka sem til þarf.

Davíð sópaði sviðið með sjarma sínum, húmor og hæfileikum. Núverandi forystulið er ekki að takast þetta í neinum mæli heldur búa bara að þessu fastafylgi en afla varla  nýrra liðsmanna þar sem það vantar eitthvað.

Kyrrstaðan í fylginu er ekki af því að það sé svona erfitt að ganga úr  flokknum pappírslega eða konungsgarður sé eitthvað þröngur útgöngu heldur eru valkostirnir sem eru til sýnis niðri á Alþingi svo hræðilegir. 

  

Kjarni O3 málsins

kemur fram í Staksteinum Morgunblaðsins í dag:

"Því er haldið fram að engin hætta sé á ferðum vegna þriðja orkupakkans vegna þess að Alþingi muni ákveða að Alþingi þurfi að veita leyfi fyrir raforkusæstreng, annars verði hann ekki lagður.

Í því sambandi er athyglisvert það sem Arnar Þór Jónsson héraðsdómari ritaði um þetta mál í liðinni viku í framhaldi af viðtali við Katrínu Jakobsdóttur forsætisráðherra, þar sem Katrín sagðist ekki vilja sæstrenginn en að allir lögfræðingar væru sammála um að þriðji orkupakkinn fæli ekki í sér sæstreng nema með ákvörðun þingsins.

Arnar Þór segist ekki treysta sér til að tala fyrir munn allra lögfræðinga eins og forsætisráðherrann, en bendir á:

„Fyrirvarar Alþingis munu engu skipta þegar búið verður að fjármagna þennan sæstreng (hvort sem það verður innlent eða erlent fyrirtæki sem gerir það). Ástæðan er sú að ef íslenska ríkið reynir þá enn að standa í vegi fyrir því að strengurinn verði lagður mun verða höfðað samningsbrotamál gegn Íslandi. Íslenska ríkið mun augljóslega tapa því máli þar sem orka er vara, sbr. fjórfrelsisákvæðið um frjálst flæði á vörum.

Þetta er nokkuð sem menn hefðu þurft að ræða heiðarlega (og ítarlegar) á fyrri stigum. Í framhaldinu hefði þá verið hægt að ræða efnislega um hagkvæmni / kostnað, kosti / galla þess að senda íslenska raforku til annarra landa.

Í þeim þætti umræðunnar hefðu íslenskir stjórnmálamenn a.m.k. fastara land undir fótum en forsætisráðherrann hefur í þessu viðtali.“

Það sem ég hef aldrei skilið í málflutningi stjórnarliða er það, að inntak orkupakkans er að koma á sameiginlegum innri orkumarkaði yfir landamæri. 

Af hverju við erum að samþykkja þessa stefnu ef við ætlum ekki að virða þetta?

Er það heiðarlegt og okkur sæmandi?

Arnar bendir á að hægt sé að lögsækja okkur ef við ætlum að brjóta samninginn eftir að við höfum undirgengist ákvæði hans um frjálst flæði orkunnar sem annarra þátta.

Sæstrengir koma, héðan og frá Grænlandi ef þeir reynast hagkvæmir. Þjóðin mun samþykkja ef hún græðir á þessu í heildina tekið.

Það er kjarni O3 málsins.

 

 

Íslensk hringtorg

fjallar sá vísi maður Ólafur Guðmundsson um í Morgunblaðinu í dag. Hann segir:

"Ólafur Guðmundsson umferðaröryggissérfræðingur varar við því að hugbúnaður í sjálfkeyrandi bílum sé ekki hannaður fyrir „íslensku leiðina“ í hringtorgum og segir að Íslendingar ættu að bíta í það súra epli að breyta reglunum hérlendis. Þetta segir hann í samtali við Morgunblaðið um ný umferðarlög, sem áætlað er að verði samþykkt á næstunni og taki gildi 1. janúar á næsta ári.

Með þeim á m.a. að lögfesta þá reglu, sem hefur hingað til byggst á venju, að ökumaður á ytri hring í tveggja akreina hringtorgi skuli veita þeim sem ekur á innri hring forgang út úr torginu. Þó að ýmsar útfærslur séu á þessari reglu um heiminn er „íslenska leiðin“ öfug við það sem almennt gengur og gerist í nágrannalöndum okkar, þar sem sá sem ekur á ytri hring á forgang út úr hringtorgi

. „Ég var varaður við“ Athugasemdir hafa verið gerðar við það að nú eigi að lögfesta „íslensku leiðina“, m.a. vegna þess að margir erlendir ferðamenn þekki einungis regluna um að sá á ytri hring eigi forgang. „Þetta virkaði hér á Íslandi á meðan það voru ekki útlendingar að keyra hér.

Það hefur bara breyst svo mikið á síðustu fimm-sex árum. Mín skoðun er sú að það sé minna mál að aðlaga Íslendinga að breyttum aðferðum í hringtorgum en útlendinga,“ segir Ólafur og bætir við: „Það væri hægt að kenna okkur þetta. Við keyrum líka erlendis og þá veldur þetta okkur vandræðum.“

Eins og áður segir nefnir Ólafur einnig að hugbúnaður í sjálfkeyrandi bílum sé ekki endilega búinn fyrir íslenskar hringtorgareglur. „Tæknin er að breytast svo mikið. Ég veit til dæmis að Tesla er í vandræðum í íslenskum hringtorgum. Ég fékk lánaðan svoleiðis bíl og var varaður við því,“ segir Ólafur. „Hann keyrir nánast sjálfur en ræður ekki við íslensk hringtorg.“ 

Mikið af þessu mætti spara ef Íslendingar tækju upp háttu siðaðs fólks sem gefur stefnuljósi aftan á bíl forgang í umferðinni, hvort sem er í hringtorgum eða á akreinum. Ef menn gera svo eins og til dæmis er reglan í USA þá eru engin vandamál.Hvorki í hringstorgum eða annarsstaðar

 

 

Stöðluð söluvara

virðist vera búin að festa sig í sessi í Sjálfstæðisflokknum.

Ragnar Önundarson gerir þetta að umræðuefni í Morgunblaði helgarinnar.

Grein sinni lýkur Ragnar svo:

"...Fylgi flokksins og forysta

Í síðustu sveitarstjórnarkosningum fékk Sjálfstæðisflokkurinn nær þriðjung atkvæða á landsvísu, sem er við neðri mörk þess fylgis sem hann hafði áratugum saman.

Þetta sýnir að flokksmenn hafa enn sterkar taugar til síns gamla flokks. Fylgi flokksins í alþingiskosningum hefur verið mun minna, eða um fjórðungur og virðist enn á niðurleið, ef marka má skoðanakannanir.

Flokkurinn fagnar nú 90 ára afmæli. Ég vona að horfið verði frá því að úthluta æðstu embættum flokksins til að friða tiltekna hópa, það hefur ekki reynst vel.

Ég hef áður lagt flokknum mínum og þjóð minni lið í erfiðum málum. Þingmenn og ráðherrar flokksins hafa ekki enn séð ástæðu til að þakka það og sjálfsagt mætir ábending mín mánudaginn 27. maí líka tómlæti. „List hins hégómlega“, pólitíkin, snýst orðið mest um ásýnd og yfirborðsmennsku...."

Er flokkurinn orðinn leiksoppur pópúlisma sem snýst um útlit, aldur og kynferði femur en pólitík? Virðist hann vera grundvallaður á pólitík eða stefnumálum og landsfundarályktunum, fremur en stríðsdönsum og upphrópunum, niðurpúi á vissum skoðunum og tískusjónarmiðum? 

Undirrituðum er í fersku minni skrílslæti Unnar Brár og Áslaugar Örnu þegar þær reyndu í stríðsdansi að púa niður Gústaf Níelsson og Jón Magnússon á Landsfundi til þess að hindra umræður um málefni flóttamanna. Og hafði fundarstjórinn Jónas greinilega verið þáttakandi í undirbúningi málsins með þeim. 

Síðan er Áslaug Arna ritari og Þórdís Kolbrún Reykfjörð Gylfadóttir varaformaður Sjálfstæðisflokksins algerlega burtséð frá pólitískri reynslu.

Formaður eyðilagði persónulega prófkjör Sjálfstæðismanna í Kraganum og gerði Bryndísi Haraldsdóttur að þingmanni á kostnað Villa Bjarna sem hafði unnið sætið.  Bryndís er hin mætasta þingkona en Villi Bjarna var bara ágætur þingkall líka sem sigraði hana í prófkjöri.

Sjálfstæðisflokkurinn virðist ekki bæta við sig fylgi við allt þetta brölt þó að formaðurinn sé líklega myndarlegasti þingmaður sem setið hefur á Alþingi í mörg tungl og áminnstar konur hinar glæsilegustu. 

Og hvert stefnir þá svo á næsta Landsfundi? Þorir nokkur að bjóða sig fram gegn þessu fallega embættisfólki?

Er forysta Sjálfstæðiflokksins orðin stöðluð skrautsýning sem fer eftir forskrifuðu prógrammi í skoðunum en þarf ekki endilega marga flokksmenn að baki sér?

 

Hamingjusamir hælisleitendur

og flóttamenn eru til umfjöllunar í blöðum okkar.

Til hvers eru svona skrif? 

Eru þau til þess að bjóða sem flestum að koma hingað í sæluna? Er þau til að kitla egóið í lesendum yfir því hvað við séum góðir?

Vantar okkur fleiri flóttamenn og hælisleitendur til landsins svo Helga Vala og kollegar hennar í NoBorders  fái nóg að gera? 

Björn bregst við bráðavanda

með stórmerkri grein í Mbl. í dag með öðru en lofgjörð um Schengen samstarfið.

Björn Bjarnason segir:

"Skipulögð brotastarfsemi á Íslandi er staðreynd og henni fylgir „gífurleg áhætta“ að mati greiningardeildar ríkislögreglustjóra sem sendi frá sér svarta skýrslu í byrjun vikunnar.

Deildin tekur fram að þrátt fyrir þetta mat varðandi skipulagða glæpastarfsemi teljist Ísland enn sem fyrr „afar öruggt samfélag í alþjóðlegum samanburði“. Hvort mikil huggun felst í þeim samanburði er álitamál.

Hnífaárásir eru í London, skotbardagar á götum Kaupmannahafnar og morðhrina í Svíþjóð. Í matsskýrslunni segir að hér starfi nokkrir alþjóðlegir glæpahópar og koma kunni til uppgjörs milli þeirra. Í slíku uppgjöri er ofbeldi jafnan mikið.

Oftar en einu sinni hefur verið vakið máls á því hér á þessum stað að skynsamlegasta leiðin til að bregðast við ítrekuðum viðvörunum greiningardeildarinnar sé að stórefla landamæraeftirlit. Heimildir yfirvalda til að skoða farþegaskrár eru miklar. Tækni til að bera saman og rannsaka slíkar skrár með aðstoð gervigreindar vex ár frá ári. Miðlægt samræmt landamæraeftirlit með aðild margra opinberra aðila er hornsteinn í vörnum gegn skipulagðri alþjóðlegri glæpastarfsemi.

Spilling vegna skipulagsmála

Eins og jafnan stígur greiningardeildin varlega til jarðar þótt niðurstaða hennar sé skýr og afdráttarlaus. Vakið er máls á því að í nýrri skýrslu norsku efnahagsbrotalögreglunnar sé fullyrt að „aukin spilling geti grafið undan sjálfum stoðum og fjármögnun hins lýðræðislega velferðarsamfélags“.

Sakamál síðustu ára gefi til kynna sérstaka hættu á spillingu í tengslum við leyfisveitingar vegna skipulagsmála og byggingarframkvæmda. Þá bendir Evrópulögreglan á „að skipulagðir glæpahópar leitist við að koma félögum hópanna í störf eða ná tökum á starfsfólki jafnt í einkageiranum sem í opinberum rekstri. Þetta sé gert með mútugreiðslum og annars konar freistingum og markmiðið sé að greiða fyrir annars konar brotastarfsemi.

Þannig geti spilling á bæjar- og sveitarstjórnarstigi ýtt undir frekari skipulagða brotastarfsemi“. Þá segir greiningardeildin: „Horft til Íslands hafa hin síðustu ár einkennst af stórauknum umsvifum í byggingariðnaði, einkum á höfuðborgarsvæðinu, og hækkun fasteignaverðs.

Mikil spurn eftir lóðum og fasteignum getur skapað freistnivanda og þar með hættu á spillingarbrotum líkt og almennt gildir um úthlutun eða kaup takmarkaðra gæða. Slíkt ástand getur skapað spillingarhættu jafnt í einkageiranum sem hinum opinbera.“

Að um þessi mál sé rætt á þennan veg er nýmæli. Þarna er varað við hættu sem er ekki síður hér á landi en annars staðar. Víða um lönd verða spillingarmál tengd framkvæmdum með opinberu leyfi eða tengd opinberum samningum stjórnmálamönnum að falli.

Farandþjófar

Í skýrslunni er minnt á að reglulega gangi hér yfir hrinur innbrota og þjófnaða svo sem úr verslunum, vinnuskúrum, nýbyggingum og sumarbústöðum. Á síðustu misserum hafi erlendir brotahópar ítrekað stolið miklum verðmætum úr skartgripa- og fataverslunum á höfuðborgarsvæðinu.

Lögreglan hefur haft til rannsóknar mál sem tengjast hælisleitendum frá öruggum ríkjum, það er mönnum sem koma á ólögmætan hátt til landsins og misnota sér alþjóðareglur um alþjóðlega vernd.

Þessir menn koma hingað til að stunda farandþjófnað, ræna og rupla um land allt, á meðan embættismenn fara yfir tilhæfulausar hælisumsóknir þeirra. „Skipulagi þessara farandbrotahópa má líkja við „vinnuhópa“ sem hafa með sér vaktaskipti, einn hópur leysir annan af hólmi, e.t.v. með einhverri skörun á dvöl“, segir greiningardeildin.

Misnotkun opinberrar þjónustu

Greiningardeildin bendir á að skipulega sé unnið að því að misnota opinber bótakerfi, vinnumiðlun, móttökukerfi vegna flóttafólks og hælisleitenda auk margvíslegrar félagslegrar þjónustu sem þeim stendur til boða.

Hér hefur hælisleitendum undanfarið skipulega verið veitt lið til að gera miklar kröfur á hendur íslenska ríkinu.

Samtökin No Borders stofnuðu til aðgerðar sem stóð í nokkrar vikur. Mótmælt var við dómsmálaráðuneytið, tjaldað með leyfi borgaryfirvalda á Austurvelli, farið í Keflavíkurgöngu og gerð tilraun til að hleypa upp fundi tveggja ráðherra Sjálfstæðisflokksins.

Í hættumatsskýrslunni segir að rannsóknir lögreglu leiði í ljós skipulagða misnotkun tiltekinna erlendra afbrotamanna og -hópa á opinberum þjónustukerfum á Íslandi. Líklegt sé að í einhverjum tilvikum njóti hóparnir aðstoðar íslenskra ríkisborgara og/eða erlendra manna sem búsettir séu hér á landi.

Í þessu sambandi bendir greiningardeildin á að brotalamir sé að finna í opinberum kerfum, jafnt innan einstakra stofnana og í samstarfi þeirra. Gefið er til kynna að hælisleitandi sem hingað kemur kunni að vera „gerður út“ af tengilið hér á landi sem taki af honum það fé sem honum er greitt úr opinberum sjóðum sem hælisleitanda.

„Í einhverjum tilvikum eru tengiliðir hér á landi sem þekkja staðhætti og móttökukerfi og veita einstaklingum og jafnvel hópum aðstoð,“ segir í skýrslunni.

Misnotkun alþjóðlegrar verndar

Greiningardeildin segir að margir skipulögðu glæpahópanna sem hafa náð fótfestu hér komi frá Austur-Evrópu, Póllandi, Litháen, Rúmeníu og Albaníu. Til dæmis viti deildin um þrjá hópa frá sama Austur-Evrópuríkinu.

Í skýrslunni segir: „Rannsóknir lögreglu leiða í ljós að einstaklingum sem tengjast þessum þremur hópum hefur verið veitt alþjóðleg vernd á Íslandi m.a. á grundvelli kynhneigðar. Nokkrir þessara karlmanna frá íslömsku ríki hafa verið kærðir fyrir kynferðislega áreitni gagnvart konum hér á landi. Hópar þessir hafa án teljandi vandkvæða aflað sér kennitalna á Íslandi og í kjölfar þess opnað bankareikninga og jafnvel stofnað fyrirtæki.

Kennitölur og bankareikningar eru grunnþættir í peningaþvætti og tilfærslum á fjármunum sem aflað hefur verið með skipulagðri brotastarfsemi. Mál sem lögregla hefur haft til rannsóknar sýna að nokkrir meðlimir þessara hópa hafi nýtt sömu kennitölu og þannig m.a. getað leynt veru sinni í landinu en stundað „svarta vinnu“ á sama tíma. Leiðtogi eins hópsins hefur á síðustu misserum sent tugi milljóna króna úr landi. Sami maður hefur þegið félagslega aðstoð af margvíslegu tagi, þ.á m. fjárhagsaðstoð á sama tíma.

Fyrirliggjandi upplýsingar eru á þann veg að innan hópa þessara sé að finna réttnefnda „kerfisfræðinga“; einstaklinga sem búa yfir yfirgripsmikilli þekkingu á kerfum opinberrar þjónustu og félagsaðstoðar hér á landi. Hátt flækjustig innan opinberra kerfa á Íslandi nýta þessir menn til fullnustu, m.a. með notkun á fölsuðum skilríkjum og fjölda tilbúinna nafna.

Með þessu móti getur það kostað mikla vinnu að afla grundvallarupplýsinga um viðkomandi svo sem rétts nafns, fæðingarlands og þess háttar.“

Eins og af ofangreindu má sjá snýst svarta skýrslan um fleira en fíkniefni og vændi. Efni hennar lýtur að verulegu leyti að því hvernig staðið er að úrlausn mála á vettvangi stjórnsýslunnar. Þegar kemur að kennitölum gegnir Þjóðskrá til dæmis lykilhlutverki.

Spyrja má hvort samskiptanetið innan opinbera kerfisins í tengslum við hana virki sem skyldi miðað við lýsingar greiningardeildarinnar. Almenna löggæslu ber að efla en hitt skiptir ekki síður máli að allar stjórnsýslustofnanir hafi að markmiði að sporna gegn skipulagðri glæpastarfsemi.

Eftir Björn Bjarnason"(Leturbreytingar eru bloggarans og greinaskil líka)

Mér finnst kveða við nokkuð nýjan tón hjá Birni Bjarnasyni í þessari grein.Hann víkur nú að auknu landamæraeftirliti sem mér finnst að hann hafi lítt stutt til þessa en fremur bent á Schengenaðildina sem næga vörn fyrir Ísland.  'eg fagna þessari tillögugerð Björns sem mér finnst að liggi beint við að taka upp.

Ekki kemst ég úr landi eða til baka til Íslands án þess að hafa vegabréfið mitt til að sýna.

Hér er hópur lögfræðinga sem hefur sitt brauð af því að tefja öll mál hælisleitenda og hefur Helga Vala Helgadóttir Alþingismaður  verið þar framarlega í flokki að því sagt hefur verið.

Leikmanni sýnist fremur auðvelt að beita valdheimildum til að minnka það sem Björn segir:

"Þessir menn koma hingað til að stunda farandþjófnað, ræna og rupla um land allt, á meðan embættismenn fara yfir tilhæfulausar hælisumsóknir þeirra. „Skipulagi þessara farandbrotahópa má líkja við „vinnuhópa“ sem hafa með sér vaktaskipti, einn hópur leysir annan af hólmi, e.t.v. með einhverri skörun á dvöl“, segir greiningardeildin."

Fleira viðist blasa við að gera sem fagfólk er fullfært um að framkvæma til að greiða úr þeim síaukna vanda sem við virðist blasa.

Það er fagnaðarefni þegar svo reyndur maður  sem Björn Bjarnason bregst við í máli sem þessu.

Hvað sagði ég ekki?

Umræðunni um O3 hefur verið frestað ótímabundið.

25.4.2019 | 14:29

O3 verður frestað

til haustsins finnst mér líklegra en ekki.

Enda skynssamlegt þó ég hafi spáð því.

Meira CO2

-Útblásturinn gerir jörðina græna. 

Hver maður á Íslandi blási sem allra mestu út af CO2  ef vera kynni að veðrið á Laugaveginum myndi skána eitthvað svo eina ráðið til þess að redda versluninni þar í göngugötunni sé að byggja yfir Laugaveginn allan.Þá yrði þar fyrst vistvænt á Laugavegi án bíla. 

 

Enda hefur ekki verið minna CO2 í andrúmslofti jarðar, þrátt fyrir flugumferðina, í 600 milljón ár. 400 partar af milljón.

Kaupum því dísilbíla og berjumst þannig gegn barnaþrælkun í Kongó.Berjumst gegn rafbílavæðingarvitleysunni, AlGore og fjörtíuþúsund fíflunum í París og okkar fjörtíu sem voru að skrifa undir  nýja bullutexta um loftslag á dögunum með tuggugúmmís-umhverfisráðherra kommanna í fararbroddi sem enginn kaus.

Það gengur bara sorglega lítið að hlýna á jörðinni sem myndi gera hana mun betri til búsetu. Og svo þarf að stöðva fólksfjölgunina í vanþróuðu ríkjunum sem forgangsmál ef við eigum að lifa af sem mannkyn.

 

En Kringlan og Smáralind eru löngu búnar að sigra Kvosina og Laugaveginn og rokrassinn á Snorrabrautinni.

Og bráðum verður byggt yfir Hálsatorg í Kópavogi þar sem allt mun mora í skjólsælu mannlífi fyrir Kópavogsbúa.Og jólaþorp verður í  Hafnarfirði allt árið.

Hver þarf einhverja Kvos eða Laugaveg?

 

Vatnið rennur ekki upp í móti. Verslunin sem var í Miðbænum í Kvosinni er farin þaðan.

Miðbærinn svokallaði í Reykjavík er dauður og kemur ekki aftur. Hann er bara hættulegur Altstadt þar sem fyllisvín og slagsmálapakk veður öskrandi um á nóttunni og drepur hvert annað, miklu verri en Reperbahn er og kókaínið flæðir hjá skipulögðum hundrað manna útlenskum Mafíum.

Verði Dag B. og því liði bara að góðu.

Miðbær Reykjavíkur er í dag útnári Höfuðborgarsvæðisins og þar eiga ekki að vera annað en Lundabúðir og fyllibúllur.Enda öll almennileg verslunarfyrirtæki á förum vegna fjandskapar Borgaryfirvalda sem hafa enga samræðu við neinn frekar en Cabot-Lodge-arnir í Boston tala við aðra en Guð sjálfan..

Venjulegt fólk á Höfuðborgarsvæðinu á ekkert erindi þarna niður eftir til Reykjavíkur, það er allt til alls annarsstaðar og bara betra.

Flugvöllurinn burt!

til Hvassahrauns segir meirihlutinn í Reykjavík.

Á sama tíma sem þeir boða íbúalýðræði.

80 % Reykvíkinga vilja Flugvöllinn kjurt.

Meirihlutinn vill hann burt.

Alveg án þess að hann vilji að Borgarsjóður eigi að kosta flutninginn sem er áætlaður hundruð milljarða.

Á sama tíma safnar Borgarsjóður skuldum sem nema 2 milljörðum á mánuði.

95 % Borgarbúa vilja ferðast með einkabíl.

Meirihlutinn segir að 58 % eigi að hafa skipt yfir á Borgarlínu fyrir 2030.

Fyrsti áfangi á að kosta 80 milljarða á næstu árum.

Seltjarnarnes tekur ekki þátt í neinum Borgarlínuframkvæmdum.

95 5 kaupmanna við Laugaveg vilja hafa bílaumferð á götunni. Meirihlutinn er að loka götunni til frambúðar.

Borgarbúar vilja mislæg gatnamót og greiðar umferðargötur.

Meirihlutinn vill þrengja götur, fækka bensínstöðvum um helming og leggja á bílaskatta.

Ætlar enginn í meirihlutanum að halda áfram í pólitík 2022.

Allt með íbúalýðræði! Allt gengur upp!

Flugvöllurinn fari til Hvassahrauns á kostnað ríkisins , Lokum Laugavegi, Bílaskattar, Borgarlína, Byggingalóðir,  Borgum skuldir! 

 

Seglum þöndum

sigla nú áætlanir um sæstrengi frá Íslandi til Evrópu.

Ég held að á næsta þingi verði hægt a fá samþykkta þingsályktun um að kanna ofan í kjölinn kosti og galla sæstrengja frá Íslandi til Evrópu.

Málið er komið lengra en nokkurn grunaði og sagt er að fjármögnun félagsins sem lengst er komið sé að miklu leyti tryggð.Þúsundir milljarða skipta engu máli í slíkum bísness.

Ég sé ekki annað en að pólitískt verði hægt að koma þessu máli í gegn um þingið næsta vetur.

Andstaða verður hverfandi þar sem Miðflokkurinn er búinn að tæma sig gersamlega í þessari umferð.

Allt tal um að Evrópu vanti umhverfisvæna orku er líka út í loftið þar sem fyrir löngu getur Landsvirkjun selt þau vottorð í skiptum fyrir kola-og kjarnorkuvottorð eins og þegar hefur verið gert.

Landsfundi Sjálfstæðisflokksins verður snúið eins og skopparakringlu af forystunni sem er víst kjörin til þess að hafa forystu eins og eitt forystustirnið  benti okkur sauðsvörtum gamlingjum á.

Þá finnst manni tímabært að þeir Austfirðingar, sem vantar alltaf afl fyrir Austurland fari að huga að því að kapalspunavefstóllinn verði staðsettur  þar en ekki annarsstaðar. Það verður aldeilis dagurinn þegar Ómar Geirsson fer að prédika fyrir kapalaflsvefstólum fyrir Austurland!?

Til þess að gera mér grein fyrir því hvað við er að fást renndi ég í gegn um BS ritgerð við Háskólann í Reykjavík eftir Gísla Þór Gíslason sem athugaði hagkvæmni þess að leggja sæstreng til Grímseyjar frá Ólafsfirði í BS ritgerð sinni við Háskólann í Reykjavík  2017. Einkar skemmtileg lesning fyrir alþýðumann.

https://skemman.is/bitstream/1946/29562/1/Lokaverkefni%20-%20S%C3%A6strengur%20til%20Grimseyja-FINAL.pdf

Í stuttu máli virtist þessi áætlun (2017) ekki ganga upp og þurfa 417 ár til að borga sig upp hvort heldur er notaður jafn-eða riðstraumur. En ritgerðin er skemmtileg, fræðandi  og höfundinum til sóma þótt lokayfirlestur hefði mátt vera betri.  

En þetta er engin lokadómur yfir sæstrengjum og tækni nútímans.Jafnstraumsstrengur er mögulegur og handan við hornið. Líklega tveir saman vegna öryggisins. Fyrst til Færeyja, svo í veðurskipin nýju Alfa og Bravó, svo jafnvel til Rockall og svo þaðan áfram til Brüssel. Hver veit hvað rannsóknir leiða í ljós.

 

Hún gefur hinsvegar til kynna við hvað er að fást með sæstrengi til Evrópu á móti 70 kílómetrum til Grímseyjar. Þetta er leysanlegt tæknilega og ef svo er þá hafa ræðuhöld Miðflokksins og pólitík ekki úrslitaþýðingu. Það verður krónufjöldinn sem verkefnið færir landi og þjóð sem úrslitum ræður.

Tæknin siglir seglum þöndum og verður ekki stöðvuð.

Hversu lengi enn

á að halda áfram að innheimta ekki gjald í Hvalfjarðargöngin?

Vantar ekki fé í næstu göng? Eða viðhald? Hversvegna er svona aðgerðaleysi ?

"Þar verður tekin til umfjöllunar tillaga um að hlutafé Spalar verði fært úr 86 milljónum króna að nafnvirði niður í hálfa milljón. Verðbætt hlutabréf verði síðan greitt út sem og arður á hlutafé í samræmi við samning Spalar við ríkið frá 1995.

Gert er ráð fyrir að félaginu fylgi í það minnsta 120 milljónir í handbæru fé sem Vegagerðin fær í sínar hendur eftir yfirtökuna. Af þeirri upphæð er um helmingur ógreiddar kröfur viðskiptavina á félagið vegna inneigna á reikningum, veglykla og afsláttarmiða sem ekki hefur verið skilað. Um 4.400 veglyklum hefur ekki verið skilað og enn er talsvert afsláttarmiða útistandandi sem hægt er að skila til Spalar gegn endurgreiðslu.

Um 60-70 milljónir króna verða eftir hjá Speli þegar allur kostnaður félagsins hefur verið greiddur og hlutafé til eigenda sömuleiðis.

Í samningi Spalar við ríkið er ákvæði um að fjármunir sem eftir kunni að verða hjá félaginu í lokin skuli „renna til sérstakra verkefna í tengslum við rekstur Hvalfjarðarganga.“

„Við göngum sátt og þakklát frá borði, Spalarfólk. Það er hreint ekki gefið að Hvalfjarðargöng væru til nú ef þessu félagi hefði ekki tekist að láta draum sinn rætast,“ segir Gísli Gíslason stjórnarformaður Spalar. Hann setið í stjórn félagsins óslitið í 28 ár."

Hversu lengi enn á að horfa á þetta án aðgerða?