Enn hótel við Hörpu

var kynnt til sögunnar af Degi Bé.með miklu pompi og pragt með blaðamönnum og miklu af léttum veitingum að vanda þegar stóratburðir eru í aðsigi.

Þessi mörgu Hótel- ‚æfintýri og áætlanir‘ við HÖRPU eru farin á taka á taugarnar í eftirvæntingunni yfir að nú komist Ísland á krotið svo um munar.

- Hingað til hafa allir stóru erlendu hótelforkólfarnir horfið frá eða með öðrum orðum gefist upp.

- Marriott-hótelkeðjan, sem var fyrsti besti kosturinn að mati Dags Bé þá, vildi ekki vera með og sagði dæmið allt of „risky“?

- Samkvæmt fyrri fréttum átti að byrja á hóteli við Hörpu sl. vor og klára í byrjun árs 2017.

-Indverskur hótelforkólfur (Hotel-BigShot) o.fl. ætlaði að byggja á eftir Mariott. Þeir hættu við (of „risky“?).

- Nú ætlar fasteingafélagið > Carpenter & Company < (Nb: Nýtt í hótelbissness utan USA) hefja framkvæmdir í haust og ljúka á 2 árum. Þeir eru eki búnir að finna rekstraraðila en hann verður sko fínn sagði séffinn.

- Hótelið á að vera fyrir auðmenn sem eru í uppáhaldi hjá Degi Bé og EssBirni.

- Meirihluti ferðamanna er víst fólk með meðaltekjur og lægri ?

- Hversu oft hefur borgarstjóri sagt í fréttum, að nú sé hátíð í bæ á Hörpureitnum fögnuður því nú sé óvissunni loksins lokið um hóteluppbygginguna ?

- Verður ekki hávaði í kring um Hörpu vegna þessara framkvæmda, ef af verður í þetta sinn? Getur það nokkuð  truflað viðburði og tónlistarflutning?

- Voru nokkuð  nefndar í fréttum þær breytingar sem gera þarf á gatnakerfinu til að eðlileg umferð og aðkoma gangi upp við hótelið – eða kostnaður við þær, til dæmis bílahús, landsóun í bílastæðiafleti að íslenskri venju?.Kannski dugar að mjókka Lækjargötuna og Skúlagötuna og hafa hjólhestageymslur í kjallara Hótelsins?

– Skyldum við skattgreiðendur, með stóru pyngjurnar, ekki borga þurfa að borga þetta sérstaklega sem umframkostnað eins og annað við byggingu og rekstur Hörpunnar?

Skyldi það takast hjá Degi Bé. í þetta sinn með hjálp Halldórs Pírata  að koma upp auðmannahóteli við Hörpuna?


-Getur verið að fyrri hótelbyggjarar hræðist eitthvað?

- Var ekki frétt var um daginn í Mbl. að Harpa væri farin að síga (BJB)? Og er búið að leysa fjárhagsdæmið með áframhaldandi rekstur Hörpu? Hafa ekki einhverjir spurt hvort hann hafi gengið upp til þessa?.Hafa nokkur svör fengist um kostnaðinn við Hörpuna til þessa? Tjónin, byggingagallana?

Alþingi í dag

hefur verið upptekið af því að ræða þingsályktunartillögu um að boða til þjóðaratkvæðagreiðslu um áframhald aðildarviðræðna við Evrópusambandið. Mikið er vitnað til þess að forystumenn stjórnarflokkananna hafi lofað slíkri atkvæðagreiðslu ítrekað fyrir kosningar.Hvað Sjálfstæðisflokkinn varðar er stefna hans skýr og samþykkt á Landsfundi sem enginn þingmaður getur gengið gegn, hvað orð sem fallið hafa öðruvísi.

Dagurinn leið við ítrekað rölt þingmanna í pontu til að svara því sem síðasti ræðumaður svaraði ekki. Og svo kom sá aftur til að svara hinum. Og sem áhorfandi, var ég nánast engu nær um útá hvað þessi sýning gekk. 

Brynjar Níelsson reyndi án árangurs að skýra það út fyrir Helga Rafni Pírata hversvegna sitjandi ríkisstjórn sem vill ekki ganga í Evrópusambandið getur með engu móti beðið um áframhald viðræðna. Hún getur því augljóslega ekki farið að stefna slíku máli í þjóðaratkvæði bara til þess að hafa þjóðaratkvæði í máli sem hún sér enga ástæðu til að leggja í þjóðaratkvæði.  Hún er löglega kjörin á almennum kosningum. Hún hefur því þingmeirihluta til þess að fella framkomna tillögu. Hún myndi gera það ef með þarf. Svo hversvegna eru settar á þessar ræður? Ég spyr mig af hverju stjórnarþingmenn eru yfirleitt að taka til máls í svona máli og framlengja þjáningar þingsins.

Nú eru alvarlegir tímar í deilum á vinnumarkaði. Einmitt núna þegar öll hagvaxtarmerki sýna aukinn kaupmátt launa og eflingu þjóðarhags, þá er verið að kveikja elda um allt þjóðfélagið svo farið er að rjúka stafna á milli í meira og minna pólitískum verkföllum Sem stjórnarandtaðan reynir að magna sem mest hún má af fullkomnu ábyrgðarleysi eins og fyrri daginn.

Einhvern veginn hefði ég haldið að meira máli skipti að taka þau mál til meðferðar en að karpa svona um mál sem á enga möguleika að ná fram að ganga. Sérstaklega þegar allir aðilar að vinnudeilunum hafa lýst yfir skilningi á afleiðingum stöðugleika og hættunni sem af verðbólgu stafar.

Það m á til sanns vegar færa að menn uppskeri nú afleiðingarnar af uppgjafarsamningunum við læknana. Þar byrjaði auðvitað núverandi kröfugerð sem mátti sjá fyrir. Spítalarnir lamast nú af sömu ástæðum og þá.  Án lækna hefur spítali engan tilgang. Læknir án starfhæfs spítala hefur engan tilgang heldur.Hvorutveggja óstarfhæft.  Sjúkdómar, dauðsföll og fæðingar halda hinsvegar áfram eins og ekkert hafi í skorist. Alþingi Íslendinga ætti að hafa áhyggjur af þessari stöðu fremur en slíkum deilum um keisarans skegg sem fara fram í dag.

Ég get ómögulega komist að þeirri niðurstöðu að þessi þingdagur hafi skipt einhverju máli fyrir þing og þjóð. Ég er sannfærður um að hann breytir engu fyrir mig eða nokkurn annan í bráð né lengd. Miklu heldur opinberar hann lágkúru einstakra þingmanna, sem virðast ekki koma auga á tilgang sinn á Alþingi og fá sig til að standa að slíkri sóun á kröftum sínum og þjóðarinnar með því að standa fyrir svona sýningu í getuleysi og gersamlegu kæruleysi um þjóðarhag.

Virðing mín fyrir stjórnarandstöðunni á Alþingi óx ekki í dag.

Umhverfisfasisminn er afstæður

Þó að maður hafi verið að geysa sig hér á þessu bloggi á undanförnum árum og spyrja af hverju  háspennumöstrin á Hellisheiði séu að ryðga niður í kring um Hellisheiðarvirkjun og af hverju rafeindatæki bili meira sem þau eru nær virkjuninni, hafa engin önnur svör fengist en þögnin ein.Jú, eitthvað minnst á niðurdælingar á H2S, einhverntímann, einhvernvegin en óráðið hvernig.

Nú er rannsókn í gang sem tengir saman dauðsföll og mengunina frá virkjuninni. Sama þögnin af því að hér er sósíalísk framkvæmd á ferðinni. Þarna er fólkið eins og Dagur Bé og EssBjörn í framkvæmdum en ekki vondir kapítalistar og gróðapungar.

Ég er búinn að standa talsvert í því að reyna að fá leyfi fyrir vindmyllum, bæði í Bláskógabyggð og á Skeiðum. Í báðum tilvikum á einkalandi þar sem umhverfisáhrifin geta ekki með nokkru móti náð út fyrir landamerkin  nema hin sjónrænu. Hvað þá að þau geti farið ofan í lungu fólks eða skemmt mannvirki í nágrenninu.

Þetta er ekki nokkur lifandi leið að fá tréhestana í sveitastjórnunum til að skilja. Sama hvað þú reynir, sama hversu brýnt er að framkvæmdin komist áfram til að framleiða verðmæti. Þeim gæti ekki verið meira sama um það tjón sem þeir valda á fjárhag mínum og félaga minna?

Þetta er þvílíkt stórmál í augum ráðamannanna að ekki er nokkur leið að fá samþykki til að fénýta sína eigin landareign. Einhverjum, einhversstaðar  annarsstaðar gæti þótt þetta ljótt að hafa fyrir augunum. Þó veit enginn hvort þessi aðili er yfirleitt finnanlegur.Setjum þetta bara í salt. Skítt með þó að við tröðkum á skattborgurunum. Alger blinda á hlutverk kjörinna fulltrúa."Vi alene vider" sögðu kóngarnir okkar.

Hef ég eitthvað stöðvunarvald þó mér finnist hlöðubygginga á næsta bæ ljót? Ef það er vindmylla þá er hún hugsanlega svo ljót að nábúinn getur ekki þolað hana. Alveg án þess að spyrja hvort honum gæti þótt hún falleg? Jafnvel þó að hægt sé að skrúfa hana niður með því að fjarlægja 150 bolta svoe ekkert myndi sjást eftir?

Hellisheiðarvirkjun verður ekki skrúfuð niður með 150 boltum.  Nomenklatúran í Borgarstjórn Reykjavíkur  og sósíalistunum í öðrum sveitarstjórnum leyfist allt meðan einstaklingurinn stendur réttlaus gagnvart umhverfisfasistunum. Ég verð að anda að mér því eiturgasi sem Borgarstjórnarmeirihlutanum í Reykjavík hentar að freta út í loftið í Hverahlíð. Og þola framleidda jarðskjálfta ef svo ber undir.  En ef þeir vilja ekki horfa á vindmylluna mína þá er það nóg ástæða til að stoppa allt. Þá varðar akkúrat ekkert um mína hagsmuni frekar en hver sé vilji þjóðarinnar í Flugvallar-,Hofsvallagötu-,eða Grensásvegarmálum.

Sýnir þetta ekki hversu umhverfisfasisminn er útbreiddur á sveitastjórnarstiginu í okkar landi?

 

Á sunnudaginn... kemur

klukkan 10 fyrir hádegi verður kvótakerfið í fiskveiðum á Íslandi lagt niður. Þá falla allar núverandi fiskveiðiheimildir niður og ekki verður hægt að krefjast tryggingar í þeim þar sem þær hverfa og koma ekki aftur.

Frá sama tíma er öllum Íslendingum heimilaðar fiskveiðar innan 200 mílna, með venjulegum takmörkunum Hafrannsóknastofnunar, þar sem að frá þeim tíma er allur fiskur í sjónum við Ísland eign þjóðarinnar og fer Alþingi með forræðið í umboði hennar. Með allan afla skal komið með að landi og hann veginn og flokkaður. 

Innflutningur fiskiskipa verður háður leyfum og miðast hann við fyrst um sinn að ekki verði um aukningu á sóknargetu að ræða þar til annað verður ákveðið.

Hafrannsóknastofnun fer áfram með fiskirannsóknir og þær ráðstafanir sem hún telur nauðsynlegar hverju sinni."

Eitthvað í þessa veru er hægt að komast út úr kvótakerfinu á einu augabragði og fara nýjar leiðir. Kerfi sem er byggt upp á úthlutuðum kvótum á grundvelli hins og þessa og líka á keyptum aflaheimildum fellur niður eftir að hafa verið í notkun hálfan mannsaldur. 

Varðandi hina fiskifræðilegu þætti þá má spyrja hvort allt hafi verið fram sett með hinum eina mögulega hætti. Hafa togararöllin svarað öllu fullkomlega? Hafa ekki týnst stórar stærðir í öllum reikningunum? Hafa grásleppuveiðar ekki sýnt að kvótasetning tegunda er líklega oft óþörf og meint rányrkja í veiðum á sjó stundum ofmetin af fjármálalegum fremur en fiskifræðilegum forsendum? Var ekki einnig veitt djarflega og langt umfram útreikninga í Barentshafi? Er hugsanlega ekki veitt miklu meira við Ísland en opinberlega er um talað?

 

Þessi auglýsing mun líklega ekki birtast meðan núverandi stjórnarflokkar eru við völd þar sem þeir hafa ekki þessa stefnu. Það verður því fyrst eftir að menn koma sér saman um að hverfa af braut úthlutana sérleyfa til einstaka gæðinga í stað jafnræðis þegnanna og byggja upp markaðshagkerfi fyrir Íslendinga hvað varðar náttúruauðlindir og framleiðslu sem byggir á sjálfbærum landgæðum?

Kjördæmasukk eins og Sjónvarpið skýrði frá í kvöld er eitthvað sem fólk sættir sig ekki lengur við. Sjálfstæðisflokkurinn verður að horfast í augu við það, að skilyrðislaus hlýðni við kvótakerfið er ekki að safna fylgi að flokknum lengur. Fólkið er hætt að trúa öllu sem sagt er.

En engu að síður er afnám kvótakerfisins ekki flóknari en þetta. Útfærsluatriði geta orðið með allskyns hætti en aðalatriðið að er að þjóðin geti sæst við sjálfa sig sem hún virðist ekki ætla að gera svo lengi sem þetta kerfi varir. 

 

..Á sunnudaginn kemur.....

 

 

 

 

Samtök eldri Sjálfstæðismanna

finnst mér lítið duga til að hugsa um kjör þeirra eldri. Enda sýnist mér að frammá mennirnir séu flestir með verðtryggðan lífeyri frá fyrri mektardögum  og því ekki eins viðkvæmir fyrir skerðingum og vonbrigðum  eins og aðrir. Ætli stofnun þeirra sé vísvitandi gerð til að drepa málum þeira eldri á dreif? Allavega er ekki mikið talað um stöðu loforða til eldri borgara á þessum fundum heldur frekar sungið hósíanna fyrir liðinni gullöld íhaldsins. Ég hef því verið frekar latur að mæta á þær samkundur.

En mér hefur dottið í hug að spyrja sjálfan mig að því, þó ég sé arfhreinn og gegnumblár D-lista kjósandi, hvað ég myndi gera núna á þessu æviskeiði ef hér kæmi fram flokkur sem hefði það á stefnuskrá sinni að beita afli sínu á þingi við að standa vörð um kjör aldraðra og að haldin séu loforð í þeim málaflokki. Myndi hann ekki freista mín? Myndi hann ekki hvetja aðra flokka til dáða frekar en hitt?

Hver myndi afstaða slíks flokks verða í öðrum málum? Gæti hann ekki haft rafræna kosningu um einstök mál meðal löglegra flokksmanna? Hann þarf þá enga stefnuskrá að semja fyrir kosningar aðra en að vinna að efndum loforða sem aldraðir hafa fengið í gegn um tíðina.

 

Myndi þessi flokkur nokkuð fara að æsa sig yfir kvótakerfinu? Loka Reykjavíkurflugvelli? Ganga í ESB? Friða rjúpuna?

Erum við gamlingjar ekki búnir að fá nóg af yfirlýsingum allra flokkanna um málefni þessara hópa fyrir kosningar og svo efndunum eftir kosningar? Myndi ekki bara vera allt í lagi að nota samtakamáttinn eins og verkfallsfólkið er að gera núna?

Ekki getum við krumpudýrin farið í verkföll eins og öll  hin dýrin í skóginum? Við getum ekki neitt svona óskipulögð sem við erum. Við erum auðvitað einskis virði til framtíðar enda eigum við enga. Alþingismenn eiga því allskosta við okkur eins og er og þeir hlusta ekki á okkur milli kosninga af því að við látum þá komast upp með það. Fyrir kosningar eigum við að trúa hverju sem er sem við gerum. Þessvegna kjósum við af gömlum vana. Nennum við því endalaust?

 

Þetta yrði flokkur sem má treysta til góðra verka að öðru leyti. Hann myndi hafa vit á að saga ekki þá grein sem hann situr á. Hann gæti sem best stjórnast af beinu lýðræði innan flokksins. Þarf ekkert að spekúlera í því hvað hann hafi sagt eða segi á morgun því hann hefur enga stefnu.Þessi flokkur yrði því nefnilega ópólitískur með öllu og færi aðeins eftir klárum vilja flokksmanna, hugsanlega með auknum meirihluta? Ef til vill gætu jafnvel öryrkjar og fatlaðir rúmast innan hans líka?

Það er ekki líklegt að þessi flokkur fari að beita ósanngjarnri kröfugerð að fyrra bragði á Alþingi. Það er heldur ekki líklegt að virðing Alþingis fari minnkandi með tilkomu flokksins þar sem gamlingjar eiga margir slifs og sparitau síðan í gamla daga. Og ekki fer neinnn frá þeim flokki á þing sem ætlar að verða þar eilífur augnakall eða vinna sig í álit. Það er því viðblasandi að flokkurinn er bara í skammtíma málum og þá aðallega að herma upp á hina flokkana fyrri loforð. En hann hefur líklega eitthvað að bjóða sem aðrir gætu þarfnast.

Hvað vantar þá? Sagði ekki Gunnar Thoroddsen að vilji væri allt sem þyrfti? En er það ekki stundum það eina sem vantar?

 

Gunnar Bragi

nú er aldeilis gott að eiga norsku byssurnar góðu niðri á tollbúð úr því að við erum komnir í alvöru varnarsamstarf gegn Rússum með Norðurlandakrötum.

Það er góð viðbót að eiga hundrað hríðskotabyssur þegar Rússar færa sig sífellt upp á skaftið með yfirflugum og kafbátasnuðri sem Nató ræður líklega ekki við.

Annars þekki ég líka nokkra þar til bæra menn sem eru til í að kaupa nokkur stykki og taka þátt í íslensku varaliði ef svo bæri undir. Þá hefði Gunnar Bragi  eitthvað að sýna á næsta fundi ef hann hættir með því að hugsa of mikið um kellingavælinn út af byssunum.

Dauðastríð

Reykjavíkurflugvallar harðnar á mánudag.

Þá byrjar Knattspyrnufélagið Valur á því verki að ganga gegn vilja 70.000 kjósenda, vilja ríkisstjórnarinnar og árreiðanlega gegn vilja meirihluta þjóðarinnar. Ekkert skiptir máli í þjónkun þessa fyrrum uppáhaldsíþróttafélags borgarbúa við núverandi borgarstjórnarmeirihluta í þeim tilgangi að að græða peninga. Í stað Knattspyrnufélagsins Valur er komið veltigróðafélagið Valur.

Skyldu forsvarsmenn þessa íþróttafélags fjöldans sem sr. Friðrik stofnaði með kristilegu ívafi ekkert velta fyrir sér hver verði áhrif þesaaá fylgi almennings við rauðu treyjurnar?

Það er mörgum heitt í hamsi á feisbúkk eins og honum Guðmundi Tómassyni sem skrifar:

 

"Þetta fólk fer ekkert eftir vilja þjóðarinnar - Þarna eru bara gróðasjónarmið valsmanna látin ráða för.. -- Fékk ekki Valur knattspyrnufélag lóðirnar á þeim forsendum að þarna færu fram íþróttir - En ekki gróðahyggja og byggingarbrask. - Ríkið á bara að taka þessa lóð eignarnámi svo og allar lóðir kringum flugvöllinn og byggja hann upp til framtíðar."

Og enn skrifar Guðmundur:

 

"70 þúsund undirskriftir hreyfa ekki við þessum svikurum í borgarstjórn. -- Það ætti að gera aðsúg að þessu fólki á vinnustað og heima hjá því. - Svona á ekki að líðast.

Guðmundur birtir þessa mynd með pistli sínum sem er einhverskonar gáta held ég.

 

 Maður minnist ýmissa digurbarka sem fóru á þing í síðustu kosningum. Jón Gunnarsson hafði við orð að flytja tillögu um að sækja skipulagsvaldið til Reykjavíkurborgar. Hanna Birna hvæsti víst eitthvað á hann og síðan hef ég ekkert heyrt.

Bæði Sigmundur og Bjarni voru að múðra yfir þessu atferli Dags Bé. og Essbjarnar. Fleiri höfðu verið að ambra eitthvað yfir flugvellinum en síðan er langt um liðið og ég er löngu hættur að gera eitthvað með það sem menn sögðu einhverntímann. 

Reykjavíkurflugvöllur virðist eiga að vera án Neyðarbrautarinnar til framtíðar þar sem aðfærsluvegurinn stefnir beint á enda hennar og án efa rís byggingakrani fljótlega á svæðinu í brautarstefnunni.

Ég er að mikið að hugsa um að hætta að trúa stjórnmálamönnum. Er nokkuð á marka þá yfirleitt? Bara meira miðjumoð um allt og ekki neitt? Aldrei neitt afgerandi um eitt eða neitt ?

 

Guðmundur birtir enn þessa mynd þar sem sjá má þá fríðu fylkingu sem eru helstu óvinir Reykjavíkurflugvallar.

 

 

 

 

Páll Ólafsson orti eitt sinn þegar frambjóðendur komu við hjá honum á kosningaferðalagi:

 

 

"Hér í hlaðið rógur reið,

ranglætið og illgirnin.

Lygi og smjaður skelltu á skeið

skárri var það fylkingin."

Selfossgöng

koma í hugann þegar maður veltir fyrir sér nýlegum myndum af nýrri sprellibrú ofar í Ölfusá vegna þess að núverandi brú er of mjó.

Ýmislegt gæti manni dottið í hug áður en verslun og þjónustu á Selfossi er sýnt beint banatilræði að mínu viti eins og í þessum tillögum hlýtur að felast, sem flytja alla umferðina út úr bænum sem fæddist beinlínis af henni. Hvað getur mönnum ekki dottið í hug?

Mér datt í hug að breikka Ölfusárbrúna sem er líklega ódýrasti kosturinn, annaðhvort beint eða með annarri brú við hlið hennar. Svo datt manni í hug að grafa göng frá hægri akrein Austurvegar til Arnbergs undir ána og upp hægra megin við þjóðveg 1 til Reykjavíkur svona á móts við Ríkissal Vottanna eða Guðnaborgir.

Við Austurveg standa mikið gamlir kumbaldar sem geta vikið fyrir breikkunum hans og hringtorgum. Hvað er bæjarstjórn að hugsa þegar utanbæjarmenn koma með þvílíkar tillögur sem varða lífsgrundvöll Selfossbæjar sem er verslun og þjónusta?

 

Hvað kostar þetta allt saman er svo annar handleggur? En hvað kostar það fyrir Selfoss að láta keyra fram hjá sér á hreint ekki billegri stælbrú sem er allavega ekkert lík hinni einföldu Hvítárbrú?

Útúr Selfossgöngunum gætu svo kvíslast aðkomugöng að Selfossvirkjun sem fengi sitt vatn um önnur göng frá fyrirhuguðu nýju brúarstæði. Tugir Megawatta fyrir iðnaðarbæinn Selfoss og minni Ölfusá innanbæjar? 

Er útséð um Selfossgöng?

Rangfærslur

er enn að finna hjá próf.dr.Þorvaldi Gylfasyni í Fréttablaðinu í dag.

Hann eyðir miklu púðri í að rakka niður stjórnarskrá Bandaríkjanna, sem sé ómöguleg af því hún sé skrifuð af þrælahöldurum og hafi aldrei átt að endast nema í 20 ár að hans smekk og Tómasar Jeffersonar.

Sem hann telur auðvitað sönnun þess að okkar stjórnarskrá sé úrelt og taka beri því upp stjórnarskrá Þorvaldar Gylfasonar og 101 liðsins frá Stjórnlagaþinginu.  Sem náði þó ekki nema fylgi fjórðungs þjóðaratkvæða landsmanna í ógiltum kosningum 20.10.2012.

Meirihluti landsmanna vildi hvorki sjá né heyra þá moðsuðu sem frá þessu stjórnalagaþingi Þorvaldar og kompanís lagði. Langloka upp á hundrað síður getur ekki vænst þess að vera tekin alvarlega í samanburði við stutta og gagnorða stjórnarskrá Bandaríkjanna, sem hefur dugað þeim núna í meira en tvær aldir. Og  raunar þá stuttorðu íslensku stjórnarskrá líka sem hefur dugað vel í 70 ár, alveg án aðkomu prófessors Þorvaldar.

 

Próf.dr.Þorvaldur eyðir miklu púðri í að afflytja Bandaríkin og draga fram að ákvæði stjórnarskráar þeirra séu meira og minna brotin. Forsetinn sé nokkuð ómarktækur af því að hann gæti verið kosinn með minni hluta atkvæða. Flestir hinna gömlu landsfeðra Bandaríkjanna hafi auk þess verið þrælahaldarar og því lítt trúverðugir til lýðræðisstarfa. Eða með orðum Þorvaldar:

"Eintómir karlar, eignamenn, lögfræðingar og þrælahaldarar: Hversu líklegt má telja, að stjórnarskrá, sem þeir sömdu fyrir næstum 230 árum, haldi gildi sínu í samfélagi nútímans?"

Ekki þykir mér líklegt að út myndu brjótast fagnaðarlæti yfir þessari ritsmíð næsta fjórða júlí væri hún kynnt Bandaríkjamönnum. En líklega væri ekki gaman að lifa í þessum heimi án Bandaríkjanna sem eru sú besta og traustasta brjóstvörn friðar og réttlætis í heiminum í öllum sínum ófullkomleika. 

Ekki sé ég fyrir mér að heimurinn muni batna mikið eftir að fá próf.dr.Þorvald og einvala 101-lið hans til að semja nýja stjórnarskrá fyrir Íslendinga um beint lýðræði og fleira góðgæti sem honum finnst sárlega vanta hérlendis. Sem þjóðin sjálf hinsvegar gaf algert frat í í þeim kosningum sem Þorvaldur til vitnar.

Og sýndi ekki þjóðin það sérstaklega með því að hafa engan áhuga á því beina lýðræðistækifæri sem henni bauðst við þetta tækifæri til að greiða atkvæði um þetta sögulega plagg Þorvaldar og Péturs á Sögu? En í huga þeirra prófessors Þorvaldar og Péturs er beina lýðræðið efni í endalausar útleggingar um eitthvað draumsýnar stjórnarfar fyrir Ísland með endalausum þjóðkosningum sem auðvitað taka Bandaríkjunum langt umfram að gæðum?

Ég sé hinsvegar fremur fyrir mér eitthvað sem minnir helst á skrílræðið frá dögum Forn-Grikkja og  Kleóns sútara fyrir margt löngu. Þokukenndir draumórar um eitthvað, sem mér finnast þeir varla skilja sjálfir til fulls, á að vísa veginn til fullkomins stjórnarfars fyrir Ísland, ef marka má málflutninginn. Fulltrúalýðræðið fæddist eftir að menn höfðu reynt þjóðstefnurnar til þrautar.

Rangfærslur og rógur prófessors doktors Þorvaldar Gylfasonar um Bandaríkin með sína stuttu sögu finnast mér leiðinlegur lestur og ósanngjarnar í garð mestu vinaþjóðar okkar og lítið gera til að velta fyrir sér vandamálum daglegs lífs Íslendinga um þessar mundir sem eru ærin. En doktorinn hefði sannarlega verk að vinna gæti hann greitt úr þeim fremur en að bekkjast við Bandaríkin. 

Lög til sjálfsmorðsfrestunar

er það eina sem þýðir í þessari svonefndu kjaradeilu sem nú stendur yfir.

Kröfurnar eru ýmist albrjálaðar eða óraunhæfar. Varla hefur heyrst vitræn rödd sem leggur eitthvað skynsamlegt til málanna.

Útilokað er að fást við þá alvitlausustu og semja um leið við hina sem eru með eitthvað vit í kollinum. Þessvegna verður að grípa inn í með valdi til að þessir óvitar fari ekki með þjóðina út í óraunhæfar taxtatölur sem leiða til verðbólgu eins og við sáum hér um 1980 sem fór í 120 %.

Það hafa flestir of lítið sem ég þekki. Það eru flestir hundfúlir með kjör sín. En vill einhver 30 % kauphækkun og svo tafarlausa 15 % skattahækkun?  Né heldur tel ég  að einhver vilji fá einhverja krónutölu ofan á launin sín vitandi það að verðbólgan muni hirða hækkunina tvöfalda til baka innan ársins og húsnæðislánin hækki um verðbólguna.

Heldur vilji menn sjá verðlækkanir og styrkingu krónunnar. Í minni okkar eldri eru þeir tímar sem kauptaxtar hækkuðu 4000% á sama tíma sem kaupmáttur lækkaði. Enginn vill þetta raun og veru. En líklega eru ýmsir forystumenn búnir að mæla of mikið eins og Hrafnkell Freysgoði á sinni tíð. Því þarf því að hjálpa þeim til að halda andlitinu.

Ég legg til að sett verði lög sem banni öll verkföll til 1,desember í ár. Þá verði félögunum heimilt að boða til verkfallanna aftur en nú öll í einu á sama degi. Hugsanlega er janúar 1916 hentugur til allsherjarverkfalls.

Lögin nýju segi til um að persónuafsláttur verði hækkaður um A krónur. Jafnframt hækki allir kauptaxtar í landinu, annarra en þeirra sem  sami hafa á þessu ári, um X krónur þegar í stað. Í júlílok hækka öll laun um Y krónur. Í nóvember hækka öll laun um Z krónur. X,Y Z eru hjón var kveðið í den tíð. Hinir vísustu menn komi saman til að afstýra þjóðarsjálfsmorðinu sem nú er að hefjast. 

Hver er hagnaðurinn af þessu miðað við að fara í mánaðarverkfall núna? Tólfti partur af þjóðarframleiðslu gæti verið nálægt sanni eða svona 120 milljarðar. Lán munu ekki hækka að höfuðstóli um fjórðung til næsta desember eins og stefnir í að óbreyttu. Gengið mun geta styrkst hugsanlega 5-10 % og erlend vara lækka sem því nemur. Fleira geta hagfróðari menn en ég reiknað út með nákvæmari hætti.    

Lög sem fresta verkföllunum núna eru lög sem fresta sjálfsmorði þjóðar.