664

saklausa vestræna borgara hafa múslímar drepið á þessu ári samkvæmt frétt í Morgunblaðinu.

Þó að það sé auðvitað bannað að tala um þetta þá ætla ég að gera það samt, vitandi hvaða svör og safnorð ég fæ.

Hvaða augum eigum við vestrænir menn að líta múslíma yfirleitt? Eigum við ekki að tortryggja þá almennt? Geta þeir ekki verið hryðjuverkamenn sem vilja okkur illt?

Af hverju eigum við að hossa múslímum með því til dæmis að velja þá úr hópi flóttamanna jafnt og kristið fólk? Er ekki vissara að sniðganga þá í slíkum tilvikum og velja fremur kristna?  Er ekki minni áhætta tekin með því að að mismuna þeim vegna trúarinnar? Er yfirleitt rétt að leyfa múslimum landvist á Íslandi ef hægt er að komast hjá því?

Eru nokkrir hryðjuverkamenn í heiminum til nema múslímar?

Eru 664 vestræn mannslíf ekki ástæða til að hafa andvara á sér gagnvart múslímum almennt?

Moðsuðan

birtist í Morgunblaðinu í dag.

Þar er beint haft eftir Hjálmari Sveinssyni bókmenntafræðingi skipulagsmála hjá Reykjavíkurborg:

"Engin önnur lausn í boði Hann segir að markmiðið sé að hlutfall þeirra sem notist við almenningssamgöngur fari úr 5% í 12% árið 2030. ,,Að mínu mati er engin önnur lausn í boði [en að leggja áherslu á almenningssamgöngur]. Það er búið að margreyna hitt víða í heiminum og m.a. í Reykjavík.

Með því að bæta sífellt við nýjum akreinum og mislægum gatnamótum, þá fyllast þessar nýju akreinar um leið,“ segir Hjálmar. "

Af hverju fer þá ekki fólkið í almenningssamgöngurnar en bíður heldur í bílunum sínum á yfirfullum götunum meðan strætóarnir keyra tómir?

Skyldi fólkið heldur virkilega vilja einkabílinn heldur en almenningssamgöngur? Af hverju kýs það þá Hjálmar?

Ekki úthluta lóðum því þá er bara byggt á þeim.Ekki byggja götur því þá fyllast þær bara af umferð. Ekki byggja hjúkrunarheimili né spítala því þá bara fyllast þær byggingar af rúmliggjandi fólki.Ekki byggja skóla eða ný hverfi því þá bara fyllast þau af börnum. Er ástæða til að byggja kirkjugarða á dýrmætum útivistarsvæðum þar sem hægt væri að hjóla?

Er þetta ekki moðsuða meirihlutans í Reykjavíkurborg?

"Hjalli á hjólinu"

alias Hjálmar Sveinsson(Hrólfur Hraundal ber ábyrgðina af þessu gælunafni) er búinn að standa að meiri skemmdarverkum á Reykjavíkurborg og umferðarkerfi hennar en flestir gera sér grein fyrir.

Þessi bókmenntafræðingur sem flestöllum skipulagsmálum á höfuðborgarsvæðinu stjórnar gengur fram með þær grundvallar trúarsetningu í umferðarmálum að öllum þyki gaman að hjóla af því að honum þykir gaman að hjóla um stórborgir.

Hann er búinn að eitra út frá sér hingað til Kópavogs þar sem yfirvöldum í Kópavogi dettur í hug að byggja algerlega tilgangslausa hjólabrú frá Kársnesi yfir á Flugvöll. Í stað þessa þarf auðvitað almennilega bílabrú eða frekar undirgöng  fyrir væntanlega og núverandi íbúa á Kársnesi að komast burt og geta síðan keyrt fyrir vestan flugvöllinn á uppfyllingum þar sem þarf til að komast í menninguna í 101 eða framhjá henni.Jafnvel Strætó þarf að geta farið þessa leið líka.

Byggjum sem flest og mest jarðgöng á öllu Íslandi. Fjarðarheiði og Reynisfjallsgöng en öll á borgandi basis hér eftir.Fossvogsgöng eru upplagt verkefni fyrir Spöl að byggja og reka í 25 ár. 

Því miður er verður "Hjalli á hjólinu" enn við öll skipulagsvöld á höfuðborgarsvæðinu talsvert lengi enn svo í besta falli verður gert sem minnst af hans miklu hugmyndum.

Svona lítur sigur Hillary út

Samfylkingar-komma-101elítan hedlur áfram að harpa á því að Trump hafi tapað kosningunum og að Hildiríður sé Forseti Bandaríkjanna hvað sem þesir kjörmannavitleysingar segi. En landsfeður Bandaríkjanna sáu þetta fyrir og því settu þeir þetta kerfi upp. Hugsunarháttur svipaður okkar sjálfra sem eru með kjördæmin úti um land í stað þess að láta 101 og Umgebung kjósa og ráða öllu.

Um að gera að lemja hausunum við steininn áður en eitthvað sést til dáða hjá Trump

Hildiríður er ótvíræður Forseti Bandaríkjann í augum afturhaldsins. 

Gleymum þessu ekki

nú þegar meirihlutinn í Borgarstjórn hefur tilkynnt um núll framkvæmdir í gatnamálum öðrum en til þrenginga gatna.

Hversvegna þetta allt er eins og það er undir stjórn Dags Bergþórusonar?:

Tölulegar staðreyndir eru þessar:

 

" Langtímaskuldir A-hluta jukust um 137% að raunvirði frá árslokum 2009 (árið fyrir valdatöku Samfylkingar og ári eftir hrun fjármálakerfisins) til loka árs 2015.

Heildarskuldir nær tvöfölduðust og voru tæplega 40 milljörðum meiri á föstu verðlagi.

Eigið fé minnkaði um 2,9 milljarða.

Heildartekjur voru 16,5 milljörðum krónum hærri að raunvirði 2015 en 2009.

A-hluti hafði 113 þúsund krónum hærri tekjur af hverjum borgarbúa 2015 en 2009 á föstu verðlagi. Rekstrargjöld voru hins vegar 199 þúsund krónum hærri.

Skuldir A-hluta jukust að raunvirði um 315 þúsundkrónur á hvern íbúa.

Eigið fé minnkaði á sama tíma um 45 þúsund.

Að raunvirði var veltufé frá rekstri 38% minna á síðasta ári en 2009. Veltufé er mælikvarði á stöðu grunnrekstrar A-hluta.

Í árslok 2009 var veltufjárhlutfallið 2,12 en var komið niður í 1,18 við lok síðasta árs."

Hvernær skili Reykjavíkurborg frelsast úr þeim tröllahöndum sem hún hefur verið föst í síðan að R-listinn komst til valda á sinni tíð með tilstyrk Framsóknar sem þá voru ekki Flugvallarvinir eins og við síðustu kosningar.

Gleymum þessu ekki.

 

Einar S. Hálfdánarson

ritar tímabæra  grein í Morgunblaðið í dag. Af því að fáir lesa Moggann að sögn vinstra fólksins þá set ég hana hér í þeirri von að einhver þeirra lesi:

"Íslendingar eru mikil stemningarþjóð. Allir voru með útrás á sínum tíma, allir höfðu þó í rauninni verið á móti, en bara ekki haft hátt um það.

Rithöfundarnir skora hátt á stemningarskalanum. Enginn hærra en Laxness nema ef vera skyldu Auður og Hallgrímur (ekki þó Pétursson). Allir dáðu Davíð og síðar Jón Ásgeir. Nú eru báðir dottnir úr tísku. Nú ríkir sem sé flóttamannastemning á Íslandi.

Allir, sem hugnast að taka sér hér á landi bólfestu, eru velkomnir. Ekki bara velkomnir heldur velkomnir í framfærslu ríkisins. Í huga Íslendingsins er sérhver sem þannig stendur á um »flóttamaður«. (Lesið bara greinar blaðamanna Morgunblaðsins). Flóttamenn eru reyndar skilgreindir með allt öðrum hætti í öðrum löndum, íslenskum lögum og alþjóðlegum sáttmálum, en við látum það ekki þvælast fyrir.

 

Líkast til verðum við efasemdamenn að sætta okkur við vilja meirihlutans. Þannig virkar nú lýðræðið einu sinni. Þjóðin telur meira réttlæti í því fólgið að ungir menn frá Makedóníu fái greitt uppihald og hótelherbergi en að íslensk gamalmenni fái pláss á elliheimili síðustu æviárin.

Reyndar er það almenn skoðun íslenskra vinstrimanna að notkun fjármuna til eins bitni ekki á veitingu til annars. Svoleiðis töfrabrögð eða vúdúhagfræði þarfnast mikilla skýringa.

 

Hlutur Rauða krossins

 

Sú var tíðin að greiðsla gíróseðla frá Rauða krossinum var samfélagsleg skylda okkar. Nú hafa þar 70 manns atvinnu í flóttamannabransanum, þar af 20 lögfræðingar ef marka má fréttir. Skyldu þessir lögfræðingar aðstoða velferðarferðalanga jafnt og raunverulega flóttamenn? Fjárins er mest aflað frá spilafíklum og á dýrkeyptan kostnað aðstandenda þeirra. Það var miður að sá merki þingmaður og ráðherra, Ögmundur Jónasson, skyldi ekki fá hljómgrunn fyrir tillögum sínum um bann við spilavítum á Íslandi.

 

Ráðum ekkert við ástandið

 

Meðal nágrannaþjóða okkar er innflutningur fólks á þessum skala kallað neyðarástand. Hér láta menn eins og ekkert sé. Við móttöku fólks verður a.m.k. að vera hægt að sinna grundvallaratriðum á borð við sóttvarnir.

Hér hafa komið HIV-smitaðir einstaklingar og verið virkir smitberar vegna þess að skipulagið er í ólestri eins og vonlegt er. Á Íslandi var berklum útrýmt með geysilegum tilkostnaði (líkast til bara tímabundið).

Nú nýlega gekk hér um berklasmitaður maður og uppgötvaðist af tilviljun þar sem hann kom á bráðamóttöku spítala. Við þær aðstæður verður að berklaprófa alla sem hann hefur komið nálægt. Það verkefni kostar of fjár, en það er þó minnstur hluti vandans. Er verjandi að standa svona að sóttvörnum gagnvart eigin þjóð?

 

Ríkisfangslottó Unnar Brár

 

 

Í fyrra um jól bauð Alþingi fjölskyldu nokkurri íslenskt ríkisfang til að koma útlendu barni hér í umönnun um aldur og ævi. Fyrir góðverkinu stóð Unnur Brá Konráðsdóttir, þótt ekki gerði hún það af eigin efnum. Henni lætur betur að slá sig til riddara á kostnað annarra. Fólkinu í kjördæmi hennar blöskraði og hefði hún fallið af þingi hefði annar þingmaður ekki gefið henni eftir þingsæti sitt.

Ræðismaður Makedóníu hefur lýst því hvernig verk Unnar Brár virkuðu sem auglýsing á Balkanskaganum og hvernig ágallar á íslenskum lögum hvetja til Íslandsferða. Nú ætlar allsherjarnefnd Unnar að endurtaka leikinn.

Afleiðingarnar eru fyrirsjáanlegar. A.m.k. 70% »flóttamanna« eru hér á fölskum forsendum. Það kostar á annan milljarð á ári og fer ört vaxandi. Væri ekki ráð að Alþingi tæki sér tak og kæmi málsmeðferð í sama horf og gert er við sömu kringumstæður í Noregi?"

Það er aldeilis makalaust hvernig Alþingi hefur lýst sig gersamlega ófært við að taka á svona stjórnunarvanda eins og Einar lýsir.

Það er auðvitað fyrir áhrif svona þingmanna eins og áminnstrar Unnar Brár og annarra fulltrúa góða fólksins þar inni. En að enginn hinna þingmanna þori að lýsa skoðunum sínum nema Ásmundur Friðriksson er stórfurðulegt. Enda hafa búrtíkurnar rokið í hann með gjammi og glefsi við öll tækifæri síðan og enginn komið honum til hjálpar.

Gamalt fólk er látið liggja úti í Laugardal vegna húsæðisskorts.Það stendur þingmönnum eins og téðri Unni Brá nær huga að borga hótel í 200 daga fyrir óberkla-eða HIVskoðað sem tæknileg ekki fær hælisvist til frambúðar. Hversvegna ekki að afgreiða þessi mál á 48 tímum?

Af hverju fáum við ekki einhvern frá Noregi til að stjórna þessu heldur en að láta löggumenn skrifa skýrslur á mörgum dögum með tveimur puttum á lyklaborð og svo fleiri skýrslur hjá Rauðakrossinum? 

Einar S Hálfdánarson hefur hefur skrifað þarfa grein.

 

Manifesto Moðhausa

birtist í boðskap Hjálmars Sveinssonar skipulagssénís Reykjavíkurborgar.

Samandregið með orðum Þorsteins Siglaugssonar:

"Það dugar ekkert að leggja vegi því bílunum fjölga stöðugt. Það dugar ekkert að byggja fleiri hús því þau fyllast bara strax af fólki. Og svo framvegis..."

Hvað skyldi verða sagt í Bandaríkjunum við svona stjórnmálaboðskap?

Ef þetta er ekki pólitískt Manifesto Moðhausa þá veit ég ekki hvernig það gæti hljómað?

Framhald fíflaríisins?

í refsiaðgerðum Merkel í ESB gagnvart vinum okkar Rússum vegna sameiningar Krímskaga við móðurlandið sitt Rússland er okkur nú boðað frá Brussel.

Af hverju viðurkennum við ekki staðreyndir og hættum almennt að sleikja okkur upp við stórveldin eins og að fara ekki í fleiri Íraksstríð á þeirra forsendum?

Við  megum ekki selja Rússum Makrílinn okkar næsta hálfa árið að boði frú Merkel.  Við þjáumst hlutfallslega miklu meira en Þjóðverjar vegna áframhald þessa viðskiptaþvingana-fíflaríis sem selja sjálfir allt eins og áður.

Hvern fjandann erum við að elta þessa vitleysinga í ESB sem gefa hvort eð er skít í okkur hvenær sem þeim dettur í hug eins og í Icesave,fiskveiðistjórnun eða flóttamannamálum.

Brexit er staðreynd og bráðum Frexit trúlega líka. En  hér ræða menn í alvöru um stjórnarþáttöku Benedikts flokkseiganda í Viðreisn ESB-viðræðna!

Burt með EES og Schengen sem allra fyrst.Tökum upp eigið landamæraeftirlit sem frjálst og fullvalda ríki.  Förum að standa í lappirnar Íslendingar og hættum að láta þessa ólýðræðislegu embættismannahjörð í hinu brennandi húsi Evrópusambandsins teyma okkur.

Fari þetta Evrópumóverk allt saman og veri.

Sjálfstætt Ísland fyrir sjálfstæða Íslendinga. Gerum sjálfstæða viðskiptasamninga við hinn frjálsa heim. Höfnum öllum tollabandalögum með litlu Evrópu.

Ekkert framhald fyrir mína parta á þáttöku í viðskiptaþvingana-fíflaríi Evrópusambandsins.

 

 

 

Vatnið skal renna upp í mót !

segir Hjálmar Sveinsson, formaður umhverfis- og skipulagsráðs.

Hann segir "að ástæða þess að Reykjavíkurborg hafi ekki þrýst á um að fá fjármuni frá Alþingi vegna framkvæmda á umferðarmannvirkjum í borginni sé sú að árið 2012 hafi verið samið við Vegagerðina og hið opinbera um að fá allt að einum milljarði á ári til tíu ára til þess að byggja upp almenningssamgöngur. Í staðinn myndi Reykjavík ekki ráðast í stórar framkvæmdir á borð við mislæg gatnamót á tímabilinu.

 

 

Aukinheldur segir Hjálmar sérfræðinga segja það engu breyta þótt byggð verði mislæg gatnamót því framtíðarspár um umferðarþunga sýni að gatnakerfið muni springa ef umferð vegna einkabílsins eykst á sama hraða og hún hefur gert liðna áratugi.

 

»Samkomulagið fólst í því að Vegagerðin væri ekki skyldug til að fara í gríðarlega dýrar framkvæmdir á borð við mislæg gatnamót og Sundabraut. Þess í stað að fjármagnið yrði sett í vistvænar almenningssamgöngur. Bílaumferð er ekki eini samgöngumátinn, heldur ein tegund samgöngumáta,« segir Hjálmar.

 

Guðlaugur Þór Þórðarson, 1. þingmaður Reykjavíkurkjördæmis norður, sem á sæti í fjárlaganefnd Alþings, sagði í samtali við Morgunblaðið á laugardag að flest eða öll sveitarfélög landsins þrýstu á um fjármuni til samgöngumannvirkja. Reykjavíkurborg hefði hins vegar tekið öll umferðarmannvirki af skipulagi og því væri tilgangslaust að setja fjármuni í verkefni sem ekki væri hægt að framkvæma.

 

 

Hjálmar segir að umferðarsérfræðingar hafi dregið upp þá sviðsmynd að eina leiðin til þess að koma í veg fyrir allsherjar umferðarteppu á höfuðborgarsvæðinu í framtíðinni væri að fleiri veldu sér annan samgöngumáta en einkabílinn.

 

»Íbúum á höfuðborgarsvæðinu mun fjölga um 70 þúsund til ársins 2040. Ef umferð eykst eins mikið til ársins 2040 og hún gerði árin 1987-2012 þá verður hér allt stopp. Jafnvel þótt settir yrðu margir tugir milljarða í að byggja mislæg gatnamót,« segir Hjálmar.

 

Hann segir að eina leiðin til þess að koma í veg fyrir að þessi sviðsmynd rætist sé sú að ferðamátar breytist. »Það þýðir ekki að allir eigi að hjóla, ganga eða fara í strætó, heldur að hærra hlutfall fólks geri það en nú,« segir Hjálmar."

Hvað skyldi verða gert við svona mann í Bandaríkjunum? Skyldi nokkur kjósa mann til valda sem er fyrirfram uppgefinn að leysa vandamálin í nútíð og framtíð? Hann yrði úrskurðaður meinvættur í samtímanum sem enginn treysti.

Hér reynir Fréttablaðið að halda því að fólki að núverandi Borgaryfirvöld muni halda meirihlutanum. Ekkert nema alger skortur á stjórnarandstöðu í Borginni getur slegið slíku ryki í augu kjósenda að Hjálmar Sveinsson haldi forystuhlutverki sínu og áhrifum lengur en að næstu kosningum.

Vatnið mun ekki renna upp í móti til langframa þótt Hjálmar Sveinsson og Dagur Bergþóruson segi því að gera það. Fólkið vill einkabílinn en ekki strætó, Borgarlínur eða reiðhjól. Þeir sem ekki skilja þetta eru nátttröll í nútímanum sem verða kosnir frá af fólkinu.

Vatnið streymir yfirleitt þangað sem það vill.

Róbert Guðfinnsson

var skemmtilegur á Sprengisandi í morgun.

Góðar voru samlíkingarnar hjá honum og líklega sannar þegar hann stillir hinum nýja ferðamannaiðnaði upp við hliðina á sjávarútvegnum sem hann þekkti vel fyrir 30 árum. Hvernig sá síðarnefndi hefur þróast til hátækni og kraftaverkaiðnaðar í áranna rás.

Ferðamannaiðnaðurinn er hinsvegar í frumbernsku sinni að þessu leyti og er líklega kominn á endimörk sín í Gullna-Hringnum svonefnda með eignilega hlægilegar rútukeyrslur skipatúrista til Gullfoss og Geysis til að éta lax eða fá sér Kaffee-Erfrischung. Eins Lummó og þetta getur orðið og staðnað.Makalaust að hægt sé að selja þetta ár eftir ár.

Róbert sagði nauðsyn á að virkja fleiri staði landsins og benti á hversu samgöngur í landinu myndu skipta  höfuðmáli í þeirri uppbyggingu. En þær væru bara alls ekki að fylgja á eftir.

Hann vék að staðreyndinni um einkaeign alls fjármagns í landinu og sagði að gamla ávöxtunarkrafa lífeyrisjóðanna upp á 3.5 % raunávöxtun væri alger tímaskekkja og raunar heimsskekkja, slík ávöxtun  væri hvergi möguleg í heiminum vestan hafs né austan og væri auðvitað algerlega úr öllu vitrænu samhengi í nútímanum.

Ferðamanniðnaður þyrfti þolinmótt fjármagn og þess þolinmóðara sem það færi lengra út á landið. En þar væru veðin slakari svo allt stæði pikkfast. Þessari kerfisvillu í íslensku efnahagslífi hefur hann Friðrik Pálsson á Hótel Rangá gert skilmerkilega grein fyrir í viðtölum við Sám fóstra. (https://issuu.com/radandi_auglysingastofa/docs/samur_fostri_2_tbl_2016_issuu . Paste-aðu þetta í bowserinn og þá á nýjasta blaðið að koma.)

Það væri ekkert hægt að byggja upp á 10 % vöxtum eins og hér væru í boði.

Lífeyrissjóðirnir keyrðu upp þetta vaxtastig í landinu og stæðu þannig í vegi fyrir allri framþróun í ferðaiðnaði.Það væri ekki nein leið að byggja upp  atvinnurekstur í ferðabransanum á þessum nótum. Hann hefði sjálfur byggt upp sinn rekstur á eigin fé sem hefði komið annarsstaðar frá en fæstir innlendir aðilar nú til dags hefðu yfir slíku að ráða.

Erlendir fjárfestar hefðu í sumum tilvikum byggt upp lúxus gistingar hérlendis og þar borguðu ríkir útlendingar glaðir tvöhundruð þúsund kall fyrir nóttina. Sem sýnir mér að minnsta kosti að gengislækkunarþvælan í sumum ferðaforkólfum er út úr kú. Við getum ekki látið ferðamannafjöldann vaxa bara stjórnlaust til þess eins að selja allt sem ódýrast eins og nú virðist stefnan hjá mörgum í ferðabransanum.

En við yrðum að virkja allt landið í ferðamennsku, ekki bara suðvesturhornið eins og núna er gert sagði Róbert og það eru orð í tíma töluð. 

Ég varð hinsvegar mjög hissa á Róbert þegar hann vill loka Reykjavíkurflugvelli og byggja blokkir þar en byggja nýjan millilandaflugvöll í Hvassahrauni en ekki byggja meira nýtt á Keflavík.

Af hverju vill Róbert ekki frekar skoða Egilsstaðaflugvöll sem nýjan millilandaflugvöll fyrir bein flug þangað og ná þannig hinum enda landsins inn í ferðamennskuna beint? Ef þar væri gerð þverbraut og fleiri innréttingar til að fá afl fyrir Austurland í ferðmennsku, þá hélt ég að það stæði Róbert nær en Hvassahraunsvitleysan. En hún er hrein vitleysa frá upphafi til enda því örugglega kæmi ekki eyrir frá lóðasölu á Reykjavíkurflugvelli þangað. Svo hvaðan ættu þeir tugmilljarðar að koma? Ekki frá félagsmála-og bæjarlínutröllinu Degi Bergþórusyni svo mikið er víst.

En þarna sáu menn hlutina í skýrara ljósi en oft áður og hafi þessi þjóðsagnapersóna Robbi .. þökk fyrir þessa ræðu hjá Kristjáni á Sprengisandi.