Er hann ruglaður?

þessi formaður minn í mínu verkalýðsfélagi Ragnar  Þór Ingólfsson?

Hann lætur þetta frá sér fara:

" Ef ekki verður látið af gegndarlausu vaxtaokri á íslenska alþýðu og endalausum hótunum um að hækka vexti og verðlag eða fækka störfum, verði kröfum verkalýðshreyfingarinnar mætt um mannsæmandi lífskjör,

munum við svara með aðgerðum og hörku sem ekki hafa sést áður á íslenskum vinnumarkaði.

Ég verð að segja fyrir mig persónulega að ég er gjörsamlega búinn að fá upp í kok af endalausum hótunum í garð verkalýðshreyfingarinnar og hér fari allt á hliðina ef við gerum kröfu um að geta lifað með mannlegri reisn af dagvinnulaunum.

Ég vil spyrja og vinsamlega svarið, er ekki komið nóg af þessum gegndarlausa áróðri og hótunum? Ætlum við virkilega að láta í minni pokann fyrir hagstjórn aukinnar misskiptingar lífsgæða og auðsöfnun fárra.

Ætlum við að gefa eftir landið okkar og þjóðarauð átakalaust með því að samþykkja að hlaupa hraðar og hraðar á hamstrahjóli auðvaldsins til þess eins að enda sem öreigar á lífeyri?"

Órökstuddar fullyrðingar og slagorð. Vaxtaokur á peningum sem hann sjálfur varðveitir fyrir umbjóðendur sína. Hvað eru mannsæmandi lífskjör? Hvernig eru þau skilgreind fyrir aldraða og öryrkja, einstæðar mæður, atvinnuleysingja?

Hann er búinn að fá upp í kok. Hann ætlar hiklaust að setja styrjaldarástand á í þjóðfélaginu af því að hann er í fýlu? 

Hverskonar maður er þetta eiginlega? Er hann bara kexruglaður?

Kommaeðlið samt við sig

kemur í ljós eftir stuld þeirra á stéttarfélaginu Eflingu með afli 10 % félagsmanna.

Þar eru nú komin til valda fyrrum kapítalistinn og Baugsþjónninn, nú gjaldþrota kommúnistinn, Gunnar Smári Egilsson og dóttir hins trúa Stalínista og listaástmögurs Íslendinga, Jóns  Múla Árnasonar og hinnar vinsælu konu hans Ragnheiðar Ástu Pétursdóttur Péturssonar útvarpsþuls.

Þessi flokkssystkini í hinum nýja sósíalistaflokki Gunnars Smára  náðu undir sig 12 milljörðum í sjóðum félagsins þar sem þau nú moka úr til vina og vildarmanna eins og eiginkonu Gunnars Smára fyrir lítilvæg viðvik. Þeir af starfsmönnum sem andmæla fara umsvifalaust í veikindaleyfi.

Það eru gömul sannindi og ný að fáir eru harðdrægari í viðskiptum með annarra fé en vinstri menn og kommúnistar. Þeir virðast aldrei kunna önnur ráð sér til bjargar en að sjúga til sín annarra manna aflafé. Þeirra hugmyndir til kjarajöfnunar eru ávallt þau að draga aðra niður á lægsta plan, ekki að lyfta öðrum en sjálfum  sér frá lægstu launum.

Sólveig Anna Jónsdóttir og Gunnar Smári Egilsson eru ekki mjög trúverðugir fulltrúar í kjaraviðræðum komandi tíma vegna opinberaðs kommaeðlis síns og sérdrægni þegar að fjármálum kemur.

Morgunblaðinu til minnkunar

er að birta grein eftir Björn Leví á miðopnu sinni eins og í dag, þar sem hann rekur orsakir hrunsins og eftirköst til þess að hann og hans sjónarmið hafi ekki fengið að ráða för í aðdraganda hrunsins og úrvinnslu þess. 

Það er stórfurðulegt að menn skuli skrifa svona greinar sem ekki voru af barnsaldri þegar atburðirnir gerðust né komnir til nokkurs þroska þegar atburðirnir voru að baki og úrvinnslan stóð yfir.

það er slæmt að Morgunblaðið virðist ekki gera neinar lágmarkskröfur þegar það er að birta  greinar eftir lægstu samnefnara stjórnmálamanna á miðopnu sinni lesendum til lítillar skemmtunar og  blaðinu til  minnkunar. 

Píratar eru líka landsöluflokkur

eins  og Samfylkingin og í meira mæli Viðreisn.Svo segir í Mogga:

" Meiri­hluti lands­manna myndi hafna inn­göngu Íslands í Evr­ópu­sam­bandið ef kosið væri um í dag sam­kvæmt niður­stöðum nýrr­ar skoðana­könn­un­ar sem Gallup gerði fyr­ir sam­tök­in Já Ísland sem beita sér fyr­ir því að gengið verði í sam­bandið. Þannig eru 57,3% and­víg inn­göngu í ESB en 42,7% því hlynnt. 

Meiri­hluti kjós­enda Viðreisn­ar (92%), Sam­fylk­ing­ar­inn­ar (80%) og Pírata (61%) vilja ganga í ESB sam­kvæmt könn­un­inni en meiri­hluti kjós­enda Sjálf­stæðis­flokks­ins (85%), Miðflokks­ins (80%), Vinstri hreyf­ing­ar­inn­ar - græns fram­boðs (62%) og annarra flokka (77%) er hins veg­ar and­víg­ur inn­göngu í sam­bandið.

Fleiri eru að sama skapi and­víg­ir því að taka upp aðild­ar­viðræður við ESB en þeir sem það vilja eða 44,5% á móti 40,1%. Meiri­hluti kjós­enda Viðreisn­ar, Sam­fylk­ing­ar­inn­ar og Pírata vill hefja á ný viðræður við sam­bandið en meiri­hluti kjós­enda Sjálf­stæðis­flokks­ins, Miðflokks­ins, VG og annarra flokka er því and­víg­ur.

Þá var spurt um af­stöðuna til upp­töku evru í stað krón­unn­ar og sögðust 46,1% vera því hlynnt en 36,6% því and­víg. Könn­un­in var net­könn­un og gerð dag­ana 13.-25. sept­em­ber.

Úrtakið var 1.409 manns á öllu land­inu, 18 ára og eldri, og var þátt­töku­hlut­fall 54%."

Merkilegt að vilja taka upp Evru en vera á móti inngöngu í ESB. Sýnir bara það að Tómas Möller hafði margt til síns máls þegar hann sagði: "Fólk er fífl". 

Veit fólk ekki að EVRAN tilheyrir ESB og fæst ekki nema vera í ESB?

Sú niðurstaða er í góðu samræmi við almennt álit mitt á Pírötum eftir að hlusta á þá og lesa eftir þá misvitleysurnar em frá þeim renna. Flokkur sem mætti skilgreina sem "Misfits" eins og bíómyndin með Clark Cable og Marilyn Monroe um sérvitringa í gamla daga.

Og ekki skánaði mér mikið við það sem nú kemur fram að þeir eru bara enn eitt afbrigði af Samfylkingunni eins og Viðreisn.

Enn einn landsöluflokkurinn sem þykist vera eitthvað spes.

Kaupum losunarheimildir fyrir CO2

og mokum ofan í framræsluskurði

Þetta 5.400 MW(megawatta) kolakynta raforkuver Pólverja, á myndinni hér til hliðar  spýr út 30 milljón tonnum af CO2 fyrir utan vatnsgufu og brennisteini.Skyldi brennisteinnin frá Hellisheiðarvirkjun hafa verið talinn með í okkar losun. Allavega er hann nægur til að vera langt kominn að eyðileggja háspennumöstrin  allt til Hveragerðis. Eins gott að þar séu ekki einkaaðilar að verki heldur sjálfur Dagur B. Eggertsson 

Á góðum degi er Ísland sagt losa 4.5 milljón tonn af CO2 fyrir utan hvert eldgos sem losar margfalt það. Þar af losa bílarnir aðeins lítinn hluta.Flugvélar Wow, Primera og Icelandair eru ekki taldar með þegar ESB reiknar út losun landanna. Mikið samhengi í því eins og við er að búast þegar menn reikna sér í hag.

Hverjum nema ráðherranum okkar sem enginn kaus dettur í hug að það sé mikil þörf á að kaupa losunarheimildir fyrir okkur af ESB eða hvað?

Þetta orkuver í Póllandi spýr út sjöföldu magni á við alla okkar losun!

 

Og í Eistlandi fer fram mesta brennsla jarðefnaeldsneytis í veröldinni.Tugmilljónir tonna af CO2 og Brennisteini.

Eigum við ekki að kaupa losunarheimildir af þeim! 

 

 

 

Erum við Íslendingar ekki bara brjálaðir í sjálfspyndingum? Flytjum svo inn ethanol sem er unnið úr maís sem hungrað fólk fær ekki að borða og sveltur því. Hvar er góðafólkið í 101? Af hverju er því sama um sveltandi fólk í Afríku?

 

Trump forseti virðist einn af fáum  mönnum í veröldinni með viti. Hann sagði sig frá samkomulagi fjörtíuþúsund fífla AlGore í París.

Að íslendingar kaupi losunarheimildir fyrir CO2 af mestu útblástursaðilunum virðist bara vera eftir öðru hjá okkar ráðamönnum. 

 

Ein ein furðusamkoman

var haldin í Háskólanum. Þar töluðu ráðherrann okkar sem enginn kaus og innfluttur sérfræðingur.

Svo segir í fréttum af þessum viðburði:

„Par­ís­ar­sam­komu­lagið er bráðnauðsyn­legt skref á leiðinni til sjálf­bær­ari framtíðar. Það gæti hraðað þeim efna­hags­legu og sam­fé­lags­legu umbreyt­ing­um sem eru nauðsyn­leg­ar til að tryggja framtíð plán­et­unn­ar okk­ar,“ sagði Michael Mann, yf­ir­maður sendi­nefnd­ar ESB á Íslandi, á opn­um fundi um Par­ís­ar­sam­komu­lagið sem fram fór í Há­skóla Íslands í dag.

Í des­em­ber verða liðin tvö ár frá því að Par­ís­ar­sam­komu­lagið, sátt­máli um lofts­lags­mál, var und­ir­ritað. Í dag eiga 194 ríki, auk Evr­ópu­sam­bands­ins, aðild að samn­ingn­um. Á fund­in­um í dag var farið yfir þann ár­ang­ur sem hef­ur náðst frá því að samn­ing­ur­inn var und­ir­ritaður og hvað þarf að gera til að ná mark­miðum hans. 

Guðmund­ur Ingi Guðbrands­son, um­hverf­is- og auðlindaráðherra, tók einnig til máls á fund­in­um. „Staðan núna er sú að Ísland og Nor­eg­ur eiga í viðræðum við Evr­ópu­sam­bandið um hlut­deild land­anna í heild­ar­sam­drætti á þessu svæði. Það verður vænt­an­lega kom­in niðurstaða á næsta ári,“ sagði ráðherra. Heild­ar­sam­drátt­ur­inn miðast við regl­ur sem ESB hef­ur þegar sett sem gera lönd­um þess kleift að ganga lengra en mark­miðið um að draga úr gróður­húsaloft­teg­und­um um 40% miðað við út­blást­ur árið 1990.

Guðmund­ur seg­ir að stór þátt­ur í að ná ár­angri í lofts­lags­mál­um fel­ist í að geta um­bylt orku­kerf­inu í sam­göng­um „Við þurf­um að fara úr þessu inn­flutta meng­andi eldsneyti yfir í inn­lenda end­ur­nýj­an­legu orku, ekki ósvipað og við gerðum í hita­veitu­væðing­unni. Það er svo skýrt for­dæmi.“

Minni los­un þarf ekki að koma niður á efna­hag

Mann sagði að Evr­ópu­sam­bandið standi við fyr­ir­heit sín og muni leiða bar­átt­una gegn lofts­lags­breyt­ing­um á heimsvísu. Tím­inn sé hins veg­ar naum­ur.

„Með því að draga úr los­un gróður­húsaloft­teg­unda um 23% um leið og hag­vöxt­ur jókst um 53%, á ár­un­um 1990-2016, hef­ur ESB sýnt fram á að það er hægt að draga úr los­un án þess að það komi niður á efna­hag landa,“ sagði Mann á fund­in­um í dag. 

Fund­ur um vinnu­áætlun Par­ís­ar­sam­komu­lags­ins fer fram í Póllandi í des­em­ber. Þar verður kveðið á um hvernig Par­ís­ar­sam­komu­lag­inu verður fram­fylgt. „Afar brýnt er að þar ná­ist góð samstaða,“ sagði Mann. Guðmund­ur Ingi mun sitja fund­inn, að minnsta kosti að hluta, fyr­ir Íslands hönd. 

Mann sagði Ísland deila mark­miðum ESB í lofts­lags­mál­um og seg­ir hann nýja aðgerðaáætl­un rík­is­stjórn­ar­inn­ar í lofts­lags­mál­um, sem kynnt var í sept­em­ber, vera fyr­ir­taks­fram­tak, en í áætl­un­inni er meðal ann­ars stefnt að því að gera Ísland að kol­efn­is­lausu hag­kerfi fyr­ir 2040.

6,8 millj­arðar til lofts­lags­mála

„Vegna reynslu sinn­ar af end­ur­nýj­an­leg­um orku­gjöf­um get­ur Ísland kennt um­heim­in­um ým­is­legt. Við hlökk­um til ná­inn­ar sam­vinnu með Íslandi, við að tak­ast á við þessa risa­vöxnu áskor­un vorra tíma,“ sagði Mann."

Páll Vilhjálmsson fer ágætlega yfir þetta mál þegar hann segir:

"Yfirþjóðlegar stofnanir eins og Evrópusambandið og Sameinuðu þjóðirnar hanga eins og hundur á roði á hræðslufræðum um að maðurinn hafi áhrif á loftslag jarðarinnar. Þau fræði eru nær hjátrú en vísindum. 

Yfirþjóðlegar stofnanir sækja sér vald yfir þjóðríkjum og réttlæta það með vísun í það að einstökum þjóðum sé um megn að breyta loftslaginu. En, óvart, þá geta engar mennskar stofnanir gert stórar breytingar á loftslagi - hvorki til hins betra né verra.

Þjóðríkin, eins og leiðari Guardian segir, nenna ekki að elta loftslagsvitleysuna þótt þau skrifi upp á samninga þess efnis.

Bandaríkin hættu aðild að Parísarsamkomulaginu um lofthita á jörðinni í framtíðinni. Vinstri grænir á Íslandi hlaupa í skarðið og bjarga jarðlífinu með skattaálögum á íslenskan almenning. Miklir menn erum við, Hrólfur minn."

Öll umræðan á Íslandi er stödd á Furðuströndum. Hún byggist á almennum slembifullyrðingum eins og Ólafur Arnalds boðar  alþjóð reglulega  um að moka ofan í framræsluskurði og setja íslenskan landbúnað aftur um aldir eða tilvitnunum í aðfengna spekinga eins og þennan sem fenginn var til að prédika í háskólanum gegn losun Íslands á CO2, sem ekki hefur  verið lægra í andrúmslofti jarðar í 600 milljón ár.

Allt miðar þetta að því eina marki sem er að lækka lífskjör á Íslandi meðan aðrar þjóðir vinna ótrauðar að því að bæta sín hlutfallslega miðað við okkar.

Til hvers erum við að borga þessu fólki fyrir að halda slíkar furðusamkomur?

 

 

Umhverfisráðherra sem enginn kaus

skrifar í Mogga sem handhafi stórasannleikans í loftslagsmálum.

Hann segir:

" Aðgerðaáætlun Ríkisstjórnarinnar í loftslagsmálum var nýverið kynnt af sjö ráðherrum.

Ríkisstjórnin hefur metnaðarfull áform í loftslagsmálum og hyggst verja um 6,8 milljörðum króna til þeirra á næstu fimm árum. Mikil og góð umræða hefur skapast í kjölfar kynningarinnar. Umræðan hefur að mestu verið jákvæð og lausnamiðuð, en auðvitað er deilt um leiðir og gagnrýnisraddir heyrast. Á þær þarf að hlusta, því loftslagsmál eru margbrotið og brýnt viðfangsefni.

Sumum finnst lítið gert varðandi stórar uppsprettur losunar, eins og frá alþjóðaflugi og framræstum mýrum. Ákvæði um hvort tveggja er þó að finna í aðgerðaáætluninni. Ísland mun þannig taka þátt í alþjóðlegu kerfi um losunarheimildir í flugi, CORSIA, sem sett verður upp á vegum Alþjóða flugmálastofnunarinnar og eftirlit og vöktun með framræslu votlendis verður bætt.

Einnig verður verulegu fjármagni veitt til átaks í endurheimt votlendis. Raunar er það, ásamt átaki í skógrækt og landgræðslu, önnur af tveimur megináherslum í áætluninni. Þessar áherslur eru lykilatriði til að ná markmiðum íslenskra stjórnvalda um kolefnishlutlaust Ísland árið 2040. Losun frá ofangreindum uppsprettum fellur ekki beint undir svokallaðar tölulegar skuldbindingar Íslands en aðgerðaáætlunin tekur að sjálfsögðu á þeim.

Mikilvægt er að draga úr losun og efla kolefnisbindingu þar sem það er hægt, óháð regluverki og ábyrgðarskiptingu ríkja og alþjóðastofnana. Sjálfstæði í orkumálum Meirihluti þeirrar losunar sem fellur undir tölulegar skuldbindingar á beinni ábyrgð íslenskra stjórnvalda samkvæmt Parísarsamkomulaginu er til kominn vegna bruna jarðefnaeldsneytis – um 60%.

Útfösun jarðefnaeldsneytis er þannig veigamesti þátturinn við að ná markmiðum samningsins fyrir 2030. Svo vel vill til að hér á landi búum við yfir loftslagvænni, innlendri orku sem getur komið í stað mengandi, innfluttra orkugjafa. Því er hin megináhersla ríkisstjórnarinnar í aðgerðaáætluninni sú að hraða umskiptum í hreina orku, einkum í samgöngum. Rafbílabylting borgar sig hreinlega fyrir þjóðarbúið, samkvæmt útreikningum hagfræðinga.

Aðrar hliðarafurðir hennar eru síðan heilnæmara andrúmsloft og meira öryggi og sjálfstæði í orkumálum, auk loftslagsávinningsins. Loftslagsmál snúast ekki bara um töluleg markmið og flóknar skuldbindingar, heldur um betra líf og tryggari framtíð.

Íslendingar sýndu á 20. öld framsýni og stórhug og skiptu úr kolakyndingu í að nýta varmalindir landsins sjálfs til upphitunar.

Sama tækifæri blasir nú við okkur á 21. öld í samgöngum. Eini munurinn er sá að nú er ákall frá heimsbyggðinni um að við snúum öll frá olíu og kolum til hreinni orku. Það er því kominn tími á aðra byltingu í notkun endurnýjanlegrar orku á Íslandi – nú í samgöngum."

Hvaðan kemur þessum manni sú viska að endurheimt votlendis skipti einhverju máli í útlosun CO2. Magn CO2 heldur ekki verið lægra í andrúmslofti jarðar í 600 milljón ár.Til hvers á að þvinga þjóðina í afturför í landbúnaði sem felst í framleiðslu mýra í stað ræktunarlands? Hvað er að þessu fólki sem við höfum lyft til áhrifa á stjórnmálasviðinu? Vill það setja landbúnaðinn aftur um aldir til engjaheyskapar? 

Enn grátlegra er að horfa á þessar fullyrðingar um kolefnishlutlaust Ísland í ljós árið 2040. Svona álíka trúverðugt og eiturlyfjalaust Ísland Framsóknarmanna árið 2000.Finnst þessu fólki ekkert athugavert við gengdarlausan útblástur milljarðasamfélög iðnaðarþjóðanna?

Til hvers er þetta ráðafólk okkar að leggja byrðar á smáþjóð sína sem engu máli skiptir í þeim samanburði? Skipa henni að valda hungursneyð í vanþróuðum ríkjum með því að láta framleiða ethanol úr maís og gera bensínið verra og dýrar hjá okkar smælingjum? Láta okkur hlaupa eftir fjörtíuþúsund fíflum olíufjárfestisins AlGore sem Trump Bandaríkjaforseti strikaði yfir hið snarasta.

Hvar fann þessi Guðmundur umhverfisráðherra sem enginn kaus allan þennan stórasannleika?

Trump trompar enn

Einar Björn Bjarnason segir m.a. svo um hið samkomulag Mexikó, USA og Canada:

"

1. Svokölluðum upprunareglum er breytt - þ.e. áður var gildandi ákvæði að 62,5% allra íhluta í bifreiðar framleiddar innan NAFTA landa yrðu að vera framleiddir í einhverjum hinum þriggja af NAFTA löndum.
   --En skv. breyttu samkomulagi, verður krafan um 75% hlutfall íhluta framleiddir í NAFTA löndum -- þessu kvá vera ætlað að minnka innflutning íhluta frá löndum utan NAFTA fríverslunarsvæðisins. 
   --Vonast er einnig til þess, að það leiði til þess að störfum fjölgi við framleiðslu íhluta í bifreiðar í N-Ameríku.
2. Sennilega mikilvægasta breytingin í Augum ríkisstjórnar Trumps -- risastór eftirgjöf Mexíkó, að 2/3 innfluttra bifreiða og íhluta til Bandaríkjanna frá Mexíkó - verða vera framleiddar í verksmiðjum þ.s. starfsmenn frá a.m.k. 16$ á tímann.
   --Þetta mjög verulega þurrkar út launamun í bifreiða- og íhlutaframleiðslu milli Mexíkó og Bandaríkjanna.

Fleira tínir hann til en þarna liggur sigur Trump til jöfnunar viðskiptanna.

Líklega athafnasamasti Forseti Bandaríkjanna í langan aldur enda edrú alla daga. Trump trompar enn.

"Their finest hour"

"Látum breska heimsveldið standa í þúsund ár og menn munu enn segja að þetta hafi verið þeirra stærsta stund" sagði Churchill, þessi "hálfameríska fyllibytta" eins og Hitler kallaði hann, við þjóð sína þegar flest sund virtust vera að lokast fyrir henni í styrjöldinni.

Nú er margt sem minnir á tíma hins sögulega undanhalds frá Dunquerke að því að utanríkisráðherra Breta,Jermy Hunt segir. Evrópusambandið hefur sýnt sitt rétta andlit og reynir að gera þeim allt til miska vegna útgöngunnar.

Það stefnir í engan samning milli Breta og ESB í því tilefni á sama tíma sem báðir ESB-flokkarnir íslenzku, predika inngöngu Íslands í þann konungsgarð sem jafnan er víður inngöngu en þröngur útgöngu.

Bretar kunna að standa einangraðir um stund. En það mun ekki standa lengi.Frjálsar þjóðir undir forystu Trumps,  bíða eftir að taka upp frjáls viðskipti við Stóra- Bretland. Nema hugsanlega Íslendingar, sem virðast taglhnýtingar þessa Evrópusambands í einu og öllu á grundvelli EES samningsins.

Frjálsir menn um allan heim standa með Bretum á þeirra erfiðu stund. Hún verður enn á ný  þeirra "finest hour" í samskiptunum við hin óbilgjörnu meginlandsveldi.

Reynisfjallsgöng

 

  

voru á forsíðu landsbyggðarblaðsins Sáms fóstra í desember 2015.

Sámur fóstri og Reynir Ragnarsson í Vík lögðu þá til að þessi göng yrðu gerð og jafnvel í einkaframkvæmd og er það vel að Samgönguráðherra skuli nú opna á slíka þjóðþrifaframkvæmd með fundahöldum með héraðsmönnum.Þessi framkvæmd mun skipta höfuðmáli fyrir samgöngur austur fyrir  Vík með því að losna við veginn um Gatnabrún sem er lengi búinn að vera til stórra trafala.

Hin vel heppnaða einkaframkvæmd Hvalfjarðargangna af Speli  hefur vísað veginn. Í stað hins gamla fyrirkomulags að beðið sé árum saman eftir takmörkuðum fjárveitingum Alþingis til aðkallandi verkefna í samgöngumálum, þá sé þeim flýtt með notkunargjöldum.

Upptaka afnotagjalda í öllum jarðgöngum landsins til framfara fyrir land og lýð ætti að verða reglan í stað  undantekninga.

Styðjum áform Samgönguráðherra um Reynisfjallsgöng sem allra fyrst og upptöku almennra notkunargjaldastefnu nýframkvæmda í samgöngumálum.