Gleraugu fyrir eldri borgara

voru keypt samkvæmt þessari sögu sem mér var send og beðinn fyrir til Björgvins Guðmundssonar til sannprófunar:

"Gunnar eldri borgari hugsaði til þess að endurnýja gleraugu sín, og hafði heyrt, að verklýðsfélagið borgaði gleraugu eldri borgara. 

Gunnar hringdi því í verkalýðsfélagið til að kynna sér málið. Jú, jú, sagði afgreiðsludaman. Við borgum sko gleraugu að fullu fyrir félaga okkar.
Hann tölti því í gleraugnaverslun, og keypti ný gleraugu fyrir 25 þús. kr. og reikninginn skyldi senda á verkalýðsfélagið.
Nú byrjar ballið ? Gunnar fékk reikning frá verklýðsfélaginu uppá 7 þús. kr. Þetta skyldi Gunnar ekki, og spurði um ástæðu.
Ja, verkalýðsfélagið tekur 7 þús. kr. í umsýslugjald var svarið. Þá voru eftir 18 þús. kr. sem verklýðsfélagið lagði á bankareikning Gunnars.
Nú kom yfirlit frá bankanum, sem sýndi að hann hafði dregið kr. 6 þús. af upphæðinni sem skatt af skattskyldum tekjum Gunnars eldri borgara. 
Þá voru eftir 12 þús. kr. á reikningi Gunnars eldri borgara, og þarmeð runnu upplýsingar til Ríkisskattstjóra, og áfram til Tryggingastofnunar. 
Þar kom nokkuð til sem heitir skerðing, krónu á móti krónu...

 

Gunnar eldri borgari fékk því ekki neitt, en hinir sitt !!! 
Það er munur að vera eldri borgari í verkalýðsfélagi, sem kaupir og gefur manni gleraugu, en bankafantarnir og Trygginga ( Hrygginga) stofnun og skattaskelfir sleikja útum !!! "

 

Er þetta ekki bara uppspuni þessi gleraugnasaga eldri borgara? 

 

 

 

Samúðarkveðjur tl Trump

sem þarf nú að kljást við Demókratadótið sem er búið að sanna að það lýgur og rógber allt sem Forsetinn þarf að framkvæma og svífst einskis. Álíka að náttúru ef ekki verra en það óþjóðhollasta og heimskasta liðið sem við glímum við á Alþingi okkar Íslendinga.

Trump hefur sýnt svo alveg ótrúlegt starfsþrek í kosningabaráttunni að fá dæmi eru um annað eins. Því miður dugði það líklega ekki alveg til að sigra í Fulltrúadeildinni en það marði Öldungadeildina. 

Lyga-og undirferlisnáttúra Demókrata opinberaðist best í galdraofsóknunum gegn Brett Kawanough sem var einstakur viðburður í lygum og mannorðsmorðum. Það ferli allt sannaði yfirgengilega ónáttúru Demókrataflokksins sem svífst einskis til að grafa undan löglegum stjórnvöldum og fórna til þess næstum hverju sem er af hagsmunum þjóðarinnar fyrir skammtíma stjórnmálalegan ávinning. 

Trump á hinsvegar eftir að sýna það að hann kann öðrum betur að deila og drottna og höggva mörg spjót af skafti.Honum er óskað allra heilla í viðureigninni við rógberana í  Fulltrúadeildinni sem framundan er.

FIWOW

léttir áhyggjum af landsmönnum. Margir höfðu kvíboga af því að íslensk flugstarfsemi myndi verða fyrir lítt bætanlegum áföllum ef ekki yrði gripið í taumana.

Það var aldrei nein þörf á WOW Air og starfsemi þess hefur aðeins orðið til samanlagðs tjóns. Samkeppnisþátturinn var alltaf aukaatriði og stofnun félagsins byggðist á einhverri óútskýrðri bjartsýni. Eiginlega byggð á módeli Jóns Ásgeirs sem var að komast fyrst yfir banka og síðan flugfélag.

Alveg burtséð frá því að Warren Buffet sagðist yfirleitt ekki fjárfesta í flugrekstri, þá mætti WOW velvild landsmanna undir yfirskini verðlækkana á flugfargjöldum. Það virtist auðvelt að fá nýjar flugvélar lánaðar og um tíma virtist dæmið ganga upp með að félagið virtist eiga fyrir breytilegum kostnaði án þess að allt sé vitað um skuldasúpuna.  En það þarf meira til og við andbyrinn hrundi auðvitað allt.

Nú er vonandi að þetta svonefnda Samkeppniseftirlit fari ekki að skipta sér af þessum kaupum. Enda er þetta ein af þeim ríkisstofnunum sem er til einskis gagns fyrir Íslendinga og hefur aldrei gert þeim neitt nema ógagn. Aldrei orðið til neins gagnlegs eins og nú stefnir í með Persónuvernd sem er sambærileg fánýtisstofnun sem nú blæs út eins og púki á fjósbita.

Þessar stofnanir má báðar leggja niður án þess að það breytti nokkru fyrir íslenska neytendur. Frjáls markaður er nefnilega fullfær um að sjá fyrir nauðsynlegri samkeppni í athöfnum. Persónuvernd einstaklinga er  sjálfgefin fyrir þá sem þurfa á slíku að halda en auðvitað á hver að passa sig sjálfur og vera verndaður af lögum landsins gegn persónunjósnum.  Þess í stað er verið að blása út opinbert skrímsli sem er til einskis gagns nema að brenna peningum og berjast við vindmyllur.

FIWOW er góð byrjun á leiðinni til hagskvæms íslensks flugrekstrar í alþjóðlegu samkeppnisumhverfi sem er nógu erfitt.

Tilraun til kosningaáhrifa

Já, ég er að reyna að hafa áhrif á bandarísku kosningarnar því að það er greinilegt að Trump hefur haft jákvæð áhrif á allt þjólífið þar.

Allir hagvísar eru upp frá tímum Obama og demókratanna.

Vonandi sjá bandarískir kjósendur að hagur þeirra er meiri með sigri Rebbanna en Demmana.

 

 

Áfram Trump!

Endatafl

virðist blasa við eftir viðskiptin með WOW.

"WOW er með rúmlega 70 milljarða skuldaklafa og á ekkert. Ég veit ekki hvernig þetta verður tæklað, " segir Geir Ágússton.

Á 9 % vöxtum talsvert af því? Og engin flugvél fylgir?

Verður ekki Icelandair að reyna að losna við þetta dót í endataflinu? Ekki getur verið mikil hagkvæmni í að fara að reka Airbus með Boeing? 

Endataflið er eftir.

Enn einn kolefnispostulinn

fimbulfambar í Fréttablaðinu. Ari Trausti segir:

"Okkur jarðarbúum gengur of hægt við að efla viðbrögð gegn hraðri hlýnun loftslags á heimsvísu. Þau snúast um að minnka losun gróðurhúsalofttegunda og samtímis að binda sem mest af kolefni.

Breyttur landbúnaður, minni flutningar, minni skógvinnsla í stórum stíl en meiri skógrækt eru meðal lykilverkefna. Enn eitt lykilverkefnið er sjálfbærari orkuframleiðsla en nú tíðkast og tæknilegri stóriðja sem minnkar losun frá verksmiðjum.

Rýrnun jökla og hafíss er verulegt áhyggjuefni. Við það minnkar endurvarp sólgeislunar og dökkt land og haf drekkur í sig æ meiri varma. Margt af þessu og skyldum efnum enduróma á ráðstefnum og fundum, t.d. skoðana- og fræðslutorginu sem opið er í Hörpu ár hvert: Arctic Circle. Þar kemur líka oft fram að rannsóknir eru orðnar nægar til þess að við getum aðhafst af skynsemi – að verkin eigi að tala án þess að rannsóknir minnki. Markmið íslenskra stjórnvalda eru metnaðarfull.

Að standa við skuldbindingar Parísarsamkomulagsins og gera auk þess Ísland kolefnishlutlaust fyrir árið 2040. Bæði eiga þau að hljóta þverpólitískt fulltingi þó svo menn greini á um leiðir. Þær finnum við með umræðum og virðingu fyrir staðreyndum. Fjármögnun aðgerða sem til þarf til þess að ná markmiðunum verður að ganga fyrir sumu af því sem við erum vön að vilja fjármagna. Neyslumynstur verður að breytast að ýmsu leyti. Norðurslóðir eru lykilsvæði í andófinu gegn loftslagsbreytingum og við hér á landi í miðri hringiðunni.

Á norðurslóðum verður að hægja á vinnslu jarðefnaeldsneytis og takmarka hana við 20% þekktra birgða í jörðu. Á heimsvísu verður að láta â…” þekktra birgða liggja kyrrar. Um leið er afar brýnt að Norður-Íshafið og aðliggjandi haf- og strandsvæði verði virt sem vopnlaust svæði með alþjóðlegum samningum – svæði þar sem öryggi, leit og björgun er tryggð en hernaðaruppbygging látin eiga sig.

Hafsvæði utan 200 mílna lögsögu verði undir alþjóðlegri stjórn og auðlindanýting þar sömuleiðis. Norðurskautsráðið verður undir íslenskri stjórn frá 2019-2021 og þá hægt að koma mörgu góðu til leiðar eins og um verður búið í verkefnaskrá sem unnið hefur verið að."

 

Ekki stendur á fullyrðingum þessa kolefnispostula sem eru gersamlega órökstuddar. Hver segir að rýrnun jökla og hafsíss séu óæskilegar.? Hefur hafíssinn ekki bara staðið í stað eða aukist? Eða hvrsvegna má þetta ekki sveiflast með útgeislun sólar?

Hvar var Klofajökull til forna? Hver sá um að hann stækkaði og hvarf sem slíkur?

CO2 hefur ekki verið minni í andrúmsloftinu í 600 milljón ár. Hvernig veit Ari Trausti hvað er rétt koltvísýringsinnihald í lofthjúpnum eða hvað sé rétt hitastig hans?

Hver gefur þessum Ara Trausta  heimild til að fyrirskipa minnkun hagvaxtar og að rýra lífskjör alls almennings með svona röklausu bulli?:

"Á norðurslóðum verður að hægja á vinnslu jarðefnaeldsneytis og takmarka hana við 20% þekktra birgða í jörðu.  Á heimsvísu verður að láta â…” þekktra birgða liggja kyrrar."

Það er ábyrgðarhluti gagnvart mannkyninu  að láta svona ósönnuðum fullyrðingum ofstækisfullra kolefnispostula ómótmælt.

 

Enn meira EES bull

leggjum við Íslendingar á okkur vegna þessa úrelta samnings sem hefur fáu valdið okkur nema vandamálum og kostnaði  til þessa. Enda til hans stofnað af krötunum sem fífluðu Sjálfstæðisflokkinn til fylgilags. 

Nú setjum við alla rútubílstjóra á námskeið til þess að þeir geti keyrt í Evrópu. Sjálfsagt alltaf gott að mennta fólk en þetta er vafasamt og kostar mikið. Áður skiptum við orkumarkaðnum upp með tvöföldun kostnaðar en engum ávinningi. Svo fífluðumst við til að innleiða Persónuverndina sem engu skilar nema bulli og kostnaði. 

Svo hækka núna allir bílar vegna kolefnisþvælunnar sem stafar frá fundi hinna fjörtíuþúsund fífla í París sem íslendingar fylgja eins og hundar á roði meðan Trump sér í gegn um þetta rugl og dettur ekki í hug að leggja byrðar á Bandríkjamenn og hækka fyrir þeim bílana vegna þessarar  vitleysu.

Hvenær ætla Íslendingar að standa í lappirnar sem fullvalda þjóð  og endurskoða þetta úrelta EES bull?

Öfundin sem allt drífur

er allstaðar sýnileg. En þeir sem rökuðu til sín eru bara sammála um eitt. Að láta ekkert til baka af sínu. Og halda að þeir komist upp með það.

"Björgvin Guðmundsson skrifar:

 Atvinnurekendur og yfirstéttin hamast nú gegn launakröfum Starfsgreinasambandsins og verkalýðsfélaganna. Þeir segja, að kröfur SGS muni leiða til verðbólgu, verði þær samþykktar og jafnvel er spáð, að þær leiði til nýs hruns. Þessar heimsendaspár heyrðust hins vegar ekki, þegar laun ráðherra, þingmanna, embættismanna, forstjóra og annarra í yfirstéttinni voru hækkuð.

Mönnum er enn í fersku minni hvernig yfirstéttin rakaði til sín fjármunum, ofurlaunum á undanförnum misserum. ASÍ, undir forustu Gylfa Arnbjörnssonar, barðist vasklega gegn þessum ósóma.

En það eina, sem ríkisstjórnin gerði var að leggja niður kjararáð en engar ofurlaunahækkanir voru afturkallaðar ekki einu sinni launahækkun þingmanna og ráðherra. Laun þingmanna hækkuðu um 75% frá 2013 og fóru í 1,1 milljón kr. á mán. fyrir skatt fyrr utan allar aukagreiðslurnar, húsnæðisstyrki, bílastyrki, skrifstofustyrki, utanferðastyrki, álag vegna formennsku nefnda, vegna forsetastarfa þingsins, vegna formennsku í flokkum o.fl. o.fl. Ráðherralaun hækkuðu um 64% og fóru í 1,8-2 millj. á mánuði fyrir skatt á mánuði. En aukagreiðslur og hlunnindi ráðherra eru miklu meiri en þingmanna.
Þeir þurfa eiginlega aldrei að taka upp veskið. Ríkið, skattgreiðendur greiða fyrir þá."

Skilja þingmenn okkar virkilega ekki neitt?

Sjá þeir ekki að kjarakröfurnar eru öfundardrifnar?

Hvernig endar þetta?

"Um 5.000 manns eru nú í hópn­um, sem lagði af stað frá Hond­úras til Banda­ríkj­anna fyr­ir nokkr­um vik­um.

Don­ald Trump Banda­ríkja­for­seti hef­ur ít­rekað sagt að banda­ríski her­inn verði notaður til að stöðva för hæl­is­leit­end­anna fari þeir yfir landa­mær­in til Banda­ríkj­anna. Gagn­rýn­end­ur for­set­ans hafa sakað hann um að nota för hóps­ins til að auka stuðning við Re­públi­kana­flokk­inn fyr­ir þing­kosn­ing­arn­ar sem fram fara á morg­un.

Hæl­is­leit­end­urn­ir, sem koma frá Hond­úras, Gvatemala og El Sal­vador, segj­ast vera að flýja of­sókn­ir, fá­tækt og of­beldi í heima­lönd­um sín­um.

Marg­ir þeirra sem dvelja nú á Jes­us Mart­inez Palillo-íþrótta­vell­in­um komu þangað fót­gang­andi frá Veracruz-fylki, eða höfðu húkkað sér far.

„Ég á ekk­ert eft­ir af því sem ég tók með mér frá Hond­úras,“ sagði Kenia Al­vara­do í sam­tali við dag­blaðið El Uni­versal. „Í gær gekk ég meira að segja ber­fætt.“

„Við erum staðráðin í að kom­ast til Banda­ríkj­anna, til að upp­lifa banda­ríska draum­inn,“ sagði Mauricio Mancilla, sem var kom­inn frá Hond­úras með sex ára son sinn. „Vegna trú­ar okk­ar á Guð mun okk­ur tak­ast þetta, hverj­ar sem kring­um­stæðurn­ar eru.“

Yf­ir­völd í Mexí­kó­borg segj­ast hafa komið upp at­hvörf­um, læknaþjón­ustu og lög­fræðiaðstoð, auk mat­vælaaðstoðar fyr­ir þær þúsund­ir sem bú­ist er við að komi til borg­ar­inn­ar á næstu vik­um.

Dag­blaðið La Jornada seg­ir vatnstönk­um sem geymt geta 10.000 lítra hafa verið komið fyr­ir á íþrótta­vell­in­um.

„Þarna eru ólétt­ar kon­ur, fjöldi barna og varn­ar­laus­ir ein­stak­ling­ar og við verðum að tryggja rými og þá þjón­ustu sem þau þurfa á að halda,“ seg­ir José Ramón Amieva Gál­vez borg­ar­stjóri.

Íbúar Mexí­kó­borg­ar hafa þá gefið fatnað og skó fyr­ir hæl­is­leit­end­urna."

Ætla Bandaríkjamenn að hýsa Soros áfram?

Hvað ætlum við að gera ef til dæmis 500 Afríkubúar koma hingað í hópi?

Miðflokkurinn á móti

3.orkupakkanum.

"Á hundrað ára fullveldisafmæli virðist allt benda til þess að ríkisstjórnin ætli sér að innleiða hinn svokallaða þriðja orkupakka Evrópusambandsins, þrátt fyrir ótal viðvaranir, heiman frá og að utan.

Það er ótækt að jafn stórt hagsmunamál og hér um ræðir sé látið reka á reiðanum af starfandi stjórnvöldum. Að líkindum í trausti þess að málið, sem kallar á verulegt fullveldisframsal, renni í gegnum ríkisstjórn og Alþingi, án þess að til varna verði tekið.

Á hundrað ára fullveldi Íslands virðist ríkisstjórn landsins fyrirmunað að gera það eina sem þjóðin krefst af henni, það er að verja fullveldið, fullveldið sem svo margir lögðu svo mikið á sig til að öðlast. "

Á ég sem Sjálfstæðismaður að þurfa að þola það að þingflokkurinn samþykki 3. Orkupakkann?

Miðflokkurinn er þó allavega á móti.