Örvænting í Evrópu

birtist í grein Guy Verholstadt fyrrum forsætisráðherra Belgíu.

Upplausnin sem blasir við í Evrópusambandinu speglast í viðhorfum hans til þess að berja sambandsríkin til hlýðni við aukið miðstýringarvald. Hann talar um að skrifræðið hafi tekið völdin í ESB og allt hafi mistekist með lýðræðið innan þess. Svarið sé að berja ríkin til hlýðni og afnema allt sjálfstæði þeirra.

En undir hvað? Hvernig á að velja 12 manna forystuna er hann fáorðari um.

Sameiginlegur her á að vera andsvar við Bandaríkjunum og tryggja sjálfstæði ESB gagnvart þeim og verjast yfirgangi Rússnesku Tröllanna sem standi að baki Brexit og múslímahatri í Evrópu.Gulu vestin eru óþjóðalýður sem dragi dám af fylgjendum Trump sem mikil ógæfa stafi af og hafi sett Bandaríkin í stjórnlausan spuna. Og gert þorpararíkjum eins og Ungverjalandi kleyft að spilla öllum gangi mála í sambandinu.

Af mynd að dæma virðist þessi maður á miðjum aldri. Næsta óskiljanlegt er hvernig hann kemst að sínum afturhaldssömu niðurstöðum.  Hann segir til dæmis, þegar hann er væntanlega búinn að stofna Evrópuherinn: "Með evrópskri landamæravörslu og strandgæslu myndi Evrópa verða minna upp á Tyrkland, Rússland og önnur lönd komin til að stjórna flæði fólksflutninganna."  

Hann skilur alls ekki að grundvallarmunurinn á Bandaríkjunum og Evrópusambandinu er að Bandaríkin eru ein þjóð sem talar eitt opinbert tungumál að mestu. Þjóð sem barist hefur undir einum fána í mörgum styrjöldum eftir borgarstríðið. Ein þjóð undir Guði eins og þeir segja. 

ESB er langan veg frá því að líta á sig sem eina þjóð og verða aldrei ein þjóð samanber ummæli hans um Ungverjaland.  Það er munurinn sem þessi maður skilur ekki.

Greinin hans er hér:

https://www.project-syndicate.org/commentary/yellow-vests-and-eu-reform-by-guy-verhofstadt-2018-12

Þeir Íslendingar sem vilja koma landinu inn í þetta samband hafa aldrei viljað ræða það hvers vegna þeir velji ESB fremur en Bandaríkin til að fórna fullveldi Íslands til. Fullveldi sem þeir treysta löndum sínum ekki fyrir vegna þeirra mikla vanþroska miðað við þeirra eigin þroska. Óli Bieltved alþjóðafjárfestir er einn þeirra sem skrifar reglulega um þetta grundarvallaratriði og draumsýn sína sem gerir aðild að ESB svo nauðsynlega.

Grein Guy Verholstadt er athyglisverð afturhalds-og örvæntingargrein frá Evrópusambandinu sem er hollt að lesa.

Hvenær byrjar ballið?

Sem Sólveig Anna býður upp á?

Hún skrifar svo á Miðjuna undir ritstjórn mannvinarins Gunnars Smára Egilssonar:

"Efnahagskerfi sem getur ekki séð vinnuaflinu fyrir mannsæmandi húsnæði á viðráðanlegu verði er efnahagskerfi sem glímir við verulega alvarleg vandamál. Til þess að vinnuaflið geti endurnýjað sig á milli þess sem það er ekki í vinnunni þarf það hvíld, mat og húsnæði.

Sjúkur fókusinn sem ríkt hefur hér á hagsmuni og aðstæður kapítalista ofar öllu og algjörlega á kostnað þeirra sem er gert að lifa neðar í stigveldinu, sjúkur fókusinn sem stjórnmálin hafa átt mikinn og ríkan þátt í að magna í sífellu, hefur gert það að verkum að enginn fókus hefur verið settur á lífskjör vinnuaflsins og svo auðvitað þeirra sem geta af einhverjum ástæðum ekki unnið.

Aðstæður fólks sem tilheyrir þessum hluta af samfélaginu hafa bara ekki vakið neinn áhuga og ekki vakið neinn af þeim glæpsamlega Þyrnirósarsvefni (fyrirgefðu Þyrnirós) sem stjórnmálin hafa sofið árum saman. ...

...Sá mikli antagónismi sem ríkir á milli þeirra sem hér eiga auð og eignir og þeirra sem vinna en eignast samt aldrei neitt er raunverulegur. Hann er ekki hugarsmíði mín eða félaga minna í baráttunni. Hann er djúpur og fer dýpkandi vegna þess að ekkert er gert til þess að draga úr honum af þeim sem raunverulega gætu það. Þvert á móti; það er bókstaflega allt gert til þess að hann verði sem mestur."

Stefnir hún í verkföll fyrir þa sem ekki kusu hana og þá hvenær? Er hægt að rökræða   " Benjamínskt" við hana um efnahagsstærðir? 

Hvernig væri að SA velti fyrir sér tímasetningum á því hvenær ballið eigi að hefjast?

Fegursta hús Reykjavíkur

stílhreint og látlaust er Bragginn í Nauthólsvík.

Hann er minning um hvernig húsnæðisvandamál Reykvíkinga voru leyst árum saman. Fólk átti öruggt húsaskjól í vandræðum og enginn þurfti að liggja úti í  Laugardal. Bráðum hýsir hann öldurhús Háskólans í Reykjavík sem greiðir hann niður örugglega með hundraðþúsund kalli á mánuði. 

Nú eru engin húsnæðisvandamál lengur á höfuðborgarsvæðinu. Þó að íbúðir séu auglýstar til leigu koma engar fyrirspurnir.Skynsemin og Hótel Mamma leysa vandann. Engar lóðir þarf heldur þar sem enginn vill byggja. Nóg framboð er á íbúðarhúsnæði til sölu á undir milljón krónum á fermetrann. Hvað þarf meira?

Alveg er stórskemmtilegt að fylgjast með rifrildinu um það hvort einhver beri ábyrgð á því að opinberar framkvæmdir fari fram úr áætlun. Það er nefnilega lögmál til sem heitir pí-lögmál Halldórs. Það segir að endanlegur kostnaður opinberra framkvæmda verði ávallt pí-sinnum upphaflega áætlun stjórnmálamannsins. Sama hvort er Harpan, Gröndalshús, Bragginn eða Borgarlínan. 

Fór ekki Perlan fram úr áætlun hjá honum Davíð? Hvaða máli skiptir það núna? Hún er falleg. Og Bragginn er fallegur.Er  til eitthvað rétt verð á Bragga?

Ólafur Daníelsson stærðfræðingur var hrifinn þegar hann sá fyrstu herbraggana rísa og sá að þeir rúmuðu mikið miðað við efnið sem í þá fór. 

Hvað er fólkið í minnihlutanum rexa í honum Degi B?

Hann er með réttkjörinn meirihluta sem verður líklega endurkjörinn með einhverju ráðum í fyllingu tímans.

Njótum fegurstu húsanna í  Reykjavík sem geyma söguna.

 

Húmorinn er í lagi

hjá Gunnari Rögnvaldssyni sem sendir mér þetta tilskrif:

" Ég vona að Vegagerðin komist brátt í gegnum það þarfa verk að búa svo um hnútana að enginn þurfi að koma til né hafa viðkomu í Reykjavík Austur-Berlínarklíku vinstrimanna, nema í neyðartilvikum.

Að vegur verði lagður fram hjá þessu svartholi svo að enginn þurfi að koma í þessa viðurstyggð sósíalismans að óþörfu. Að Íslendingar komist til dæmis til Keflavíkurflugvallar án þess að þurfa að koma inn á þetta útópíska geggjunarsvæði.

Eiginlega vona ég að það haldi áfram að sökkva, því landið þolir ekki meira af DDR-sósíalisma sjúkdómum Reykjavíkur. Borgin liggur eins og rotnandi DDR-hvalur á Íslandi. Fnykurinn er þvílíkur.

Þessi staður, Halldór, er búinn að vera fyrir full og allt. Vinstrimennska eyðilagði hann og fólkið grætur. Það er ekki hægt að bjarga stórum hluta Reykjavíkur lengur. Eyðileggingin er orðin of mikil. Það yrði of dýrt. Burt með hana. Og burt með stofnanir lýðveldisins af þessu geggjunarsvæði sósíalismans.

Eftir næstu 15-20 ár verða um 70-100 þúsund manns búandi í Árborg og á Suðurnesjum til samans. Í dag búa þar um það bil 40 þúsund manns.

Stór hluti þessa fólks mun hafa flúið frá sveitafélagi sósíalismans í Reykjavík. Góður og hraðfarinn vegur mun liggja frá Árborg til KEF og út á land og þessi 90 þúsundir manna munu aldrei koma til Reykjavíkur.

Hafnir verða horfnar frá Reykjavík og Grundartangahöfnin verður stærsta höfn Faxaflóahafna. Sjúkrahús í mýri verður sokkið í þrot og miðbær Reykjavíkur verður álíka aðlaðandi og bærinn Tjernobyl er fyrir ungt fólk með börn í dag.

Í stað þeirra sem fóru verður svo kominn erlendur lýður á úlföldum, túrbanhausaðar karrýslettur upp um turnspíruveggi og gargandi gjallarhorn jihadista hamast á framfærslu skattgreiðenda.

Harpan mun þá hafa umturnast í hæli fyrir sanna öreiga og enginn læknir með fullu viti vill búa nálægt þessu gjaldþroti. Hellisheiðin er þá þegar mosavaxin á ný og reiðbraut komin þar sem vegur er núna.

Drekkingarhylur verður kominn í Tjörnina við Ránshúsið, og endur horfnar henni af sökum viðbjóðs.

Enginn flugeldur mun sjást nokkru sinni og jólatré bönnuð. Hallgrímskirkjan eins og hún hét, verður ekki kirkja lengur, sökum mónótón fjölþjóðlegrar fjölbreytni sem alls staðar er eins.

Borgarlínan er notuð til að hengja skattgreiðendur upp í eins og í Sádí, til þess var hún byggð. Bæjarins bestu verða þeir sem eru verstir.

Austurbæjarskólinn verður eini skólinn og kennir tvo fjölþjóðlega bókstafstrúarsafi á tuttugu tungumálum. Það eina sem verður óbreytt er heiðnikirkjuhöll hásólans, sem kennir meiri mosavaxinn sósíalisma. "

Ja, það  geta fleiri en Voltaire gripið pennann í pólitískum öngum sínum í Birtingi.

Það er auðvitað einhver broddur að baki svona skrifum. En það þarf andlegan léttleika til að geta farið svona með vanmáttugar hugsanir sínar. Það getur hann Gunnar Rögnvaldsson svo um munar því húmorinn hans er í lagi.

Lýðræði

er hugtak sem flestir vita hvað þýðir. En margt í daglega lífinu kennir sig við lýðræði en fer ekki þannig fram.

Því er haldið fram af demókrötum og dásamlega fólkinu að Trump sé ranglega kosinn Forseti og að Bretar vilji vera áfram í ESB nema fyrir þá sök að kosningafyrirkomulagið sjálft hafi verið með þeim hætti að útkoman sé þessi.

Í leiðara Fréttablaðsins í dag er farið  yfir þessi mál þegar lýðræðið virðist ekki virka vegna áhugaleysis þeirra sem ábyrgðina bera .

"Þegar talið var upp úr kjörkössunum í Brexit-kosningunum frægu í Bretlandi kom á daginn að ungt fólk hafði mætt illa á kjörstað. Unga fólkið, sem að miklum meirihluta var fylgjandi áframhaldandi veru í Evrópusambandinu, lét slæmt veður á kjördag aftra sér frá því að kjósa. Eldra fólkið var hins vegar harðara af sér, óð pollana á meðan hinir yngri drógu sængina upp fyrir haus.

Öllum er niðurstaðan kunn, og vafasamt að þeir yngri geti kvartað undan niðurstöðunni. Þau nýttu einfaldlega ekki atkvæðisréttinn. Hinir eldri ákváðu því framtíð þeirra sem yngri eru.

Sumarið 2017 var Ragnar Þór Ingólfsson kjörinn formaður VR með ríflega 63% greiddra atkvæða. Af ríflega 33 þúsund félagsmönnum í VR mættu 5.706 og greiddu atkvæði. Ragnar var því kjörinn með atkvæðum um 10% félagsmanna. Áhugaleysið var því umfram annað þess valdandi að Ragnar náði völdum í félaginu.

Í ljósi þess hve tæp niðurstaðan i Brexit-kosningunni var hafa menn velt fyrir sér hversu sterkt umboð Theresu May forsætisráðherra sé í raun. Þýðir 52% atkvæða með Brexit að ganga eigi úr sambandinu hvað sem það kostar og án samnings um framhaldið?

Varla.

Umboð May hlýtur að vera að ná samningi um útgöngu án þess að brenna allar brýr að baki sér.

Sama hlýtur að gilda um formann VR. Maður sem einungis er með atkvæði 10% félagsmanna að baki sér hefur varla umboð til að rífa tréð upp með rótum.

Það hefur Ragnar þó heldur betur gert með síendurteknum yfirlýsingum og gífuryrðum. Hann hefur hótað því að beita sér gegnum fjárfestingar lífeyrissjóða VR. Nú síðast jafnaði hann tiltölulega varkárum ummælum fjármálaráðherra um að skattalækkanir ofan í kjarasamninga sem farið hefðu úr böndunum væru óskynsamlegar, við „stríðsyfirlýsingu“.

Erfitt er að halda því fram að hátterni formanns VR sé lunganum af félagsmönnum hans til hagsbóta. Meðallaunahækkanir félagsmanna VR námu 6,1% á árunum 2017 til 2018. Laun stjórnenda hækkuðu hlutfallslega minnst. Meðallaun félagsmanna eru hátt í 700 þúsund krónur á mánuði. Í launasamanburði við félagsmenn í Eflingu virðast þessi félög eiga litla samleið.

Félagar í VR hafa það því ágætt samkvæmt flestum mælikvörðum. Helsta ógnin við lífskjör þeirra í augnablikinu er sennilega sú að verðbólgudraugurinn rakni úr rotinu og krónan haldi áfram að veikjast. Orð og athafnir formannsins hafa aukið verulega líkurnar á hvoru tveggja.

Þegar öllu er á botninn hvolft geta félagsmenn VR sennilega sjálfum sér um kennt. Þeir mættu ekki á kjörstað, og áhugaleysi þeirra varð til þess að öfgamaður náði stjórn á félaginu.

Öfgamaðurinn sá túlkar nú hagsmuni félagsmanna með sínu nefi. Gallinn er bara sá að flest bendir til að lyktarskynið sé verulega brenglað. "

Svipað ferli var þegar Sólveig Anna náði Eflingu á sitt vald og hin nýja Sósíalistaflokks Gunnars Smára Egilssonar. Svipaður minnihluti réði kjöri Sólveigar og valdatöku.  Sé Ragnar Þór öfgamaður þá má spyrja sig hvað Sólveig Anna sé? 

Sé hugsað til þess að formaður VR stefnir sínum 33.000 félagsmönum einbeitt í átt til verkfalla sem hafa áhrif á allt þjóðfélagið þá spyr maður sig hvernig leikreglur þurfi að vera í lýðræðissamfélögum? Er forvaranlegt að láta fólk komast upp með það að greiða ekki atkvæði og sitja uppi með hlægilegar minnihlutaákvarðanir?

Verkföll á Íslandi hafa hingað til að mestu verið skrípaleikur. Leiksýningar í stuttum þáttum sem lýkur með happy-ending.Mönnum er sagt að stinga sér til sunds þó þeir sjái ekki til lands. Um að gera að hætta verkfallinu sem menn séu orðnir leiðir á og treysta á að gengisfall krónunnar verði látið redda vitleysunni sem öllum er ljós við undirritun óframkvæmanlegra samninga. Öfgamennirnir hrósa sigri og eru aldrei dregnir til ábyrgðar eins og það er kallað núna þó að  neitt slíkt hafi aldrei tíðast í voru landi til þessa.

 

Bréfritari hefur oft velt fyrir sér kosti þess að kjósendur fái greitt fyrir að mæta á kjörstað í gegn um skattkerfið og jafnvel fái refsingu fyrir að mæta ekki.

Kjör í stéttarfélagi sem hefur svo gríðarleg völd og áhrif á samfélagið að völd Alþingis  verða að hreinu úrvinnsluatriði í samanburði hafa ekki síður hrikaleg áhrif á allt okkar líf sem utan stöndum.Úrslitaáhrif á verðmæti krónunnar sem hrynur oftar en ekki að verðgildi eftir að öfgamenn hafa komið fram sínum hugmyndum að "kjarabótum"þeirra sem minnst mega sín og alls sem því fylgir og allir þekkja nema unglingarnir.

Hefur þjóðin ráð á að 33.000 manna félögum með efnahagsleg úrslitavöld fyrir alla sé ráðið af tíund þeirra? 

 

 

Reykjavíkurrevían

heldur áfram fyrir fullu húsi.

Félagsbústaðir fóru aðeins tífalt fram úr áætlun eða þrjúpí sinnum  sem er kannski frekar hátt miðað við pí-lögmál mitt um opinberar framkvæmdir stjórnmálamanna. Gröndalshús og Mathöllin eru í góðu samræmi við lögmálið og fóru aðeins pí-sinnum framúr áætlun eins og Bragginn. Sem er auðvitað algerlega normalt og í samræmi við margsannað pí-lögmálið mitt um opinberar pólitískar framkvæmdir.

Dagur vissi auðvitað ekkert af neinu sjálfur en lætur skoða málið og skipar starfshópa í málin. Hann kemst vel frá öllum yfirheyrslum vinveittra fréttaspyrla á RÚV  og brillérar í trúverðugheitum enda svo obboðslega sætur. Kannski kemur hann til greina við veitingu Silfurlampans næsta ár?

Frábær meirihluti hans í Borgarstjórn vakir yfir Borgarsjóði en auðvitað getur er enginn verið beinlínis ábyrgur fyrir  ófyrirséðum kostnaðaraukum  nema kannski Hrólfur sem er því sendur í frí frá áætlanagerðinni.

Skuldirnar vaxa því aðeins eðlilega um milljarð á mánuði síðustu 42 mánuði enda verða menn að skilja að rekstur félagshyggjukontóranna og starfsumhverfi og uppihald píratanna kostar auðvitað sitt.

Nú horfir allt til betri vegar með Braggann þar sem Háskólinn í Reykjavík ætlar að leigja hann á hundraðþúsund kall á mánuði sem aldeilis munar um að fá upp í vextina.

Þetta er auðvitað bráðfyndið allt saman í Reykjavíkurrevíunni hans Dags og mikill snillingur er hann í útskýringum sem allir nema hann Eyþór greyið skilja.

"All will be well"

getur maður farið með upp fyrir sér þegar maður hugsar um dauðans óvissa tíma eins og séra Hallgrímur kvað um.

Það eru miklar framfarir í krabbameinslækningum í heiminum um þessar mundir. Ný lyf og lyfjatækni er í framþróun sem breytt geta miklu fyrir marga.

Bloggari hefur á eigin skinni reynt að krabbameinslækningar á Íslandi eru á pari við það besta sem gerist í heiminum og okkar fólk er þaulmenntað í meðferðinni við þennan sjúkdóm. Honum  er eiginlega óskiljanlegt hversu magnað allt starfsfólk sem að heilbrigðismálum kemur er að miskunn og mannkærleika sem alls staðar birtist hvar maður kemur. Allt auðvitað undirborgað og undirmetið finnst manni gjarnan þegar maður horfir á aðra kostnaðarliði í samfélaginu.En hvað er til ráða og hvernig á að leysa vandamálin veit maður ekki.

„Framtíðin í krabbameinslækningum er björt og ný rannsóknartæki og lyf munu halda áfram að koma fram sem mun skila sér í auðveldari og árangursríkari meðferðarmöguleikum fyrir sjúklinga,“ segir Örvar Gunnarsson, krabbameinslæknir á Landspítalanum.

Hann segir umræðuna oft þannig að Ísland standi samanburðarlöndum að baki hvað varðar árangur og fjármögnun. „Það eru oft stök atvik sem ekki hafa gengið vel sem vekja neikvæða athygli en sem betur fer ganga hlutirnir langoftast mjög vel. Við erum líka oft á undan með vissa hluti. Það er til dæmis oft lengri bið í Skandinavíu eftir að hitta lækni.“

Þá nefnir hann sérstaklega lyfjamálin en töluvert sé spurt um aðgang að því sem hefur verið kallað nýju krabbameinslyfin og áhyggjum lýst yfir því að sjúklingar hér á landi hafi ekki aðgang að bestu mögulegu meðferð. Þessi nýju lyf má rekja til uppgötvana hinna nýbökuðu Nóbelsverðlaunahafa Japanans Tasuku Honjo og Bandaríkjamannsins James P. Allison á því hvernig hægt sé að virkja ónæmiskerfið til að ráðast gegn krabbameinsfrumum.

Þessar uppgötvanir áttu sér stað fyrir um 30 árum en lyfjatilraunir hófust fyrir um 10 árum á meðferð við sortuæxli. Síðan hefur komið í ljós að hægt er að nota þessi lyf við sífellt fleiri tegundum krabbameins. „Lyfjamálin voru erfið fyrir stuttu síðan en það hefur verið mikil sókn í þessum málum undanfarin tvö ár. Við erum að nota þessi nýju lyf og finnum merkjanlegan mun hjá þeim sjúklingum sem fá þau. Það eru samt alltaf einhverjir sjúklingar þar sem nýju lyfin eiga ekki við.“ Það verði áhugavert að sjá raunverulegan árangur nýju lyfjanna þegar meiri reynsla verði komin á notkun þeirra. Bjartsýni ríki um að það verði augsýnilegur munur á árangri. Örvar segist finna að það gangi til dæmis heilt yfir mun betur að fást við lungnakrabbamein. „Það eru miklu fleiri sjúklingar sem eru með betri lífsgæði og lengra líf.“

Þó svo að Ísland verði aldrei fyrst til að byrja að nota ný lyf stöndum við jafnfætis flestum Evrópuþjóðum. „Raunveruleikinn er líka þannig að þegar við höfum þurft að fá ákveðin lyf þá höfum við í langflestum tilfellum fengið það.“ Þá sé reynt að nýta fjármuni sem best með því að velja ódýrari samheitalyf þar sem það sé mögulegt. „Við viljum meina að við stöndum mjög framarlega þegar kemur að stöðu krabbameinslækninga. Við erum á mjög góðum stað með tilliti til árangurs og erum að fá mikið fyrir það sem er lagt í kerfið.“ 

það er hinsvegar eitt nýlegt lyf Nivolumab eða Opdivo komið hingað.  Líklegt er að Hildur noti þetta lyf í sínu starfi. Þetta lyf brýtur blekkingarvarnarmúr krabbafrumanna þannig að T-frumurnar sjá þær í réttu ljósi og ráðast á þær og reyna að drepa þær eða drepa þær alveg eða þannig er þessi mekanismi án þess að ég hafi hundsvit á neinu.

Makalaust hvað vísindamenn vita mikið um svona örsmáa hluti? Alla vega eru raddir farnar að heyrast að miklar framfarir í lækningum geti verið framundan.Þeir eru jafnvel farnir að tala um að krabbinn geti orðið sigraður sem nú drepur meira en hálfa milljón manns á ári í USA.

Lífslíkur fólks í sömu stöðu og ég hafa aukist mikið við þetta lyf Opdivo eða Nivolumab og dánartíðni  fallið talsvert.Car-T aðferðin er einnig í milli þróun og tíðinda að vænta.

Þetta getur hugsanlega breytt miklu fyrir mig og fólk í sömu stöðu. En sem sagt veit ég ekki neitt um þetta né hvað minn læknir hann Örvar  hyggst fyrir. En óneitanlega hressist maður við slík tíðindi. Kannski kemst maður bara yfir þetta til að drepast úr einhverju allt öðru enda kominn á níræðisaldurinn?

Mér líður hinsvegar núna prýðilega og finn ekkert fyrir neinum óþægindum og hef fulla lyst á whisky, bjór og mat. En Örvar er mig á Erbitux og Placitaxol sem halda þessu niðri svo undrum sætir segir Hannes Þröstur.

En nú minnist ég oftar orða Winstons Churchills og skil þau eilítið öðruvísi en ég gerði á fyrri tíð:

"For the rest live dangerously, take life as it comes, one day at a time.

Dread nought!

All will be well"

Já,svo bregðast krosstré

sem aðrir raftar.

Nafni minn að sunnan sá þetta betur fyrir en ég þegar hann skrifaði:

"

"Vegskattur sem ætlaður er í "væntanlegar framkvæmdir" hljómar afskaplega illa. Sérstaklega þegar íslenskir stjórnmálamenn eiga í hlut. Fyrst er rukkaður skattur, árum saman, en ekkert gerist, sem er venjan hjá íslenskum stjórnmálamönnum. Þungaskatturinn var settur á fyrir þrjátíu árum og átti að gilda í EITT ár! Hefur einhver orðið var við að hann hafi horfið? Nú dynja á almenningi áróður um það, að mannkyn allt muni farast innan fárra áratuga, ef ekki verði brugðist við CO2 vandanum! CO2 er "The essence of life"! Fíflagangurinn virðist hafa náð nýjum hæðum og fyrstir til að stökkva á vagn popúlismans eru stjórnmálamenn, eins og ávallt. Fjörtíu þúsund fíflin í París eitt besta dæmið um það."

Ég reyndi að auka honum trú á betri tíma og batnandi mannkyn og skrifaði eitthvað á þessa leið:

Ég er sammála þér nafni minn að sunnan, við viljum ekki marg borga fyrir sama hlutinn. En ef við gefum okkur núna að Jón sé heiðarlegur og við munum aðeins borga fyrir hlut sem búið er að gera. t.d. Autobahn milli tveggja punkta og aðeins þegar við keyrum hann, eins og er gert i Ameríku þar sem þú borgar bara þegar þú keyrir spottann, viljum við þá fá framkvæmdir núna og borga fyrir notkun á þessum afmarkaða kafla?

Eins og var þegar búið var að grafa Hvalfjarðargöngin. Ekki fyrir pólitískar skítalausnir eins og fríkeypis Vestfjarðagöng og Héðinsfjarðargöng sem skattféð var látið borga frá öllum.

Munum við ekki þegar Gjaldskýlið var brennt á Keflavíkurveginum og skríllinn látinn komast up með það. Subbuskapurinn í pólitíkinni eyðileggur móralinn og afleiðingin verður þingskríllinn sem við búum við i dag sem við erum búnir að fá nóg af.

New Deal sagði Roosewelt og framkvæmdi það í vegakerfinu í USA þar sem það er rekið heiðarlega. Þar er , borgað fyrir beina notkun aðeins á völdum köflum.

Svo eru aðrir vegir, Interstate eins og I4 á Florida sem allir borga og  þar er ekkert rukkað. Svo kemur sérstök framkvæmd þar sem þú borgar eða keyrir aðrar leiðir sem er gott ef því verður við komið. Keyrðu gamla veginn ef þú vilt ekki keyra nýjan betri veg og borga fyrir.

Ég hef reynt að benda á að láta klára einhverja fáa kílómetra af Arnarnesveginum í einkaframkvæmd sem væri ekki tekin frá neinum heldur væri bara viðbót.En Sjálfstæðismennirnir félagar mínir skilja þetta alls ekki. Algerlega talað fyrir daufum eyrum þar á bæ.

Getum við ekki fundið lausnir sem allir sjá að eru sanngjarnar en leiða okkur til betra lífs á heiðarlegan hátt? Ekki fara bara hefðbundnar svikaleiðir íslenskra pólitíkusa sem eru búnir að svipta okkur trúnni á að til sé heiðarlegt fólk en ekki bara þeir svikarar og lygarar eins og nú eru margir okkar þingmenn.

Við kjósendur nefnilega höfum látið fólk komast upp með lygar og svik með afskiptaleysi og og uppgjöf eins og sumir góðir fyrrum Sjálfstæðismenn eins og hann Tibsen lýsir að gerist þegar maður gefst upp fyrir svikunum.

Það má ekki sætta sig við svik í pólitík, burt með drullusokkana sem ljúga. Það er tilgangslaust að búa til nýja flokka. Horfið á smáflokkakraðakið niðri á þingi. Hverju hefur það skilað? Flokkur fólksins, Miðflokkur, Píratar, Frjálslyndi Flokkurinn, Björt Framtíð. Hefðbundnir flokkar  þurfa að vera trúir sjálfum sér og ekki velja sér bara glamrara og grenjuskjóður til forystu sem því miður virðist allt of auðvelt að láta gerast.

Nú er ég sem sagt sviptur þeirri trú að það væri hægt að fjármagna vegaframkvæmdir með beinum notkunargjöldum. Já svo bregðast krosstré...

Á ég að trúa því?

að nú sé Björn Leví farinn að leiðbeina mér í pólitík?

Hann segir í Mogga að nú ætli ríkisstjórnin að leggja veggjöld á allt í kring um Reykjavík fyrir miklu meiri peninga en eigi að nota í uppbyggingu vegakerfisins. Sem sagt að hefja hefðbundinn stuld á vegafé strax eins og alltaf hefur verið gert?  Og því til undirbúnings sé samgönguáætlun frestað fram á næsta ár?

Ég sem var bláeygður og trúði Jóni Gunnarssyni að þetta væri einfalt. Menn fengju framkvæmdir strax ef þeir borguðu veggjöld sem rynnu beint til verkefnisins. Annars fengju þeir einfaldlega ekki framkvæmdina strax.

Nei, þetta verður ekki svona segir  Björn Leví. Hann  segir að þeir ætli að svíkja þetta og nota veggjöldin einfaldlega til að hækka skatta á almenningi.

Virðist ekki Furstinn hans Machiavellis ráða ríkjum á Alþingi og blekkja bláeygða heimskingja eins og mig þegar honum sýnist svo?

Verð ég ekki bara að hætta að trúa því að eitthvað heiðarlegt geti nokkurn tímann komið frá Alþingi? 

Skiljanleg reiði

þjakar marga sem telja að stjórnmálamenn hafi til langs tíma stolið eyrnamerktum tekjustofnum til umferðarmála í önnur gæluverkefni sín,

Nafni minn að sunnan, Halldór Egill Guðnason, alþjóðleg sjóhetja suður í höfum, sendir mér iðulega skarplegar athugasemdir sínar. Hann segir að skila eigi því til umferðarmála sem þegar sé búið að rukka inn áður en við leggjum á ný gjöld.

Ég svaraði honum nú síðast svona:

"Nafni minn að sunnan

ég skil reiði þína fyrir gamlar misgerðir. Og ég er auðvitað hræddur við pólitíkusana og glæpaeðli þeirra til stuldar á eyrnamerktum tekjustofnum til bráðabirgða eins og þungaskattinum til áratuga í stað boðaðs árs. En hvað eigum við að gera?

Eigum við að byrja strax á að grafa ný Hvalfjarðargöng og rukka eða eigum við ekki að gera það? Hvað leggurðu til?

Eigum við að leggja Autobahn milli Hveragerðis og Selfoss og rukka veggjald eða eigum við bara að gera ekki neitt? Eigum við að rukka í Héðinsfjarðargöng eða ekki?"

Margt fleira má tína til. En eigum við endalaust bara að hata og ger ekki neitt eða eð eigum við að reyna að halda áfram og gera eitthvað nýtt eins og hann Jón Gunnarsson er að leggja til? Verkefnin eru allstaðar.

En reiði nafna míns og margra annarra er skiljanleg en hún leiðir okkur ekki til neins.