Skilur einhver þessi skrif?

Björns Levís Pírataþingmanns?

Skilur einhver hversvegna Morgunblaðið er að prenta svona ruglandi? Hvað er maðurinn eiginlega að leggja til? Hvað er hann að leggja til varðandi virðingu Alþingis og starfshætti? Ég er engu nær.

Björn þessi Leví skrifar:

"Einu sinni gátu þingmenn talað endalaust þegar þeir voru á annað borð komnir í ræðustól. Eftir stutta leit á alnetinu sýnist mér að Jóhanna Sigurðardóttir eigi lengstu ræðuna sem flutt hefur verið á þingi, sú ræða var 10 klukkustunda og átta mínútna löng og var flutt árið 1998. Núverandi þingskapalög voru sett árið 1991 og síðan þá hafa verið gerðar nokkrar breytingar á því hversu lengi og oft þingmenn geta tekið til máls.

Að minnsta kosti sjö breytingar hafa verið gerðar á undanförnum áratugum í áttina að því að stytta tímann sem þingmenn geta talað í hverri ræðu, fækka andsvörum og tíma til andsvara og fækka þeim skiptum sem þingmenn geta tekið til máls.

Tilgáta mín um gömlu vinnubrögðin fjallar einmitt um þessa styttingu á ræðutíma þingmanna. Markmiðið með styttingunni hefur leynt og ljóst verið að gera málþófstækið erfiðara í notkun, einn þingmaður getur ekki bara hertekið ræðustólinn og haldið þinginu í gíslingu.

Það má alveg færa fyrir því góð rök að það sé ekki málefnalegt að slíkt sé mögulegt en lausnin á því hefur verið að stytta ræðutíma og fækka tækifærum allra þingmanna til þess að koma máli sínu á framfæri. Ég tel lausnina á vandamálinu vera birtingarmynd gömlu vinnubragðanna vegna þess að í staðinn fyrir að líta í eigin barm og skilja að ástæðan fyrir málþófinu liggur kannski hjá ríkisstjórnarflokkunum og notkun á ægivaldi þeirra yfir dagskrá þingsins, þá hafi einhvern veginn verið auðveldara að reyna bara að fjarlægja málþófstækið.

Það verður nefnilega allt svo miklu auðveldara þegar litli strákurinn hefur ekki lengur tækifæri til þess að benda á nýju fötin keisarans. Þótt ég sé ekki að mæla með því að ræðutími verði aftur aukinn mættu einstaka dagskrárliðir þó í einhverjum tilvikum hafa eilítið rýmri tíma. Ein til tvær mínútur eru mjög stuttur tími til þess að koma frá sér meira að segja tiltölulega einfaldri spurningu og því samhengi sem þarf stundum að setja fram á sama tíma.

Ég er einfaldlega að segja að það þurfi að ráðast að rót vandans, ástæðunni fyrir því að það þarf stundum að beita málþófi. Málþóf er nefnilega eina tækið sem stjórnarandstaðan hefur til þess að stöðva meirihlutann. Það er hvorki sjálfsagt að beita málþófi né er það auð- velt og síst er það gagnlegt. En stundum er það einfaldlega nauðsynlegt. Það geta allir þingmenn tekið undir.

Lausnin til þess að koma í veg fyrir málþóf er ekki að stytta ræðutíma, að minnsta kosti ekki eingöngu. Lausnin liggur í því frumvarpi sem við höfum að nýrri stjórnarskrá, málskotsrétti þjóðarinnar. Að þjóðin geti haft frumkvæði.

Til viðbótar við það væri ekki óeðlilegt að minnihluti þingsins gæti einnig skotið máli til þjóðarinnar. Ég er viss um að umræðan á þingi yrði betri í kjölfarið."

Það er átakanlegt út af fyrir sig að svona texti skuli koma frá kjörnum fulltrúa á Alþingi Íslendinga sem auk þess fer í ræðustól þingsins á sokkaleistum og eins og niðursetningur til fara og með Guð má vita með hvað í maganum.Nóg var niðurlæging samkundunnar fyrir.  

Af hverju er þessum manni ekki vinsamlega bent á að skrifa frekar í Fréttablaðið heldur en að ergja okkur lesendur Morgunblaðsins sem borga fyrir það að fá blaðið sér til upplýsingar?  Okkur er raun að því að sjá svona skrif í því annars oft ágæta blaði. Við nennum ekki að kaupa svona skrif sem enginn skilur og eiga ekkert erindi við lesendur þess blaðs.

Sósíalistar hækka skatta

hvar sem þeir hafa áhrif.

Ég hitti mann með meira en fjörtíu ára reynslu af alþjóðaviðskiptum og rekur m.a.fyrirtæki hér í Bandaríkjunum. Hann hefur reynslu af mörgum forsetum bæði demókrötum og repúblikönum. Hann sagði að skattar sem hann tiltók hefðu tilhneigingu til að vera 35 % hjá republíkönum en 48 %  hjá demókrötum. Hann sagði gersamlega tilgangslaust að ætla að skattleggja fyrirtæki. Fyrirtæki borguðu aldrei þá skatta heldur gerði almenningur það. Hækkaðu skatt á bensín og hver borgar? Hækkaðu skatt á mjólkurbú. Hver borgar? Hækkaðu veiðigjöld og hver borgar? Hækkaðu virðisaukaskatt og hver borgar? Fyrirtæki velta öllu út í verðlagið.

Svo talar sósíalistinn um umhyggju fyrir þeim verst settu. Hann elskar einstæðu móðurina en gerir bensínið dýrara fyrir hana með CO2-ethanóldellu og skapar hungursneyð í Afríku með því að nota maís í lífdísilframleiðslu. Fólkið er svo mikil fífl að að skilur ekki samhengið. Lífskjör geta aldrei batnað nema skattar lækki.Þá fjárfesta fyrirtækin og hagræða og verðlag lækkar. Ef þú mátt afskrifa fjárfestingar á fjórum árum eins og þegar repúblikanar eru við völd þá kaupa menn nýja rennibekki, vélar og tól. En demókratarnir lengja afskriftatímann í 30 ár og engin fyrirtæki fjárfesta og engin hagræðing á sér stað.

Af hverju skyldu sósíalistar ekki geta skilið gunnatriði þjóðfélagsins?Þeirra háttur er allstaðar sá sami: Skattleggja og eyða. Þess vegna hækka sósíalistar alltaf skatta en lækka þá aldrei.

313.000 ný störf

og RÚV og 101 intelleksían halda áfram að útmála Trump sem allsherjar fáráðling. Annan mánuðinn í röð fjölgar störfunum svona rosalega og atvinnuleysið er núna aðeins 4.1 %. Og maður heyrir ekkert talað um nauðsyn á verkföllum til að bæta kjörin hjá þeim lægst launuðu eins og hjá nýjum formanni Eflingar.

Það er ekki svo að bandarískur almenningur deili þeirri skoðun þó vissulega sé nú rifist hér um boðaða 20% verndartolla hans á innflutt stál og 10 % á innflutt ál.Kallinn er galvaskur en enginn virðist vita hvað hann gerir næst. En hann er greinilega að efna kosningaloforðin sín sem náttúrlega fer í taugarnar á mörgum.

Svo ætlar kallinn óvænt að hitta Kim Jong Un í maí og tala við hann um rakettur og  heimsfriðinn. Hvað skyldi RÚV  hafa að segja um það og þessa gríðarlegu aukningu á nýjum störfum sem samsvaraði nærri 1000 nýjum störfum á Íslandi á þessu ári.

Af hverju eru bara múslímaflóttamenn

valdir til að koma til Íslands í boði ríkisstjórnarinnar(almennings?)? 

Er ekkert flóttafólk í boði annað en múslímatrúar?

Vandinn í húsnæðismálum

unga fólksins á Íslandi blasir við og er að vega að rótum samfélagsins. Það er forsendubrestur í samfélagi sem býr þannig að unga fólkinu að það getur ekki komið þaki yfir höfðuð nýrrar fjölskyldu. Samfélagið þarfnast nýrra fjölskyldna ef það á að eiga framtíð.Ekki bara hjúkrunarheimila fyrir gamlingja.

Hér á Florídu er hægt að fá keypt fullbúin einbýlishús með bílskúr fyrir 2 bíla fyrir innan við 30 milljónir. Ef við segjum að gengið sé nokkurn veginn rétt skráð um þessar mundir þá sjáum við að verðið á Íslandi er nokkurn veginn pí sinnum dýrara en hér og er það í samræmi við ábendingar  mínar í gegnum tíðina, að munurinn á íslensku verði og bandarísku sé sjaldan minni en margfeldi af pí, hvort sem um er að ræða bensín, bíla, mat eða heimilistæki. En hér er líka verið að bjóða mér vinnu á kassa hjá Walmart fyrir 1100 krónur á tímann sem þætti líklega lágt hjá nýjum formanni Eflingar og kalla á verkfall. 

Það er hægt að auglýsa eftir skýringum og fá mismunandi svör. Ég veit um eitt dæmi á Íslandi þar sem ungt fólk var að flytja inn í hús fyrir bandarískt verð. En þá með ómældri eigin vinnu og þrátt fyrir 25% lóðarkostnaðar.

Mér er sagt að VOGAR eitt sveitarfélaga sunnan heiða selji lóðir á kostnaðarverði. Hin setji ýtrasta verð á lóðir ef þær þá yfirleitt eru í boði. Ráðamenn skilji yfirleitt ekki framtíðartekjur af útsvari. Enda eru byggingamenn yfirleitt með tekjuhæstu stéttum íslensks samfélags.

Áhugaleysi um framfarir í byggingatækni sem ekki snúa að byggingarhraða og vaxtalækkun byggingaaðilans yfirleitt algert á Íslandi og menn sætta sig við óbreytt ástand. Algengt söluverð á húsnæði er talið vera 1.5x til 3x- ,ef ekki bara meira, raunverulegur byggingakostnaður sem fólk lítur orðið á sem ófrávíkjanlega staðreynd.

Og stjórnmálamenn komast upp með það að tala út og suður um óraunhæfa hluti og framtíðarmúsík sem málefni dagsins. Og slíkur er heiladoði háttvirtra kjósenda að ekkert gerist. Enda allt fjármagn landsmanna samankomið í vörslu bréfagutta lífeyrissjóðanna sem ekki þekkja minnsta vott til samfélagslegrar ábyrgðar annarrar en sem snýr að raunverulegum eftirlaunaþegum. Og greiðslumöt stjórna því að unga fólkið gefst upp fyrir bankavaldinu og aðgerðaleysis stjórnmálamanna í að taka á skyldum ríkisins gagnvart húsnæðismálum ungra fjölskyldna eins og víða gerist erlendis.

Satt að segja vekur það áframhaldandi furðu mína til langs tíma hversu sinnulaust unga fólkið á Islandi er um hægri stjórnmál þar sem aðeins á þeim vettvangi væri hægt að hreyfa við þessu alkuli sem hér ríkir í því sem kallast vandinn í húsnæðismálum unga fólksins. 

 

 

 

 

 

 

 

 

 

Islam er ógn

sem það pólitíska valdakerfi sem það er og  menn hafa gott af að kynna sér. Það má gera með því að lesa ræðu eftir Andrew C.McCarthy saksóknara í Bandaríkjunum sem leiddi málflutninginn í sambandi við árás á tvíburaturnana í NY 1993 og fleiri undirbúin hryðjuverk Muslíma.

https://imprimis.hillsdale.edu/islam-facts-or-dreams/2/

Hann rekur vandlega hversvegna Islam getur ekki þrifist samhliða með kristnum samfélögum. Árásargirni og kúgun er innbyggð í þetta kerfi sem er miklu ógurlegra en einhver trúarbrögð. En þetta gera sér fæst okkar sér ljóst vegna vanþekkingar. Ræða saksóknarans er ágætlega fræðandi um málið.

Islam er ógn við allt sem okkur er heilagt. 

Eldhuginn

prófessor dr. Haraldur Sigurðsson eldfjallafræðingur sem sestur er að í Stykkishólmi og búinn að opna þar eldfjallasafn er maður með ótrúlega fjölbreyttan feril að baki.

Hann hefur gefið út bókina "Eldur  niðri", 2011,  sem er einskonar króníka yfir starfsferil hans og líf. Ég hef verið að glugga í hana hérna í sólinni í Flórídu og satt að segja varð ég dolfallinn yfir því hversu gífurlegt starf maðurinn á að baki. Ég held að það sé talsvert langt frá því að Íslendingar geri sér almennt ljóst hversu merkt starf Haraldur á að baki í jarðvísindum og rannsóknunum allan heim.

Oft hefur hann farið í lífshættulega leiðangra eins og til fjallsins Tambora sem árið 1815 hafði heimsöguleg efnahagsleg áhrif um alla jörð. En þá gaus þetta fjall i Indónesíu stærsta sprengigosi sögunnar með þeim afleiðingum að uppskerubrestur varð um allan heim og fjöldi manna týndu lífi og eigum  í framhaldi af því. Lýsingar Haraldar á ferðunum þangað þó látlausar séu er beinlínis hrollvekjandi um þær hættur sem hann lagði sig í fyrir vísindin. En afraksturinn er að menn skilja eðli sprengigosa og gjóskuhlaupa miklu betur nú en fyrr. Og það sem er kannski mest ógnvekjandi er að Haraldur gefur í skyn að þetta geti gerst aftur og óvíst hvernig menn mun fást við afleiðingarnar sem geta orðið hungursneyðir og jafnvel styrjaldir um brauð.

Bók eldhugans  Haraldar Sigurðssonar "Eldur niðri"  er æsispennandi og magnað fróðleiksrit sem allir hafa gott og gaman af að lesa, svo ótrúlegan feril sem þessi maður á að baki

Sigríður Andersen er sigurvegarinn

eftir gerningahríð lyga, ruglandi og rangfærsluáburðar þeirra Pírata- og Samfylkingarpostula sem hæst hafa látið.

RÚV reynir að þjóna sínum herrum og milda málið fyrir þetta lið með vífillengjum og vitleysu sem ekki koma meginniðurstöðunni við. Sigríður fór í einu og öllu eftir lögumvið skipan dómaranna í Landsrétt jafnvel þótt dómaraklíkan hafi reynt í gegn um Hæstarétt að gera málið öðruvísi en það er með þeirri fáheyrðu niðurstöðu sinni að manni sem ekki hlýtur embætti við umsókn sína beri skaðabætur frá Alþýðufólki Íslands í gegn um ríkissjóð!

Fannst einhverjum Hæstiréttur vaxa við þessa niðurstöðu?

Álíka furðulegur dómur féll í Hæstarétti um óskilgreinda óskipta skaðabótaábyrgð annars deiluaðila í stangveiðimáli í Tungufljóti. Í dómnum er ekki gerð nein tilraun til að meta málsástæður heldur bara kveðið upp úr með að annar aðili skuli greiða hinum ómældar skaðabætur án nokkurrar sönnunar hans á að tjón hafi yfirleitt orðið. Dómurinn þessi er hér:https://www.haestirettur.is/domar/domur/?id=6611148c-26c9-4e41-b9fb-bcbabda50eb2

Gersamlega álíka óskiljanlegur fyrir venjulegt fólk eins og dómurinn um skaðabætur til þess sem ekki hlýtur embætti með umsókn.

Það þarf greinilega að vanda betur valið næst þegar skipa þarf dómara í Hæstarétt og láta þá sem fyrir eru á fleti þar ekki koma að því vali.

Sigríði Andersen  er treystandi til að skera þetta ferli upp og endurheimta hið pólitíska skipunarvald úr höndum ókjörinna klíkunefnda út í bæ.

Klikkaði Skaparinn?

þegar hann koma að "Lillemand". Þarf mannlega preláta og pokapresta til að leiðrétta delluna hjá Drottni?

Eftirfarandi texti barst mér.Þó hann sé illa þýddur og jafnvel torskilinn þess vegna þá læt ég hann flakka því mér finnst hann nokkurn veginn skiljanlegur og bæti inn innskotum eftir mínum smekk.

I-Hvað er umskurn mannsins?

"Umskurnin þýðir" að skera í kringum ".

Á karlkyns ungbörnum er umskurn aðgerð sem felur í sér að nema burt hluta húðarinnar frá forskinninu  um höfuðið á typpinu.

Skinnið í typpinu er flókið fyrirbæri. Það er skorið af því  án þess að skýrar vísbendingar séu um það hvar það ætti að skera á umskurn. Þetta þýðir að það magn húðarinnar sem er fjarlægt frá einni umskurn til næstu getur verið mjög mismunandi og engar tvær umskurnir eru því þær sömu. Og framkvæmdar jafnvel af ómenntuðum hálfvitum.  

Húðin um liminn inniheldur mengi af "dorsal-taugum" og milli 10.000 og 20.000 sérhæfðir taugaenda af ýmsum gerðum er þar að finna sem eru færir um að skynja smá hreyfingu og teygjur,  breytingar á hitastigi og hárfínum stigum í viðkomu. Þannig eru allt að 20.000 taugaendar fjarlægðir með umskurn.

Næmasti hluti forhúðarinnar er fjarlægður í umskurnum.

 II-Allah er alvitandi, alvitur." (Kóraninn 4:26)

- Allah segir okkur að hann hafi skapað mennina fullkomna.

III-Læknisfræðilegar rannsóknir sýna að forhúðin þjónar mörgum  gagnlegum tilgangi og er ætlað af ásettu ráði af Allah eða hverju nafni sem Skaparinn nefnist, til að þjóna þessum tilgangi.Í stað Allah má líka setja Jahve, Guð eða hvað sem menn kjósa að kalla þann hæsta.

Því er þá þetta inngrip manna nauðsynlegt?

Hvernig getur Bispan okkar tekið að sér að samþykkja það að Drottinn sé Klikkhaus og hafi ekki vit á því sem hann er að gera? Þessvegna megi fremja þetta ofbeldi á varnarlausum börnum. Vill hún ekki bara  láta umskera sig til að sýna samstöðu með Múslímum svo þeir móðgist ekki og vilji ekki setjast að á Íslandi?

Eða er hún sjálf bara mannlegur Klikkhaus?

"Skítlegt eðli"

voru orðin sem vor fyrrum ástsæli Forseti doktor Ólafur Ragnar Grímsson notaði til að lýsa formanni Sjálfstæðisflokksins Davíð Oddssyni á sínum tíma.

Björn Bjarnason ritar um árásir Sunnu Ævarsdóttur og Loga Más á Bjarna Benediktsson svofellt:

"Málatilbúnaður formanns Samfylkingarinnar bar vott um vanstillingu. Skyldi hann þrá sjálfur sviðsljósið í stað þess að Helga Vala baði sig í því fyrir hönd Samfylkingarinnar? Eða hefur hann ákveðið að keppa við Þórhildi Sunnu Ævarsdóttur, þingmann Pírata, í leiknum sem hún hefur stofnað til í þingsalnum um hver særir og móðgar mest?  "

Spurning sem ég velti fyrir mér æ oftar þegar ég hlusta á þetta fólk er sú hvernig innréttingin sé í því? 

Varðandi Loga hugsa ég til Snorra í Betel og viðskipta Loga við hann. Ég þarf eiginlega ekkert meira.

Varðandi Sunnu sannfærist ég því meir sem ég heyri hana tala að þar fer manneskja sem ég hef litla löngun til að þekkja.

Orð fyrrum Forseta vors um mannlegt eðli geta auðveldlega komið í hugann að minna tilefni.