Ekki stóð á RÚV

að velta sér upp úr skít lyga, rangfærslna og falsana á orðum Trump Bandaríkjaforseta.  Hann sagði einfaldlega á Twitter  að þeir sem hötuðu Bandaríkin væru frjálsir að því að fara.Þetta varð RÚV ástæða til að ráðast gegn Forsetanum og skjóta úr báðum hlaupum um að hann væri rasísti eða verra.

Demókratahyskið byrjaði auðvitað að snúa út úr og reyna að æsa fólk gegn Forsetanum. Sem var aðeins að segja að Bandaríkin væru frjálst land og þeir sem ekki vildu búa þar og hötuðu þau stjórnmálalega  gætu farið annað.

Auðvitað vill hyskið ekkert fara heldur aðeins fá borgað til að hata og afflytja sitt föðurland og stjórnarfar í friði í von um sporslur eftir næstu kosningar.Ekki ólíkt Pírataflokknum hérna.

Þessir demókratar vilja ekkert gera fyrir sín upprunalönd af því að þessar fjórar konur sem tóku þetta til sín vilja búa í skjóli voldugasta ríki heims sem þær hata á borði en og rægja í orði á kostnað kjósenda sinna. Hentistefnan og hræsnin blasir við þeim sem vilja sjá.

Gæti einhver séð hliðstæðu við Píratana okkar eða hvað?

En RÚV kom hatri sínu á Trump Bandaríkjaforseta prýðilega til skila í fréttum kvöldsins. 

 

Björn situr sinn við keip

Það á að samþykkja orkupakka 3 en til sátta finnst Birni Bjarnasyni upplagt að láta fara fram þjóðaratkvæði um sæstrengslögn ef til kemur einhvern tímann?

Hann skilur ekki að þjóðin vill ekki Orkupakka3. Hann skilur ekki að þjóðin er búin að fá upp í kok af ESB og EES þjónkun Sjálfstæðisflokksins og ofbýður framferði þingflokksins gagnvart grasrótinni.

Getur hann ekki skilið að við viljum þjóðaratkvæði um orkupakka 3  en ekki um einhvern sæstreng?

Björn bara situr sinn við keip og Haraldar að O3 skuli ofan í okkur hvað sem tautar og raular.

 

Kyrrstöðuþjóð?

eru Íslendingar að verða.

Hvar eru nýframkvæmdir? Nýjar virkjanir, ný stóriðja, ný jarðgöng,nýir vegir?

Mér finnst allskyns kellingakjaftæði fyrirferðamest um misrétti, persónuvernd, fóstureyðingar helst fram yfir fæðingu, reyta óviðkomandi þjóðir til reiði og bla bla. Þjóðir sem eru í þvílíkum vandræðum vegna eiturlyfja, eins og Columbíu. Mexico,Malasíu og Filippseyjar,að þær hafa sumar skilyrðislausa dauðarefsingu fyrir hvern sem kemur nálægt slíkum viðskiptum. Hvernig á að fást við slík vandamál? Vitum við það endilega best af öllum?

Af hverju erum við að skipta sér af svona málum þegar fyrir liggur að þeir í Asíu fara ekki eftir neinu sem aðrir segja.Þeir tala um að slíta við okkur stjórnmálasambandi vegna málsins.

Borgar svona sig eitthvað betur en þegar Imba Solla eyddi ferlegum upphæðum í mútur fyrir eigin vegtyllur í Öryggisráðinu?

Til hvers á að stofna þjóðarsjóð til að flytja úr landi í Asíubankann okkar  þegar allt er í mínus í innviðum landsins? Af hverju eigum við að leggja á okkur píslir í dag til að borga tjón vegna efnahagfífla framtíðarinnar og bankaræningja í staðinn fyrir að mæta kreppum eins og við höfum alltaf gert? 

Er ekki nærtækar að reyna að gera eitthvað til tekjuauka innanlands? Hætta að vera kyrrstöðuþjóð en sækja frekar fram í  atvinnumálum og innviðum?

Trump varar við netrisunum

Google, Facebook og Twitter sem sýna til burði til þess að ritskoða netið undir því yfirskini að þeir séu að vinna gegn hatursorðræðu sérstaklega. Þar eru þeir dómarar um hvað slíkt sé hvað sem öðrum finnst.

Trump er ekki sammála þessu. Hann vil algert málfrelsi og bauð íhaldssömum fréttamönnum í Hvíta Húsið til að ræða þetta. Hinn skemmtilegasti fundur þar sem kallinn fór um víðan völl. 

Hann vakti athygli á því bandalagi sem virðist vera á milli netrisana og margra opinberra fréttamanna sem eru mest vinstri sinnaðir.

Sama er að gerast hér á landi.Góða Fólkið vill ráða því hvað við megum segja og hvað ekki. Samfylkingar-og Evrópusinninn Helgi Magnússon kaupir Fréttablaðið. Dettur einhverjum í hug að þar verði skrifað á móti Evrópusambandinu eða vinstri sinnuðum viðhorfum? Hvað verður um Moggann að Davíð gengnum?

Þekkja ekki allir Fréttastofu okkar allra á RÚV? Ekki fer yfirmáta mikið fyrir frjálslyndi á þeim bæ.

Netrisarnir ganga svo í bandalag með þessum öflum og öll umræðan gengur til vinstri og sósíalísk viðhorf verða æ meira áberandi eins og Trump bendir á. Þrátt fyrir að allar hagtölur vinni með Trump. 

Jafnvel Twitter bannar auglýsingar frá samtökum um fóstureyðingar á grundvelli rétthugsunar vitnaði ein kona um á fundinum.  Höfum við ekki heyrt stefnu Katrínar Jakobsdóttur í slíkum málum?

Yfirtaka vinstrimanna og netrisa á fréttamiðlum og skoðanamótun er áhyggjuefni hér alveg eins og Trump í Bandaríkjunum. 

Við flytjum inn atvinnuleysi

segja opinberar tölur í Morgunblaðinu um fjölda atvinnulausra:

" Af þessum 6.723 sem voru án vinnu í júní voru 2.578 erlendir ríkisborgarar án vinnu sem samsvarar 7,4% atvinnuleysi meðal þeirra. Hefur þeim fjölgað um 79 frá því í apríl. Á sama tímabili hefur hlutfall íslenskra ríkisborgara án vinnu lækkað...."

Maður sér sjálfur dæmi um atvinnulausa útlendinga sem stunda ekki aðra starfsemi en glórulaust fyllerí og ræfildóm sem  auðvitað enginn getur haft í vinnu vegna óreglu  af því að þetta eru bara innfluttir rónar sem hafa það betra hér en í heimalöndum sínum.  En skýrslurnar telja þá innflutt vinnuafl sem þeir eru bara alls ekki.

Af hverju eru við svona linir Íslendingar á öllum sviðum útlendingamála og hælisleitenda? Þurfum að teygja lopann um  alþjóðlega vernd hérlendis sem afleiðingu flótta frá veittri alþjóðlegri vernd í öðru lélegra landi en Íslandi? Allt í einu er það orðið að okkar skyldu að taka við þessu fólki og atvinnugrátkórar okkar byrja að hrína opinberlega af samúð með afleiddum vesaldóm?

Það má víst ekki einu sinni aldursgreina fylgdarlaus börn jafnvel skeggjuð. Enginn má staðreyna með rannsókn hvort afgönsku drengirnir eru synir þess sem segist vera faðir þeirra eða bara alls ekki sem er auðvelt? Og ekki má spyrja hversvegna móðir þeirra sé ekki með þeim og af hverju þessi kall sé kominn hingað án hennar? Rændi hann drengjunum frá henni og stakk af í óleyfi? Kidnapping?

Er mágur hans glæpamaður sem hann er hræddur við? 

 

Á þetta ekki allt uppruna sinn í því að við lepjum gagnrýnislaust upp allt sem frá ESB kemur á grundvelli hins heilaga EES? Erum kaþólskara en Páfinn þegar kemur að undirlægjuhætti við erlenda valdið í ESB?

Á meðan Reykjavíkurbréf Morgunblaðsins segir svo:" Bent er á að yfir 100 dómsúrlausnir Evrópudómstólsins sem Frakkar geri ekkert með."

Svo er um fleiri þjóðir og við neitum að selja Rússum Makríl í refsingarskyni meðan að Þjóðverjar selja Mercedes Benz sína og iðnvarning  takmarkalaust til Rússlands í skiptum fyrir gasið sem þeir eru algerlega háðir um orku  auk kjarnorkuvera Frakka sem þeir hafa raðað á landamærin þegar þýzkir græningjar höfðu eyðilagt orkuvinnslu Þýzkalands. 

Hversu lengi ætlum við að láta blekkja okkur áfram í taglhnýtingu á grundvelli úrelts EES-samnings sem hefur unnið okkur meira tjón en gagn þegar allt væri metið?

Engin rök færa Evrópuviðreisnarsinnar fyrir þessari aðild að þessu nú laskaða 400 milljóna tollabandalagi sem samningurinn er nema "Af því bara".

Við Íslendingar þurfum að rísa upp og verða fullvalda þjóð að nýju með því að sýna sjálfstæði í hugsun í stað blindrar hlýðni. Alveg eins og Ungverjar og Pólverjar gera í flóttamannamálum til dæmis og stóru þjóðirnar í ESB gera þegar þeim hentar.

Við gætum byrjað á að hætta að flytja inn og fóðra atvinnulausa róna.

Orkunotkun mannkyns

er kortlögð af dr.John Christy :

Hún sýnir að við notum mest af olíu, svo kolum og síðan gasi, annað er óverulegt sem nemur 3 efstu línunum. Alls tilsvarandi tæpum 14.000 milljónum tonna af olíu. 

Nú fara börn um torg og hrópa um að jörðin sé að farast vegna útblásturs CO2. Alveg sama þó að magn þess í andrúmsloftinu hefur ekki verið lægra í 600 milljón ár.

 

 

Við Íslendingar viljum leggja á kolefnisskatta til að gera allt mannlíf erfiðara af því að hin opinbera trú segir að heimurinn sé að hitna vegna útblásturs CO2 af mannavöldum. Dr.Christy segir að engar mælingar sýni slíkt.

 Meir en 70% af orku í Evrópu var árið 2016 framleiddu með olíu, gasi og kolum Olía 34,6% – gas 23,3% – kol 14,7% – kjarnorka 13,2% – endurnýjanleg orka 13,2% + annað 1%

ï‚· Mestu kolabrennsluþjóðirnar 2016 voru Eistland 61,1%, Pólland 49,1%, Tékkland 39,7%, Búlgaría 31,4% og langstærsti orkunotandinn Þýskaland með 24,3% af sinni orku frá kolum.

ï‚· Mestu olíubrennsluþjóðirnar 2016 voru Kýpur með 93,1%, Malta með 78,6%, Lúxemborg með 62,8%, Grikkland með 53,1% og Írland með 49,9%.

ï‚· Mestu gasbrennsluþjóðirnar eru Holland með 38,4%, Ítalía með 37,5%, Bretland með 36,7%, Ungverjaland með 31,2% og Írland með 28,6%.

ï‚· Frakkland er lang stæst í notkun kjarnorku með 41,8% hlutfall af þeim orkugjafa. Þá kemur Svíþjóð með 33,1%, Slóvakía með 23,4% og Búlgaría með 22,5% hlutfall.

 

Á meðan hafa lífslíkur manna vaxið um þriðjung frá 1970.Barnadauði lækkað um 72%, loftmengun hefur minnkað,fæða hefur aukist úr 2300 hitaeiningum á dag í 2800 þrátt fyrir gríðarlega mannfjölgun og sárafátækt í heiminum hefur fallið um helming þrátt fyrir mannfjölgun.

 

Af hverju halda  menn því fram að við Íslendingar séum að forpesta heiminn með útblæstri CO2? Þvílíkt örsmæðarbrot við blásum út miðað við Kína og Indland.

Heildarlosunin af CO2 í heiminum nemur  bráðum 35 þúsund milljón tonnum en við Íslendingar losum kannski 6  milljónir tonna af heildinni? 

Eigum við að þjást núna fyrir þá sem ekkert gera nema að fjölga stöðugt kolabrennslustöðvum? Hvað með endurreist WOW til viðbótar? Hver á að borga fyrir það?

 

Er ekki nær fyrir mannkynið að snúa sér að því verkefni að draga úr mannfjölguninni? Selja ófrjósemisaðgerðir fyrir verð sem þá fátæku munar verulega um? Eða hvað annað ósiðlegt?

Flestir eru menn á móti mengun og vinna gegn slíku víðast hvar sem þeir geta. En má enginn efast um réttmæti tilgátanna um hlýnun jarðar vegna orkunotkunar mannkyns? 

Björn Bjarnason

skrifar athyglisverða grein um það hvernig kaupin gerast í valdakerfi Evrópusambandsins. 

Mér finnst greinin veita góða innsýn í það hvernig þessu sambandi er stjórnað á lítið lýðræðislegan hátt,þar sem valdabrask einstaklinga og valdablokka yfirskyggir flest annað sem á þjóðríkjunum 27 kynni að brenna.

Það yfirgengur mig algerlega að til skuli vera þeir Íslendingar sem vilja ólmir þangið inn til að hafa áhrif eins og þeir segja og fá aðild að hinni dásamlegu vaxtalausu Evru á efnahagssvæði þar sem enginn hagvöxtur hefur verið í langan tíma, þar sem atvinnuleysi ungs fólks mælist í tugum prósenta og meirihluti þess býr enn í foreldrahúsum eftir þrítugt. Hver eru rök fyrir þessu sem halda?

Af hverju voru Bretar að fara út? Hafa þeir beðið um aðild að hinu heilaga EES? Hvað finnst Birni Bjarnasyni líklegt að þeir geri í framhaldi af Brexit? Munum við Íslendingar ekki þurfa að aðlaga okkur að þeirri veröld?

Björn skrifar svo:  

"Þegar Ursula von der Leyen, varnarmálaráðherra Þýskalands, var tilnefnd næsti forseti framkvæmdastjórnar ESB braust út reiðialda meðal þýskra stjórnmálamanna. Angelu Merkel Þýskalandskanslara var bannað að greiða atkvæði í leiðtogaráði ESB með flokkssystur sinni og nánum samstarfsmanni í ríkisstjórn síðan 2005.

Jafnaðarmenn í stjórn Merkel veittu kanslaranum ekki umboð til að taka afstöðu. Meginástæðan fyrir þessari reiði er ágreiningur innan ESB um hvernig standa skuli að vali forseta framkvæmdastjórnarinnar.

Ágreiningurinn snýst um hve mikil völd eigi að veita ESB-þinginu. Hefur leiðtogaráð ESB frjálsar hendur við tilnefningar eða ber því að taka tillit til vilja ESB-þingsins og kjósenda? ESB-þingmenn vilja að fylgt sé reglu sem lýst er með þýska orðinu spitzenkandidat, oddvitareglunni á íslensku.

Fyrir kosningar til ESBþingsins, þær fóru síðast fram nú í maí, koma þingflokkar sér saman um oddvita á listum sínum. Oddvita þess lista sem fær flest atkvæði ber samkvæmt reglunni að líta á sem frambjóðanda til forsetaembættis í framkvæmdastjórn ESB. Leiðtogaráðið eigi að taka tillit til þessa. Nú hefði Bæjarinn Manfred Weber, oddviti mið-hægriflokksins EPP, átt að verða forseti framkvæmdastjórnarinnar samkvæmt reglunni.

Næstur í röðinni var Frans Timmermans, jafnaðarmaður frá Hollandi. Hvorugur hlaut náð fyrir augum leiðtogaráðsins sem tilnefndi að lokum Ursulu von der Leyen (EPP) eftir langa og stranga fundi. ESB-þingið ákveður í næstu viku hvort Ursula von der Leyen tekur við af JeanClaude Juncker 1. nóvember. Fræðilega er staða hennar sterk.

EPP-flokkurinn, S&D-flokkurinn (sósíalistar og lýðræðissinnar) og frjálslyndir eiga samtals 444 þingmenn en 376 þarf til að njóta stuðnings hreins meirihluta. Þessir flokkar standa að baki tilnefningu leiðtogaráðsins en meðal sósíalista kraumar mikil reiði og þess vegna hefur von der Leyen þótt miklu skipta að eiga innhlaup hjá Græningjum sem voru sigurvegarar ESB-þingkosninganna. Hvort viðræður hennar og forystumanna græningja skila árangri kemur í ljós. Hún vill frekar geta reitt sig á stuðning þeirra en þingmanna sem hafa horn í síðu Brusselvaldsins.

Emmanuel Macron Frakklandsforseti barðist hart gegn hollustu við oddvitaregluna í leiðtogaráðinu. Gamalgrónir ESB-þingmenn bundu ekki hendur hans og í ESBþingflokki hans, frjálslyndum, vilja menn ganga lengst við að styrkja yfirþjóðlegt vald í Bandaríkjum Evrópu.

Frakklandsforseti stóð að baki tillögu um Ursulu von der Leyen – meðal annars vegna þess að hún talar frönsku. Þá fékk Frakkinn Christine Lagarde stól seðlabankastjóra Evrópu og Belginn Charles Michel verður forseti leiðtogaráðs ESB, hann er handgenginn Macron.

Christine Lagarde

Þegar hrunið varð haustið 2008 fóru Frakkar með pólitíska forystu innan Evrópusambandsins, þess vegna sat fjármálaráðherra þeirra, Christine Lagarde, í forsæti fjármálaráðherrafundar ESB og EES/ EFTA-ríkjanna sem Árni M. Mathiesen fjármálaráðherra sótti í Brussel í nóvember 2008 fyrir Íslands hönd.

Í bókinni Árni Matt – frá bankahruni til byltingar (útg. 2010) segir Árni að Christine Lagarde hafi í raun verið eini fulltrúi ESB á fundinum sem reyndi að finna hóflega lausn fyrir íslensku sendinefndina. Kynni þeirra Árna og Lagarde á þessum fundi og öðrum eru á þann veg að hann segir hana jafnan hafa sýnt Íslendingum skilning og verið „elskuleg“ eins og hann orðar það.

Christine Lagarde varð fyrst kvenna forstjóri Alþjóðagjaldeyrissjóðsins (AGS) árið 2011. Í embættinu kom hún að málum Íslands. Íhlutun hennar og sjóðsins í mál hér voru barnaleikur miðað við átökin við Grikki og aðrar þjóðir til bjargar evru-samstarfinu. AGS var hluti þríeykisins sem sett var á laggirnar til höfuðs Grikkjum. Hinir tveir fulltrúarnir komu frá framkvæmdastjórn ESB og seðlabanka evrunnar.

Í Grikklandi beittu stjórnmálaöfl sér harkalega gegn Christine Lagarde og AGS en ekki síður gegn Þjóðverjum. Angelu Merkel og Wolfgang Schäuble, fjármálaráðherra Þýskalands, var lýst sem höfuðfjendum Grikkja.

Nú er það áfram hlutverk Lagarde að verja evruna, sjálft djásnið í augum þeirra sem vilja meiri samruna í Evrópu.

Angela Merkel

Herfried Münkler, stjórnmálafræðingur og fyrrv. kennari við Humboldt-háskólann í Berlín, birti í vikunni grein í Die Welt þar sem hann færir fyrir því rök að oddvitareglan sé hættuleg fyrir Evrópusambandið. Í henni felist of mikil áhersla á vald meirihlutans. Frá öndverðu hafi sambandið mótast af ríku tilliti til réttar minnihlutans. Aðilar sambandsins séu fullvalda og sjálfstæð ríki, telji þau á sér troðið kunni þau að hugsa sér til hreyfings og sundrung myndist í hópnum. Þetta sé ekki söguleg staðreynd heldur lifandi eins og komið hafi í ljós árið 2005 þegar Frakkar og Hollendingar höfnuðu frumvarpi að stjórnarskrá Evrópu í þjóðaratkvæðagreiðslum.

Í stað hennar kom Lissabonsáttmálinn árið 2009. Innan ESB togast með öðrum orðum á krafan um að rétta lýðræðishallann með auknu valdi ESB-þingsins og tillitið til þjóðríkisins og fullveldis þess. Münkler segir að með vísan til virðingar fyrir þjóðríkinu sé höfuðáhersla lögð á einróma ákvarðanir á vettvangi ESB, örsjaldan sé gengið til atkvæða.

Oddvitareglan sé andstæð þessu meginsjónarmiði og í raun gengin sér til húðar. Að leggja nafn Manfreds Webers fyrir ESB-þingið rauf samstarf Þjóðverja og Frakka, pólitíska þungamiðju ESB. Að gera tillögu um Frans Timmermans gekk gegn vilja ríkisstjórna í austurhluta Evrópu og á Ítalíu.

Herfried Münkler segir að við þessar aðstæður hafi Angela Merkel enn einu sinni látið samstöðu innan ESB vega þyngra en flokkspólitísk sjónarmið. Þar með hafi hún opnað leiðina að sameiginlegri niðurstöðu í leiðtogaráði ESB.

Stjórnmálafræðingurinn segir að í átökunum um forystumenn ESB hafi á ný sannast að þar nái menn ekki fram vilja sínum með stóryrtum yfirlýsingum og úrslitakostum um menn og málefni heldur með sveigjanleika og því að halda mörgum leiðum opnum. Sá sem hafi þessa aðferð best á valdi sínu nái einnig mestum árangri.

 

Münkler segir að um þessar mundir ríki jafnmikil óvissa um hvort Ursula von der Leyen verði kjöin næsti forseti framkvæmdastjórnar ESB og hvort stóra samsteypustjórnin undir forystu Merkel lifi áfram í Berlín. Eitt sé þó víst að Angela Merkel ætli að kveðja stjórnmálin. Afleiðingar þess verði meiri í Brussel en í Berlín því að framtíð ESB ráðist af því hvort takist að finna einhvern í Merkel stað sem gegni saman hlutverki við að setja niður ágreining og hafi það á valdi sínu.

Emmanuel Macron hafi í síðasta „valdatafli“ sýnt að honum sé hlutverkið um megn, sjónarhornið sé of þröngt. Greininni lýkur á þessum orðum: „Þess vegna kann málum að vera þannig háttað að brotthvarf Merkel af evrópska sviðinu sé upphaf endalokanna í Brussel.“

Hvað verður um EES ef ESB lendir í uppnámi? Hvernig sér Björn Bjarnason framtíð Íslands í þeim ólgusjóum?

Til hvers að fokka

í þessari þrælakistu EES. Af hverju förum við ekki úr þessari vitleysu?

Bjarni Jónsson fer yfir staðreyndir málsins:

"Til að gulltryggja, að Landsneti sé stjórnað að forskrift og fyrirmælum Evrópusambandsins (ESB), þá hefur ESB búið svo um hnútana, að stofnað verður embætti samræmingarstjóra (compliance officer), sem á að fylgjast með starfsemi Landsnets og vakta stjórnendur þess. 

Starfið skal vera á vegum stjórnar Landsnets, en Landsreglarinn skal fá allar meginákvarðanir um embættið til samþykktar.  Það er ljóst, að æðsta stjórn Landsnets fær þarna yfirfrakka, sem á að halda Landsneti á línunni, sem mörkuð verður hjá ACER.

 Samræmingarstjórinn á að senda fjárfestingaráætlun Landsnets fyrir flutningskerfið til Landsreglarans og ACER, um leið og hún fer til stjórnar Landsnets.  Sé ósamræmi á milli fjárfestingaráætlunarinnar og 10-ára áætlunar ESB um þróun raforkuflutningskerfa álfunnar, þá ber samræmingarstjóranum að vekja athygli Landsreglarans á því í skýrslu. 

Samræmingarstjórinn hefur rétt til fundarsetu á öllum fundum innan Landsnets, sem varða stofnraforkukerfi landsins.  Landsnet á að koma sér upp verklagsreglum, sem tryggja samræmi áætlana fyrirtækisins við fyrirætlanir ESB.

Af þessum heimildum Evrópusambandsins í OP#4 er ljóst, að ESB mun yfirtaka stjórnun á Landsneti.  Þótt íslenzka ríkið muni eiga sína fulltrúa í stjórn fyrirtækisins, verða stefnumarkandi völd ekki í þeirra höndum. 

Með samþykkt OP#4 færi fram altækt valdframsal íslenzka ríkisins til ESB á sviði raforkuflutninga.  Mun ESA verða milliliður fyrir samræmingarstjórann, eins og fyrir Landsreglarann.  Fremur er það ólíklegt.  Þetta er gjörsamlega ótækt fullveldisframsal, sem ber að kæfa í fæðingunni með höfnun OP#3.  Að öðrum kosti er verið að gefa undir fótinn um samþykki við OP#4.

HVERNIG FÆR ESB VILJA SÍNUM FRAMGENGT UM TENGINGU AFLSÆSTRENGJA Á MILLI LANDA ?

Samkvæmt rafmagnstilskipun OP#4, gr. 52, ber Landsneti annað hvert ár að senda Landsreglaranum Kerfisáætlun sína fyrir næstu 10 ár með tímaáætlun fyrir öll verkefni. Þar skal að fullu ("fully take in account") taka tillit til nýjustu útgáfu Kerfisþróunaráætlunar ESB og fyrirætlana um þróun svæðisbundinna flutningskerfa.

Landsreglaranum ber samkvæmt RT gr. 51.5 að gaumgæfa og sjá til þess, að Kerfisáætlun Landsnets sé í samræmi við Kerfisþróunaráætlun ESB fyrir næstu 10 ár.  Ef minnsti vafi leikur á um, að svo sé, skal gera ACER grein fyrir þeim efa. 

Samtímis getur Landsreglarinn sjálfur farið þess á leit við Landsnet að breyta áætlunum sínum til samræmis við ESB. Með öðrum orðum: ef ESB hefur sett aflsæstreng til Íslands inn á Kerfisþróunaráætlun sína, eins og raun er á núna með "Ice-Link", þá mun Landsneti bera skylda til að setja þennan sama sæstreng inn á sína Kerfisáætlun, þótt lög frá Alþingi banni fyrirtækinu þetta, eins og ætlunin er með innleiðingu OP#3. Hér er ríkisstjórnin augljóslega að efna til mikils ófriðar við ESB og deilna, sem EFTA-dómstóllinn vafalaust mun dæma ESB í vil, lendi deilumálið þar.   

Ef Landsnet lætur hjá líða í 3 ár að framkvæma 10 ára áætlun sína, þá yfirtekur Landsreglarinn formlega stjórn Landsnets.  Samkvæmt RT gr. 51.7 munu Landsneti þá verða gerðir eftirtaldir úrslitakostir:

1. að ráðast í fjárfestinguna
2. að fela öðrum fjárfestinguna eða
3. fara í fjármagnsöflun til framkvæmdanna með þátttöku annarra fjárfesta

Þegar fjárfesting er komin inn á áætlun Landsnets, þá verður engrar undankomu frá ESB auðið að raungera hana.  Gjaldskrár flutningskerfisins eiga að standa undir öllum þessum kostnaði, svo að raforkunotendur á Íslandi, almennir og stóriðjan, geta búizt við verulegum gjaldskrárhækkunum.  Sú hefur raunin orðið annars staðar undir Landsreglara, t.d. í Svíþjóð.

 

Hér hefur einvörðungu verið fjallað um yfirtöku Evrópusambandsins á raforkuflutningskerfi landsmanna við samþykkt OP#4.  Undirbúningur þessarar yfirtöku á sér stað með OP#3.  ESB ætlar markaðnum hins vegar að ráða yfir raforkuvinnslunni sjálfri, eins og bezt sést með málarekstri Framkvæmdastjórnarinnar gegn 8 löndum ESB, þar sem hún fettir fingur út í úthlutun ríkisins á vatnsréttindum til ríkisfyrirtækja. 

 

Finna á markaðsverð fyrir þessi réttindi að kröfu Framkvæmdastjórnarinnar, og það er einvörðungu hægt með uppboði eða útboði, sem líklega verður á sameiginlegum EES-markaði.  

Nýleg rekistefna ESA í garð norska ríkisins mun óbeint  leiða í ljós, hvort vatnsréttindi Landsvirkjunar verða að fara sömu leið á markað.  Stjórn landsmanna á orkumálum landsins fer út í veður og vind með samþykkt OP#3 og OP#4.  Hinni verðmætu afurð orkulinda landsins verður þá beitt fyrir vagn hagkerfis ESB-landanna undir yfirskyni loftslagsverndar.  Þannig horfa þessi mál við, þegar umbúðum "sjálfstæðrar Orkustofnunar fyrir bætta neytendavernd" hefur verið svipt burt."

 

Hvað erum við að fokka í þessari þrálaskistu ESB í stað þess að segja þessu bara öllu upp og verða fullvalda ríki enn á ný?   

 

 

Þorvaldur Gylfason

skrifar hugvekju í Fréttablaðið í dag og fær vonandi vel greitt fyrir.

Að vanda er greinin full af fúkyrðum og mannfyrirlitningu.

Er svona munnsöfnuður í lagi hjá vel þekktum prófessor doktor Þorvaldi Gylfasyni? 

 Er hann ekki orðinn argur og leiður á gengisleysi áróðurs síns þar sem ofstæki hans blindar honum sýn? Hann endurtekur í síbylju ósannindu um þjóðaratkvæðagreiðslu um stjórnarskárfrumvarð stjórnlagaráð og tönnlast  á því að 67 % þjóðarinnar hafi samþykkt það þegar flestir þekkja þá sögu öðruvísi?.

Sannast sagna þá er frumvarpið frá stjórnlagaráði  svo meingallað og lélegt að engum dylst að það er óbrúklegt. Þetta vill ekki Þorvaldur skilja af einhverjum ástæðum en ber lóminn í það endalausa.

En þessi pirringur er farinn að grípa fram í fyrir honum og lætur hann fljúga um víðan völl í reiði sinni eins og henti meistara Jón Vídalín á sinni tíð. En sá var munur á þeim Þorvaldi og Jóni að sá síðarnefndi kunni að iðrast eins og klerkurinn á Mosfelli í kvæði Einars.Ben.

Nokkrar fjólur Þorvaldar:

……..Hverju sætir það að bandaríski Repúblikanaflokkurinn, flokkur Abrahams Lincoln, og brezki Íhaldsflokkurinn, flokkur Winstons Churchill, hegða sér nú nánast eins og þeir séu gengnir af göflunum? – hvor með sínu lagi….

 ……Þá er ekkert rangt Repúblikanaflokkurinn er næstelzti starfandi stjórnmálaflokkur heims. Hann var stofnaður 1854 til höfuðs elzta flokknum, Demókrataflokknum, sem beitti sér fyrir útbreiðslu þrælahalds til vesturríkja Bandaríkjanna þegar þeim fór fjölgandi. Ágreiningur flokkanna fyrir forsetakjörið 1860 hverfðist um þrælahaldið.

………Demókratar buðu fram lögfræðinginn Steven Douglas sem mælti fyrir hagsmunum þrælahaldara í suðurríkjunum. Repúblikanar buðu fram Abraham Lincoln sem var líka lögfræðingur og mælti gegn þrælahaldi í samræmi við jafnræðisákvæði sjálfstæðisyfirlýsingarinnar frá 1776. Lincoln sagði á fundum: Ef þrælahald er ekki rangt, þá er ekkert rangt.

….. Lincoln sigraði. Suðurríkjademókratar tóku sigri Lincolns illa og sögðu sig úr lögum við Bandaríkin. Af þessu hlauzt borgarastríðið 1860-1864 og kostaði 600.000 mannslíf. Stríðinu lauk með sigri Lincolns og repúblikana. Þeim tókst að viðhalda ríkjasambandinu. Lincoln galt fyrir sigurinn með lífi sínu 1865 og er að margra dómi merkastur allra forseta Bandaríkjanna.

 ….Demókratar bættu ekki ráð sitt í jafnréttismálum fyrr en í forsetatíð Johns Kennedy og Lyndons Johnson 1961-1968 þegar ný mannréttindalög náðu fram að ganga til hagsbóta fyrir blökkumenn.

 …..Við það misstu demókratar þá styrku stöðu sem þeir höfðu áður notið í suðurríkjunum. Taflið snerist við.

……Repúblikanar gengu á lagið. Þeir hafa síðan gert margt til að skerða kosningarrétt blökkumanna og gerðu

……..Donald Trump að forsetaframbjóðanda sínum 2016, mann sem margir telja rasista og hálfgildingsfasista.

……….Trump náði kjöri m.a. fyrir tilstilli vonsvikinna kjósenda sem hafa mátt búa við litlar sem engar kjarabætur áratugum saman og einnig vegna galla á kosningafyrirkomulaginu sem tryggði honum sigur þótt hann hlyti mun færri atkvæði en höfuðkeppinauturinn líkt og gerðist einnig þegar George W. Bush náði kjöri 2000.

 ………….Auðmenn láta repúblikana grafa markvisst undan lýðræði í eiginhagsmunaskyni.

......Trump er ekki undirrót vandans heldur afleiðing. Flokkarnir tveir sem margir töldu keimlíka ef ekki alveg eins frá 1945 til 1980 eru nú svo ólíkir hvor öðrum sem verða má. Ósættið milli þeirra ristir djúpt, sundrar fjölskyldum og vinum og nær ekki aðeins til kjörinna fulltrúa flokkanna heldur einnig til óbreyttra flokksmanna.

 ……….Brezka ljónið er tannlaust

……...Vandi brezka Íhaldsflokksins er yngri.

 ....Í Bretlandi gerðist það líkt og í Frakklandi, Þýzkalandi og víðar um Evrópu að fram á sjónarsviðið kom nýr flokkur þjóðernissinna,

.......Brezki Sjálfstæðisflokkurinn (e. UKIP), og krafðist m.a. úrsagnar úr ESB. Þingflokkur íhaldsmanna varð svo hræddur við fylgistap að hann ákvað að halda þjóðaratkvæðagreiðslu um aðildina að ESB í þeirri von og trú að kjósendur myndu hafna útgöngu úr bandalaginu eins og meiri hluti þingflokksins.

……..Þá sáu nokkrir þingmenn flokksins sér leik á borði, snerust á sveif með Brexit og beittu m.a. fyrir sig blekkingum og lygum.

………..Þar fór Boris Johnson einna fremstur í flokki,

.....alræmdur lygari líkt og Trump forseti.

.....Johnson var fyrr á starfsferli sínum rekinn frá Times í London, virðulegu íhaldsblaði, fyrir lygafréttir sem hann birti í blaðinu.

………Hann býst nú til að taka við starfi forsætisráðherra. Brezkir kjósendur ákváðu óvænt að segja skilið við ESB.

 ……..   Það hefði getað gengið þokkalega hefði ríkisstjórn Íhaldsflokksins haldið sómasamlega á samningum við ESB um útgönguna, en það gerði hún ekki.

.....Þrjú ár frá þjóðaratkvæðagreiðslunni 2016 hafa farið til spillis þar eð ríkisstjórnin gat ekki komið sér saman um samningsstöðu. Það bætir ekki úr skák að Verkamannaflokkurinn er einnig illa laskað vegna ýmislegra innanmeina.

 ……Brezka ljónið er tannlaust í báðum gómum. Margt bendir til að Bretar hrökklist út úr ESB án samnings í lok október n.k. með alvarlegum efnahagslegum og utanríkispólitískum afleiðingum.

 …….Brezkir íhaldsmenn hafa það þó fram yfir bandaríska repúblikana að þeir grafa ekki undan lýðræðinu heldur vilja þeir virða Brexit-ákvörðun kjósenda frá 2016.

 ……..Það hvarflar ekki að þeim að þingið geti gengið gegn niðurstöðu þjóðaratkvæðagreiðslu. Það getur enginn gert nema þjóðin sjálf.

 

……….Þegar svo er ástatt samtímis um tvö helztu forusturíki hins frjálsa heims, ríki sem fámennari þjóðir um allan heim hafa reitt sig á og litið upp til í 150 ár, þá hriktir í stoðum lýðræðisins.

………Andstæðingar frelsis og lýðræðis fagna þessu ástandi því það eykur svigrúm þeirra til að sölsa undir sig eigur annarra og bæla niður frómar kröfur um lýðræði og virðingu fyrir mannréttindum.

………Þegar hallar á lýðræði, er réttar ríkinu og velferð almennings til langs tíma litið einnig hætta búin

Hvaðan kemur Þorvaldi þessi óendanlega vizka og stjórnmálavit?

 

Þorvaldur skrifar ekki eins og hann sé einhver lýðræðissinni vegna einhverrar reiði og fanatíkur sem hrjáir hans pólitísku vitund.

Prófessor doktor Þorvaldur Gylfason er vanstilltur í skapi og notar stóryrði um meiri menn en hann verður líklega sjálfur héðan af.

Útsýni frá LSH

spái ég dálítið í þegar ég kem þar alloft.

Ég man eftir gömlu Pólunum sem voru málaðir að framan þegar kóngurinn kom. Þá litu þeir bara ekki illa út.

En finnst fólki mikil fegurð í steinsteypukumböldunum sem félagið Valsmenn ehf er búið að reisa þarna á flugbrautinni?

Einbeittur vilji Borgarstjórnarmeirihlutans til að eyðileggja sem mest af Reykjavíkurflugvelli  hefur þar náð fram að ganga. Og skemmdarverkunum er ekki lokið þar sem þeir ætla að byggja fyrir suðurendann líka.

Svo ræðst þessi meirihluti til atlögu við Elliðaárdalinn og ætlar að setja þar 43 ha. undir sína gæðinga. 4000 fermetra Gróðurhvolf? Flytja skolpræsi frá Breiðholti  fyrir milljarð.Og svipta íbúa höfuðborgarsvæðisins aðgengi að þessari vinsælustu náttúruperlu.

Meirihlutinn ríkir í skjóli Viðreisnar og Pírata sem voru ósparir á fyrirheit um gegnsæi og lýðræði fyrir kosningar.Nú er ekki talað við neinn en stefnan um þéttingu byggðar og barin í gegn. Borgarlínan á að flytja fólkið í göngutúra um Elliðaárdalinn og í gróðurhvolfið en ekki 300 einkabílar.

Skyldi þetta fólk verða endurkosið sem sem ekki tekur minnsta tillit til kjósenda sinna og nágranna? Safnar milljarðsskuldum á mánuði meðan önnur sveitarfélög í kring gæta aðhalds? Þvílkur dýrðar-Dagur er upp runninn.

Mér finnst persónulega útsýnið hafa stórum versnað frá LSH séð með þessum steypukumböldum gróðapunganna sem kalla sig Valsmenn ehf og ekki vildi ég þurfa að búa þarna, svo mikið er víst fyrir kannski milljón á fermetrann.