Stjórnvitringur

af vinstri vængnum er Katrín Jakobsdóttir.

Hún hefur viðrað þá skoðun sína að þak á leigusamninga um íbúðarhúsnæði sé það sem vantar til að leysa vandann í húsnæðiseklunni.

Þetta er svo skemmtileg nálgun á vandamálið að það er ástæða til að staldra við.Sumir framtaksamir unglingar keyptu marga miða á nýja Roy-mynd í Ausurbæjarbíó í gamla daga. Þegar klukkan var svona hálf þrjú komu strákar kannski af Nesinu eða innan úr Heimum og gripu í tómt. Allt uppselt. Þá stóðu þeir framtaksömu og buðu miða til sölu. Miðaverðið var fljótt að taka breytingum eftir því hver aðsóknin var. Ef eitthvað bakslag kom lækkaði miðinn en gat hækkað fljótt í troðningi. 

Þetta var þvílíkur viðburður á sunnudegi þegar ný Roy-mynd kom að maður lét sig ekki vanta. Mættur í biðröð löngu fyrir opnun. Ég man ekki neina atburði úr æsku minni sem toppuðu Roy-mynd. Þetta var svo heillandi veröld með góðviðri og náttúrufegurð, skothríð og slagsmálum að söngurinn náði ekki að ganga fram af manni né blása manni þeirri hugmynd úr brjósti að það væri feimnisatriði að syngja upphátt. Enda þagði maður vandlega í söngtímum. Og mikið gat verið ömurlegt á Snorrabrautinni þegar maður gekk út frá þessari glöðu og glæstu veröld út í norðanþræsuna og moldrokið. Mikið gat maður þráð að eignast föt og byssu eins og hann Roy.

Skyldi Katrín aldrei hafa frétt af þessum samkundum? Hefur hún aldrei tekið þátt í samkeppni? Aldrei velt fyrir sér áhrifum af skorti á verðlag? Eða hvaða áhrif offramboð á fiski á markaði hefur á verðið?

Hvað myndi gerast ef þetta þak yrði sett? Yrði farið eftir því? Myndi það auka framboð á leiguhúsnæði? Myndi það minnka eftirspurn? Myndi það örva menn til byggingar á félagslegu leiguhúnsæði?

Grunnstefna Sjálfstæðisflokksin er séreignarstefnan í húsnæðismálum. Flokkurinn trúir því að með henni vegni fjölskyldunum best. Hún byggi upp samkennd fjölskyldunnar og hvetji fólk til ráðdeildar auk þess sem hún veitir gleðinni yfir því að vera að gera eitthvað varanlega gott fyrir sig og sína inn í daglega lífið.

Þeim mun hörmulegra er hversu miklir tréhestar hafa víða valist í forystu fyrir Sjálfstæðisflokkinn á umliðnum árum í sveitarstjórnir. Menn sem alls ekki skilja þessi grunnatriði heldur einblína á lóðasölu og yfirtökugjöld til verktaka sem byggja einungis lúxusvöru til að græða sem mest. Gersamlega ömdverð stefna við það að örva fólk til sjálfbjarga og eigin vinnu. Þetta er fólk sem væri víst með að taka undir með Katrínu Jakobsdóttur um nauðsyn þess að stýra leigumarkaðnum og efla húsnæðisbótakerfið.

Mikið eru menn annars fljótir að gleyma grunnatriðunum í stefnu flokks eins og Sjálfstæðisflokksins, "að vinna að víðsýnni og þjóðlegri umbótastefnu á grundvelli atvinnufrelsis og einstaklingskerfis með hagsmuni allra stétta fyrir augum." Menn geta velt því fyrir sér hvort áralöng fylgisspekt við óbreytt kvótakerfi, sem er andstæða alls þessa og blind þjónkun við spillingu lífeyrissjóðakerfisins og opinbera forsjá af flestu tagi hefur spillt hugarfari fólks svo mjög að það komi ekki lengur auga á sjálfstæðisstefnuna sjálfa. Fólk sem svo sér sjálft sig auðveldlega í að afhenda fullveldið til Brussel, fólk sem þorir ekki að mótmæla innflytjendastefnu vinstri aflanna og fólk sem er hætt að virða Ísland sem sérstaka arfleifð sinnar þjóðar en vill fleygja henni í fang hvers umrennings sem hingað rekur.  

Díokletían Rómakeisari fann upp þá hagfræði verðlagsstýringar sem Katrin Jakobsdóttir aðhyllist. Á hans dögum voru verðlagsstjórar á hverju götuhorni sem börðust gegn verlagshækkunum. Að lokum opnuðust augu keisarans. Hann sagði af sér og sagðist vera farinn austur til Litlu-Asíu að rækta kálhausa.

Stundum finnast manni sumar stjórnarathafnir frekar gerðar fyrir afurðir Diókletíans heldur en að þær séu runnar frá þeim stjórnvitringum sem við þráum.

Ef

að við gætum breytt öllu mannkyni í þorp með 100 íbúa þá:

væru 57 Asíufólk

væru 21 Evrópubúi

væru 14 Ameríkumenn

væru 8  Afríkufólk

væru 11 hinsegin

væru 30 kristnir

væru 6 með 59 % af heildareignum þorpsins og allir frá Ameríku

væru 80 sem byggju við fátækt

væru 50 sem væru soltnir og vannærðir

væri 1 sem ætti tölvu

væri 1 með háskólagráðu

væru 8 sem ættu einhverja skildinga í vasanum

Ef foreldrar þínir eru lifandi og enn í hjónabandi, þá ert þú sjaldgæft fyrirbrigði!

Og ef þú trúir mér ekki:

https://docs.google.com/presentation/d/1IDN6GC5umKRIYBkHazM5yOxP15iC2w8FhS9we7zD-j0/edit#slide=id.p20

Raforkuskortur í Eyjum

segir í Morgunbalðinu:

"Orkustofnun hefur veitt Landsneti leyfi til að reisa nýtt 66 kV raforkuflutningsvirki í Vestmannaeyjum auk leyfis til breytinga í tengivirki Landsnets í Rimakoti og styrkingar á hluta Rimakotslínu 1 til að auka flutningsgetu hennar.

Sótt var um leyfir fyrir framkvæmdinni til Orkustofnunar 20. mars 2015. Leyfið felur í sér að hægt er að hefja úrbætur og koma á betri tengingu við Vestmannaeyjar en nú er. Er ráðgert að framkvæmdunum ljúki næsta sumar, samkvæmt tilkynningu frá Landsneti.

Varaspennir verður fluttur í Rimakot á Landeyjasandi innan tíð- ar. Spennirinn, sem er 15 KW, leysir núverandi spenni af hólmi þar til gert hefur verið við hann. Afkastageta hans er þó helmingi minni og verður því rafmagn bæjarins áfram fengið með olíu þangað til viðgerð lýkur, en búist er við að hún muni taka tvær vikur.

Stefán Friðriksson framkvæmdastjóri Ísfélags Vestmannaeyja, segir rafmagnsleysið hafa töluverð áhrif á rekstur félagsins. „Við höfum þurft að setja hluta aflans í bræðslu auk þess sem við höfum sent skip til Þórshafnar þar sem við erum með starfsstöð. Svo reiknum við með að geta tekið næsta farm og unnið hann í Vestmannaeyjum. Þá hefur þetta haft áhrif á okkur í þrjá daga. Svo á að vera fullnaðarviðgerð eftir hálfan mánuð og þá verður ástandið komið í sama horf og það var fyrir bilun.“ Hann segir að verðmæti aflans geti minnkað töluvert við bræðslu.

„Það eru vissulega minni verðmæti falin í því en þegar óvissa er um markað fyrir frystar afurðir þá er eiginlega erfitt að sjá hvort er skárra, að frysta eða bræða,“ segir Stefán og vísar þar til viðskiptabanns Rússa.

Spurður segir hann að álíka rafmagnsleysi hafi ekki orðið í seinni tíð, en að mikið muni um að geta landað á Þórshöfn. „Annars hefði þetta haft mun meiri áhrif. En við höfum haft hér fólk á launum með ekkert fyrir stafni því það er ekki rafmagn í boði. Þetta er því verulegt tjón fyrir alla.“ [e-mail]"

Þarna sýnist manni nú farið frjálslega með staðreyndir. Sá sem reynt hefur veit að að leyfisveiting Orkustofnunar til Landsnets er bara einn þáttur í að eitthvað fáist að gera. Allt hitt er eftir. Skipulagsnefnd sveitarstjórnar, Íbúakynning, samningar við landeigendur, Umverfismat. Svo þarf að panta vélbúnaðinn og framleiða hann.

Svo framkvæmdir við uppsetningu.  Ef menn halda að þetta fari í gegn með því að smella fingrum þá fara menn villir vega.

Fyrirtækið Biokraft hugleiddi að reisa 30-50 Megawatta vindlund við Rimakot. >Meira en ár er líðið ár síðan farið var að kanna með leyfaöflun þó frátafir hafi verið nokkrar. Framkvæmdir gætu fyrst hugsanlega hafist innan 1-2 ára héðan í frá ef farið væri að vinna ímálinu af krafti.

Ef ekki væri fyrir þessi mörgu undirbúningsatriði gæti vindlundur við Rimakot verið kominn í gang mun fyrr eða innan eins árs héðan í frá. Hann væri búinn að vera núna í gangi í hálft ár ef hægt hefði verið að fara í framkvæmdir þegar ljóst var að það væri hægt að selja rafmagn til Eyja vegna fyrirsjáanlegs orkuskorts þar.

Það er ekki styttra ferli  formsatriða við uppsetningu vindmyllu heldur en vatnsorkuvers á borð  við Urriðafossvirkjun eða Hvammsvirkjun. Fyrri kosturinn er endurheimtanlegur með stuttum fyrirvara. 150 boltar losaðir og enga vindmyllu er lengur að sjá. Ekkert land hefur tapast, allt er eins og áður var.Framkvæmdir við  vatnsvirkjanir eru annars eðlis. Þær eru yfirleitt til mjög langs tíma og miklar breytingar þarf oft að gera í umhverfi virkjananna.  Af hverju skyldi þetta allt vera gert svona flókið þegar um bráðabirgðaframkvæmdir eins og vindmylluuppsetningu getur verið að ræða?

Þessi bloggari sótti um leyfi til að reisa vindmyllu í Biskupstungum á síðasta ári. Þar hefur fundist mikill jarðhiti og allar kjöraðstæður fyrir ylrækt eru því fyrir hendi. Hvað gerðist?

Líklega einir 5 sveitarstjórnarmenn af Skeið-Gnúp og Bláskógabyggð voru sendir til Bretlands til að skoða vindmyllumál. Þeir komu með þau sannindi að yfirleitt væru gefin út mest 25 ára leyfi fyrir vindmyllum eftir minnst 2 ára athugunartíma. Fyrra skilyrðið væri líklega viðunandi ef hægt væri að stytta hið seinna. En það virðist frekar stefna í lengingu þess tíma til úrskurðar. En svar við því hvort sveitarstjórn sé yfirleitt til viðtals um vindmyllureisningu, hefur ekkert fengist.En vindmyllan sem um ræðir er þegar til í landinu og er því iðjulaus meðan sveitarstjórn hugsar.

Sjálfsagt er að athuga og rannsaka alla hluti. En vaxandi raforkuskortur eins og í Eyjum kallar á lausnir fyrr en ekki síðar. Víða um land myndu vindmyllur geta gert líf fólks bærilegra. En það dregur úr áhuga fólks þegar það sér hversu erfitt og langsótt þetta allt er. Menn munu mega kaupa sér margskonar vélbúnað sem er og setja hann á eigið land ef hann er fekki vindmylla.  Þannig þarf ekkert umhverfismat ef vindlundur nær ekki 2 megawöttum. Af hverju 2 megawött? Af hverju ekki 20? Eða 200? Umhverfismat er mikið verk og dýrt. Menn ráðast ekki í slíkt nema að vel athuguðu máli.

Þyrftu ekki yfirvöld að reyna frekar að hraða framkvæmdum í skipulagsmálum,  umhverfismötum og afgreiðslum til að bregðast við yfirvofandi orkuskorti fremur en að leggja ofuráherslu á formsatriði?

 

Hversvegna styð ég Rússa

í deilum þeirra um Úkraínu?

Ég álít að byrjun málsins hafi borið að með óásættanlegum hætti.

ESB hrakti réttkjörinn forseta frá völdum í Úkraínu. Rússar á Krímskaga sættu sig ekki við að hafa verið gefnir til Úkrainu af fullum Úkraíningi honum Krúsjeff í gamla daga.

Rússar höfði sem heimsveldi og forystuafl í Sovétsambandinu lagt eigur sambandsins í uppbyggingu hernaðarmannvirkjanna í Sevastopol.Hrikaleg mannvirki og nauðsyn fyrir Rússa til að lokast ekki inni og vera kjarnorkustórveldi.

Öflug þjóðernisvakning í Rússlandi neitar að láta slátra Rússum í Austur Úkraínu með fjárstuðningi NATO og ESB. Þeir vilja að fólkið fái sjálft að ákveða hverjum það vill fylgja. Ísland setur viðskiptaþvinganir á þá fyrir vikið.

Við gætum eins hafa sjálf upplifað að Vestaannaeyingurinn sem var alvaldur Íslands árið eftir Shangríla hefði í fylleríi gefið Vestmanneyjar og Surtsey til þáverandi stjórnar Vestmannaeyja frá íslenska Sambandsríkinu.

Síðan gerist það að það er kosinn bæjarstjóri í Vestmannaeyjum sem vill nánara samstarf við fastalandið. Það líkar ekki LÍU í Eyjum og efnir til samblásturs gegn manninum. Hann er flæmdur frá völdum með búsáhaldabyltingu útgerðarmanna í Eyjum og leynilegum stuðningi frá ESB sem sér von í fiskimiðum umhverfis Eyjar. Og Bandaríkin eru að svipast eftir plássi fyrir eldflaugar til að geta ógnað Reykjavík.

Surtseyingar eru allir aðfluttir af fastalandinu og tala reykvíst stofnanamál en ekki sjóarakjaft. Þeir hafa aldrei verið Vestmannaeyingar heldur fínir menn úr MR í Reykjavík.

Í samráði við stjórnina á fastalandinu er ákveðið að þeir Surtseyingar  greiði þjóðaratkvæði um hverjum þeir vilji fylgja. Surtsey sameinast fastalandinu í framhaldi af því.Landhelgisgæslan sendir varðskip til að passa þá.

Í Elliðaey er hafa Surtseyingar líka sest af og eru í meirihluta. Þeir heimta að sameinast fastalandinu og Surtsey. Vestamanneyingar búa þarna líka en eru  minnihluti. Þeir krefjast sambands við eyjarnar.Eyjamenn senda fjölda sjálfboða-lundaveiðimanna á vettvang. Það eru róstur um lundann.

Fastlendingar skrúfa fyrir vatnið til Vestamanneyinga sem viðskiptaþvingun. Vestamanneyingar svara með að þeir borgi ekki lengur skatt til fastlendinga né virði kvótalögin.Þeir taki sér aukna landhelgi. Þeir selji ekki lengur fisk til fastlendinga né skili þeim gjaldeyri.Erlend ríki innan ESB vilja auðvitað fiska þar í skjóli Vestamanneyinga. Bandaríkin vilja setja þar upp herstöð og taka þá í NATO.

Hvað skyldu  þau Birgitta og Helgi Rafn segja niður á Austurvelli?

Við hverju búast menn að þetta leiði til? Hvernig mun gjaldeyririnn frá Vestmannaeyjum  fara að koma aftur til Reykjavíkur?

Ég styð Rússa. Ekki vegna sérstakrar samúðar með Máa og makrílnum hans. Ég styð þá vegna þess að Rússar eru að sækja rétt Rússa sem þjóðar á móti hræsnislegri hentistefnu ESB sem ekki spáir í aðra minnihluta eins og í Katalóníu.

Bandalagið sem heldur áfram á gasinu frá Rússlandi þó við Íslendingar sem eru ekki í því eigum að fórna makrílnum okkar.Og Frakkar halda áfram að selja Rússum vopn gegn einhverjum leynigreiðum frá Rússum. Og Kaninn kyndir undir til að svekkja Rússann.

Eigum við Íslendingar samleið með þessum ríkjum í þessum hráskinnaleik gegn Rússum sem aldrei hafa sýnt okkur óvináttu? Á viðskiptabannið okkar að standa þangað til Rússar eru farnir frá Krím?

 

 

Göpum meira

upp í þessar vinaþjóðir okkar, Bandarikjamenn, Þjóðverja, Frakka og aðrar Evrópubandalagsþjóðir. Rifjum upp hversu miklir vinir þessar þjóðir voru í hruninu hjá okkur. Bara Færeyingar buðu okkur lán. Og voru Rússar ekki líklegir á tíma?

Nú fáum við að kenna á gapi utanríkismálanefndar Alþingis upp í NATO sem Bandaríkin ráða flestu. Rússar banna innflutning til sín á öllu frá Íslandi. Akkúrat eins og hlaut að koma að. Skyldu refsiaðgerðir Íslendinga gegn Rússum eiga að standa þar til að Rússar hafi skilað Krímskaga og víghreiðrinu í Sevastopol?

Gas er hinsvegar enn fáanlegt til Þýskalands frá Rússlandi. Og Exocet flaugar Frakka munu áfram rata til Rússlands. Getum við ekki krafist þess að þessum viðskiptum verði hætt eins og makrílviðskiptum? Hverskonar stórveldatvískinnungur er þetta?

Mikið hlýtur íslenska þjóðin að dá þau stjórnvöld sín sem þessu hafa til leiðar komið. Jafnvel Píratar hreyfðu ekki andmælum.

Það er um að gera að gera ekkert með fullveldi þjóðarinnar þegar kostur er á að gapa. 

 

Þá er stefna Amnesty ljós

í vændismálum.

 ""Það er leitt að sjá að ein tillaga sem er lögð fram valdi því að félagar sjái ekki samleið með félaginu lengur," segir Anna Lúðvíksdóttir, framkvæmdastjóri Íslandsdeildar Amnesty International.

Mikill styr hefur staðið um Amnesty International eftir að alþjóðahreyfing Amnesty samþykkti umdeilda stefnu þar sem samtökin styðja við lögleiðingu vændis sem lið í baráttu gegn mansali og kúgun vændisfólks. 

"Ég held að félagar séu frekar að mótmæla þessari tilteknu afstöðu þó að þeir séu í grunninn hlynntir stefnu Amnesty. Það væri mjög leitt ef þetta hefði þær afleiðingar að samtökin misstu einhvern mátt en ég held að það verði nú ekki," segir Anna. 

Íslandsdeild Amnesty sat hjá í atkvæðagreiðslunni en engu að síður hefur fjöldi fólks boðað úrsögn sína úr Íslandsdeildinni. Anna segir að úrsagnirnar séu í samræmi við það sem samtökin bjuggust við. Að hennar sögn stendur ekki til að Íslandsdeildin geri tillöguna að sérstöku baráttumáli. "Þó að alþjóðastjórnin muni vinna að afglæpavæðingu vændis þá er ekkert sem Íslandsdeildin mun krefjast hér á landi í þeim efnum." 

Hún er þeirrar skoðunar að umræðan byggist að einhverju leyti á misskilningi. "Þó að fólk geri sér almennt grein fyrir því að tillagan snúist um að afglæpavæða vændisiðnaðinn er markmið hennar, og það er alveg skýrt, að koma í veg fyrir mannréttindabrot á fólki sem er í vændisiðnaðinum."

 

Í tillögu Amnesty er gert ráð fyrir að samhliða lögleiðingu skuldbindi ríki sig til að berjast gegn mansali, tryggja réttindi vændisfólks, uppræta kynferðislega misnotkun á börnum og tryggja stöðu vændisfólks gagnvart lögum og fyrir ofbeldi. 

"Við erum ekki að tala þarna um fólk sem er í ánauð, mansali eða er misnotað á einhvern annan hátt," segir Anna. "Þarna er einungis fjallað um að afglæpavæða þann iðnað þar sem fólk tekur þá ákvörðun sjálft að stunda vændi."

Anna segir að tillagan hafi ekki verið unnin með stuttum fyrirvara heldur sé hún vel ígrunduð.

Alþjóðahreyfing Amnesty bendir á að rannsóknir og gögn sýni fram á að þessi leið sé sú besta til að koma í veg fyrir misnotkun og ofbeldi gegn vændisfólki með tilliti til lögmáls um skaðaminnkun á grundvelli afglæpavæðingar. 

Landsdeild UN Women á Íslandi sendi frá sér tilkynningu þess efnis að UN Women hafi ekki tekið formlega afstöðu varðandi afglæpavæðingu vændis. Tilkynningin er vegna ummæla Harðar Helga Helgasonar, formanns Íslandsdeildar Amnesty, þess efnis að UN Women væri með sambærilega stefnu og Amnesty."

Það ber að fagna þessari samþykkt Amnesty þar sem hún tekur á þeim útbreidda misskilningi að vændi sé ávallt áþvinguð hegðun studd af ofbeldi og eiturlyfjum. Það er vissulega mörg dæmi um slíkt. En skynsamt fólk til dæmis í Þyskalandi hefur séð fyrir löngu að besta leiðin til að útrýma glæpamennskunni úr vændisiðnaðnum er að veita honum lagalega stöðu, réttindi og skyldur. Afstaða Svía og svo Íslendinga varðandi vændismál eru hræsnisfull í besta lagi og byggð á framangreindum misskilningi.

Sé vændi opið og uppi á borðum þá er allt í lagi með það.  Ég tek sem dæmi að vændi er rekið fyrir opnum dyrum á löglegan hátt í mínum gamla gistibæ Stuttgart. Bærinn á bygginguna í miðbænum sem er að mig minnir fjölbýlishús með einum 4 stigag0ngum og einar fjórar hæðir, sérhannað fyrir þessa starfsemi.Þetta er eiginlega næsta hús við ráðhúsið  snyrtilegt í alla staði. Það gekk undir nafninu 3 Farben-Haus, þar sem það var þrílitt í den. Þegar ég fór þarna í gegn síðast fyrir áratug sýndist mér vera búið að endurgera það og opna aðgengið inn á stórt Ráðhústorg.

Þar er verslað allan daginn og eitthvað fram á kvöldið.  Það var lögreglustöð í næsta húsi. Þstta eru virðingarverðar stúlkur frá ungum aldri og ofar sem þarna vinna í sérherbergjum. Þær þéna líklega vel, þær eru sjálfstæðar og verndaðar af lögreglunni en ekki dólgum, borga skatta og eru undir opinberu heilbrigðiseftirliti.Mér er fyrirmunað að skilja hversvegna þær hjá Kvennasamtökunum vilja banna svona starfsemi? Vitandi sem þær vita um mansalið og skelfingarnar neðanjarðar. Getur þetta ekki einmitt dregið úr óhamingjunni en að auka hana?

Svo er manni sagt að þessar stúlkur fari til síns heima, hverfi úr augsýn,  kaupi sér hús og fái sér fjölskyldur.Þetta er sem sagt atvinnutækifæri þar sem stúlkur geta rifið sig upp fjárhagslega á skömmum tíma eins og okkar stúlkur gerðu í síldinni í gamla daga.

Engir glæpamenn koma þarna nálægt og enginn er neyddur til neins. Ættu Stígamótafrúrnar ekki að fara þangað og kynna sér málin áður en þær fordæma allan kallpening heimsins sem eru haldnir þessari endemis þörf sem sumum er ekki auðvelt að lifa með og berja með lurk.

Það er ekki bara vulgus indoctus horrendum que sem þarf á svona þjónustu kvenfólks að halda og vill borga fyrir hana. Mörg stórmenn eru sögð ekki geta kvenmannslaus verið stundinni lengur. Sagt er að StraussKahn, Hugh Grant, Michael Douglas,Kennedy, Brandt og endalaus röð slíkra stórgreifa hafi orðið að hafa tryggan aðgang að kvenfólki.Það hefur líka verið sagt að það hafi aldrei þvælst fyrir íslenskum stelpum að koma heimsfrægðunum til bjargar þegar þeir hafa litið hér við í erindagerðum.

Vændi þarf ekki að vera neitt annað en lögleg og heiðarleg starfsemi.Ég er viss um að hún er æskilegri en dópneysla og brjáluð fyllerí, sem og ýmis önnur menningarfyrirbrigði sem við virðumst ekki geta verið án.

Allavega virðist Amnesty International skilja að það eru til verri hlutir í veröld hér.

 

Gefið mér frelsi

eða gefið mér dauðann sagði Patrick Henry á þingi Virginiu 1775 í kirkju St.Johns i Richmond.

Tvö nýleg dæmi sýnast vera um að hægt sé að snúa þessu við. Gefa sjálfum sér frelsi en öðrum dauðann.

3. nóvember 2013 í Sognfirði í Noregi komu trésmiður og bifvélavirki sem varalögreglumenn  að rútubifreið upp á heiði. Þar var fyrir alblóðugur Suður Súdani vopnaður hnífi. Hann hafði þá drepið 2 farþega og bílstjórann og var einn eftirlifandi. Það tókst að afvopna hann. Menn komust að þeirri niðurstöðu að hinn ungi flóttamaður óttaðist ekkert annað meira en að verða sendur til baka. Það var ástæðan fyrir því að hann framkvæmdi þetta handahófskennda voðaverk til að tryggja að það myndi ekki gerast. 

Í Noregi sem álítur sig stundum Mekka mannréttindanna fór af stað mikil umræða um orsakir þessa ódæðis. Í ljós kom að hinn 30 ára morðingi var flóttamaður sem dvalið hafði um stund í sérstökum flóttamannabúðum meðan mál hans var í umfjöllun. En hann hafði sótt um hælisveitingu í Noregi. Hann hafði fengið að vita 9 mánuðum fyrr að umsókn hans hefði verið hafnað og hann yrði sendur til baka. Hvers vegna hann var þarna enn hefur ekki verið upplýst.Lögreglumennirnir voru óvopnaðir og spannst af allnokkur umræða í Noregi svipuð og hérlendis um hríðskotabyssurnar norsku sem Pírötum tókst að flæma úr landi.

Morðinginn fékk sínu framgengt og situr  nú í Ríkisfangelsi í Kongsvinger í boði Norska ríkisins. Þar fær hann lúxus aðbúnað sem hann annars fengi annars ekki nokkurs staðar. Afbrotið nægir til að hann fái lífstíðardóm en ekki dauðadóm eins og Vidkun Quisling. Hvað verður um hann þegar honum verður sleppt út aftur? Fær hann norskan ríkisborgararétt?

Þessi Súdani leysti sitt vandamál með því að drepa 3 norska samferðamenn sína í rútu af handahófi. Nú skal ekki efast um að þessi maður hefur haft áhyggjur þungar af því sem biði hans. Kólumbískur tannlæknir og meintur morðingi sem hér dvaldi reyndi að fremja glæp hérlendis til að verða ekki framseldur. Líklega var hann of linur af sér því hann  var sendur úr landi.

Síðan komu fréttir sjónvarps frá Svíþjóð þar sem mæðgin voru drepin tilviljanakennt í eldhúsáhaldadeild IKEA af einum eða tveimur hælisleitendum frá Eritreu sem horfðust í augu við framsal. 

Það er því staðreynd að hver hælisleitandi sem stendur frammi fyrir framsali getur orðið hættulegur lífi og limum fólks. Dæmin sanna að ekki er hægt að útiloka slíkt þó að atvikin tvö hafi gerst á hinum fjarlægu Norðurlöndum  en ekki hér.

Það er því staðreynd að þjóð sem leyfir hælisleitendum að valsa um með ferðafrelsi meða eigin þegna býður hættunni heim af örþrifaráðum þeirra. Hælisleitendur eiga auðvitað ekki að hafa ferðafrelsi heldur eiga þeir að vera vistaðir í búðum, sem er fyllilega heimilt að gera á Íslandi sem annarsstaðar.

Íslendingar eru nýbúnir að kynnast afleiðingum svefngenglastefnu okkar yfirvalda í þessum málum. Þó ekki hafi orðið hér mannvíg er áreitið af þessu fólki langt yfir þolmörkum. Almenningur er bara ekki spurður leyfis heldur er þessu fólki hleypt á hann með frjálsri för án áþvingaðrar læknisskoðunar. Þó væri auðvelt að kanna afstöðu Keflvíkinga til svona mála þar sem þeir hafa lengsta reynslu af samneyti við þetta fólk.

Svona atburðir hafa auðvitað áhrif hérlendis. Afstaða fólks breytist og það verður óttaslegið þegar það mætir framandlegu fólki. Kynþáttafordómar aukast og hætta á árekstrum vex. Málið verður enn alvarlegra ef hælisleitendur fara að grípa til glæpaverka til að hindra framsal sitt.

Það er orðinn nokkuð langur vegur og þyrnóttur frá kirkjunni í Richmond þar sem Patric Henry mælti hin tilvitnuðu orð. Líklega sá hann ekki fyrir þá útleggingu á orðinu frelsi sem hægt er að viðhafa með útúrsnúningum nú á dögum.

 

 

 

Stefanía enn á ferð

og skrifar frá Sauðárkróki í Morgunblað dagsins.

Þar sem vinstri menn lesa víst ekki Mogga, af líklega sóttvarnarástæðum og smithættu af Davíðsku,  þykir mér vissara að birta grein hennar hér ef vera skyldi að einhver þeirra slysasðist til að lesa. Stefanía skrifar nú:(þessi bloggari feitletrar )

Forréttindi og fleira

"Nýjustu skilaboð frá framtíðar- þingmanni Pírata, Helga Hrafni, sem hefur einkarétt á skilgreiningu eineltis og einn, ásamt Birgittu Jónsdóttur, hefur upplifað þau ósköp.

En að skilaboðunum, aldraðir og öryrkjar og hinir fátæku hér á landi eiga að líta á það sem forréttindi að þurfa að kljást við að finna það út hvernig þau eigi að komast af. Rök hans eru, að það sé bara ekki á orði hafandi að eiga ekki fyrir mat, lyfjum og læknisþjónustu og já yfir höfuð að vera til, því að ekki sé verið að drepa okkur, samanber flóttamenn.

Þetta eru skilaboðin til kynslóðarinnar sem upplifði fátækt og svengd í sínum uppvexti, en byggði hér allt upp af dugnaði, nú mega þau endurupplifa að hafa lítið milli handanna og ekki bara það, ekki eru þau virt sem skyldi, hvað þá sýnd væntumþykja og þakklæti.

Hún vonda ég er ekki sek né ber á því ábyrgð að fólk er að drepa hvert annað úti í heimi, en mig langar til að ljúka göngu minni hér á þessari jörð með reisn.Flóttafólk fær íbúðir, mat og læknisþjónustu og er það vel, en hvað með landsmenn sem lifa við skort og hafa sett fé í velferðarkerfið okkar? Skorturinn og fátæktin má víst líðast, því að ekki er verið að drepa okkur, – ekki ennþá.

 

Uppeldi

Uppeldi barna heillar þjóðar á stofnunum frá eins árs aldri og þar til þau koma út úr háskóla, því þangað skal farið hvort sem vit eða geta er til staðar, enda háskólinn orðinn að fjölbraut, sem skilar okkur fólki með vanþekkingu á lífinu og mikilli sjálfhverfu.

Til dæmis hafa þau ekki hugmynd um hvað það er að eiga land og haf til varðveislu. Og reynist svo lífið á einhvern hátt erfiðara en þau væntu, þá er bara að fara til annarra landa, því að ekki má bjóða því vinnu í fóðurverksmiðju eða fiskvinnslu, því að hroki þeirra er mikill, en væntanlega vilja þau éta afurðirnar sem fóðrið og fiskurinn stendur undir. Litla gula hænan birtist í mörgum myndum.

 

Stjórnmál

Stjórnmálamenn sem skammta til aldraðra, öryrkja og þeirra fá- tæku launum sem eru undir lágmarksviðmiðum, eruð að segja að okkur sé þetta nóg. Við erum með getulausan félagsmálaráð- herra.

En góða fólk, lífið er, jú, búmmerang og hver veit hvað bíður ykkar á efri árum. Miðað við bjánaganginn í stjórnmálunum í dag, gæti það hent að við völd yrðu þá ekki innfæddir Íslendingar og niðurbrot stjórnmálanna færðu ykkur að höndum skömmtun lífsgæða.

Píratar, á meðan braskað er með lífeyrissjóði okkar lágstéttarinnar og alltaf er verið að skerða greiðslur, þá eru þingmenn og ríkisstarfsfólk tryggt í bak og fyrir, þið megið vinna með greiddum lífeyri, án skerðingar, og ég hef ekki heyrt mótmæli frá ykkur. Píratar, þið þiggið þetta, og gott er að tala digurbarkalega til annarra á meðan þið hafið það gott, svo húrra Píratar, jafnrétti, frelsi og mannréttindi, en ekki bara handa útlendingum og ykkur sjálfum. Þið, sem ætlið að kjósa Pírata, eruð að biðja um stjórnleysi og upplausn sem aldrei fyrr. Pírötum fylgir niðurbrot á lögum, hefðum, trú og menningu landsins. Ég vona að þjóðin sleppi við þann hálfvita- og bjánagang, sem fylgir þeim, og undarlegt að þetta fólk skuli vera á þingi.

Jón Gnarr

Því upphefur þú sjálfan þig á kostnað Davíðs Oddssonar ? Hvar hefur og er Davíð að endurskrifa söguna? Það eru lítilmenni sem upphefja sig á kostnað annarra og þú munt aldrei ná að hafa tærnar þar sem Davíð hefur hælana, góurinn. Þú sjálfur átt eftir að fara neikvætt í sögubækurnar, sem maðurinn sem gaf lóð undir mosku, framtíðin mun sýna það. Svo er hópur fólks sem vill fá þig sem forseta landsins. Hversu djúpt eigum við að sökkva í bjánagangi ?

Þýskur blaðamaður skrifaði grein eftir upplifun sína í Reykjavík og er sú lýsing ófögur, en hann segir meðal annars: „Það er eins og það sé í tísku hjá þessari þjóð að keppast um hver sé mesti bjáninn, og fá hrós fyrir“.

Því er ekkert rætt um þessa grein hans og upplifun, líkar ykkur hún ef til vill ekki ? Nú er hvergi sagt „að glöggt sé gests augað“. 

Stefanía Jónasdóttir

Höfundur býr á Sauðárkróki."

 

Það er fáum það leikið að geta sagt meiningu sína á kurteisislegan hátt en þó svo barnslega beinskeytt að ég skora á þá sem vilja mótmæla þessu að gera það.

Stefanía er í uppáhaldi hjá mörgum sem lesa Mogga, svo mikið er víst. Hún segir það sem marga langar til að segja en þora það ekki fyrir hugsanalögreglunni.

Forsetaframboð

absúrdista hafa ekki verið fyrirferðarmikil að undanförnu.

Ef mikið framboð verður af fólki í líkingu við það sem hingað til hefur hæst borið í bjánaglottum, er þá ekki hugsanlegt að fleiri en einn verði kosnir og þeir víxli með sér forystunni eins og nú er búið að finna upp fyrir fjöldafullnægingu i ónefndum samtökum?

Þá geta allir sameinast um Forsetaembættið?

Hugsanalögregla

er ný en fyrirséð atvinnugrein sem er að ryðja sér til rúms í gistilöndum flóttamanna og hælisleitenda.

Mér duttu í hug ákveðnar hugsanir þegar ég heyrði um árásina í IKEA. Ef ég hefði látið þær í ljós á þessari síðu væri ég ekki að skrifa á hana í dag. Nú kemur í ljós að að sem ég hugsaði var rétt.  Þá má ég heldur ekki skrifa um hugsanirnar ef ég vil halda síðunni opinni. Hugsanalögreglan bannar vissar hugsanir eða birtingu þeirra.

Ég var mikill aðdáandi Torrent-síðu einnar sem hafði verið mér menntunarlega til mikils gagns. Hvernig á venjulegur maður að læra á lokuð forrit í því skyni að auka hæfni sína? Auðvitað er úr nógu siðspillandi eða leiðindagargi um að  velja á þessum síðum sem maður er ekkert að vesenast í frekar en maður vill.

Hugsanalögreglan íslenska heldur einni svona góðri síðu lokaðri. Líklega í þeim fróma tilgangi að friðþægja einhverjum rétthöfum. Þeir halda þá að þeir hafi  hindrað aðgang minn að síðunni. Þar með að ég sé þar með afgreiddur. Virkilega? Kannski líka ágætt ef allir eru ánægðir?

Hvar bankar hugsanalögreglan næst?