Er þetta allt lygi?

spyr maður sig.

Ef maður hlustar á grátinn í Ingu Sæland og kvalaveinin í öldruðum og öryrkjum, að maður tali ekki um í  verkalýðsforingjunum Sólveigu Önnu Jónsdóttur og Ragnari Þór Ingólfssyni þá er ástandið hjá launþegum svo skelfilegt að að ekki er nokkur leið að bjarga neinu nema fara í löng og góð verkföll í vetur. Að maður tali ekki um Björgvin Guðmundsson sem vonandi er enn þessa heims.

 

Hvað er til bragðs a taka í þessari alvarlegu stöðu? Þingmenn ætla greinilega engu að skila til baka af Kjararáðspeningunum.

Er þessi umtalaða 45 % kaupmáttaraukning frá 2010 bara hrein lygi þó að þetta línurit komi beint af síðu Björns Bjarnasonar sem er sagður óljúgfróður hverdags?

 

 

 

 

Jarðefnaeldsneytið er ekkert að fara.

Það er nóg olía og gas allstaðar. Ódýrasta orka sem völ er á. Jarðefnaeldsneyti er ekkert á útleið.

CO2 gerir jörðina græna. Hitasveiflur jarðar eru af eðlilegum orsökum. Hvað er rétt hitastig í sögulegu samhengi?

AlGore fjárfestir mest af gróðanum af loftslagsáróðri sínum í oliuiðnaðinum.Hann er raunsær.

Mannkynið getur ekki án jarðefnaeldsneytisins verið og því er það ekkert að fara.

Af hverju birkiplöntur?

til að laga loftslagið?

Svo segir í Mogga:

"Ákveðið hefur verið að hið aukna fjármagn á næsta ári verði að stórum hluta nýtt til aukinnar gróðursetningar á birki. Auðvelt er að auka birkirækt með skömmum fyrirvara og þegar er hafin framleiðsla á hálfri milljón birkiplantna sem gróðursettar verða næsta vor. Brátt verður boðin út framleiðsla á svipuðu magni til gróðursetningar næsta haust. Einnig er ráðgert útboð á aukinni trjáplöntuframleiðslu fyrir árið 2020 þegar aukið framlag til kolefnisbindingar verður 450 milljónir, að því er fram kemur í áætlun ríkisstjórnarinnar. [e-mail]"

Er ekki Alaska-öspin miklu hraðvaxnari og þar með afkastameiri til kolefnisbindingar en gamla hægvaxta íslenska birkið? Og Alaska- lúpínan líka? Og hvað með Kerfilinn?

Er þetta bara vegna þess að birkið er svo miklu þjóðlegra heldur en innflytjendurnir að framleiðslumarkmið ríkisstjórnarinnar megi víkja?

Orkuskiptaumræðan

er dálítið samhengislaus.

Þetta sama fólk og mest talar um orkuskiptin er á móti öllum virkjunum vatnsfalla. Hvar ætlar það að fá allt þetta rafmagn til orkuskiptanna? Kaupa það frá Bretlandi í gegn um sæstrenginn? Byggja Thoríumver á Skeiðarársandi? Eru ekki allir fossar orðnir heilagir og fráteknir fyrir túrista?

Það verður að fá rafmagn til orkuskipta. Á að taka það frá stóriðjunni og leggja hana af til þess að fá rafmagn á rafbíla í stað aflagðra dísilbílanna  sem Sjálfstæðisflokkurinn ætlar væntanlega að kaupa inn til ríkisins? Á sama tíma og afleggja á allar dísilvélar í jerðvinnu og flutningum eða hvað?

Verður ekki að ræða þessi orkuskipti í samhengi við raunveruleikann?

 

Fákænska

finnst mér aðgerðaáætlun ríkisstjórnarinnar sem hún boðar til að draga úr hnattrænni hlýnun.

Fréttin í Mbl segir svo:

"Með nýrri aðgerðaáætl­un í lofts­lags­mál­um mark­ar rík­is­stjórn­in þá stefnu að ný­skrán­ing­ar bens­ín- og dísil­bíla verði al­mennt óheim­il­ar eft­ir árið 2030. Þessi aðgerð og fleiri eru hluti af átaki í orku­skipt­um í vega­sam­göng­um, sem hef­ur það mark­mið að notk­un jarðefna­eldsneyt­is legg­ist á end­an­um af.

Raun­hæft er talið að stefna að því að hætta notk­un jarðefna­eldsneyt­is al­farið á Íslandi fyr­ir miðja þessa öld, sam­kvæmt því sem fram kem­ur í aðgerðaáætl­un­inni.

Í aðgerðaáætl­un stjórn­valda seg­ir að sam­fara þessu banni við ný­skrán­ing­um bíla sem ein­ung­is ganga fyr­ir jarðefna­eldsneyti verði þó gætt sér­stak­lega að hugs­an­leg­um und­anþágum. Mögu­lega verði þannig gerðar und­anþágur, með vís­an til byggðasjón­ar­miða, á þeim svæðum þar sem erfitt væri að nota aðra bíla en þá sem ganga fyr­ir bens­íni og dísi­lol­íu.

Með því að stefna að þessu banni við sölu bíla sem ganga ein­ung­is fyr­ir bens­íni og dísi­lol­íu myndi Ísland feta í fót­spor ríkja á borð við Frakk­land  og Bret­land, en rík­is­stjórn­ir beggja til­kynntu í fyrra að stefnt yrði að hinu sama frá ár­inu 2040.

Skoða að úr­elda eldri bíla

Í aðgerðaáætl­un­inni seg­ir einnig að gerð verði út­tekt á mögu­leg­um ávinn­ingi þess að ráðast í tíma­bundið átak við „úr­eld­ingu“ bif­reiða sem ganga fyr­ir jarðefna­eldsneyti í því skyni að flýta fyr­ir orku­skipt­um í sam­göng­um.

„Við úr­eld­ing­una yrði horft til ald­urs og eyðslu bíl­anna. Metið verður hvort tíma­bundið átak sé lík­legt til að skila sama eða meiri ár­angri en ef sömu upp­hæð yrði varið til styrk­ing­ar innviða fyr­ir lofts­lagsvæna bíla. Horft verður til reynslu annarra sem sett hafa upp slík stuðnings­verk­efni,“ seg­ir í aðgerðaáætl­un stjórn­valda.

Þar kem­ur einnig fram að ríkið ætli að verða leiðandi í að sam­fé­lag­inu þegar kem­ur að hlut­falli vist­hæfra bíla og að þeim verði fjölgað „eins hratt og mögu­legt er“, með kröf­um um að ríkið kaupi ætíð raf­bíl eða annað vist­hæft öku­tæki er bíla­flot­inn er end­ur­nýjaður.

Minnka los­un frá vega­sam­göng­um um helm­ing

Stefnt er að því að los­un kolt­ví­sýr­ings frá vega­sam­göng­um á Íslandi verði árið 2030 um það bil helm­ingi minni en nú er, eða 500.000 tonn árið 2030 í stað nærri millj­ón tonna nú.

„Reiknað er með að þessu mark­miði verði náð einkum með stór­auknu hlut­falli raf­bíla og annarra vist­vænna öku­tækja í bíla­flot­an­um,“ seg­ir í aðgerðaáætl­un stjórn­valda, sem stefna að því að hlut­fall end­ur­nýj­an­legr­ar orku í vega­sam­göng­um verði orðið 40% árið 2030.

Mark­miðið er að los­un frá vega­sam­göng­um árið 2030 verði um helm­ingi minni en hún er nú. Graf/​Um­hverf­is­ráðuneytið

Það eru þó ekki bara orku­skipt­in sem ætlað er að minnka los­un gróður­húsaloft­teg­unda. Efl­ing al­menn­ings­sam­gangna, hjól­reiða og göngu sem sam­göngu­máta er einnig sögð mik­il­væg­ur þátt­ur í að draga úr los­un­inni.

„Huga þarf að sam­göngumiðuðu skipu­lagi sem ger­ir aðra ferðamáta en ein­stak­lings­bíla að raun­hæf­um val­kost­um. Sam­tím­is er mik­il­vægt að breyta ferðavenj­um, gera þær fjöl­breytt­ari með öfl­ug­um al­menn­ings­sam­göng­um, deili­hag­kerf­is­lausn­um og styrk­ingu innviða fyr­ir gang­andi og hjólandi,“ seg­ir í aðgerðaáætl­un stjórn­valda."

Hvað með flugsamgöngurnar? Ætlar ríkisstjórnin að leggja hömlur á flugið sem mengar margfalt kröftugar en landsamgöngurnar.? Á Ísland sem  mengar brot af því sem stórþjóðirnar gera að gera sér lífið svona erfitt? Á það að neita sér um vörubíla og jarðvinnuvélar 2030?

 Hverskyns utópíu fyrir Ísland  sér þetta fólk fyrir sér? 

Aðgerðaáætlun ríkisstjórnar Sjálfstæðisflokks, Framsóknarflokks  og Vinstri Grænna  er byggð á ósönnuðum vísindum sem margir vísindamenn færa gild rök gegn. Magn CO2 í andrúmsloftinu hefur ekki verið lægra í 600 milljón ár

Á ég að styðja þessa fákænu aðgerðaáætlun í loftslagsmálum  bara af því að ég er í Sjálfstæðisflokknum sem hefur ekki rætt þetta á landsfundi?

Því miður

tókst Svíþjóðardemókrötunum ekki að vinna sigur í sænsku kosningunum.

Innflytjendadekrið, bílabrennurnar og götumorðin halda því áfram og sænskt samfélag getur ekki tekist á við vandann.

Svíum er vorkunn, Þeir geta ekki ráðið fram úr vandanum sem þeir eru í,

-því miður.

Fáránleiki

nágrannamótmæla hefur birst mér í sambandi við vindmyllur.

Eigi maður land og vilji maður reisa á því vindmyllu þá getur nágranninn stöðvað það með því að mótmæla á grundvelli þess að honum finnist vindmyllur ljótar.

Ég hef orðið vitni að því endurtekið að svona er þetta. Þú mátt ekki nýta eign þína.

Ef þetta er ekki umhverfisfasismi þá veit ég ekki hvað það er.

Það er algerlega fáránlegt að maður megi ekki nýta jarðeign sína vegna þess að nágranninn sem á engra hagsmuna að gæta finnst vindmyllur vera ljótar. Þetta er hinsvegar staðreynd málsins. Eignarréttur þinn er takmarkaður ef um vindmyllu er að ræða. 

 

Mér finnst þetta fáránlegt.

Engin vindorka á Íslandi?

skyldi maður halda vegna þess hversu íbúar eru öndverðir við öllum hugmyndum um nýtingu hennar.

Í Þykkvabæ skrifuðu einhverjir tugir undir mótmæli gegn vindmyllum og sveitarstjórnin lyppaðist niður. Engar vindmyllur fá að rísa. Engu breytir að slíkar framkvæmdir eru 100% afturkræfar mótsett við Hvammsvirkjun og Urriðafossvirkjun svo eitthvað sé nefnt.

"Stærsta sjávarvindorkubú heimsins hefur nú verið klárað fyrir rétt undan strönd Bretlands. Kostnaður við uppsetningu á orkubúinu var um 140 milljarða íslenskra króna. Hver vindmylla er um 190 metrar á hæð, til samanburðar má nefna að Hallgrímskirkja er rúmlega 75 metrar á hæð. Alls eru 189 vindmyllur sem geta framleitt 660 MW, en til samanburðar getur Kárahnjúkavirkjun framleitt 690 MW.

Það var danska fyrirtækið Orsted sem byggði og rekur orkubúið en framkvæmdir hófust árið 2015. Um 250 manns munu sjá um viðhald og rekstur orkubúsins."

Biokraft reisti 2 vindmyllur í Þykkvabæ fyrir nokkrum árum.Þær gengu áfallalaust nokkur ár þar til önnur brann og hefur ekki verið endurnýjuð.Nú er útséð um að fleiri vindmyllur fá ekki að rísa á þessum slóðum þrátt fyrir mjög hagstæð skilyrði.

Það er leitt að vindorkuna á Íslandi má ekki nýta.

Plattenschlägerei

er svona skemmtisamkunda eins og Landsfundur Flokks Fólksins. Gersamlega ábyrgðarlausar yfirlýsingar um stórhækkuð skattleysismörk. 

Bjarni Benediktsson hafði svarað því hvað hækkun 300.000 kr. myndi kosta ríkissjóð:

" Tekjur ríkissjóðs af tekjuskatti einstaklinga myndu skerðast um rúmar 149 milljarða ef skattleysismörk atvinnutekna yrðu 300 þúsund krónur. Þetta kemur fram í svari Bjarna Benediktssonar fjármálaráðherra við fyrirspurn frá Guðmundi Inga Kristinssyni, þingmanni Flokks fólksins. 

Þar kemur jafnframt fram að með slíkri breytingu myndi þeim sem greiða hvorki tekjuskatt né útsvar fjölga úr rúmlega 42 þúsundum í 119 þúsund manns. Þeim sem ekki greiða ríkissjóði neinn tekjuskatt myndi fjölga úr 78 þúsund í 171 þúsund.  Þá myndi þeim sem greiða tekjuskatt til ríkisins að sama skapi fækka úr 220 þúsund í 126 þúsund eða um 42 prósent. "

Ekki dugði þetta grátkonunni Ingu Sæland né hagfræðingnum Ólafi Ísleifssyni. Þau bættu við 20.000 kalli og komu því tekjufallinu langleiðina að 200 milljörðunum.

Til hvers eru menn með svona gersamlega ábyrgðarlausar sýningar og upphlaup?

Þjóðverjar kalla svona fyrirbæri Plattenschlägerei en ekki pólitík.

 

Framhald fíflalátanna?

Páll Vilhjálmsson bloggkóngur skrifar þetta:

"Við sameiningu Þýskalands fengu Rússar loforð fyrir því Nató yrði ekki stækkað í austur. Það loforð var svikið blákalt.

Ágangur Bandaríkjanna/ESB við vesturlandamæri Rússlands leiddi til Úkraínudeilunnar 2014. Við það urðu Íslendingar í gegnum Nató-aðild og EES-samninginn óvinir Rússa.

Óvinátta okkar og Rússa er siðlaus, ræðst eingöngu af stórveldapólitík, þar sem svokallaðir vinir okkar hafa á röngu að standa. Að einhverju marki þurfum við að fylgja bandalagsríkjum okkar. En við eigum að láta í ljós vanþóknun okkar á siðlausu framferði. Jafnframt eigum við að losa okkur við bandalög sem þjóna ekki hagsmunum okkar. Til dæmis EES-samninginn."

Á sama tíma horfum við á stórfellda viðskiptaaukningu Þýskalands og Rússlands. Án rússnesks gass getur Angela Merkel lokað iðnaði landsins. 

Af hverju erum við enn að framfylgja þvingunum á Rússland vegna þess að Krímskaginn gekk þeim á hönd sjálfviljugur með atkvæðagreiðslu íbúanna sjálfra?

Hverjir greiddu atkvæði gegn Icesave og sigruðu ESB dómstólinn? Voru það ekki Íslendingar sjálfir?

Hvað á framhald fíflalátanna að þýða sem stórskaða vináttu okkar og Rússa?