Durtshátturinn

ræður ríkjum í íslenskum verslunum.

Hvamargapoka? spyr stimplarinn á kassanum í kjörbúðinni? Það er svo fleygt í þig þykkum plastpoka og stimplarinn hrærir ekki hönd né fót til að hjálpa þér að setja vörurnar í pokana með tilheyrandi töfum í afgreiðslunni.

Af hverju láta íslenskir kaupmenn vörurnar ekki í mjög þunna plastpoka á hringekju um leið og þeir stimpla vörurnar inn eins og hér er gert í USA. Allt önnur þjónusta við kúnnann, miklu hraðvirkara, oft með vinnu gamlingja til viðbótar sem þýðir aukin stimamýkt við kúnnann sem kostar hann ekkert og heildarþyngd á plastinu er miklu minni.Algengt er að þeir bjóði eldra fólki að hjálpi því með vörurnar út í bíl. Nei durtshátturinn er það eina sem íslenskir kramarar sýna þegar þeir  fleygja í mann hnausþykkum auglýsingaplastpoka frá þeim sjálfum  sem maður borgar svo stórfé fyrir til viðbótar svívirðingunni sem fylgir þessarri skylduvinnu fyrir kaupmanninn.

Svo fær kúnninn bágt fyrir til viðbótar  hjá öllum umhverfisfasistunum af því að sorpið og þessir þykku plaastpokar  er urðað á Íslandi í stað þess að brenna það og endurheimta þannig orkuna úr því eins og gert er hjá siðuðum þjóðum. Honum er kennt um sóðaskapinn sem mistæk sorpurðunin er.Almenningur er gerður ábyrgur fyrir plastpokamenguninni og landspjöllunum sem þessu fylgir og hann borgar sjálfur fyrir hjá kaupmannahyskinu.. 

Miðað við þá kurteisi sem hér er sýnd hjá Walmart og Publix í Florida þá eru Krónan, Bónus og Samkaup bara dónar og ruddar þegar þeir afgreiða sína kúnna. Allir saman bara með durtshátt í afgreiðslu sem þeir kæmust ekki upp með í USA. 

Aumingja Bára

þessi yfirlætislausi samkynhneigði öryrki  sem stýrir útliti sínu þannig að hún er álíka óeftirtektarverð eins og skreytt jólatré með ljósum á Austurvelli í  júní.

Hún er svo máttfarin og heilsuveil að hún varð að sitja í hjólastól á Austurvelli á mótmælafundi. 

Hún staulast einhvernveginn ein inn á Klausturbar þar sem hún þekkir aðeins Sigmund Davíð í hópi þvílíkra gagnkynhneigðra klámkjafta að henni fer að ofbjóða. Þar kemur að því að henni fer að ofbjóða talið. Hún tekur ákvarðannir um að þetta þurfi hún að taka upp.

Svo lítið ber á fer hún að taka upp samræður þeirra á eldgamlan síma sem hefur líklega fremur stuttan endingartíma batteríis undir bunka af bæklingum.

Sjálf segist hún hafa komið inn til að fá sér einn kaffibolla sem hefur væntanlega kólnað eitthvað á öllum þeim tíma sem upptakan stóð yfir.

Eigendur Klaustursbarsins svíkjast að henni með því að taka allt atferli hennar á öryggismyndavélar.Þær sýna að hún situr í bíl sínum í stundarfjórðung fyrir utan barinn eins og ljónynja situr um gazelluhóp sem hún vaktar og ljósmyndar til undirbúnings inngöngu sinnar.

Síðan er hún á ferð og flugi án hjólastóls  inn á barnum með pappíra, svarta kassa, heyrnartól og snúrur, hleypur inn og út úr myndsviði og er upptakan álíka löng og vera hennar samanlagt á barnum þannig að mikill hefur krafturinn verið í kláminu hjá dónunum úr því að henni tókst að hneykslast þegar i stað og ná því mestu á upptökutæki sín.

Alein og óstudd tæknimanneskja að leysa verkefni sem FBI og CIA hefðu talið sig eiga fullt í fangi með. 

Svo lýsir Morgunblaðið þessu:

"Myndefni úr öryggismyndavélum er sagt benda til þess að framganga Báru Halldórsdóttur, sem tók upp samtal sex þingmanna á Klaustri Downtown bar hinn 20. nóvember 2018, hafi verið undirbúin.

Hún hafi því ekki komið á barinn fyrir tilviljun, eins og hún hefur haldið fram.

Bergþór Ólason alþingismaður sagði í samtali við Morgunblaðið að lögmaður fjögurra þingmanna Miðflokksins sem voru á barnum, þeirra Sigmundar Davíðs Gunnlaugssonar, Gunnars Braga Sveinssonar, Önnu Kolbrúnar Árnadóttur og Bergþórs, hefði skoðað myndefni sem Persónuvernd aflaði vegna málsins. Af því mætti ýmislegt ráða um atburðarásina umrætt kvöld.

Á myndbandsupptöku sæist Bára sitja í bíl sínum utan við Klaustur bar klukkan 19.29 umrætt kvöld. Bílljósin lýstu inn í veitingasal Klausturs og á borðið þar sem þingmennirnir sátu.

Síðan slokknuðu bílljósin kl. 19.41 og Bára gekk inn á barinn.

Samkvæmt þessu sat hún fyrir utan barinn og virti fyrir sér aðstæður í að minnsta kosti tólf mínútur áður en hún fór inn.

Þegar hún steig út úr bílnum virðist hún hafa tekið mynd inn um glugga af þingmönnunum. Myndin birtist síðan á vefmiðlum en Bára hefur neitað því að hafa tekið myndina.

Þegar Bára kom inn á Klaustur virðist hún fyrst hafa farið á salernið, síðan inn á barinn kl. 19.48 og þaðan í innri salinn mínútu síðar þar sem þingmennirnir sátu. Þar settist hún við borð kl. 19.49 og lagði frá sér handtösku.

Hún fór úr jakkanum og sótti inn á sig svartan hlut og lagði við handtöskuna.

Svo sótti hún matseðil af næsta borði og fékk sér aftur sæti. Bára tók upp hvítan handfrjálsan búnað, heyrnartól, og lagði á töskuna kl. 19.50.

Hún tók svo búnaðinn til baka en þá virðist loða við hann svört snúra sem datt. Hún tók snúruna og stakk aftur fyrir töskuna.

Síðan setti hún handfrjálsa búnaðinn á sig og tengdi við símann.

Hún aftengdi handfrjálsa búnaðinn frá símanum kl. 20.01 en var áfram með hann í eyrunum. Svo tengdi hún handfrjálsa búnaðinn aftur við símann kl. 20.12. Mínútu síðar tók hún í töskuna og handlék snúru í eða við hana.

Þá sjást tveir svartir hlutir og snúrur undir töskunni. Bára hagræddi töskunni kl. 20.35 og þá sjást svört stykki og snúrur undir henni.

Bára tók í töskuna kl. 20.40 og tók upp svarta snúru eða hlut, setti upp gleraugu og leit undir bekkinn sem hún sat á og skimaði í kringum sig.

Síðan stóð hún upp, tók svartan hlut með sér og færði sig út fyrir myndsviðið. Hún kom til baka mínútu síðar án svarta hlutarins.

Síðan tók hún muni sína og tösku kl. 20.42 og þar með tvö svört stykki og snúrur undan henni.

Svo flutti hún sig út fyrir myndsviðið og kom ekki aftur inn í það.

Svo virðist sem Bára hafi setið eftir það eins langt frá þingmönnunum og mögulegt var.

Bergþór sagði að á upptökunni sæist að Bára hefði gjarnan haldið á símanum, horft á skjáinn og dregið fingur yfir hann.

Eftir kl. 20.40 hafi af og til sést til ferða Báru fram á bar eða í anddyri Kvosin Hotel sem er í sama húsi.

Þangað sótti hún tvívegis ferðabæklinga.

Svo sést þegar hún yfirgaf staðinn kl. 23.39.

Myndskeiðinu sem lögmaður fjórmenninganna hefur skoðað lauk kl. 23.52."

Þetta er allt saman auðvitað allt í samræmi við framburð þessa vesalings öryrkja sem svo margir eru að pirra.

Af hverju er fólk svona vont við vesalings öryrkjann?

Aumingja Bára. 

Kemur mér þetta eitthvað við?

Viðar Guðjohnsen lyfjafræðingur skrifar í Mbl. í dag. Þar rifjar hann upp eftirfarandi:

"Á síðasta landsfundi voru línurnar lagðar með eftirfarandi samþykkt:

„Sjálfstæðisflokkurinn hafnar frekara framsali á yfirráðum yfir íslenskum orkumarkaði til stofnana Evrópusambandsins.“

Samþykktinni var beint gegn þriðja orkupakkanum.

Þeir sem halda því fram að þessi samþykkt hafi verið sett fram af einhverju handahófi og tengist ekki þriðja orkupakkanum skulu skýra sitt mál."

Forysta Sjálfstæðisflokksins hefur ákveðið að samþykkja 3. orkupakkann.Hún gefur ekkert fyrir mínar skoðanir og fleiri sérvitringa.

Kemur mér þetta eitthvað við lengur?

Veður Bjarni reyk?

hvað varðar 3. Orkupakkann þegar hann skrifar svo:

 

"Innleiðingin verður á öllum orku­pakkanum gagnvart ESB:

Því fer víðs fjarri, að ein sam­eig­in­leg frétta­til­kynn­ing ís­lenzks ráð­herra og eins fram­kvæmda­stjóra ESB hafi nokkra laga­lega skuld­bind­ingu í för með sér fyrir Evr­ópu­sam­band­ið (ESB).
Að undan­skilja gerð nr 713/2009 við inn­leið­ingu Al­þing­is á ESB-Orku­bálki #3 hefur þess vegna ekkert laga­legt gildi gagnvart ESB. 

Þetta þýðir, að ESB-gerð, sem brýtur gegn Stjórnarskrá að mati Stefáns Más Stefánssonar og Friðriks Árna Friðrikssonar Hirst, verður innleidd í lög á Íslandi samkvæmt Evrópurétti. ESB verður óbundið af þeim fyrirvara Alþingis að skilja gerð 713/2009 frá innleiðingu Orkubálks #3 í EES-samninginn.

Sæstrengsfjárfestar munu geta sótt um leyfi til Orkustofnunar fyrir sæstrengslögn til Íslands, eins og ekkert hafi í skorizt, þ.e. eins og enginn fyrirvari þessu lútandi hafi verið settur í íslenzk lög. Af munu hljótast málaferli, sem aðeins geta endað á einn veg.

Réttur vettvangur breytinga/aðlögunar fyrir EFTA-ríkin:

Að gera lögformlegt samkomulag við ESB um að fella niður heila gerð í heildstæðum ESB-lagabálki fyrir innleiðingu í einu EFTA-landi er ómögulegt á símafundi. Yfirlýsing samþykkt á símafundi hefur aðeins pólitíska þýðingu hér innanlands, en alls enga réttarlega þýðingu eða skuldbindingu fyrir ESB.
Eini rétti formlegi vettvangurinn fyrir slíka undanþágu eru samninga­viðræður í Sameiginlegu EES-nefndinni, þar sem saman koma fulltrúar allra viðkomandi EFTA-landa og ESB. Breytingar, sem út úr slíkum samninga­viðræðum kynnu að koma, þurfa síðan að hljóta samþykki Fram­kvæmda­stjórnar­innar, Ráðherra­ráðsins og ESB-þingsins. 

Við þessar aðstæður er ekkert til, sem hægt er með réttu að kalla „orkupakka á íslenzkum forsendum“. Með því er slegið ryki í augun á fólki með lögfræðilegum loftfim­leikum hér innanlands.

Sæstrengurinn „Ice-Link“:

Í umræddri fréttatilkynningu ráðuneytanna (UR, ANR) 22.03.2019 stendur: „Á sameiginlegum þing­flokks­fundi stjórnar­flokkanna 20. marz sl. var ákveðið að draga til baka umsókn um sæstrengs­verkefnið IceLink inn á fjórða PCI-listann (e. Projects of Common Interest). Hefur erindi þess efnis þegar verið sent.“ Núgildandi PCI-listi er nr 3, ekki nr 4, og gildir hann fram á árið 2020. 

Hvers vegna var ekki óskað eftir að fjarlægja „Ice-Link“ af núgildandi lista ? Það er vegna þess, að slík beiðni myndi engin áhrif hafa. Beiðni ríkis­stjórn­ar­innar er ekki einu sinni nægjanleg til að forðast, að „Ice-Link“ fari á nýja listann árið 2020. Þótt hann fari út af fjórða listanum, getur hann farið inn á fimmta listann 2022. Hvaða réttmætur hagsmuna­aðili sem er, getur óskað eftir því við ACER/ESB, að „Ice-Link“ eða t.d. „Ice-Ire“ (sæstrengur til Írlands) fari inn á PCI #4, t.d. raforku­fyrirtækið E´ON eða annar sæstrengs­fjárfestir. Þótt beiðni ríkis­stjórnar Íslands verði vafalaust vegin og metin, hefur hún ekki neitunar­vald um málið.

Það er ekki sopið kálið, þótt í ausuna sé komið, því að í Kerfisþróun­ar­áætlun ESB er gert ráð fyrir „Ice-Link“, og hann er einnig í samevrópskri heildaráætlun (energy corridors) fyrir orkuflutninga. Þar eru mörg samþykkt skjöl og formleg ferli, sem við eiga, svo að áhrif íslenzku ríkisstjórnarinnar eru takmörkuð. Þessi beiðni frá Íslandi dugar ekki endilega til að hindra, að strengurinn fari inn á PCI#4.

Hreinar línur:

Sú leið, sem ríkisstjórnin ætlar að fara í orkupakka­málinu, er ófær, af því að hún brýtur EES-samninginn og er þar með á skjön við Evrópurétt. Annaðhvort verður þingið að samþykkja Orkupakka #3, eins og hann kom frá Sameiginlegu EES-nefndinni, eða að hafna honum alfarið. Það er ekki hægt að samþykkja aðeins hluta af honum, en hafna eða fresta hinu. 

Afleiðingin af þessu er sú, að hagsmuna­aðilar, t.d. Vattenfall í Svíþjóð, geta kært ólögmætan gjörning Alþingis (að Evrópurétti) fyrir ESA, og þá mun þessi innleiðing hrynja, eins og spilaborg, og eftir mun standa í íslenzkri löggjöf Þriðji orkumarkaðs­laga­bálkurinn án nokkurrar undantekningar, þ.á.m. sá hluti hans, sem 2 af 4 lagalegum ráðgjöfum utanríkis­ráðu­neytisins töldu brjóta í bága við Stjórnarskrá Íslands. 
Þar með virðist einnig myndast grundvöllur fyrir málshöfðun á hendur ríkinu fyrir íslenzkum dómstólum fyrir stjórnar­skrárbrot.

Bjarni Jónsson rafmagnsverkfræðingur."

Fyrir mér er þetta einfalt:

3. Orkupakkinn fjallar um þá stefnu ESB að koma á viðskiptum með orku eins og með aðra vöru og þjónustu sem er megininntak ESB. Hvernig getum við verið að skuldbinda okkur til slíks samstarfs ef við ætlum ekki að lifa eftir því?

Til hvers erum við þá að vera í þessu EES samstarfi ?  Bara til þess að njóta þess sem okkur passar en hafna hinu? Er það okkur sæmandi?

Hvaða hag höfum við af því að undirrita yfirlýsingu um að koma á evrópskum orkumarkaði ef við höfum ekki sannfæringu fyrir réttmæti þess markaðar?

Annaðhvort höfum við hagsmuni af því að selja orkuna hæstbjóðanda eða við höfum ekki hagsmuni af því þar sem almenningur gæti þurft að greiða hærra verð fyrir kílówattið meðan ríkissjóður ,þjóðarbúið og Landsvirkjun hagnast á meira því?  

Almenningur og stóriðjan greiði meira til ríkisins sem selur orkuna.Samanlagður hagnaður af orkuframleiðslu verði meiri. 

Hverjir eru þá kostir þess að stóriðja sé fremur staðsett hérlendis en erlendis? Hugsanlega margir. En hefur þeim þá ekki fækkað um einn sé orkan á sama verði? 

Fylgja því þá ekki afgerandi kostir að unnið sé úr raforkunni á Íslandi fremur en annarsstaðar? Stóriðja, gagnaver, vetnisframleiðsla, áburður svo dæmi séu tekin?

Eru Bjarni Jónsson og fleiri að vaða reyk með því að leggja til að við samþykkjum ekki 3. orkupakkann né aðra slíka meðan kostir útflutnings raforku eru ekki augljósir?

Ekki gott Elías

minn Elíasson  finnst mér að lesa þig snúast í 3.orkupakkamálinu. Sópa til hliðar megininntaki hans um að koma á sameiginlegum markaði með orku.

 Ég skil ekki hvernig sú þjóð sem gerist aðili að markaðsstefnumáli um orku getur verið á móti því  að fara á þann markað með því að hafna tengingu við markaðinn? Mér finnast rök um að spilla ekki andrúmsloftinu í EES með höfnun léttvæg þegar engir kostir fylgja.Eru fleiri ástæður fyrir viðsnúningi þínum en við blasa á þessari stundu?

Ég fylgi ekki þeim stjórnmálamönnum sem greiða atkvæði með samþykktinni. Ég verð áfram á móti 3.orkupakkanum sem ekki góðum kosti þótt þú Elías minn Elíasson hafir snúist svona algerlega í málinu.

  . 

Hvað kostar Skúli Mog?

íslenskan almenning?

Hann leigir Magnús Árna Skúlason hagfræðing til að mála skrattann á vegginn ef ´ríkið kemur honum ekki til bjargar. Svo segir m.a.í Mbl.:

"Gæti veikst um 5-10% Magnús Árni Skúlason, framkvæmdastjóri Reykjavík Economics, var annar skýrsluhöfunda. Hann segir aðspurður ekki ólíklegt að gengi krónu muni veikjast um 5-10% með brotthvarfi WOW air. Verðbólguáhrifin séu þriðjungur af gengisfalli sem þýðir að slík veiking skilar 1,7%-3,3% verðbólgu. Með því myndi verðbólga, sem nú mælist um 3%, að öðru óbreyttu fara í 5-6%. „Þetta ræðst líka af því hvernig kjarasamningar fara. Ef laun hækka langt umfram innstæðu og hagnaður fyrirtækja dregst saman gætum við séð víxlverkun launa og verðlags, líkt og á 9. áratugnum,“ sagði Magnús Árni, sem telur að Seðlabankinn muni verja gengi krónunnar meðan á kjaraviðræðunum stendur."

Hvað kostar gengisfall krónunnar um 10 %? Verður það undir 200 milljörðum sem almenningur þarf að greiða strax?. Svo til viðbótar kemur óðaverðbólga og stórhækkun allra skulda?

Hvort á Skúli Mog. flughetja  heldur að fá Fálkaorðu eða vera tjargaður og fiðraður á Austurvelli?

Það er nokkuð afrek að hafa leikið lánardrottna sína svo hart að þeir sjá engan annan kost til að afskrifa ekki allt klabbið á einu bretti  að breyta skuldunum í hlutafé sem hugsanlegri frestun á ógæfunni. Það er ekki svo lítið afrek hjá Skúla Mog.

Hann Skúli Mog. er þegar orðinn íslenskum heimilum dýr eftir hans eigin útreikningum.

Mesti hagvöxtur í USA í 14 ár

3.1 í einhverri stjarnfræðilegri einingu sem Trump nefndi ekki í tístinu sínu.

En staðreyndin er að það er mesti hagvöxtur í USA í 14 ár í forsetatíð Donalds J. Trump.

Ætli sé nokkur hætta á að þetta fréttist til RÚV?

Er Vá fyrir dyrum?

þó að WOW hætti starfsemi?

Svo segir í Mbl.:

"Tap flugfélagsins WOW air nam 22 milljörðum króna í fyrra. Þar af var EBITDA félagsins (afkoma fyrir fjármagnsliði, afskriftir og skatta) neikvæð sem nam 10 milljörðum króna. Þetta herma heimildir Morgunblaðsins. Tap sem varð í tengslum við sölu fjögurra nýlegra Airbus-þota til Air Canada undir lok síðasta árs hafði mikil áhrif á afkomuna. Þar hafi munað mest um að tveir þotuhreyflar sem fylgdu með í sölunni hafi ekki staðist söluskoðun og að það hafi rýrt mjög söluandvirði vélanna. Hlutfallið neikvætt um 83%

Afleit afkoma félagsins veldur því að eigið fé félagsins er um þessar mundir neikvætt sem jafngildir rúmum 13,3 milljörðum króna. Það þýðir að eiginfjárhlutfall félagsins er neikvætt um 83%. Gera áætlanir félagsins ráð fyrir að enn muni staðan versna og að eigið fé verði neikvætt um mitt ár sem nemur 14 milljörðum króna. Það jafngildir því að eiginfjárhlutfall félagsins verði neikvætt um 87%. Sömu gögn sýna að í lok árs er gert ráð fyrir að eiginfjárhlutfall félagsins verði neikvætt um 101%.

Isavia lánar til tveggja ára

Heimildir Morgunblaðsins herma að Isavia hafi komið til móts við erfiða stöðu WOW air og breytt kröfum vegna lendingargjalda, sem komnar voru yfir gjalddaga, í lán til tveggja ára. Nemur upphæð lánsins um 1,8 milljörðum króna og ber það 6% vexti. Lendingargjöld sem komin eru fram yfir gjalddaga bera alla jafna dráttarvexti, eða 10,25%. Skuldir WOW air nema um þessar mundir 20 milljörðum króna.

Ásamt skuldinni við Isavia er Arion banki stór lánardrottinn félagsins. Upplýsingar sem Morgunblaðið hefur undir höndum sýna að langtímalán sem bankinn hefur veitt standa í tæpum 1,6 milljörðum króna. Lánin eru öll veitt til þriggja ára. Tvö þeirra eru á gjalddaga á næsta ári en þriðja lánið var veitt á þessu ári og verður gert upp árið 2022.

Aðrir stórir lánveitendur WOW air eru flugvéla- og hreyflaleigufyrirtæki.

Stærsta skuldin er við Avolon eða jafnvirði 1,9 milljarða króna. Þá er einnig 1,6 milljarða skuld við flugvélaleigufélagið ALC sem á flestar þeirra þota sem WOW air notast við enn í dag. Skortir mjög lausafé Upplýsingar sem Morgunblaðið hefur séð sýna að þörf er á að minnsta kosti 10 milljarða innspýtingu í félagið á þessu ári, eigi það að eiga sér viðreisnar von. Sem stendur er lausafjárstaða félagsins neikvæð sem nemur ríflega 11 milljónum dollara...."

Til hvers stofnaði Skúli Mogensen WOW?

Til að hjálpa hnípinni þjóð í vanda sem vantaði ódýr flugsæti?Ekki ætlaði hann að græða eitthvað sjálfur?

Hvað olli stofnun WOW miklu tapi hjá Icelandair? Hvert fóru þeir peningar annað en til okkar almennings?

Margt slíkt má ímynda sér þegar umræðan er skoðuð.

Tapar þjóðin einhverju meira en þeir sem eiga núna inni fargjöld hjá flugfélagi sem ekki flýgur meira?

Á þjóðin miklar vonir um að fá lendingargjöldin greidd eftir 3 ár?

Á Aríon eftir að fá allt sitt og aðrir bjartsýnismenn?

Verður Skúli greyið ekki ósköp blánkur ef WOW hættir? Vorkennum við honum ekki alveg ægilega?

Verður samgöngubrestur hjá þjóðinni ef WOW hættir? Varla lengi miðað við þann aragrúa flugfélaga í heiminum.

Það er allstaðar skortur á hæfu flugfólki og ungt fólk er að læra til þeirra starfa unnvörpum.

Svo verður ekki Skúli Mogensen að sætta sig við að kærleikur hans til hinnar jarðbundnu íslensku þjóðar nái ekki lengra að sinni vegna skorts á peningum?

Eru ekki flest mannleg vandamál líka byggð á þessum fjárans blánkheitum allstaðar? Hjá Eflingu sem og víða annarsstaðar?Sami bardaginn hjá Sólveigu Önnu, Villa Birgis. og Skúla Mog.? Þetta helvítis krónu- og aurasuð alla daga?

Mér finnst ég sjálfur  hafa alveg fengið minn skerf af slíku um dagana og aldrei fengið það sem mig vantaði þannig að samúð mín er með öllum þeim sem vantar aura.Blánkheit eru svakalega svekkjandi í mínum augum.

Auðvitað er Vá fyrir dyrum alla daga þegar peningana vantar.

Fín ferð á Florída

var hjá okkur hjónum í dag . Keyrðum á þriðjahundrað kílómetra á átta cylindra Cadillac eftir breiðvegakerfinu hér í Florida þar sem oft meira en átta akreina rennisléttir vegir liggja um dásamlega fallegar jafnbreiðar einingabrýr um mislæg gatnamót. Endalaus straumur fallegra bíla eyða bensíni sem kostar 70 krónur á lítrann í náttúrufegurðinni í grænum skógum.

Það er hvíld að heyra ekki kjaftæðið um orkuskiptin þegar jarðefnaeldsneytið er sú orka sem mannkynið ekki getur verið án. 

Það er dásamlegt að heyra ekki í vitleysingunum sem þrugla um einhverja gangandi og hjólandi umferð sem þekkist ekki í þessu stóra og frjálsasta landi heimsins. Þar sem hagvöxtur æðir upp meðan Evruspekingar á Íslandi vilja hneppa þjóðina í grískan þrældóm. 

Hvaða þá að maður heyri þvaður um einhverja Borgarlínu, kolefnisgjöld og kvóta sem þarf að kaupa af Evrópusambandinu fyrir skattfé borgaranna þegar bíllinn er almenningseign og sá samgöngumáti sem einn gengur upp í svona ríki.Og auðvitað alls staðar þar sem  vitibornar verur ráða ríkjum.

Bandaríkin eru land hinna frjálsu sem hafa vit á að kjósa sér forseta með viti eins og Donald J. Trump sem dettur ekki í hug að hlaupa eftir hindurvitnum hinna fjörtíuþúsund fífla frá París hvað þá að hlusta á barnakjána í Noregi sem krefjast þess að Norðmenn hætti olíuvinnslu vegna hlýnunar andrúmsloftsins. Trump segir olíufyrirtækjunum að dæla sem mest þau mega til að lækka orkuverðið til almennings í öllum heiminum.Heimsleiðtogi er þessi maður meðal fífla.

Hvað gera okkar Alþingisbjálfar´i orkumálum?

Skattleggja þeir ekki þá sem minnst mega sín vegna sérvisku hálfvita og umhverfisfasista? Láta okkur eyðileggja bensínið með því að blanda etanóli í bensínið sem er framleitt úr maís sem er tekinn frá hungruðum heimi fyrir tilverknað umhverfisfíflanna.

Skömm fyrir okkur sem þjóð og þær vitibornu verur sem við segjumst vera. 

Ferð á Florida er hvíld frá heimskunni

 

Grafarþögn

er nafn á enn einni bullusögu eftir Arnald Indriðason frá 2001, sem ég klára hér í sólinni á Flóridu.Annars les ég yfirleitt ekki reyfara.

Það er ekki á þennan höfund logið. Hann er einstaklega hugmyndaríkur og klár í að flytja mann til í tímanum og lýsa veröldum sem voru.

Þetta er æsispennandi saga og maður varð margsaltvondur að lesa um fúlmennskuna sem hann lýsir. 

En þá er ég búinn með þrjár bækur eftir Arnald á stuttum tíma og ég skil velgengni slíks höfundar og er stoltur af því að okkar þjóð skuli eiga slíkan höfund. 

Nú er ég búinn að koma auga á bækur eftir kollega Yrsu hér í bókahillunni og ætli maður verði ekki að athuga þær næst þar sem ég sé ekki fleiri eftir Arnald þegar Grafarþögn lauk.