Árið 2006

skrifaði Samorka skýrslu um viðbrögð við heimsfaraldri.

Samorka eru samtök orku-og veitufyrirtækja landsins. Þau hafa stjórn nýlega kjörna:

Aðalmenn

• Helgi Jóhannesson, formaður
• Berglind Rán Ólafsdóttir, varaformaður
• Gestur Pétursson, meðstjórnandi
• Guðmundur Ingi Ásmundsson, ritari
• Kristín Linda Árnadóttir, gjaldkeri
• Sigurður Þór Haraldsson, meðstjórnandi
• Tómas Már Sigurðsson, meðstjórnandi

Varamenn stjórnar

• Arndís Ósk Ólafsdóttir
• Elías Jónatansson
• Guðbjörg Marteinsdóttir
• Gunnar Hrafn Gunnarsson
• Hörður Arnarson

Stjórn kjörin á aðalfundi Samorku 10. mars 2020.

Merkilegt er að þessi samtök hafa lítt blandað sér í umræður um farsóttina. En þau hafa sannarlega hugsað fram í tímann þegar þau létu vinna þessa vönduðu skýrslu.

https://www.samorka.is/wp-content/uploads/2016/06/Vi%C3%B0brag%C3%B0sa%CC%81%C3%A6tlun-vegna-farso%CC%81ttar.pdf

Lokaorð hennar voru þessi:

"Það er mat sérfræðinga hérlendis og erlendis að heimsfaraldur inflúensu sé yfirvofandi þótt ekki sé unnt að segja til um hvenær hann skelli á eða út frá hvaða veirustofni hann muni þróast.

Alþjóða heilbrigðismálastofnunin (WHO) hefur gefið út leiðbeiningar til þjóðlanda um viðbrögð og fjölmörg þjóðlönd hafa unnið viðbragðsáætlanir eða eru með þær í vinnslu. Yfirvöld þjóðlanda beina almennt þeim tilmælum til fyrirtækja og stofnana að þau geri ráðstafanir til að unnt verði að halda grunnstarfsemi þjóðfélagsins gangandi á meðan farsótt gengur yfir.

Eins og áður segir er vinna í fullum gangi í fjölmörgum starfshópum á vegum Ríkislögreglustjóra og Sóttvarnarlæknis og verður viðeigandi upplýsingum bætt inn í viðbragðsáætlun veitna þegar þær liggja fyrir.

Með þessari vinnu er Samorka að uppfylla ósk forsætisráðuneytisins frá 22. mars 2006 um gerð viðbragðsáætlunar vegna farsóttar (viðauki 4).

Veitufyrirtæki eru eindregið hvött til þess að útbúa eigin viðbragðsáætlun á grundvelli þessara gagna og nota hana síðan í fyrirhugaðri landsæfingu almannavarna snemma á næsta ári. Allar ábendingar um endurbætur á þessum gögnum eru vel þegnar og óskast sendar til Samorku.

Tekið verður tillit til þeirra við endanlega útgáfu skýrslunnar sem áætluð er um næstu áramót. Einnig geta veitufyrirtækin leitað til Samorku sé þörf frekari upplýsinga eða aðstoðar við gerð áætlunarinnar.

Full ástæða er til að taka málið alvarlega og halda þessari vinnu áfram af fullum krafti, þar sem spurningin er ekki hvort, heldur hvenær næsti heimsfaraldur gengur yfir."

"Forsendur ,,veitulíkansins” eru eftirfarandi: • Faraldur getur komið upp hvenær sem er á árinu.

• Ein bylgja sem gengur yfir á 12 vikum. • 50% þjóðarinnar veikjast á 12 vikum (150.000 manns). • 25% vinnufærra starfsmanna eru fjarverandi vegna hjúkrunar aðstandenda eða annarra orsaka af völdum faraldurs. • Tveggja vikna fjarvist þeirra sem veikjast.

• Sama sýkingartíðni í öllum aldurshópum.

• 1,5% af þeim sem veikjast deyja (2.250 manns). Að auki eru að jafnaði 16% starfsmanna fjarverandi af ýmsum orsökum og er tekið tillit til þess.

Gengið var út frá sambærilegri dreifingu yfir tímabilið 12 vikur og Norðmenn hafa sett fram í sinni þjóðaráætlun."

Nú erum við öll hissa og skiljum hvorki upp né niður hversu hægt gengur að stöðva faraldurinn. Faraldurinn núna hefur verið tekinn öðrum tökum en menn sáu þá fyrir  og fjöldasmitun verið hindruð með mörgum aðgerðum. 

En í heild er faraldurinn samt erfiður og  öðruvísi. Hann gæti verið með hugsanlega meiri dánartíðni eftir ríkjum en Samorka gerði ráð fyrir, sem var um 1.5 %-2.5 %  ef helmingur þjóðarinnar myndi smitast. Sem maður getur nú ekki hugsað til enda án þess að spánska veikin kæmi í hugann. 

Auðveldlega hefði þetta getað farið öðruvísi en nú lítur út fyrir ef aðgerðir okkar hefðu ekki tekist og fjöldi smitaðra hefði veldisvaxið. Öll kerfi okkar hefðu geta hrunið og ekki hefði verið við neitt ráðið.

En við verðum að gera okkur ljóst að veiran er hér enn og við erum varnarlítil ef hún sleppur út stjórnlaust. Við höfum engin járn sem bíta ennþá.

Eina von heimsins er að vísindunum takist að finna ráð til að sjá við veirunni.

En það er athyglisvert að glugga í þessa gömlu skýrslu frá 2006 og bera hana saman við nútímann.

Það var sannarlega til hugsandi fólk árið 2006 sem sá framtíðina fyrir þó við og veröldin  svæfum á verðinum.

Af hverju að bjarga?

fyrirtækjum úr þroti?

Þegar ég var ungur fóru þeir á hausinn sem áttu ekki fyrir skuldum. Nema svokölluð samvinnufyrirtæki, kaupfélög,kölluð Sambandsfyrirtæki þar sem eigendurnir stjórnuðu bönkunum. Aðallega  tengd Framsóknarflokknum minnir mig.

Kvöldúlfur fór svoleiðis á hausinn fyrir stríð að það varð að bíða með uppgjörið í hálfa öld til þess að krónurnar yrðu nógu lítilsvirði.

Til hvers eiga skattgreiðendur að borga hóteleigendum sem byggðu herbergi sem erlendir túristar áttu að leigja?

Eigum við að leigja þessi tómu herbergi? Af hverju ekki bara á hausinn með þetta lið?

Rútufyrirtæki sem skulda rútur sem enginn fer upp í. Af hverju eigum við að borga fyrir ákvarðanir sem aðrir tóku án þess að spyrja okkur? Mega þau ekki bara fara á hausinn?

Af hverju eigum  að borga einhverjum fréttamiðlum, sem kalla sig einkarekna fjölmiðla, sem við báðum aldrei um að stofnsetja?

Borga Sósíalistaflokki Egilsson bræðra fyrir að skrifa það sem þeim hentar og enginn hefur beðið þá um að gera? Fréttablaðinu, Mannlífi, Kópavogspóstinum?

70% atvinnuleysi í ferðamannabæjum af því að skuldugur ferðamannapekúlant og hótelbyggjari getur ekki borgað kaup ?

Hvort á fólkið að fá peninga fyrir mat eða bjartsýniofósinn aura fyrir bankaskuldum?

Er ekki réttara að fæða fólkið heldur en að ausa skattfé í spekúlanta í einhverjum fyrirtækjum?

Hvað liggur á að steypa ofan á ElGrillo núna?

Er núna rétti tíminn til að tala um nauðsyn nýsköpunar- og sprotafyrirækja fyrir opinbert fé?

Áttum við ekki að borga erlendar skuldir óreiðumanna á Icesave tímanum? Annars yrðum við Kúba Norðursins samkvæmt ísköldu mati?

Verðum við ekki að draga línu milli fólks og fyrirtækja? Það verðúr alltaf til fólk sem vill fara í rekstur og græða. Byggingarnar fara ekkert. Ef gróðinn kemur ekki þá er tap og þá fara fyrirtæki á hausinn.

En fólkið verður að fá mat og húsaskjól.

Frestum frekar afborgunum af lánum í eitt ár og frystum verðbótaþáttinn þangað til.

Heldur drepum við fiskinn heldur en fólkið er setning sem á við núna.

Af hverju að bjarga spekúlöntum? 

 

 

 

Komdu þá með hvönnina

dr. Sigmundur. 

Þú skrifar athyglisverða grein í Morgunblaðiðblaðið í dag:

"Fyrir skömmu birtist ágæt grein: „Ætihvönn gamalt pestarlyf“ eftir Þorvald Friðriksson fréttamann þar sem hann bendir á gamalt viðtal við Margréti Guðnadóttur, prófessor og veirufræðing. Hér viljum við taka undir hvatningu Þorvaldar og hvetja menn til að nýta sér íslenskar lækningajurtir sem finnast víða í íslenskri náttúru.

Veiruvirk efni í jurtum

Nú er mikið rætt um kórónaveiru, COVID-19, og hefur hún breiðst út og valdið farsótt sem herjar á heimsbyggðina alla. Slíkar farsóttir gerðu mikinn usla á árum áður og varnir eru litlar enn í dag.

Það mun taka tíma að þróa og framleiða hentug lyf og munu ekki allir hafa aðgang að þessum lyfjum.

Þegar slík vá herjar er vert að huga að því hvernig hægt er að efla varnir líkamans á annan hátt, t.d. með því að leita að náttúrulegum veiruvörnum.

Í náttúrunni finnast veiruvarnir sem plöntur hafa þróað en plöntur hafa eigin varnarvopn sem þær hafa þróað á milljónum ára. Þessar veiruvarnir eru margskonar lífvirk náttúruefni sem finnast bæði í grænmeti og ávöxtum og í ýmsum lækningajurtum, m.a. í ætihvönn, blóðbergi og vallhumli.

Til dæmis hefur verið sýnt fram á að ef sellerí er sýkt með veiru þá er framleiðsla á fúranókúmarínefnum örvuð mjög í jurtinni og bæla þessi efni veirufjölgun í jurtinni. Fúranokúmarín eru mikilvæg efnavopn jurta og hefur verið sýnt fram á að þessi efni hafa einnig áhugaverða lífvirkni í mönnum.

Með því að neyta jurta sem hafa veiruvirk efni eða heilsubótarefna sem unnin eru úr þessum jurtum má hugsanlega draga úr áhrifum veirusýkinga. Í ætihvönn eru mörg veiruvirk efni.

Imperatorin er fúranókúmarín sem mikið er af í ætihvönn. Þetta efni hindrar t.d. fjölgun á veiru sem veldur eyðni.

Flavonoídar er stór flokkur lífvirkra efna og eru sum þessara efna virk gegn veirum. Í ætihvönn, vallhumli og blóðbergi eru efni sem hefta vöxt á kvefveirum. Gömul hefð er fyrir því að nota blóðberg við kvefi og flensu. Ekki hefur tekist að bera kennsl á öll veiruvirku efnin í þessum jurtum.

Hagnýtum þekkingu og reynslu fyrri kynslóða

Notkun ætihvannar til lækninga á sér langa sögu. Í Norður-Evrópu töldu menn hvönnina vera eina mikilvægustu lækningajurtina. Auk þess að vera mikilvæg matjurt á Norðurlöndum og Bretlandseyjum var lækningamáttur hvannarinnar vel þekktur meðal norrænna manna. Öll jurtin var notuð til lækninga, bæði laufið og ræturnar sem mátti geyma þurrkaðar árum saman, einnig safaríkir og meyrir blaðstilkarnir svo og fræin sem þroskast síðsumars.

Ætihvönn var talin geta læknað fjölda sjúkdóma. Vallhumall er önnur mjög öflug lækningajurt sem er töluvert mikið notuð, m.a. í græðandi smyrsl.

Náttúra Íslands hefur upp á að bjóða fjölda áhugaverðra lækningajurta, bæði í sjó og á landi, og ættum við að nýta þær betur til að styrkja heilsuna og skapa úr þeim aukin verðmæti. Heimildir: Aniviral potental of medicinal plants against HIV, HSV, influenza and coxsackievirus: Adam M. et al. Phytother. Res. 2018: 32(5): 811-822. Antiviral herbs-present and furure. Huang J. et.al. Infect. Disord. Drug Targets. 2014: 14(1):61-73. Imperatorin Inhibits HIV-I Replication through an Sp1-dependent Pathway. Rochio Sancho et. al. J. Biol. Chem. 2004. 279, 37349-3735."

Geturðu skaffað mér fúranókúmarín dr. Sigmundur? Ég myndi byrja á því að gamma það í mig strax því það er oft gott sem gamlir kveða.

dr. Kári klári verður ekki lengi að finna hvort veirunni líkar við hvönnina. 

Kattarþvottur

segir Guðni Ágústsson í Morgunblaðinu í dag:

"Mér er sagt að í kjölfar spænsku veikinnar og með tilkomu mjólkuriðnaðarins og danskra mjólkurfræðinga hingað hafi hreinlæti stóraukist. Einnig risu húsmæðraskólar sem kenndu ungum stúlkum grundvallaratriði í hreinlæti og matargerð. Eitt er líka víst að í heimavistarskólum var mikið lagt upp úr hreinlæti og góðri umgengni.

Ég minnist þess þegar ungur ég var og við systkinin vorum að þvo okkur fyrir svefninn, þá sagði móðir mín stundum til áherslu „þetta er kattarþvottur“. En maður varð að sápuþvo sér rækilega og núa höndunum saman í heita vatninu í vaskafatinu. Þá var ekki rennandi heitt vatn í hverjum krana.

Laugardagar voru þá hreinlætisdagar á heimilunum undir óskalögum sjúklinga fyrir hádegi. Allt var skúrað út og skipt á rúmunum. Á þetta minnist ég hér vegna þess að mig grunar að hreinlæti hafi verið nokkuð á undanhaldi í landinu um nokkra hríð.

Ég hef sjálfur tekið eftir því á almenningssalernum að karlar og ekki síður þeir yngri þvo alls ekki hendurnar eftir athöfnina. Sé á götum úti að enn snýta menn sér í lófann og þurrka í buxurnar. Svo rétta þeir manni höndina og heilsa með veiruna milli fingranna. Gömlu mennirnir snyrtilegu höfðu tvennt í vasanum, fiskikníf og vasaklút.

Það sagði mér kona á dögunum sem annast hreinlætisstörf í grunnskóla að hún tók að veita því athygli hversu lítið gekk á sápur og handþurrkur á klósettunum. Hún ræddi málið við skólastjórnendur og málið var tekið föstum tökum. Það var eins og við manninn mælt, kvefið og veikindi barnanna minnkuðu til muna.

Nú þegar þríeykið Þórólfur, Alma og Víðir hefur kennt okkur svo margt í daglegum þáttum um mikilvægt hreinlæti og betri siði set ég þessa hugsun á blað.

Þrifnaður er undirstaða góðrar heilsu og þar gegna foreldrar stærstu hlutverki en skólarnir og heilbrigðisyfirvöld eru í lykilstöðu með foreldrunum í uppeldi barnanna.

Ég tek líka eftir einu sem var bannað hér áður fyrr. Gæludýr eru nú meðhöndluð eins og menn, sofa hjá börnum og eru ofan í vitum þeirra!

Kötturinn fer út, en hvað ber hann með sér til baka? Húsdýrin voru mikilsvirt en þau voru ekki í eldhúsi eða svefnherbergjum barnanna.

Mér finnst þetta þörf ábending hjá Guðna Ágústssyni frá brúnastöðum og hvorki sú fyrsta né væntanlega síðasta.Kattarþvott þarf að leggja af á Íslandi.

2021 í stað 2020

yrði nýr gjalddagi yfir línuna?

Hvað myndi gerast ef öllum gjalddögum yrði breytt þannig. 

Er ekki veiran að taka eitt ár úr lífi okkar hvrt sem er?

A.Innanlands

Afdregin staðgreiðsla skatta og tryggingagjalds frestast um 1 ár. 

Bankar yrðu væntanlega að fá launakostnað í heilt ár greiddan úr ríkissjóði.Þekkt stærð.

ÍLS hættir að lána í 1 ár . Þekkt stærð. 

Opinberir starfsmenn fá sín laun sem eru þekkt stærð.

Bílalán veitt aðeins af seljendum.

Skólagjöld leikskóla þekkt stærð.

Rafmagn og hiti nokkuð þekkt stærð.

Lánavísitalan sett á ís.

Atvinnuleysisbætur eins og þær eru.

Engin alþjóðleg vernd veitt fyrr en 2021 og öllum snúið frá.

Bensín og matur og fargjöld og öll verslun  áfram eins.  

Laun og gjaldskrár verða óbreytt með lögum.

Innlendar núverandi viðskiptaskuldir verði skuldarar að leysa með bjargráðum og brúarlánum til fyrirtækja sem eru pólitískt þar fyrir utan. Verða rukkanir líka fyrirsjáanlega ekki heldur árangursrýrar árið 2020?

 

 

B.Utanlandsviðskipti

Olíuinnkaup?

Vélar og Varahlutir? 

Vonandi þarf ekki nýja nefnd á Skólavörðustíginn?

 

 

 

Það er sjálfsagt ábyrgðarlaust af minni hálfu að leika sér með svona tölur sem maður auðvitað sér ekki fyrir endann á.

En einhvern veginn svona hefði mér dottið í hug að horfa á afleiðingar veirunnar og bjargráðin.

Mér finnst nefnilega að árið 2020 sé farið í vaskinn í það heila í heiminum öllum og batinn komi ekki fyrr en 2021 í fyrsta lagi.

En skyldi það vera hægt að fresta heilu ári 2020 yfir á 2021 eins og menn framlengdu víxla í gamla daga?

 

 

Styrmir Gunnarsson

sá glöggi gamli maður og reyndi skrifar svo á blogginu sínu:

"Það er augljóst að vandamál veirukreppunnar eru byrjuð að hrannast upp. Atvinnuleysi er þegar orðið mikið og á eftir að vaxa enn. Í Morgunblaðinu í dag segir Ragnar Þór Ingólfsson, formaður VR, að lífskjarasamningurinn sé í uppnámi og bætir við að honum verði sagt upp standi stjórnvöld ekki við fyrirheit í húsnæðismálum.

Á sama tíma er þrýstingur í flestum löndum á að "endurræsun" hagkerfanna hefjist. Þar er Trump fremstur í flokki en af fréttum brezkra blaða er ljóst að hagsmunaaðilar þar þrýsta á hið sama.

Það er að dembast yfir árekstur á milli heilbrigðissjónarmiða og efnahagslegra hagsmuna.

En er víst að almennir borgarar taki þátt í slíkri "endurræsingu"?

Er ekki alveg eins líklegt í ljósi þess, sem gerzt hefur á ótrúlega skömmum tíma að þeir haldi sig til hlés og vilji vera öruggari um að veiran sé á undanhaldi?

Framundan eru mikil átök í öllum samfélögum. Líka hér. 

Eitt getum við lært af þeirri djúpu efnahagslægð, sem hér gekk yfir á árunum 1967-1969:

Náið samstarf stjórnvalda og verkalýðshreyfingar er algert grundvallaratriði.

Vonandi átta báðir aðilar sig á því."

Verkalýðshreyfingin er fyrir mér ótíndir bófaflokkar sem aldrei gera neitt nema til að skaða  þjóðfélagið með skemmdarverkum.

Af hverju á að heiðra skálkinn fyrst svo hann skemmi þig ekki? Af hverju er ekki hægt að taka á verkalýðsbandíttum eins og Ragnari Þór og Sólveigu Önnu  með lögum frá Alþingi? Stjórnast verkalýðsforingjar nokkurn tímann af skynsemi frekar en skemmdarfýsn?

Nema ef fjöldagjaldþrot fyrirtækja í djúpkreppu  blasa við? Þá tala þeir um nauðsyn bjargráða með skattfé almennings.

Verkalýðsfélög eru að  mínu gamaldags krabbamein í samfélaginu sem allt of vægt hefur verið tekið á vegna skorts á þjóðvarðliði með kylfur.

Sjálfsagt vill Styrmir Gunnarsson taka á verkalýðsfélögum  með silkihönskum eins og venja er þar sem kommar og kratar eru óðum að komast þar til valda og ófriðar.

 

Ekki má láta ISAL loka !

Elías Elíasson ritaði grein í Morgunblaðið fyrir skömmu.

Grein has er svofelld:

"Ef ÍSAL verður lokað, hvað þá ?"

 

"En hvar stöndum við, ef álverinu verður lokað ?

Þó [að] móðurfyrirtæki álversins ábyrgist að greiða stóran hluta orkunnar þrátt fyrir rof á starfsemi, þá er ekki gefinn hlutur, að lögfræðingar þess finni ekki leið út úr þeim vanda. Alla vega er varla eðlilegt, að þessi orka verði látin óseld og ónotuð fram til 2036 og Landsvirkjun haldi áfram að reisa nýjar virkjanir, þegar eftirspurn vex, en Rio Tinto haldi áfram að borga allan þann tíma. 

Það verða málaferli og óvissuástand, þar til sú deila leysist, og Landsvirkjun verður að leita nýrra viðskiptavina á meðan; ella veikist staða hennar í málinu.  Með öðrum orðum: orkan fer á markað, hugsanlega brunaútsölu." 

Þarna skýtur Bjarni Jónsson verkfræðingur inn athugasemd sem ég er mjög sammála:

"Þetta er afar mikilvæg ábending hjá Elíasi um atriði, sem Landsvirkjun virðist hafa flaskað á.  Hún getur ekki komið fram, eins og bergþursi, og skákað í því skjólinu, að þótt ISAL verði lokað, hafi hún nánast allt sitt á þurru, þ.e. greiðslur fyrir 85 % forgangsorkunnar samkvæmt núverandi orkusamningi.  Það væri rétt einn fingurbrjóturinn, framinn á þeim bæ, sem hefði mjög slæmar afleiðingar fyrir nærsamfélag Straumsvíkur og reyndar þjóðfélagið allt.  Jafnframt myndu réttarhöld, sem allt stefnir í nú, setja Ísland í óæskilegt ljós í augum fjárfesta, og þurfum við sízt á því að halda nú.  Stjórnvöld verða hér að koma vitinu fyrir stjórn Landsvirkjunar eða að skipta um stjórn. "

"Markaðshorfur með raforku eru allt aðrar nú en þegar samningar við ÍSAL voru undirritaðir 2011.  Af er sú kenning, að orkuverð muni ekki breytast, nema til hækkunar; meira að segja gefa spár nú til kynna, að orkuverð kunni að lækka, ef tækniþróun verður ör.  

Ljóst er orðið, að spár á fyrri hluta þessa áratugar um síhækkandi orkuverð byggðust á óskhyggju og oftrú á stefnuna í loftslagsmálum, en vaxandi vantrúar gætir nú á því, að þær baráttuaðferðir gegn hlýnun jarðar, sem þá var lagt upp með, skili árangri.  Áhættumatið bak við orkuviðskiptin er gjörbreytt." 

Enn gerir Bjarni athugasemd sem ég vil skrifa undir: 

"Forstjóra og stjórn Landsvirkjunar hefur dagað uppi.  Þeim varð á sú reginskissa að misskilja þróunina, að rangtúlka skammtímafyrirbæri sem langtíma þróun.  Vestræn þjóðfélög hafa enga burði til að keppa á mörkuðum heimsins búandi við raforkuverð, sem er úr takti við raunkostnað frumorkunnar og raforkuverð í öðrum heimsálfum.

Þetta þýðir, að hin "klassíska" íslenzka orkunýtingarstefna, sem mótuð var á Viðreisnarárunum (7. áratug 20. aldar), stenzt tímans tönn, en viðvaningar á orkumálasviði, sem yfirtóku Landsvirkjun og að einhverju leyti stjórnsýslu orkumálanna á tímum hinnar mistæku "vinstri stjórnar" 2009-2013,  gleyptu orkupakka ESB hráa og tóku upp einhvers konar spákaupmennsku með raforkuna, sem hefur reynzt atvinnulífi landsins og verðmætasköpun hin versta forsending.  Ný orkulöggjöf frá 2003 og síðan orkupakkar 2 og 3 hafa síður en svo reynzt landinu hjálplegir, enda eru þessir ESB-orkupakkar eins og örverpi í íslenzku umhverfi, hvort sem litið er á orkukerfið eða orkumarkaðinn." 

"Þegar endursamið var við ÍSAL snemma á áratugnum, spáðu sérfræðingar hækkandi orkuverði í Evrópu, sem þó var hátt. Á þessum tíma fór Landsvirkjun að mæla fyrir sæstreng og komst þar með í aðstöðu til að setja viðsemjendum úrslitakosti með hótunum.  Nú hefur dæmið snúizt við.  Orkuverð í Evrópu hefur lækkað, svo [að] sæstrengur er fjarlægur möguleiki, WOW lagði upp laupana, ferðaiðnaðurinn er í bakslagi og loðnan að bregðast í annað sinn.  Eftir samningshörku sína á liðnum áratug getur Landsvirkjun ekki búizt við öðru en hörku á móti, nú þegar dæmið er annað.  

Ekki er að efast um, að Rio Tinto leitar allra leiða til að losna undan verulegum hluta greiðsluskyldunnar með öllum ráðum.  Málaferli skapa óvissu, sem kann að hafa áhrif á lánshæfismat Landsvirkjunar og jafnvel orðspor Íslands, þegar þau komast í fréttir.  Þetta bætist ofan á vinnutap slíks fjölda manna, að um munar í hagkerfinu.  Sú staða, sem nú er uppi, hefur greinilega ekki verið ein sviðsmyndin í áhættumati Landsvirkjunar eða stefnumörkun." 

"Sú stefna, sem er ráðandi í orkupökkum ESB, að allar ákvarðanir fyrirtækja í raforkugeiranum skuli byggjast á markaðsverðum, er óheppileg fyrir Ísland.  Markaðsverð raforku fyrir stóriðju ræðst á alþjóðamörkuðum, og annar markaður hér er lítill og myndar varla orkuverð, sem mark er á takandi.

  Stefnumótun fyrirtækja tekur mið af reglum orkupakka ESB, en ekki þörfum þjóðfélagsins.  Fyrirtæki orkugeirans leitast helzt við að styrkja stöðu sína hvort [hvert á e.t.v. betur við-innsk. BJo] gagnvart öðru og gagnvart stjórnvöldum, fulltrúum eigenda sinna.  Þetta er ekki farsælt til lengdar, og stjórnvöld þurfa að vinna orkugeirann út úr þessari stöðu."

Getum við keypt hlut í álverinu sem hluta af björgunaraðgerðum sem yfir standa?

Getum við tekið ál sem greiðlu fyrir raforku og átt á þjóðarlager?

Er það nokkuð verra en að eiga hlutabréf í einhverjum Asíubanka eða þjóðarsjóði?

Það verður að afstýra því að álverinu í Straumsvík verði lokað.

 

Mannhelgi

eins og landhelgi er gott hugtak sem ég les ´hjá Ómari Ragnarssyni.

Mannhelgin er 2 metrar og landhelgin er 200 sjómílur. "Mannhelgisbrot" í dag.

Víðir Reynisson klykkti út í lokaorðum sínum í dag, að mannhelgina, sem er 2 metrar, bæri að virða. Hárrétt orð hjá honum: Mannhelgi.

Já, vel orðað hjá honum og vel við hæfi að nota heitið mannhelgi um þau sjálfsögðu mannréttindi að hver maður eigi rétt á því samkvæmt sóttvarnarlögum og mannréttindaákvæðum, að maður, hugsanlega spúandi frá sér drepsóttarveiru, komi ekki nær en í tveggja metra fjarlægð. 

Þessir tveir metrar skuli skilgreinast sem mannhelgi á sama hátt og að fiskveiðilögsagan eða landhelgin, sé 200 sjómílur, sem er sama og 370 þúsund metrar. 

Brot á lögunum eru þá mannhelgisbrot og landhelgisbrot. 

Síðuhafi sá núna síðdegis, að fimm menn fóru inn í opna búð í Kringlunni og stóðu þar með tveimur öðrum viðskiptavinum svo nálægt tveimur afgreiðslumönnum, að þarna voru níu manns að brjóta tveggja metra mannhelgisregluna af alefli. 

Ábendingum til fólksins um eðli málsins á þessum stað var þurrlega tekið en það byrjaði þó að tínast í burtu.  "

Mér sýnist að fólk sé að slakaá í sóttvörnum of snemma. Við erum í miðri orrahríðinni og ekkert má útaf bera.

Málið er óleyst og heimurinn er á leið lóðbeint til andskotans ef ekki finnst antidote.

Mannhelgi verður lítils virði ef allt fer í stríð og upplausn.

Gunnar Smári

skrifar enn einn mannkærleikapistil sinn á miðjuna.is sem bróðir hans og samhatursmaður allra borgaralegra dyggða, Sigurjón M. heldur úti. Væntanlega í góðri von um ríkisfé frá Lilju Alfreðs.

Hann segir:

" Ég renndi yfir fjölmiðlana í morgun í leit að umfjöllun um boðaðar efnahagsaðgerðir stjórnvalda. Fann ekkert. Sem er skrítið. Miðað við yfirlýsingar stjórnvalda um stærð þeirra, fyrirsjáanlega dýpt kreppunnar og umfang og eðli aðgerða stjórnvalda í öðrum löndum hljóta að vera á leiðinni stærstu pólitísku og efnahagslegu tíðindi lýðveldissögunnar, í það minnsta að umfangi. Og ef einhver hugsun verður sett í þennan pakka, þ.e. ef ríkisstjórnin ætlar ekki að blekkja sig og aðra með úr sér gegnum nýfrjálshyggjufrösum, má gera ráð fyrir að þessi pakki muni af eðli aðgerðanna hafa langvarandi afleiðingar fyrir pólitík framtíðarinnar. Samt er ekkert að frétta. Og eins og enginn hafi áhuga á málinu. Engar fréttir af óskalistum Alþýðusambandsins eða BSRB og engar fréttir af rannsóknum verkalýðshreyfingarinnar á stöðu eða afstöðu sinna félagsmanna. Engar fréttir af gagnsleysi fyrri aðgerða, fjölda eigenda smærri fyrirtækja sem hafa reynt að fá aðstoð innan bankakerfisins en enga fengið. Engar fréttir um mat á tekjufalli ríkis og sveitarfélaga vegna samdráttar í samfélaginu, auknu atvinnuleysi og lækkandi launatekjum. Engar fréttir af hugmyndum um hvernig ríkið mun vinna sig út úr auknum skuldum eftir kreppu; er planið að auka skattheimtu af almenningi eftir kreppu, leggja skatta á hin ríkustu eða eru plön um að láta þessar skuldir hverfa í Seðlabankanum með einum eða öðrum hætti? Engar fréttir af umræðu um hvers kyns framkvæmdir muni gagnast samfélaginu best; fleiri vegir og fleiri göt í fjöll; uppbygging heilbrigðis- og menntakerfis og átak í húsnæðismálum; orkuskipti og aukin matvælaframleiðsla. Engar fréttir af umræðu um hvers konar fyrirtæki er mikilvægast að vernda; eru það stórfyrirtækin sem skilgreind eru sem samfélagslega mikilvæg og lífvænleg eða eru það smáfyrirtækin sem eru sannarlega samfélagslega mikilvægust allra fyrirtækja og sem byggja upp mun lífvænlegra samfélag en þær verbúðir sem stórfyrirtækin skapa, samfélög þar sem hin fáu hafa öll völd en fjöldinn enginn.

Hvað veldur þessum doða. Eru fjölmiðlarnir ónýtir, ófærir að fjalla um málið sjálft en gleyma sér við að miðla kynningarefni frá stórfyrirtækjunum, sem lögðu fáeinar milljónir í púkk til að kaupa öndunarvélar og grímur? Eru stofnanir samfélagsins; háskólinn, stjórnmálaflokkarnir, almannasamtök; ónýtar og ófærar um að halda uppi lýðræðislegri umræðu? Er samfélagið sjálft ónýtt, í raun tilbúið að fela efnahags- og fjármálaráðherra að greina ástandið, finna lausnirnar, kynna þær og framkvæma?

Það viðhorf heyrist að ráðherrarnir hafi verið kosnir til að stjórna og því beri að gefa þeim svigrúm til þess. Þetta viðhorf er rangt í öllum grundvallaratriðum. Í fyrsta lagi var Alþingi kosið til að stjórna, ekki ráðherrarnir. Kjósendur velja Alþingi en stjórnmálafólkið semur sig að ráðherrastólum. Umboð þess byggir á stjórnarsáttmála sem samþykktur er í stjórnarflokkunum en í honum er ekkert sem minnir á þær aðgerðir sem nú eru í undirbúningi, ekki einu sinni það sem þegar hefur verið kynnt. Í þeim vanda sem samfélagið stendur frammi fyrir verður ríkisstjórnin því að sækja sér nýtt umboð til þingsins, með víðtæku samráði við alla flokka. Það er gert í þeim ríkjum sem eru betri í lýðræði en við. Í öðru lagi var Alþingi ekki kosið til að mæta þeirri kreppu sem við erum að ganga inn í, hún var ekki á matseðli kjósenda. Alþingi þarf því að efna til umfangsmikils samráðs og samtals um allt samfélagið til að draga fram ólíka stöðu fólks, ólíkt mat á vandanum og ólíka afstöðu til hans. Það er ljóst að lausnin verður á kostnað almennings. Í samanburði við þær milljónir sem fyrirtækin gáfu í formi öndunarvéla verður framlag almennings til bjargar fyrirtækjunum eins og Hallgrímskirkja við hliðina á legókubbi. Þær aðgerðir sem hafa verið kynntar, og enn frekar þær sem enn eru í smíðum, er framlag samfélagsins til bjargar sjálfum sér. Það er ekki framlag einstakra ráðherra til bjargar samfélaginu. Það þarf því að tryggja þessum aðgerðum víðtækan stuðning í samfélaginu, ríkisstjórnin þarf að sækja sér umboð til þeirra með því að segja satt um ástandið, segja satt um valkostina og segja satt þegar hún útskýrir val sitt á milli kostanna. Það hefur hún ekki gert hingað til og að óbreyttu er ljóst að hún ætlar sér ekki að gera það í framtíðinni. 

Með því að taka ákvarðanir á bak við luktar dyr og án undangenginni umræðu er Alþingi og ríkisstjórnin að fella lýðræðið. Og við megum ekki við því. Ekki bara vegna þess að lýðræðið er réttur allra í samfélaginu heldur vegna þess að lýðræðið kemur með bestu lausnirnar. Ég veit að það er ekki vinsælt að segja þetta á þessum síðustu og verstu tímum, þegar það er í tísku að hallmæla stjórnmálunum og upphefja frumkvæði og mannkosti einstaklinga; en ástæðan fyrir vantrú almennings á stjórnmálunum er ekki lýðræðið heldur það að stjórnmálin hafa látið ólýðræðislega hagsmunabaráttu hinna fáu ríku og valdamiklu spilla lýðræðinu. Og lausnin við því er ekki að fella lýðræðið heldur styrkja það. Lýðræðið er tæki fjöldans gagnvart ofurvaldi hinna fáu auðugu.

Og ofurvald hinna fáu auðugu blómstrar í bakherbergjum, líkum þeim þar sem ráðherrar og aðstoðarfólk þeirra sitja nú og fara yfir óskalista hinna ríku um björgunaraðgerðir þeim til handa. Verkefni ráðherranna í bakherbergjunum er ekki að bæta hagsmuni almennings inn í þessa lista, heldur að útbúa þá svo að almenningur sætti sig við risaframlög úr almannasjóðum til hinna fáu valdamiklu og auðugu. Það er óhjákvæmileg niðurstaða þegar lýðræðið hefur verið aflagt og aðeins haldið í það að forminu til, aðgerðir alræðis auðvaldsins eru kynntar sem lýðræðisleg niðurstaða.

Við erum þar. Höfum gefist upp á lýðræðinu. Fjölmiðlarnir, háskólarnir, stjórnarandstaðan, almannasamtök … allar stofnanir samfélagsins sem ættu að vera viðspyrna almennings gagnvart valdi hinna fáu, hafa í raun fallist á að þegar mikið liggur við sé lýðræðið of mikið vesen. Látum ríka karlinn bara um þetta. Kannski gefur hann okkur öndunarvél að launum fyrir milljarðana sem við færum honum."

Kostulegt að þessi kommúnisti og uppgjafa auðvaldsþý, hentistefnu og eiginhagsmunaplógur eins og Gunnar Smári, sem er trúlega lítill lýðræðissinni heldur stefnir núna að alræði öreiganna,  sem hefur hvergi verið á komið nema með morðum og þrælahaldi, skuli þvæla svona út í eitt um þau gildi sem aðrir hafa en hann ekki.Hann fyrirlítur lýðræði og manngildin heiðarleika og hverskyns sannleiksást en talar um þetta endalaust með öfugum formerkjum.  Ekki mun ég greiða honum atkvæði í næstu kosningum þrátt fyrir fagurgalann.

Ég hef kynnst svona mönnum á langri vegferð sem lá stundum um einræðisríki bæði  til vinstri og hægri. Ofbeldið og kúgunin er alltaf í þágu manna sem vilja bara græða sjálfir undir yfirskini manngæsku. Kim Jong Il sem lét grimma hunda rífa frænda sinn á hol að sér ásjáandi er dæmi um slíkan ljúfling. Hver myndi kjósa hann sem ekki þyrfti þess með í sjálfsvarnarskyni? Og hann er ekki einsdæmi í veröldinni því miður. 

Merkilegt ef enginn áttar sig á því hvern mann þessi Gunnar Smári Egilsson hefur að geyma og birtist í skrifum hans þeim sem nenna að lesa.

Allir vinna

Svo segir í Mogga:

"Þing­fund­ur sem hófst á Alþingi klukk­an hálfell­efu í morg­un ent­ist ekki í nema fimm mín­út­ur áður en hon­um var slitið af Stein­grími J. Sig­fús­syni, for­seta þings­ins. Áður hafði Jón Þór Ólafs­son, þingmaður Pírata, gagn­rýnt að of marg­ir þing­menn væru í saln­um og að slíkt væri brot á sótt­varna­lög­um. Var hann auðsjá­an­lega pirraður yfir stöðunni.

Jón Þór kom í pontu und­ir liðnum fund­ar­stjórn for­seta og hóf ræðu sína á að vitna í sótt­varna­lög. Í þeim stæði að það væri lög­bund­in skylda hvers ein­stak­lings að gera sér allt far um að svíkja hvorki sjálf­an sig né aðra.

 

Næst nefndi Jón Þór að sam­kvæmt regl­um um sam­komu­bann mættu aðeins 20 þing­menn vera í saln­um á sama tíma. Hann hóf næst að telja þing­menn og taldi 26 þing­menn og það voru „bara þeir sem ég sé“ sagði Jón Þór.

Hann var gáttaður á því að því að þurfa benda for­seta Alþing­is á að hann væri ekki að haga sér í sam­ræmi við yf­ir­lýs­ing­ar sem gerðar hafa verið í sam­fé­lag­inu um að virða sam­komu­bann. Jón Þór sagði að karpað hefði verið við for­seta í all­an gær­dag um hvaða mál færu á dag­skrá í dag.

„Hann veit það að ef hann er að fara að setja mál á dag­skrá sem ágrein­ing­ur er um þá að sjálf­sögðu mæt­um við þing­menn hingað og virðum lýðræðið. Samt ákvað hann að halda þessu til streitu, að halda þing­fund­inn svona og hafa dag­skrána svona, hann hef­ur dag­skrár­valdið,“ sagði Jón Þór en var alls ekki hætt­ur:

„Þetta er ólíðandi að bjóða starfs­fólki upp á þetta, sem er komið í meiri sýk­ing­ar­hættu vegna þessa. Það er ólíðandi að bjóða þing­inu upp á þetta og það er ólíðandi að bjóða lýðræðinu upp á þetta. For­seti þarf að afmá þessa dag­skrá af mál­um sem ágrein­ing­ur er um og virða sótt­varna­lög.“

Stein­grím­ur stóð því næst upp og sleit fund­in­um."

Jón Þór Ólafsson Pírati varð þannig til þess að Steingrímur Jóhann varð að hlýða Víði og  rak þingið heim eftir 5 mínútna fund.

Gerði  þingmaðurinn ekki loksins óvænt eitthvað sem sparar þjóðinni peninga en ekki meiri útgjöld eins og hann er vanari?

Vonandi kallar forseti Alþingi ekki strax aftur saman enda kórónuvandinn ekkert farinn og það þarf að hlýða Víði. Alþingi verður of fjölmennt til 4 maí að minnsta kosti ef allir mæta.

Verður ekki forseti annars að fara að skammta þingsetudaga á flokka  svipað og talað er um í leikskólunum?

Gætu þá ekki þau húsnæðissérfræðingurinn útsjónarsami  á malbikunarjakkanum, Leista-Björn Leví og Ásmundar-benzíntunna, hún Sunna, breitt út Pírataflokkinn á meðan  Háskólastærðfræðingurinn sökkvir sér niður í þjóðhagsfræðin? 

Þannig hefur malbikarinn mikilvirki nú komið þjóðinni til bjargar með að loka Alþingi.

Verður ekki styttri þingtími bara skilvirkari og ódýrari þegar fyrirspurnum til ráðherra fækkar?

Já er slagorðið "Allir vinna þá ekki orðin staðreynd á Alþingi sem annarsstaðar?

Trump og WHO

hafa lent í eldlínunni og Trumpophobian hefur fengið byr undir báða vængi.

Hvað er rétt í málinu.

Jón Magnússon vekur athygli á staðreyndum sem vert er að taka eftir:

"

Ríkisstjórn Bandaríkjanna hefur ákveðið að hætta tuga milljarða fjárhagsstuðningi við WHO. Donald Trump Bandaríkjaforseti liggur undir ámæli fyrir þessa ákvörðun m.a. frá þjóðarleiðtogum, sem leggja hlutfallslega mun minna til WHO en Bandaríkjamenn hafa gert.

Ríkisstjórn Bandaríkjanna hefur gagnrýnt WHO fyrir að hafa ekki staðið sig þegar C-19 kom upp. Ekki haft forustu. Ekki gengist fyrir samræmdum aðgerðum. Látið þöggun Kínverja framhjá sér fara og stutt þá í þögguninni.  WHO hafi því brugðist hlutverki sínu með hræðilegum afleiðingum, heimsfaraldri C-19. 

WHO hefur ekki staðið fyrir samræmdum aðgerðum til að vinna bug á faraldrinum eins og WHO ber að gera og sýnt af sér ótrúlega vanhæfni. Margir sem komnir eru fram yfir miðjan aldur halda, að Sameinuðu þjóðirnar séu það sem þær voru fyrir 20 árum eða 30 árum eða 40 árum. En því fer fjarri. 

Óstjórn innan SÞ og vanhæfni leiddi til þess m.a. að USA sagði sig frá samstarfi við UNESCO m.a. og fleiri stofnanir og þar var nú Trump ekki að verki.  

WHO hefur enga forustu og hefur ekki burði til þess og það er alvarlegt mál. Þessvegna fara þjóðir heims sínar eigin leiðir og ekkert samræmi er í gjörðum þeirra. WHO brást því og bregst algjörlega ætlunarverki sínu. 

Ekki var hægt að búast við neinu af WHO undir núverandi stjórn. Framkvæmdastjóri þeirra Dr. Tedros Adhanom Ghebreyesus gegndi háum embættum hjá Frelsisfylkingu Marxist Lenínista í Eþíópíu, sem hefur ekki kallað allt ömmu sína þegar kemur að hermdarverkum. Dr. Tedros tilnefndi harðstjóra og einræðisherra Zimbabwe, Robert Mugabe,  sem sérstakan velgjörðar sendiherra WHO. Robert Mugabe stóð fyrir fjöldamorðum á hvítum bændum í Zimbabwe og beitti lét drepa og pynta fjölda stjórnarandstæðinga í Zimbabwe. Þá hefur Dr. Tedros verið í nánu trúnaðarsambandi við Kommúnistastjórnina í Kína. Dr. Tedros hefur því hvorki né mun gagnrýna yfirhilmingar og rangfærslur Kínverja þegar C-19 faraldurinn braust út heldur staðið að þeim með Kínverjum. 

Þessvegna sagði Dr. Tedros í byrjun febrúar 2020 að ekki væri þörf samræmdra aðgerða það kom heldur betur á daginn.

Þegar stofnun eins og WHO sýnir algjöra vanhæfni og vangetu til að sinna því sem þeim er ætlað að gera, þá er eðlilegt að einhverjar þjóðir telji sér nóg boðið og þær neyðist til að fara sínar eigin leiðir. Miðað við frammistöðu WHO og framkomu hvað þá heldur forustu WHO þá er ótrúlegt að ekki skuli fleiri en Bandaríkjamenn hafa gagnrýnt hana og lýst algeru vantrausti á hana. Stofnunin og framkvæmdastjóri hennar eiga það svo sannarlega skilið. 

Í stað þess að gagnrýna Trump fyrir að gera það rétta í stöðunni ættu ríkisstjórnir Evrópu og fleiri að krefjast þess, að núverandi forusta WHO verði látin fara og hæfir einstaklingar verði kallaðir til í þeirra stað. Það skiptir máli fyrir heimsbyggðina að grípa til slíkra aðgerða í stað þess að ráðast á Trump fyrir að gera það eina rétta í þessari stöðu.

Vanhæft fólk getur ekki verið í forustu þegar baráttan er upp á líf og dauða. "

Heimurinn og þessir svokölluðu víðsýnu alþjóðasinnar eins og Samfylkingarflokkarnir þeirra Loga og Þorgerðar á Alþingi Íslendinga heimta bara að Bandaríkin borgi án  þess að spyrja spurninga.Trumpophobar emja á blogginu og væntanlega ekki stendur á kommúnistum og Pírötum að taka undir sönginn.

Trump hefur yfirsýn yfir aðalatriðin. Önnur ríki eiga ekki bara að heimta að Bandaríkin borgi. Þau verða að sýna að þau taka á með þeim Trump í málum WHO sem annars alþjóðasamstarfs.

Arnar Pálsson

er íslenskur vísindamaður sem hefur skrifað ljómandi texta um veiruna vondu sem veldur COVID-19 sjúkdómnum. Ég hvet fólk til að fara á síðuna hans:

https://uni.hi.is/apalsson/IS/

Þar er veirufræðin útskýrð af Arnari á svo skilmerkilegan hátt að það er unun að lesa og fræðast.

Það er eitt sem ég skil ekki alveg: Er veiran lífvera eða kemisk kúla? Hún hefur einhvern eiginleika til að afrita sjálfa sig. Fjölga sér eins og lífverur. Það er erfitt að ímynda sér að dauður hlutur geri slíkt. Er hún þá sköpunarverk Drottins eins og við? Lifir og deyr?

En hún er samt lifandi í þeim skilningi að það er hægt að skemma hana svo hún geti ekki borað sér inn í lifandi frumur.  Sápa hefur þau áhrif á hana að himnan sem umlykur hana rifnar og hún er ónýt. En óskemmd borar hún sig inn í lifandi frumur og afritar RNA(einþátta) erfðaefni  sitt innan í miklu þróaðri DNA(tvíþátta, double helix Watsons sem Rosalynd Franklin náði fyrst ljósmynd af sem sjá má til dæmis í bók Watsons DNA) frumum lifandi líkama og tekur stjórnina og lætur hana afrita sitt RNA á óskljanlegan hátt. Hvernig í fjáranum verður svona andstyggðar skítakúla til? Þessi microlíffræði er ekki fyrir okkur venjulega að skilja hvernig litningarnir í okkur eru byggðir upp sem ógurlegar keðjur af 5 grunnmólekúlum(cytosin,Gúanin,Adenin, Týmin og NiturD en RNA af sömu efnum ema Urasil er í stað Tymins og Niturbasar í stað NiturD)) þar sem uppröðunin skiptir öllu máli svo mann svimar af tilhugsuninni.

 

 

Veiran hefur einhver 30.000 pör í RNA streng sínum en maður milljarða í í hverri frumu af DNA, tvöföldum helix.

Svona er þessi skítakúla uppbyggð

Sápa gerir gat á hjúpinn þannig að hún verður óvirk. (Whiskey vonandi líka) 

Sprittið vinsæla sem við úðum á hendurnar (og ég smyr hiklaust í andlit og munn og tungu hafi mér orðið eitthvað á) hefur einhver svipuð áhrif á hana. (Og ég er að að vona að whiskey sé henni ekki heldur þóknanlegt og gef mér það inn upp á sénsinn að það nái til hennar sé hún einhersstaðar.Verður maður ekki að reyna allt???)  Eitthver efni þolir hún samt ekki ef við gætum bara komið henni í snertingu við það inni í skrokknum og að því er leitað um  heim allan. Gallinn er bara sá að við erum líklega dauð áður sjálf áður en sápan kemst að henni inn í lungunum. 

Því er horft til mRNAm boðsendra ríbósakjarnasýra sem blöffi hana eða skemmi (fyrirtækið Moderna og fleiri sjálfsagt) sem ég skil ekki frekar. 

Von mannkynsins er sú að einhverjum af lyfjarisunum takist að finna bóluefni við veirunni eða lyf sem stúti getu hennar til illra verka. Án þess er heimurinn á hraðri leið til helvítis að manni sýnist.

En endilega lesið Arnar Pálsson sem veit greinilega lengra en nef okkar almennt nær.