"Því þó við séum vondir...

..þá eru aðrir verri."

Fylgi Sjálf­stæðis­flokks­ins hef­ur minnkaði um tæp tvö pró­sentu­stig (sem er hátt í mínus 10 %)frá síðustu fylg­is­mæl­ingu MMR og mæl­ist nú 21,7%.

Pírat­ar mæld­ust með 15,0% fylgi, sem er tæp­lega einu og hálfu pró­sentu­stigi meira en flokk­ur­inn mæld­ist með í síðustu könn­un,(sem er hátt í plús 10 %).

Þetta er niðurstaða könn­un­ar MMR sem fram­kvæmd var dag­ana 4.-9. apríl 2019. Heild­ar­fjöldi svar­enda voru 926 manns, 18 ára og eldri.

Fylgi Fram­sókn­ar­flokks­ins minnkaði um tæp­lega tvö og hálft pró­sentu­stig en fylgi Miðflokks­ins hækkaði um rúm tvö pró­sentu­stig frá síðustu mæl­ingu .

Stuðning­ur við rík­is­stjórn­ina jókst hins veg­ar um um tæp fimm pró­sentu­stig og mæld­ist nú 46,5% en var 41,8% í síðustu mæl­ingu.

Fylgi Sam­fylk­ing­ar­inn­ar mæld­ist nú 13,9% og mæld­ist 13,8% í síðustu könn­un.
Fylgi Vinstri grænna mæld­ist nú 10,4% og mæld­ist 11,4% í síðustu könn­un.
Fylgi Miðflokks­ins mæld­ist nú 10,2% og mæld­ist 8,0% í síðustu könn­un, (sem er hátt í plús 30 %).
Fylgi Viðreisn­ar mæld­ist nú 9,0% og mæld­ist 9,4% í síðustu könn­un.
Fylgi Fram­sókn­ar­flokks­ins mæld­ist nú 8,7% og mæld­ist 11,1% í síðustu könn­un (sem er hátt í mínus 22 %).
Fylgi Flokks fólks­ins mæld­ist nú 5,4% og mæld­ist 4,7% í síðustu könn­un, (sem er hátt í -13 %).
Fylgi Sósí­al­ista­flokks Íslands mæld­ist nú 4,5% og mæld­ist 2,5% í síðustu könn­un, (sem er hátt í plús 50 %).
Fylgi annarra flokka mæld­ist 1,2% sam­an­lagt.

Vik­mörk á fylgi við flokka geta verið allt að 3,1%.

Þetta skiptir auðvitað engu máli fyrir Sjálfstæðisflokkinn,

" Því þó við séum vondir, þá eru aðrir verri,"eins og allir Sjálfstæðismenn vita.

 

Þjóðgarðsvörður

var skipaður Einar E.Sæmundsson. Prýðilega hæfur maður sem gjörþekkir starfið.

Upp rís dr.Ólína og heimtar að jafnréttislög segi að hún eigi frekar en Einar að vera þjóðgarðsvörður. Jafnrétti í augum femínistafasista þýðir að þær skuli ávallt hafa forgang ef bæði kyn eru í boði.

Ég segi fyrir mig að ég er sannfærður um að Einar er mun heppilegri en Ólína til að vera þjóðgarðsvörður hvað sem einhverjar nefndir segja og jafnréttislög segja.Það er nefnilega margt fleira en einhver doktorstitill í fornum fræðum sem þarf til að stjórna þjóðgarði.Lái mér hver sem vill. 

Af hverju eru hælisleitendur

sendir á almenning? Hver veit hvað lið þetta er?

Á Keflavík eiga frekar  að vera afgirtar fangabúðir þar sem hælisleitendur eiga að vistast þar til mál þeirra hafa verið afgreidd.

Fáránlegt að heimta að sveitarfélög leggi fram húsnæði af skorti sínum og hleypa þessum hælisleitendum á saklausan almenning. 

Breytt viðhorf í pólitík

eru að verða hjá ólíklegasta fólki og flokkshestum.

Nú finnst mér liggja nokkuð ljóst fyrir að meirihluti núverandi Alþingis Íslendinga er hlynntur því að tengjast Evrópu þéttari böndum með því að koma orku okkar á evrópskan samkeppnismarkað. Allt orðagjálfrið um einhverja fyrirvara sannfærir mig ekki.

Og er ekki sagt svo að geti maður ekki sigrað þá  eigi  maður að ganga í lið með þeim. Og þegir um tilfinningar sínar.

Mest er nú rætt um að sæstrengur  verði lagður til Bretlands af einkaaðilum.Kollega Skúli Jóhannsson birti ágæta grein í Morgunblaðinu um kostnað að slíkum orkuflutningi. Að vísu kann það að breyta einhverju gangi Bretar úr Evrópusambandinu og hvort þeir þá verða á sameiginlega orkumarkaðnum sem manni finnst nú líklegra.

Ég hef haft af því spurnir að að Bretar séu að vetnisvæðast í talsverðum mæli og draga úr gasnotkun. Þeir hljóta þá að vinna vetnið úr gasi þar sem Bretland er sagt fljóta á gaspolli. Þá hlýtur að losna mikið kolefni hvernig sem þeir fara með það síðan.

Þá finnst mér vakna sú spurning hvort rafgreining á vatni á Íslandi geti framleitt vetni á hagkvæmu verði. Einhvern veginn finnst mér að lagning á röri til Bretlands sé auðveldari framkvæmd en lagning rafstrengs með tilheyrandi riðils og tapakostnaði sem ekki væri við blástur á vetni í gegn um rör. Sjálfsagt væri vitlegt að láta vetnisrörið koma í land þar sem hægt væri á leiðinni til að stytta viðgerðarleggina, til dæmis í Færeyjum (og jafnvel Rockall ef hann væri í leiðinni.)

 Það má minnast þess að Bandamenn dældu öllu eldsneyti innrásarliðsins í gegn um rör undir Ermasund í heimstyrjöldinni án þess að Þjóðverjar hefðu hugmynd um. Rörið er líklega ennþá á sínum stað og kannski viðgerandlegt ef það er þá ekki bara enn í notkun.

Ef það reyndist hagkvæmt að Íslendingar keyptu sjálfir sína raforku á því verði sem aðrir vilja greiða fyrir hana og notuðu hana innanlands til að framleiða vetni sem við gætum selt áfram, þá má segja að ásættanlegri lausn væri komin á þessum orkupakkamálum og hinu heilaga Evrópusamstarfi. Allt eru þetta þó hlutir sem kanna þarf betur.

Pólitískar aðstæður hafa breyst nokkuð í seinni tíð. Sjálfstæðisstefnan eins og ég kann hana er nú orðin að orðagjálfri sem ég veit núna að fáir forystumanna kunna eða taka  hátíðlega . Hugsjónamennska í pólitík eins og hún var í gamla daga er varla  lengur til heldur fremur aðeins hentugleikar.

Þegar kemur að kosningum verður maður að raða því upp fyrir sér hvort maður telji að Smári McCarthy, Þórhildur Sunna og Björn Leví séu líklegri til að vinna manni meira eða minna tjón heldur en Bjarni Ben, Guðlaugur Þór og Þórdís Reykfjörð. Eða hvort maður treysti öðrum betur til að skaða mann minna en Katrín Jakobsdóttir eða Þorgerður Katrín Gunnarsdóttir.

Maður rifjar ósjálfrátt upp fyrir sér þegar Bjarni Benediktsson gamli sagði við okkur í Sjálfstæðishúsinu á umbrotatíma í gamla daga  þegar margir voru reiðir í flokknum: „Munið þið piltar að þó við séum vondir þá eru aðrir verri.“

Þannig verður hugsanlega afstaða sumra í stjórnmálum næstu framtíðar. Menn hætta að trúa því að forystumenn gangi erinda annarra en sjálfra sín og þrengri hagsmuna og skipi sér í flokka út frá því en ekki einhverri gamalli flokkstryggð.

Verði ekki líkir Halldóri E. Sigurðssyni sem sagði við undirritaðan að hann hefði nú alltaf kosið B og hann kynni ekki annað.  Sama hefði hann Halldór afi minn Skaptason sagt um D listann. Halldór nafni minn E. var svo staðfastur að ef einhver ókunnugur annar hafði tekið skápinn hans í Sundlaugunum þá var sagt að hann færi heim aftur án þess að fara ofan í.

Það er víst víða um heim að virðing fyrir stjórnmálamönnum fer þverrandi. Þeim er ekki treyst lengur eins og áður var. Traust er nefnilega einnota segir einn vinur minn og fer eftir því í mati á stjórnmálamönnum. Þeir bregðast honum bara einu sinni í stórmálum eins og til dæmis Icesave eða Icelink. En ég skal viðurkenna hér og nú að traust mitt og trú á Trump hefur ekki beðið hnekki til þessa. Hann lætur ekki hræra í sér svo glatt.

Það eru að verða breytt viðhorf í pólitík sem maður verður að gera sér ljós.

 

Samfylkingin flottar sig

á kostnað skattgreiðenda. Dagur og Hjálmar afsala Strætó öllum tekjum í dag af því þeir eru svo umhverfisvænir og vilja minnka svikryk.

Svifrykið sveikst um að sýna sig og allt var með kyrrum kjörum. Malbik spænist upp af götunum í miklu meira mæli en ef göturnar væru steyptar. En það er ekki inn í myndinni hjá þessum herrum.

Umferð einkabíla var með mesta móti í dag og engin fjölgun varð í strætó. En auglýsingin fyrir þá kumpána Dags og Hjálmar komst til skila í RÚV.

Samfylkingin er alltaf til í að flotta sig á kostnað skattborgaranna.

Sannleikurinn um íslenska efnahagsundrið

er á fésbókarfærslu Ragnars Önundarsonar þess þrautreynda fjármálamanns sem ekki misnotaði aðstöðu sína ólíkt mörgum öðrum svo ég viti til.

Hann segir svo:

Ragnar Önundarson

7. apríl kl. 07:33 · 

 

Áður efnuðust menn á atvinnurekstri. Þeir vörðu sínu eigin fé í framleiðslutæki og sköpuðu öðrum atvinnu. Þeir höfðu flestir, kannski næstum allir, í æsku sinni þekkt hvað það var að þurfa að velta hverri krónu fyrir sèr og þrátt fyrir velgengni bjó reynslan af fátæktinni alltaf í huga þeirra. Þeir vissu að fyrirtækin þeirra gátu ekki dafnað án góðra starfsmanna og mátu þá þess vegna mikils. Það mætti telja upp ótal frumkvöðla sem þetta gildir um.

Í seinni tíð hafa menn auðgast með allt öðrum hætti. Samheitið ,,eignatilfærslur” hefur verið notað um aðferðir sem sérfróðir fjármálamenn nota til að raka til sín auði sem aðrir hafa skapað. Rifjum upp nokkrar:

1). Verðbólgugróðinn árin ca. 1975-1985 varð vegna neikvæðra raunvaxta. Aldraðir misstu ævisparnað sinn (almannafé) og lífeyrissjóðir þeirra (almannafé) voru rýrðir. Það voru stjórnvöld sem ákváðu vextina, ungt fólk sem fékk lán þrýsti á um lága vexti og sá skuldir sínar gufa upp á fáum árum. Eignamyndun þess var skattfrjáls.

2). Úthlutun fiskveiðikvótans 1984, án afgjalds fyrir notkun hans, fól í sér ráðstöfun sem tók ,,margt smátt” frá almenningi (almannafé) sem gerði ,,fátt stórt” hjá nokkur hundruð útgerðum. Tilfærslan fólst í afgjaldsleysinu.

3). Framseljanleiki kvótans 1991 fól líka í sér eignatilfærslu af sömu ástæðu. Kvótinn tók afgjaldslaus að þjappast saman. Á móti kom að vegna þeirrar hagræðingar í sjávarútvegi sem af þessu leiddi styrktist raungengið og almenningur naut vaxandi kaupmáttar á móti. Um leið þrengdi gengið að greininni í heild, svo smærri útgerðir gáfust upp ein af annarri, sem keyrði samþjöppunina áfram. Þessi þróun varð mörgum byggðarlögum erfið en þjóðinni sem heild hagfelld.

4). Einkavæðing felur jafnan í sér að svonefndum ,,kjölfestufjárfestum” eru afhentar ríkiseignir (almannafé) á vægu verði, sem þeir vinna svo með í fáein misseri og skrá á markaði. Oftast selja menn svo á háu verði, það eru einkum lífeyrissjôðirnir okkar (almannafé) sem kaupa. Fjárfestarnir stinga milljörðum af almannafé á sig, allt löglegt.

5). Eignarhald á bönkum felur mikil völd í sèr. Ráðandi hluthafar úthluta lánum sem að miklu leyti eru fjármögnuð með sparifé almennings (almannafé). Vinir og vandamenn ráðandi hluthafa njóta forréttinda-aðstöðu, þeir stofna innantómar skeljar, svonefnd ,,eignarhaldsfélög”, skuldsetja þau án þess að setja veð sem aðrir þurfa að setja, kaupa bóluverðmæti (hlutabréf, fasteignir) sem þeir selja svo þegar hápunktur hagsveiflunnar nálgast. Hver kaupir ? Við, þ.e. lífeyrissjóðirnir (hlutabréfin) og almenningur (fasteignirnar).

6). Óhóflegur gróði af nýbyggingum (nú um 50-100% álagning) er ekkert annað en eignatilfærsla frá almenningi, sem þarf að kaupa þak yfir höfuðið á uppsprengdu verði, til örfárra verktaka, í ljósi skortsins. Hið opinbera, sveitarfélög og félagsmálaráðuneyti, hafa með tómlæti sínu séð skortinn verða til fyrir framan nefið á sér.

Þetta eru helstu flokkar eignatilfærslna undangenginna ára, bætið endilega við upptalninguna í athugasemdum. Nú hafa svonefnd ,,fasteignafélög” skráð sig á markað. Þau hafa keppt við almenning í skortinum og haft betur. Afleiðingin er uppsprengt verð á örlitlum ófullkomnum markaði. Hverjum er ætlað að kaupa ? Okkur ! Lífeyrissjóðunum okkar.

Menn geta orðið milljónamæringar á atvinnurekstri á löngum tíma með mikilli áhættu og fyrirhöfn, en menn verða milljarðamæringar með eignatilfærslum á örstuttum tíma án nokkurrar fyrirhafnar. Það er alveg sjálfsagt mál að þessir ,,féflettar” almennings borgi auðlegðarskatt. Þessi afstaða mín á ekkert skylt við öfund.

Ykkur er velkomið að deila þessu."

Sveitarfélög hafa staðið að  hækkun byggingakostnaðar meðlóðaskortsstefnu sinni. Hér í Florida er byggingakostnaður lúxushúsa minni en $150 dollarar á ferfet eða ca  200.000 kall.Og verktakar skila hagnaði með því en ekki ævintýralegum hagnaði eins og á Íslandi.

Næst verður Landsvirkjun einkavædd og  bankarnir aftur.

Það er eiginlega ekki skrítið að Sólveig Anna hafi orðið kommúnisti við það að horfa upp á hvernig íslenska efnahagsundrið skilað í sér lítið til leikskólakennara.

3.orkupakkinn

er ekki allur þar sem stuðningsmenn hans á Alþingi telja hann vera að mati Páls Vilhjálmssonar bloggkóngs. Hann skrifar svo:

"Með innleiðingu þriðja orkupakka ESB í íslenska löggjöf er Ísland orðið hluti af sameiginlegum raforkumarkaði Evrópusambandsins. Aðeins á eftir að leggja sæstrenginn til Evrópu svo verkið sé fullkomnað.

Orkustefna ESB gengur út á að taka raforkumál frá aðildarríkjum og færa yfirstjórn þeirra til Evrópusambandsins.

Hvað Ísland varðar er hér um að ræða rakið fullveldismál. Í dag stjórnum við raforkumálum okkar ein og alfarið. Með innleiðingu þriðja orkupakkans er völd, sem áður voru á Íslandi, flutt til Brussel.

ESB-sinnar kætast yfir nýjum bandamönnum sem þeir hafa fengið í þingflokkum Sjálfstæðisflokks, Vinstri grænna og Framsóknar. Kjósendur þessara flokka, sem telja fullveldið einhvers virði, munu snúa sér til annarra stjórnmálaafla."

Aðeins vantar sæstrenginn til þess að við séum tengdir inn á orkumarkað Evrópu. Alþingi getur samþykkt að sæstrengur skuli lagður. Ekki endilega sá meirihluti sem nú situr heldur annar.Samþykkt pakkans er líkleg til þess höggva skörð í fylgi einhverra flokka.Til dæmis Sjálfstæðisflokksins sem mátti nú varla við slíku.

Er ekki 3. orkupakkinn einmitt um það að sameiginlegur orkumarkaður skuli starfræktur í Evrópu?Ef við eru ósammála því, af hverju erum við þá að samþykkja eitthvað sem við erum á móti? Græðum við eitthvað sérstaklega á því? Erum við eitthvað að hjálpa frændum okkar í Noregi sem eru mikið að fjárfesta í fiskeldi á Íslandi um þessar mundir?

Hverju breytir hærra raforkuverð á Íslandi en nú er? Verður ekki staðarhagkvæmni úrvinnsluiðnaðar raforku, eins og stóriðja á Húsavík, minni fyrir bragðið? Gæti það ekki þýtt færri innlend störf ef staðsetning stórnotenda skiptir ekki máli? Álver í Brussel veitir Íslendingum ekki störf eins og væri það í Straumsvík?

Af hverju skyldi forysta Sjálfstæðisflokksins endilega vilja samþykkja 3.orkupakkann ef það skiptir engu máli eins og hún segir?

Má ekkert ?

hafa efasemdir um hollustu innflutts hrámetis án þess að ESB liðið verði vitlaust?

Er ekkert að marka svona fólk eins og þennan Vilhjálm og hana Margréti sálugu Guðnadóttur?

 "Það að flytja inn ferskt ófrosið kjöt með allri þeirri sýklalyfjaónæmu flóru sem þá kæmi á færibandi er álíka viturleg ákvörðun og að segja handþvott á spítölum óþarfan, að mati Vilhjálms Ara Arasonar læknis.

Í Morgunblaðinu í dag segir hann að kjöt og kjúklingar geti í allt að helmingi tilvika verið smituð af sýklalyfjaónæmum flórubakteríum; það er í öðrum hverjum kjötbita eða kjúklingi."

Er það bara heildsalaliðið sem hefur vit á heilbrigðismálum?

Er nokkur von til þess að íslenskir heilbrigðisembættismenn setji einhverjar kröfur um sannanir fyrir því að innflutningsketið standist einhverjar bakteríukröfur svona í þágu almennings?

Eða má ekkert efast um ESB-visku Viðreisnar og Samfylkingar?

 

Harmafregnir frá Íran?

RÚV skýrir frá miklu tjóni á vegakerfi Íran sem á uppruna sinn hjá hinum sæla kóngi Daríusi sem sagði að þjóð sín væri ekki svo rík að hún hefði efni á slæmum samgöngum. Því lét hann leggja vegi um allt ríki sitt. Íslendingum og sérlega valdamönnum í Reykjavík er um megn að skilja þessa hugsun Daríusar.

Helst var á fréttum RÚV að skilja að tjónið í Persíu væri svo hroðalegt að við yrðum eiginlega að senda þeim aðstoð þar sem þriðjungur af vegakerfi þeirra væri bara ónýtur.

Þetta er voðalegt að heyra. Þetta gæti valdið því að klerkarnir yrðu að hægja á úranskilvindunum sínum og þeim áætlunum sínum að sprengja Ísrael út af kortinu með atómbombum.

Já þetta eru harmafregnir frá klerkaveldinu í Iran.

 

Af hverju líðum við þetta?

að svona villimaður eins og soldáninn í Brunei eða konungsættin í Saudi Arabíu fái að hegða sér svona ? Þetta lið gerir svo í raun grín að okkur á  Sameinuðu Þjóðunum?.

Af hverju létum við drepa kollega minn Saddam Hussein, margverðlaunaðan fyrir afrek sín á sviði lýðheilbrigðismála af S.Þ.? Eina manninn sem gat stjórnað´Írak svo sæmilegt væri?

Af hverju lét Hillary drepa Gaddafi sem hafði stjórn á Libíu? Til að magna upp annan ekki betri harðstjóra?

Þorum við ekki í þetta pakk þó að þeir traðki á öllu sem okkar siðferði er heilagt?

Af hverju eigum við að líða Royal Brunei Airlines eða Air Emirates að fljúga á okkar markaði eða bara versla við þá yfirhöfuð án skilyrða? 

Villimennska Íslams

birtist æ betur með hverjum deginum.

"Tilkynning um setu Írans í UN Women barst einum degi eftir að Íran dæmdi 56 ára lögfræðing kvenréttindabaráttu í Íran til 38 ára fangelsi og 148 svipuhögg sem gætu kostað hana lífið.

Að við skulum yfirleitt þurfa að umgangast fulltrúa slíkra villimannaríkja sem Iran og Brunei er dapurlegt og gengur í raun  fram af manni. Þetta eru ekki siðmenntaðar ríkisstjórnir sem lýðræðisþjóðir eins og við teljum okkur vera geta yfirleitt umgengist.

Islam er því miður fornaldarfyrirbrigði sem samrýmist ekki vestrænum þjóðum og siðum. Moskur á Íslandi ættu ekki að fá að starfa opinberlega þar sem þar er viðbjóður Sharía-laga  boðaður sem æðri íslenskum lögum en ekki kærleikurinn sem við setjum í efsta sæti í daglegu lífi.

Öfga-Íslam er því miður samstofna villimannlegri hegðun.

Langafi aftur

varð ég aftur í gær þegar þessi litli prins kom í heiminn. Sonur Unnars Freys Jónssonar,Halldórssonar og Guðrúnar konu hans.

Þetta er alltaf stóratburður í lífi hvers manns. Því þegar maður lítur til baka þá liggur eiginlega ekki eftir mann nokkur skapaður hlutur sem máli skiptir annar en sá að hafa fært genom forfeðranna fram um eina kynslóð.

Ég er svo hamingjusamur að eiga fjölda af  barnabörnum  og núna 3 langafabörn, öll hvert öðru yndislegra.

Getur maður óskað sér neins betra? Skiptir annað einhverju máli í þessu lífi?

Þetta lítur svona einhvernvegin út líffræðilega.

Í hverjum frumkjarna, eru 2x23 svona chromosomasett,  eitt frá hverju foreldri sem er genom lífverunnar.

Þetta eru mjög langar DNA mólekúlakeðjur sem spinnast saman í tvöföldum helix sem eru tveir gormar sem snúast hvor á móti öðrum.

Þversniðið sést á ljósmynd Franklins sem sýnir að tilgáta Watsons um helixinn var rétt.

.Þétta eru gífurlega flókin fræði sem líklega dr. Kári  "klári" Stefánsson skilur mest í af Íslendingum.

Sem dæmi um það álit sem Kári nýtur í vísindaheiminum er að Watson fjallar um hann á tveimur blaðsíðum í bók sinni DNA.

Erfðafræðin er fyrir mér líklega ein merkasta vísindagrein sem mannkynið hefur fengist við. Í gegn um hana munu lækningar á krabbameini og ýmsum öðrum sjúkdómum koma.

Er ekki makalaust að menn geti séð fyrir virkni yfirborðs á sameindunum sem enginn sér?

Chymeric Antigen Receptors,CAR-T lyfin sem eru í þróun og verða bráðum framleidd sem krabbameinslæknislyf  á þeim grunni.

Eitt afbrigði í samsetningu litningsins getur ráðið  öllu um heill og hamingju lífverunnar.  Íslensk Erfðagreining getur greint þetta í sumum tilvikum fyrirfram og sagt fyrir um óorðna hluti í lífinu.

Innan tuttugu ára og kannski mun fyrr verður trúlega búið að finna þessi lyf við krabbameinum sem eru núna lítt læknanleg.Hugsanlega verða notaðar bakteríur til að flytja ný DNA inn í vírusana sem líklega orsaka flest krabbamein og útrýma meininu sem þeir valda að sögn dr.Luksas.  

Það var að mínu viti mikil ógæfa að Gagnagrunnur á Heilbrigðissviði skyldi ekki hafa fengið að fullvinnast vegna músarholusjónarmiða og kjaftæðis um persónuvernd. Mér finnst að heilsufarsupplýsingar séu ekki einkamál neins þar sem samfélagið situr endanlega uppi með vandmálin og verður að borga fyrir þau. En fíflin fengu að ráða eins og fyrri daginn og tækifærið gekk úr greipum.

En það er mikil upphefð að verða langafi hvað sem öllu öðru líður.