Rasismi eða rökhyggja?

Rasismi er það kallað í nær öllum fjölmiðlum ef maður hefur þá skoðun að Ghetto múslíma á Íslandi og moskur séu óæskileg í ljósi þess sem maður sér gerast í nágrannalöndum. 

Menn eru hrópaðir niður á Landsfundi Sjálfstæðisflokksins í fundarlok fyrir að viðra varfærnissjónarmið þar sem forystan er búinn að taka flóttamannavandamálið út fyrir sviga í dagskránni og flytja það aftur fyrir venjulegan fundartíma. Góður vinur minn sem varð vitni að þeirri svívirðu sem þar fór fram undir forsæti formanns Kjararáðs sem var fundarstjóri sendi mér línu í gær sem segir:

 

"Ég mæti ekki á fleiri fundi hjá Sjálfstæðisflokknum Halldór. Sé ekki nokkurn tilgang í því. Þetta er flokkur sem fylgir sömu undansláttarstefnunni í innflytjendamálum og sænskir jafnaðarmenn gerðu þangað til í fyrra, en þá sáu þeir hvað þetta var vitlaust og hertu löggjöfina.

 

Mér finnst þetta svo mikilvægt mál að ég mun skila auðu svo fremi sem engin flokkur af viti verður í framboði sem tekur á þessum málum af festu. Er tilbúinn að leggja slíkum flokki lið og þess vegna mikið lið.

 

Formaður flokksins var á Sprengisandi í gær skilst mér og mærði þá nýju Innflytjendalögin sem varaformaðurinn tróð í gegn á síðasta degi þingsins fyrir sumarleyfi. Brynjar Níelsson þingmaður þessa aumingjaflokks sagði skilst mér í sama þætti vikuna áður að hann hefði ekki greitt atkvæði gegn frumvarpinu af því að hann vildi ekki fá einn á lúðurinn. Svona er nú staðan í aumingjaflokknum Halldór minn menn þora ekki ekki einu sinni þeir tveir þingmenn sem eru sannanlega á móti þessu frumvarpi. Af hverju ekki af ótta við hefndaraðgerðir hinnar gjörspilltu forustu Sjálfstæðisflokksins.

 

Ef engin flokkur af viti verður í boði mun ég skila auðu í fyrsta sinn."

 

Skilja íslenskir stjórnmálamenn ekki, að innflytjendamálið er alvörumál? Ef þeir vilja ekki ræða það, þá viljum við heldur ekki ræða við þá um önnur mál. Þýðir það fjölgun í flokkunum?

 

Tími upphrópana og öskra í innflytjendamálum verður að vera liðinn og rökræður taka við. Meirihluti þjóðarinnar vill ekki þessa þöggun sem er allstaðar í þjóðfélaginu nema hjá Pétri Gunnlaugssyni á Útvarpi Sögu Og ekki verður Pétur vændur um fanatík, rasisma heldur rökhyggju og lögvísi. 

 

Ég mun minnast orða vinar míns næst þegar ég á að gera eitthvað fyrir flokkinn. Ég nenni ekki að láta teyma mig eins og hálfvita á eftir fólki sem ég virði ekki lengur. Það er ekki rasismi heldur rökhyggja. 

Þetta vilja Píratar ekki

Svo stendur í Mogga á 2.síðu:

"Skuldir ríkissjóðs hafa minnkað og landsframleiðsla aukist. Af því leiðir að hlutfall skulda ríkissjóðs af vergri landsframleiðslu hefur lækkað mikið á tveimur árum.

Í júní 2014 var hlutfall skulda ríkissjóðs af vergri landsframleiðslu 75,9% en í júní 2016 var það komið niður í 51%. Hrein skuld ríkissjóðs sem hlutfall af vergri landsframleiðslu var 46,8% í júní 2014 en var komin niður í 33,2% í júní sl.

Þetta má sjá í yfirlitum Lánamála ríkisins. „Við tókum ákvörðun um það strax árið 2013 að beina kröftum okkar að því að loka fjárlagagatinu. Við gerðum það. Hagvöxturinn hefur hjálpað þessum hlutföllum sömuleiðis,“ sagði Bjarni Benediktsson, fjármála- og efnahagsráðherra. „Við höfum náð stórmerkilegum árangri við uppgreiðslu skulda. Þegar menn hætta að reka ríkið með halla opnast tækifæri til að gera upp skuldir og sjá skuldahlutföllin lagast.“ Bjarni sagði að mikið innstreymi gjaldeyris hafi gert kleift að létta á erlenda skuldahlutanum. Nýverið voru greiddar háar fjárhæðir af erlendum lánum sem bæta skuldastöðuna enn frekar. „Við höfum á þessu tímabili lokið við uppgreiðslu allra erlendra lána sem tengdust aðstoð Alþjóðagjaldeyrissjóðsins,“ sagði Bjarni.

Hann sagði góðu fréttirnar vera þær að samkvæmt öllum spám muni þessi þróun halda áfram. Þetta hefur m.a. haft þau áhrif að lánshæfiseinkunn ríkissjóðs hefur stórbatnað.

Viðsnúningurinn vekur mikla athygli Aðspurður sagði Bjarni tvennt standa upp úr þegar staða Íslands er borin saman við stöðu margra nágrannalanda. Annars vegar er það hallalaus ríkisrekstur hér ár eftir ár. Af honum leiðir að lánahlutföll ríkissjóðs Íslands lagast hratt. Þau standa víðast hvar annars staðar í stað og eru jafnvel að versna hjá sumum vegna þess hve hagvöxtur er lítill hjá viðkomandi ríkjum, sérstaklega evruríkjum. Sum þeirra eru einnig rekin með halla.

Hins vegar einkennir mikill vöxtur efnahagslífsins á Íslandi stöðuna hér. „Þetta vekur athygli,“ sagði Bjarni. „Við höfum fundið fyrir því á fundum hjá Alþjóðagjaldeyrissjóðnum að þessi kraftmikli viðsnúningur vekur mikla athygli.“

Bjarni sagði að hin jákvæðu umskipti hafi orðið hraðar hér en menn hafi leyft sér að vona. „Þegar við lögðum fram nýtt frumvarp til laga um opinber fjármál, þar sem horft er á skuldir ríkis og sveitarfélaga saman, lögðum við í upphafi fram frumvarp með skuldahlutföllum upp á 45%. Einungis ári síðar, þegar við vorum með málið í endanlegri mynd, fórum við með skuldahlutfallið niður í 30% vegna þess að við sáum hve vel okkur gekk að vinna skuldirnar niður,“ sagði Bjarni. "

Nú á að kjósa í haust.

 

Þá á að fleygja þessu öllu og byrja upp á nýtt, því þetta er ónýtt land með ónýta stjórnarskrá, ónýtan gjaldmiðil, ónýta stjórnskipun, ónýtt heilbrigðiskerfi og allsherjar ójafnrétti á öllum sviðum ef marka má fjölmiðlasönginn.

Píratar ætla að taka 100 milljarða og strauja yfir lýðinn eins og Egill Skallagrímsson vildi gera í Almannagjá á sinni tið. Munu þeir hafa áhuga á svona hlutum eins og Bjarni Ben er að taka um? Ætli þeir skilji tölur yfirleitt?

Verða það VG eða restin af Samfó sem munu standa fyrir því  að endurreisnin haldi áfram? Þrautreynt fólk undir forystu Steingríms Jóhanns? Margir með viti farnir af Alþingi, sem hefur misst Pétur Blöndal, Vigdísi Hauksdóttur, Frosta Sigurjónsson, Jón og Helga Pírata, Einar K.,Ragnheiði Rík.og kannski fleiri sem ég man ekki í svipinn, á skömmum tíma en fær í staðinn...? Brain-Drain úr þeirri stofnun sem síst mátti við.

Eru kjósendur nægilega galnir til að gera þetta sem Píratar vilja?

 

Mikil fjölgun hælisleitenda

Svo segir í Mbl í dag:

"Útlendingastofnun afgreiddi á fyrstu sex mánuðum þessa árs nærri jafn margar hælisumsóknir og allt árið í fyrra. Fyrstu sex mánuðina 2016 sóttu 274 einstaklingar frá 42 löndum um vernd á Íslandi. Á sama tímabili í fyrra sóttu 86 einstaklingar um vernd. Flestir umsækjendur komu frá Albaníu (69), Makedóníu (35), Írak (25), Sýrlandi (19) og Palestínu (12). Samtals komu 43% umsækjendanna frá löndum Balkanskagans. 75% umsækjenda voru karlkyns (204) og 25% konur (70). 81% umsækjenda voru fullorðnir (222) og 19% börn (52). Umsóknir frá fylgdarlausum ungmennum voru fimm á fyrstu sex mánuðum ársins (sjá nánar á utl.is). Niðurstaða fékkst í 310 hælismálum á fyrstu sex mánuðum 2016 en allt árið 2015 fékkst niðurstaða í 323 málum. [e-mail]"

Hvervegna blaðamaðurinn Gudni lætur hjá líða að skýra frá því hvernig afgreiðslan fór, hversu margir fá hér hæli, er dálítið einkennilegt.

Það vekur athygli að málefni Albana hafa mjög verið til umfjöllunar í sambandi við hælisleitendur. Þar geisi ekki stríð og því séu þeir fremur sendir til baka.Lausnin er fundin. Á bls.17 í sama blaði er átakanleg grein um það hvernig Albanir þjást og þora ekki út úr húsi vegna hættu á að verða fyrir blóðhefnd. Fjölskyldur eru farnar að gera upp sakir með blóðhefndum innbyrðis eftir að flokksforræðið hvarf. Þetta á sér upphaf í hefðum sem settar voru upp á fimmtándu öld.

Albanir eru líka núna tæpur fimmtungur allar umsækjenda hérlendis. Nú er ekki lengur hægt að senda þá beint til baka vegna hættunnar á blóðhefnd.

Hvaða öfl eru það hér í landi sem berjast svona hart fyrir því að fjölga hælisþiggjendum sem allra mest? Réttur íslendinga er að senda alla hælisleitendur beint til baka án frekar i umfjöllunar, þar sem þeir koma allir frá öðru ríki og eiga að fá sína afgreiðslu þar skv. Dyflinnarreglugerð. Til hvers erum við að flækja þessi mál svona fyrir okkur og fjölga hælisþiggjendum meðan okkar eigið fólk sveltur? 

 

Kjararáð

er skipað eftirtöldu fólki:

 Aðalmenn:

• Jónas Þór Guðmundsson, formaður, kosinn af Alþingi

• Óskar Bergsson, varaformaður, kosinn af Alþingi

• Svanhildur Kaaber, kosin af Alþingi
• Vilhjálmur H. Vilhjálmsson, skipaður af Hæstarétti
• Hulda Árnadóttir, skipuð af fjármála- og efnahagsráðherra

Varamenn:

• Eva Dís Pálmadóttir, kosin af Alþingi
• Örlygur Hnefill Jónsson, kosinn af Alþingi
• Ingibjörg Ingadóttir, kosin af Alþingi
• Berglind Svavarsdóttir, lögmaður, skipuð af Hæstarétti
• Þórlindur Kjartansson, skipaður af fjármála- og efnahagsráðherra

Svo mjög sem mér kom úrskurðurinn á óvart þá máti ég til að fletta þessu upp. Mér hnykkir við þegar ég sé að þetta er skipað vönduðu fólki með fullu viti. Hvað sem líður því að úrskurðurinn er með ólíkindum góður við þá launþega sem hann nær til, þá skil ég enn minna í niðurstöðunni í ljósi sambærilegra mála á almennum markaði.

Er einhver von til þess að þetta ráð gerir grein fyrir því hvernig það kemst að þessari niðurstöðu? Hækkun á óunninni yfirvinnu er eitt sem sumum finnst merkilegt. Álag vegna þjóðfélagsumræðu utan vinnutíma er annað?

Ég er ekki að skilja þetta hjálparlaust. Hinsvegar skil ég Gylfa í ASÍ alveg skýrt. Þetta skal kosta verðbólgu svo hjálpi mér SALEK.

Pótemkin

var fursti sem frægur varð að hafa leiktjöld sem sýndu afrek hans í efnhagsmálum þegar drottningin ók hjá. Ástandið var hinsvegar dulið bak við leiktjöldin. 

Ég man eftir því að Pólarnir voru málaðir þegar kóngurinn kom í gamla daga. Hann þurfti að keyra framhjá blessaður og þeir þóttu hrörlegir. Þar bjó fátækt fólk í húsnæði sem ekki þótti annars borga sig að halda við og því var helst lítið gert í málum hússins og sérstaklega málefnum íbúanna sem bjuggu við margar slæmar aðstæður bak við nýju málninguna.

Málningin á Pólunum varð því einskonar stjórnmálaleg viljayfirlýsing sem beindist að því að sýna kónginum að við værum alveg að fara að redda þessu. Viðreisn er alveg að fara að redda þessu ef við göngum í ESB.

Ég sló upp á síðu Viðreisnar. Ég segi að ég er eiginlega bit hvað búið er að gera Pólana flotta að utan. Hvar íbúarnir eru veit ég minna um. En þarna eru svakalega flottar stefnuskrár í atvinnulayouti og grafík sem Benedikt má vera stoltur af. 

Þarna eru talsverðir peningar á ferð. En ekki kenndi ég marga af því fólki sem auglýst er sem forsvarsfólk, kannaðist við einn en kem honum ekki fyrir mig í bili.

Svo ég fór að lesa stefnumálin. Þau eru auðvitað samin af kunnáttumönnum og soðin upp úr þeim ótal óskalistum sem flokkar eins og til dæmis Sjálfstæðisflokkurinn hafa sett fram í áranna rás. Kliðmjúkt í öllum málum sem hringsnúast um það eina mál sem ég fann til að vera ósammála: Innganga í Evrópusambandið

Það er hið mikla baráttumál sem þeir kalla Vestræna Samvinnu undir stóru Evrumerki. Hugsanlega væntanlegt flokksmerki.

Alltaf hef ég skilið hugstakið Vestræn Samvinna öðruvísi og að hún kæmi ekki ESB við. Byggðist á allt öðrum málum  alls hins vestræna heims.

En öll önnur mál snúast um þetta atriði þar sem það er lagt sem nokkurskonar grunnatriði eftir því sem lýst er hvernig Fróðafriður sá skuli samsettur sem ríkja skal á Íslandi.

Flokkurinn hefur ekki haldið neinn landsfund né lagt málefni sín til umfjöllunar flokksmanna. Þetta er því ritverk fárra höfunda og hlýt ég að lesa það með tilliti til þess.

Svona hljóðar Manifesto Viðreisnar:

Réttlátt samfélag

Allir skulu hafa rétt til góðrar heilbrigðisþjónustu, menntunar og félagslegrar þjónustu. Lífskjör á Íslandi verði svipuð og í nágrannalöndum og gróska í menningarlífi.

Jafnvægi

Stöðugt efnahagslíf og fjölbreytt atvinnutækifæri. Sköpun verðmæta með hugviti og skynsamlegri nýtingu auðlinda til framtíðar. Hallalaus fjárlög og skuldir ríkisins lækkaðar.

Viðskiptafrelsi

Markaðslausnir þar sem við á, gjaldeyrishöft felld niður, engar samkeppnishindranir. Frelsi, jafnrétti, lýðræði og jafn atkvæðisréttur fyrir alla.

Vestræn samvinna

Þjóðin kjósi strax um hvort ljúka skuli viðræðum um fulla aðild að Evrópusambandinu til þess að ná megi aðildarsamningi sem borinn verði undir þjóðina.

 

Hvernig getur nokkur verið óssammála fyrstu þremur atriðunum? "Bind í sveitum sólskinið.." er ákveðið í annarri setningu sem gæti verið óvissa um.

En fjórða atriði skilur á milli. þar er gjá sem enginn andstæðingur ESB aðildar kemst yfir.

Ég tel að Íslendingar séu jafnmiklir Ameríkumenn og Evrópumenn í það minnsta. Ég þoli illa að heyra talað um það að Íslendingar séu Evrópumenn þegar við eiga miklu stærri skyldmennahóp vestan hafs. Landstærðirnar vestan hafs eiga líka miklu betur við okkur Íslendinga en þröngbýlið og smáborgaralíferni Evrópumanna.

En hvað leysist með því að kjósa Viðreisn í stað Sjálfstæðisflokkinn. Nýr og ferskur kannski og laus við doðann sem nú heltekur móðurflokkinn. Vinsæll foringi kosinn í fjöldakosningu? Flokksdeildir um allt land? 85 ára saga orðheldni og hugsjóna eða nýtt blað?  

Við vorum búin að hafna ESB með 90% hætti á Landsfundum Sjálfstæðisflokksins. Til hvers þarf þá enn einn Samfylkingarflokk til að halda því að þjóðinni? Aðildin fer aldrei í gegn meðan Sjálfstæðisflokkurinn stendur saman.

Pótemkín tjöld blekkja engan til lengdar.

Prósenturnar á borðið!

 

leggur Óli Björn Kárason sem er nokkuð einmana talsmaður Sjálfstæðisflokksins), þegar hann skrifar að venju rökfasta grein í Mbl. í dag um árangur flokksins í endurreisn ríkissjóðs.

Óli byrjar á að bera saman árin góða árið 2007,árið fyrir hrun sem hér varð að sögn Steingríms J., og  bera saman við árið í ár.

Gjöld ráðuneyta 2007 og 2015               2007   2015

Æðsta stjórn ríkisins                    4.452    5.342

Forsætisráðuneyti                        3.235    2.852

Mennta- og menningarmálaráðuneyti       76.348  77.546

Utanríkisráðuneyti                      11.346  11.798

Atvinnuvega- og nýsköpunarráðuneyti     30.457  35.855

 

Innanríkisráðuneyti                     82.819  94.786

Velferðarráðuneytið                    275.402  263.743

Fjármála- og efnahagsráðuneyti          92.436   85.468

Umhverfis- og auðlindaráðuneyti         10.685    9.493

Fjármagnskostnaður                      79.348   34.747

Gjöld samtals                           666.528  621.631

Án fjármagnskostnaðar                   587.180  586.884

 

Hvernig í veröldinni lesa menn það út úr þessum tölum að Ísland sé ónýtt land með ónýtan gjaldmiðil,ónýta stjórnarskrá, vanti beint lýðræði, sem sé best komið með því að kjósa Viðreisn eða Pírata  og segja sig til sveitar í ESB? Svona beint ofan í Brexit!

Hversu heimskt telur þetta fólk okkur Íslendinga vera?

Það blasir við segir Óli Björn, að landið hefur náð miklu af sínum fyrra styrk sem það hafði í lok Davíðstímans.

En aldrei fyrr hefur þjóðin lifað annað eins góðæri og var í landinu á Davíðstímanum ofanverðum. Því Davíð tók við í bullandi kreppu og lifði tímana tvenna. Hann spilaði hinsvegar úr kortunum af viti. Margt tókst vel, annað kannski miður.

En síbyljan í vinstri sinnuðum fjölmiðlunum dugar þjóðinni til að ofsækja Davíð í ræðu og riti sem mesta afglapa þjóðarinnar fyrr og síðar.

Fólkið er hinsvegar ekki búið að gleyma þeim tíma þegar allir máttu eiga þann gjaldeyri sem þeir vildu en vildu og fara hvert sem þeir vildu með allan þann gjaldeyri sem þeir vildu  en vildu ekki sjá meðan verðtryggða krónan var í boði sem sparnaðarform og Ísland var besta land í heimi.

Víst hefðum við betur gert eitthvað öðruvísi. En við gleymum ekki að:

einu sinni var hjá Davíð:

tekjuskattur  eitt 23,75% þrep

meðalútsvar        12,97%, 

tryggingagjald      5,79%,

fjármagnstekjuskattur 10%

tekjuskattur lögaðila 15%  

neðra þrep virðisaukaskatts 7%.

 

Nú segja allskyns lukkuriddarar að hér sé allt til andskotans ef við ekki kjósum þá í haust.Alveg án þess að þeir hafi nokkur fyrirheit gefið um hvað prósentur þeir munu færa fram í þeim dálkum sem Óli Björn hefur tekið til athugunar.

Prósenturnar á borðið þið Píratar og Viðreisn! 

Píratar

brilléra með þessum sjónvarpsþáttum ungu kvennanna. Stíliséruð mynd af Vilmundi Gylfasyni svífur í bakgrunninum. Alveg eins og á Kúbu þar sem andlit Che er ávallt einhversstaðar í bakgrunni sem er ennþá sálin í byltingunni.

Þær sópa upp fylginu milli 18 og 34 ára.

Nú er Vigdís Hauks að hætta. Hún boðar stórsprengingu í kring um Steingrím J. Sigfússon þegar aðgerðir hans koma upp á yfirborðið. Nú skilur maður betur hvervegna hann heldur áfram og hleypir engum nýjum að í þessu VG. 

Framsókn virðist heillum horfin. Eftir happið sem hún hlaut að fá Sveinbjörgu og Guðfinnu í Reykjavík og Frosta a þingið, þá liggur leiðin lóðbeint niður. Eins og þær Vigdís og Lilja Alfreðsdóttir hefðu getað sópað sviðið hér í Reykjavík með Frosta og stöllunum úr bæjarstjórn með flugvöllinn í núverandi stöðu, þá er bara uppgjöf og flótti úr flokki Framsóknar. Hvað veldur? Sigurður Ingi?

Hvað fáum við eiginlega í staðinn á þingið? Þór Saari á rúllukragapeysunni fyrir Frosta? Einhverja óþekkta nafnleysingja fyrir Vigdísi, Einar Kristinn, Ögmund, Kristján, Rönku. Það verður fróðlegt að fylgjast með þessum nýju amatörum á þinginu. Kannski er gott að þar verði þó einn vanur maður til 30 ára nema að hann verði svo upptekinn í Landsdómi.

Píratarnir munu færa okkur áður óþekktar víddir í pólitík í haust.

Mjólkursamsalan

á önga sjóði sem nota má til að borga 480 milljóna sektina sem hún verður að snara út vegna ákvarðana  forstjórans Ara Edwalds. Þrautreynds manns úr þjónustu Baugsveldisins gamla,

Það liggur nú fyrir samkvæmt upplýsingum forstjórans að við neytendur verðum að borga þetta í formi hærra mjólkurverðs.

Forstjórinn blásaklausi borgar ekki neitt auðvitað, hann gerði ekki neitt, það eru þessi fyrirtæki sem sitja um að klekkja á almenningi sínkt og heilagt.

Þegar tímabili sektargreiðslna er liðið þá er verðlagið orðið orðið hærra til langframa á afurðunum og við orðin vön því.Því hér lækkar aldrei neitt og það lækkar þá ekki aftur. Orðin verðbólga og varanlegt mjólkurverð.

Væri ekki hægt til að efla kostnaðarvitund almennings að prenta á mjólkurpottinn svona margir aurar af verði þessa lítra renna í sjóð til að borga sektir sem lagðir hafa verið á Mjólkursamsöluna vegna samkeppnisbrota. Gjarnan falleg mynd af forstjóranum með. Þegar þeim lýkur mun verðið lækka aftur. Þannig væri almenningur betur upplýstur um gang mála og meðvitaður um vonsku fyrirtækisins og sakleysi forstjórans.

Getur ekki samkeppniseftirlitið sett reglugerð um þetta. Almenningur verður sáttari við það að verð hækki vegna samkeppnisbrota á þennan hátt og geti svo lækkað aftur. Verður ekki ferlið gagnsærra, sem er jú móðins orð núna í pólitíkinni.

Mjólkusamsalan ríður á vaðið.

 

 

Hversu margir hælisleitendur

sem hafa fengið landvist hér eru í vinnu og hversu margir eru ekki í vinnu?

Á Sprengisandi er kona sem talar fyrir því að sem flestir hælisleitendur fái landvist af því það sé svo ósanngjarnt að við megum senda þá alla umsvifalaust til landsins sem þeir komu frá. Það vill hún ekki ger heldur vorkenna þeim og finna leiðir til að hleypa þeim inn.

Mig hefur lengi grunað að hælisleitendur séu ekki allir þar sem þeir eru séðir. Ég tel óráð að velkja mál þeirra í kerfinu hér eins og gert er heldur byrja á að senda til dæmis alla svindlara umsvifalaust til baka á grundvelli Dyflinarreglugerðar.

Hversu margir verða nýtir borgarar veit ég ekki. En ýmsir segja að margir hælisleitendur séu til byrði og samlagist illa.

Hverjir eiga loftrýmið?

yfir Íslandi ? Íslenska ríkið kostar loftrýmisgæslu sem fjölþjóðaherir stunda fyrir ómældar fjárhæðir. Við stjórnum stærsta loftrými heims. Við getum sagt því upp ef við ætlum ekki að ráða við þennan lýð.

Það er dæmt og dæmt eum kjör flugumferðarstjóra en flugumferðarstjórar láta það sem vind um eyru þjóta. Mæta ekki, skrópa, ljúga opinberlega og bulla.  Það er ekki hægt að finna nema 1 mann á vakt á Keflavíkurflugvelli segja þeir. Fleiri eru ekki tiltækir vegna skyndilegrar mannfæðar í stéttinni að sögn þeirra félags. Hvar erum við stödd? Á revíu?

Hver á loftrýmið? Þjóðin? NATO ? Flugumferðarstjórar?

Hverjir stjórna fjölda flugumferðarstjóra? Flugumferðarstjórar.

Hverjir mennta flugumferðastjóra? Flugumferðarstjórar.

Hverjir borga? Ég og þú.

Reykjavíkurflugvöllur er dæmi um flugvöll þar sem hægt er að loka turninum og skilgreina völlinn sem óstjórnaðan. Stærri velli þekkir maður frá Bandaríkjunum þar sem svo er háttað.

Þetta gengi alveg hér eins og þar. Þarna losnar heilmikill fjöldi flugumferðarstjóra sem geta þá gengið vaktir annarsstaðar. Það er hægt að gera þetta á morgun með einni tilskipun.

Af hverju lætur ríkið eða þjóðin bjóða sér þennan ruddaskap og niðurlægingu af hálfu félags flugumferðarstjóra? Er þetta flugumferðarstjórafélag stéttarfélag eða annars konar félag sem þekkt eru úr Vesturheimi aðallega?

Eiga þeir loftrýmið?